Englishहिन्दीമലയാളംதமிழ்తెలుగు

ಸುನಿಲ್,ಐಪಿಎಲ್ 7 ಫೈನಲ್ ಆಡಿದರೆ ಜೋಕೆ?

Posted by:
Published: Friday, May 30, 2014, 13:48 [IST]
 

ನವದೆಹಲಿ, ಮೇ.30: ದೇಶದ ಪರ ಆಡುವುದೋ ಅಥವಾ ಕ್ಲಬ್ ಪರವೋ ಎಂಬ ದ್ವಂದ್ವ ಪರಿಸ್ಥಿತಿಗೆ ವೆಸ್ಟ್ ಇಂಡೀಸ್ ನ ಸ್ಪಿನ್ನರ್ ಸುನಿಲ್ ನರೇನ್ ಸಿಲುಕಿದ್ದಾರೆ. ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡದ ಪ್ರಮುಖ ಆಟಗಾರರಾಗಿರುವ ಸುನಿಲ್ ಒಂದು ವೇಳೆ ಫೈನಲ್ ಪಂದ್ಯವಾಡಿದರೆ ವೆಸ್ಟ್ ಇಂಡೀಸ್ ತಂಡದಲ್ಲಿ ಸ್ಥಾನ ಕಳೆದುಕೊಳ್ಳುವ ಭೀತಿ ಎದುರಿಸುತ್ತಿದ್ದಾರೆ.

ಸುನಿಲ್ ಪ್ರತಿಭೆಗೆ ಐಪಿಎಲ್ ನಲ್ಲಿ ತಕ್ಕ ಮನ್ನಣೆ ಸಿಕ್ಕಿದೆ, ಸ್ಪಿನ್ ಮಾಂತ್ರಿಕನಾಗಿ ಎಲ್ಲಾ ಆಟಗಾರರನ್ನು ಕಾಡುತ್ತಿರುವ ಸುನಿಲ್ ಅವರು ಐಪಿಎಲ್ ಫೈನಲ್ ನಲ್ಲಿ ಪ್ರಮುಖ ಪಾತ್ರವಹಿಸಲು ಸಿದ್ಧರಾಗುತ್ತಿದ್ದಾರೆ. ಆದ್ರೆ, ಜೂ.1 ರಂದು ವೆಸ್ಟ್ ಇಂಡೀಸ್ ತರಬೇತಿ ಶಿಬಿರ ಸೇರಬೇಕಾಗಿರುವುದರಿಂದ ಐಪಿಎಲ್ ಫೈನಲ್ ಮಿಸ್ ಮಾಡಿಕೊಳ್ಳಬೇಕಾಗುತ್ತದೆ.

ಸುನಿಲ್,ಐಪಿಎಲ್ 7 ಫೈನಲ್ ಆಡಿದರೆ ಜೋಕೆ?

ವೆಸ್ಟ್ ಇಂಡೀಸ್ ತಂಡ ಜೂ.8 ರಿಂದ ನ್ಯೂಜಿಲೆಂಡ್ ವಿರುದ್ಧ ಜಮೈಕಾದಲ್ಲಿ ಮೊದಲ ಟೆಸ್ಟ್ ಪಂದ್ಯವಾಡಲಿದೆ. ಇದಕ್ಕಾಗಿ ಜೂ.1 ರಿಂದ ತರಬೇತಿ ಶಿಬಿರ ನಡೆಸುತ್ತಿದೆ. ಜೂ.1 ರಂದು ಫೈನಲ್ ಇರುವುದರಿಂದ ಸುನಿಲ್ ಅವರು ವಿಂಡೀಸ್ ತಲುಪಲು ಕಷ್ಟವಾಗಲಿದೆ.

ಸುನಿಲ್ ಇಲ್ಲದೆ ಫೈನಲ್ ಆಡುವುದು ನಮಗೂ ದೊಡ್ಡ ನಷ್ಟವಾಗಲಿದೆ. ಐಪಿಎಲ್ ನಲ್ಲಿ 20 ವಿಕೆಟ್ ಪಡೆದು ಮುಂಚೂಣಿಯಲ್ಲಿದ್ದಾರೆ. ನಿಯಮ ಬದಲಾವಣೆ ಮಾಡಿಕೊಳ್ಳುವಂತೆ WICB ಜತೆ ಮಾತುಕತೆ ನಡೆಸುತ್ತಿದ್ದೇವೆ ಎಂದು ಕೆಕೆಆರ್ ಮ್ಯಾನೇಜರ್ ವೆಂಕಿ ಮೈಸೂರು ಹೇಳಿದ್ದಾರೆ.

ಆರ್ ಸಿಬಿ ಆಟಗಾರ ಕ್ರಿಸ್ ಗೇಲ್ ಹಾಗೂ ಕೆಕೆಆರ್ ನ ಸುನಿಲ್ ನರೇನ್ ಅವರು ಕಳೆದ ತಿಂಗಳು WICB ಗೆ ಮಾಹಿತಿ ನೀಡಿ ಐಪಿಎಲ್ ಮುಗಿದ ಬಳಿಕ ಜರ್ಮನಿಗೆ ತೆರಳಿ ತಮಗಾಗಿರುವ ಗಾಯಕ್ಕೆ ಶಸ್ತ್ರಚಿಕಿತ್ಸೆ ಪಡೆದುಕೊಳ್ಳಲಿದ್ದೇವೆ ಎಂದಿದ್ದರು. ವೆಸ್ಟ್ ಇಂಡೀಸ್ ತಂಡದಲ್ಲಿ ಟೆಸ್ಟ್ ಸರಣಿ ಸುನಿಲ್ ಬಿಟ್ಟರೆ ಎಡಗೈ ಸ್ಪಿನ್ನರ್ ಸುಲೇಮಾನ್ ಬೆನ್ ಹಾಗೂ ಆಫ್ ಸ್ಪಿನ್ನರ್ ಶೇನ್ ಶಿಲ್ಲಿಂಗ್ ಫೋರ್ಡ್ ಮೇಲೆ ಅವಲಂಬಿಸಬೇಕಾಗುತ್ತದೆ. ಸುನಿಲ್ ನರೇನ್ ಐಪಿಎಲ್ ಫೈನಲ್ ಮುಗಿಸಿಕೊಂಡು ಸಿಗುವ ಮೊದಲ ವಿಮಾನ ಹತ್ತಿ ವೆಸ್ಟ್ ಇಂಡೀಸ್ ಗೆ ಹೊರಟರೂ ಜೂ.3ರ ನಂತರವಷ್ಟೇ ತರಬೇತಿ ಶಿಬಿರ ಸೇರಲು ಸಾಧ್ಯ. ಸುನಿಲ್ ಏನು ಮಾಡುವರೋ ಅವರಿಗೆ ಬಿಟ್ಟಿದ್ದು ಸುನಿಲ್ ಬರಲಿಲ್ಲವೆಂದರೆ ತಂಡದಲ್ಲಿ ಸ್ಥಾನ ಕಳೆದುಕೊಳ್ಳುತ್ತಾರೆ ಎಂದು WICB ಮುಖ್ಯಸ್ಥ ಮೂರ್ ಹೆಡ್ ಎಚ್ಚರಿಸಿದ್ದಾರೆ (ಪಿಟಿಐ)

English summary
The raging 'Club versus Country' debate on Friday again came to the forefront as ace spinner Sunil Narine faces a possible exclusion from the Test team, if he plays the IPL final for KKR thereby failing to meet the deadline joining the West Indies camp latest by June 1.
ಅಭಿಪ್ರಾಯ ಬರೆಯಿರಿ