Englishहिन्दीമലയാളംதமிழ்తెలుగు

ಐಪಿಎಲ್ 7 ರಿಂದ ಅಂಪೈರ್ ಹಜಾರೆ ಔಟ್

Posted by:
Updated: Wednesday, May 28, 2014, 12:00 [IST]
 

ಐಪಿಎಲ್ 7 ರಿಂದ ಅಂಪೈರ್ ಹಜಾರೆ ಔಟ್
 

ಬೆಂಗಳೂರು, ಮೇ.12: ಡೆಲ್ಲಿ ಡೇರ್ ಡೆವಿಲ್ಸ್ ಮತ್ತು ರಾಜಸ್ಥಾನ ರಾಯಲ್ಸ್ ತಂಡಗಳ ನಡುವೆ ಮೇ 3ರಂದು ನಡೆದ ಐಪಿಎಲ್ ಪಂದ್ಯದ ವೇಳೆ ಡೆಲ್ಲಿ ನಾಯಕ ಕೆವಿನ್ ಪೀಟರ್ಸನ್ ರನೌಟ್ ವಿವಾದದಿಂದ ಅಂಪೈರ್ ಒಬ್ಬರು ಟೂರ್ನಿಯಿಂದ ಹೊರಬೀಳುವಂತಾಗಿದೆ. ಪಕ್ಷಪಾತ ಧೋರಣೆ ಅನುಸರಿಸಿದ ಆರೋಪ ಹೊತ್ತಿರುವ ಅಂಪೈರ್ ಸಂಜಯ್ ಹಝಾರೆಯನ್ನು ಐಪಿಎಲ್ ಟೂರ್ನಿಯಿಂದ ಕೈ ಬಿಡಲಾಗಿದೆ.

ಡೆಲ್ಲಿ ಡೇರ್ ಡೆವಿಲ್ಸ್ ತಂಡ ಬ್ಯಾಟಿಂಗ್ ನಡೆಸುತ್ತಿದ್ದ ವೇಳೆ ನಾಯಕ ಕೆವಿನ್ ಪೀಟರ್ಸನ್ ರನೌಟಾಗಿದ್ದರೂ, ಎದುರಾಳಿ ರಾಜಸ್ಥಾನ ರಾಯಲ್ಸ್ ತಂಡದ ಆಟಗಾರರ ಮನವಿಯನ್ನು ತಿರಸ್ಕರಿಸಿ ಪೀಟರ್ಸನ್ ನಾಟೌಟೆಂದು ಅಂಪೈರ್ ಹಝಾರೆ ತೀರ್ಪು ನೀಡುವ ಮೂಲಕ ಅನಗತ್ಯವಾಗಿ ವಿವಾದವನ್ನುಂಟು ಮಾಡಿದ್ದರು.

ಪೀಟರ್ಸನ್ ಕ್ರೀಸ್ ನ ಹೊರಗಿದ್ದರೂ, ಮೂರನೇ ಅಂಪೈರ್ ‌ನ ಅಭಿಪ್ರಾಯ ಕೇಳದೆ ರಾಜಸ್ಥಾನ ರಾಯಲ್ಸ್ ತಂಡದ ಆಟಗಾರರ ಮನವಿಯನ್ನು ತಿರಸ್ಕರಿಸಿದ್ದರು. ಆದರೆ ಟಿವಿ ರಿಪ್ಲೇಯಲ್ಲಿ ಪೀಟರ್ಸನ್ ಕ್ರೀಸ್ ಬಿಟ್ಟಿರುವುದು ಸ್ಪಷ್ಟಗೊಂಡಿತ್ತು. ಈ ಕಾರಣದಿಂದಾಗಿ ಅಂಪೈರ್ ಹಝಾರೆ ಅವರು ಮನೆಗೆ ಕಳಿಸಲಾಗಿದೆ.

53ರ ಹರೆಯದ ಹಝಾರೆ ಮುಂದಿನ ಪಂದ್ಯಗಳಲ್ಲಿ ಅಂಪೈರ್ ಆಗಿ ಕಾರ್ಯ ನಿರ್ವಹಿಸಲಾರರು. ಐಪಿಎಲ್ ‌ನ ಪಂದ್ಯಗಳಿಗೆ ನಿಯೋಜಿಸಲಾದ ಅಂಪೈರ್ ‌ಗಳ ತಂಡದಿಂದ ಹಝಾರೆಯನ್ನು ಕೈ ಬಿಡಲಾಗಿದೆ ಎಂದು ಐಪಿಎಲ್ ಮುಖ್ಯಸ್ಥ ರಾಜೀವ್ ಬಿಸ್ವಾಲ್ ‌ಸ್ಪಷ್ಟಪಡಿಸಿದ್ದಾರೆ.

ಹಝಾರೆ 17 ಐಪಿಎಲ್ ಪಂದ್ಯಗಳಲ್ಲಿ ಅಂಪೈರ್ ಆಗಿ ಕಾರ್ಯನಿರ್ವಹಿಸಿದ್ದರು. ಡೆಲ್ಲಿ ಡೇರ್ ಡೆವಿಲ್ಸ್ ಮತ್ತು ರಾಜಸ್ಥಾನ ರಾಯಲ್ಸ್ ನಡುವಿನ ಪಂದ್ಯದ ವೇಳೆ ಹಝಾರೆ ತಪ್ಪು ಮಾಡಿರುವ ಕಾರಣಕ್ಕಾಗಿ ಅವರಿಗೆ ಮೇ 6 ರಂದು ವಾಂಖೇಡೆ ಸ್ಟೇಡಿಯಂನಲ್ಲಿ ನಡೆದ ಮುಂಬೈ ಇಂಡಿಯನ್ಸ್ ಮತ್ತು ರಾಯಲ್ ಚಾಲೆಂಜರ್ಸ್ ‌ ಬೆಂಗಳೂರು ತಂಡಗಳ ನಡುವಿನ ಪಂದ್ಯಕ್ಕೆ ಪ್ರಧಾನ ಅಂಪೈರ್ ಆಗಿ ಕಾರ್ಯನಿರ್ವಹಿಸಲು ಅವಕಾಶ ನೀಡದೆ ಮೂರನೆ ಅಂಪೈರ್ ಜವಾಬ್ದಾರಿ ನೀಡಲಾಗಿತ್ತು.(ಪಿಟಿಐ)

Story first published:  Monday, May 12, 2014, 16:49 [IST]
English summary
Umpire Sanjay Hazare has been removed by Indian Premier League committee apparently for a mistake he committed during an IPL match between Delhi Daredevils and Rajasthan Royals here on May 3.
ಅಭಿಪ್ರಾಯ ಬರೆಯಿರಿ