Englishहिन्दीമലയാളംதமிழ்తెలుగు

ಯುವರಾಜನ ಆರ್ಭಟ, ಕೊಹ್ಲಿ ಬೊಂಬಾಟ

Posted by:
Updated: Friday, April 18, 2014, 16:21 [IST]
 

ಬೆಂಗಳೂರು, ಏ.18: ವಿರಾಟ್ ಕೊಹ್ಲಿ ನೇತೃತ್ವದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಐಪಿಎಲ್ ನಲ್ಲಿ ಶುಭಾರಂಭ ಮಾಡಿದೆ. ಯುವರಾಜ್ ಸಿಂಗ್ ಮತ್ತೆ ಲಯ ಕಂಡುಕೊಂಡು ಭರ್ಜರಿ ಅರ್ಧಶತಕ ಸಿಡಿಸಿ ಡೆಲ್ಲಿ ಡೇರ್ ಡೆವಿಲ್ಸ್ ತಂಡದ ವಿರುದ್ಧ ಜಯಕ್ಕೆ ಕಾರಣರಾದರು.

ಐಪಿಎಲ್ 2009 ಆವೃತ್ತಿಯಲ್ಲಿ ಫೈನಲ್ ತಲುಪಿ ಎರಡನನೇ ಸ್ಥಾನ ಪಡೆದಿದ್ದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಬಲಿಷ್ಠ ತಂಡವಾಗಿದ್ದರೂ, ಈ ತನಕ ಪ್ರಶಸ್ತಿ ಗೆಲ್ಲದ ತಂಡವೆಂಬ ಹಣೆಪಟ್ಟಿಯನ್ನು ಕಟ್ಟಿಕೊಂಡಿದೆ.

ಸ್ಕೋರ್ ಕಾರ್ಡ್ ನೋಡಿ

ಭಾರತದ ಭವಿಷ್ಯದ ನಾಯಕ ವಿರಾಟ್ ಕೊಹ್ಲಿ ನಾಯಕತ್ವದ ಆರ್ ‌ಸಿಬಿ ತಂಡವನ್ನು ಕೋಚ್ ‌ನ್ಯೂಜಿಲೆಂಡ್ ನ ಮಾಜಿ ನಾಯಕ ಡೇನಿಯಲ್ ವೆಟೋರಿ ಮತ್ತು ಬೌಲಿಂಗ್ ಕೋಚ್ ಆಲನ್ ಡೊನಾಲ್ಡ್ ಈ ಬಾರಿ ಪ್ರಶಸ್ತಿ ಗೆಲ್ಲುವ ಫೆವರಿಟ್ ತಂಡವಾಗಿ ರೂಪಿಸಿದ್ದಾರೆ.

ಮೊದಲ ಪಂದ್ಯದಲ್ಲಿ ಆರ್ ಸಿಬಿ ಪರ ಕ್ರಿಸ್ ಗೇಲ್ ಹಾಗೂ ಡೆಲ್ಲಿ ಪರ ಕೆವಿನ್ ಪೀಟರ್ಸನ್ ಆಡಿರಲಿಲ್ಲ. ಡೆಲ್ಲಿಗೆ ಜೆಪಿ ಡುಮಿನಿ, ರಾಸ್ ಟೇಲರ್ ಆಸರೆಯಾದರೆ, ಆರ್ ಸಿಬಿಗೆ ನಾಯಕ ವಿರಾಟ್ ಕೊಹ್ಲಿ ಹಾಗೂ ಯುವರಾಜ್ ಸಿಂಗ್ ಜಯ ತಂದಿತ್ತರು. ಆದರೆ, ಅಚ್ಚರಿಯ ಪ್ರದರ್ಶನ ನೀಡಿ ಪಂದ್ಯಶ್ರೇಷ್ಠ ಪ್ರಶಸ್ತಿ ಗೆದ್ದಿದ್ದು ಯುವ ಲೆಗ್ ಸ್ಪಿನ್ನರ್ ಚಾಹಲ್. ಐಪಿಲ್ 2ನೇ ಪಂದ್ಯವಾಡುತ್ತಿರುವ ನಾಲ್ಕು ಓವರ್ ಗಳಲ್ಲಿ 18 ರನ್ನಿತ್ತು 1 ವಿಕೆಟ್ ಪಡೆದರು.

ಓನರ್ ವಿಜಯ್ ಮಲ್ಯ ಸೀರಿಯಸ್ ಲುಕ್

ಶಾರ್ಜಾದಲ್ಲಿ ನಡೆದ ಡೆಲ್ಲಿ ಡೇರ್ ಡೆವಿಲ್ಸ್ ವಿರುದ್ಧದ ಪಂದ್ಯವನ್ನು ವೀಕ್ಷಿಸಿದ ತಂಡದ ಒಡೆಯ ವಿಜಯ್ ಮಲ್ಯ

ಡೆಲ್ಲಿ ಡೇರ್ ಡೆವಿಲ್ಸ್ ಕ್ಯಾಪ್ಟನ್ ಔಟ್

ಡೆಲ್ಲಿ ಡೇರ್ ಡೆವಿಲ್ಸ್ ಕ್ಯಾಪ್ಟನ್ ಮುರಳಿ ಕಾರ್ತಿಕ್ ಔಟ್ ಆಗಿ ಪೆವಿಲಿಯನ್ ಮರಳುತ್ತಿರುವ ದೃಶ್ಯ

ಮೈಕಲ್ ಸ್ಟಾರ್ಕ್ ದಾಳಿಗೆ ಡೆಲ್ಲಿ ತತ್ತರ

ಡೆಲ್ಲಿ ಪರ ಆಡುತ್ತಿರುವ ಬೆಂಗಳೂರು ಹುಡುಗ ಮಾಯಾಂಕ್ ಅಗರವಾಲ್ ವಿಕೆಟ್ ಕಿತ್ತ ಆರ್ ಸಿಬಿ ವೇಗಿ ಮೈಕಲ್ ಸ್ಟಾರ್ಕ್ ಸಂಭ್ರಮ.

ಡೆಲ್ಲಿಗೆ ಡುಮಿನಿ ಉತ್ತಮ ಆಟದ ನೆರವು

ಡೆಲ್ಲಿಗೆ ಡುಮಿನಿ ಉತ್ತಮ ಆಟದ ನೆರವು ಸಿಕ್ಕಿತು. ಡುಮಿನಿ ಅರ್ಧಶತಕ(67ರನ್ 48 ಎಸೆತ) ನೆರವಿನಿಂದ ಡೆಲ್ಲಿ ಗೌರವಯುತ ಮೊತ್ತ ಮುಟ್ಟಿತು.

ರಾಸ್ ಟೇಲರ್ ರನೌಟ್ ಮಾಡಲು ಪಟೇಲ್

ರಾಸ್ ಟೇಲರ್ ರನೌಟ್ ಮಾಡಲು ಪಟೇಲ್ ಯತ್ನಿಸಿದ ಚಿತ್ರ

ರಾಸ್ ಟೇಲರ್- ಡುಮಿನಿ ಉತ್ತಮ ಜೊತೆಯಾಟ

ರಾಸ್ ಟೇಲರ್- ಡುಮಿನಿ ಉತ್ತಮ ಜೊತೆಯಾಟ ಡೆಲ್ಲಿಗೆ 145/4 ತಲುಪಲು ನೆರವಾಯಿತು.

ರಾಸ್ ಟೇಲರ್ ಭರ್ಜರಿ ಆಟದ ನೆರವು

39 ಎಸೆತಗಳಲ್ಲಿ 43ರನ್ ಚೆಚ್ಚಿದ ರಾಸ್ ಟೇಲರ್ ಅವರು ಜೆಪಿ ಡುಮಿನಿಗೆ ಉತ್ತಮ ನೆರವು ನೀಡಿದರು.

ಆರಂಭಿಕ ಆಟಗಾರ ಪಾರ್ಥೀವ್ ಪಟೇಲ್

ಆರಂಭಿಕ ಆಟಗಾರ ಪಾರ್ಥೀವ್ ಪಟೇಲ್ 28 ಎಸೆತಗಳಲ್ಲಿ 37 ರನ್ ಸಿಡಿಸಿದರು.

ಅರ್ಧಶತಕ ವಂಚಿತ ವಿರಾಟ್ ಕೊಹ್ಲಿ

ಅರ್ಧಶತಕ ವಂಚಿತ ವಿರಾಟ್ ಕೊಹ್ಲಿ 49ರನ್ ಗಳಿಸಿ ನಾಟೌಟ್ ಆಗಿ ಉಳಿದರು.

ಯುವರಾಜ್ ಸಿಂಗ್ ಭರ್ಜರಿ ಆಟ

5 ಸಿಕ್ಸರ್, 3 ಬೌಂಡರಿ ಚೆಚ್ಚಿದ ಯುವರಾಜ್ ಸಿಂಗ್ 29 ಎಸೆತಗಳಲ್ಲಿ 52 ರನ್ ಗಳಿಸಿದರು.

ಕೊಹ್ಲಿ-ಯುವಿ ಗೆಲುವಿನ ಸರದಾರರು

ವಿರಾಟ್ ಕೊಹ್ಲಿ ಹಾಗೂ ಯುವರಾಜ್ ಸಿಂಗ್ 16.4 ಓವರ್ ಗಳಲ್ಲೇ 146/2 ಸ್ಕೋರ್ ಮಾಡಿ ಗೆಲುವಿನ ನಗೆ ಬೀರಿದರು.

Story first published:  Friday, April 18, 2014, 16:12 [IST]
English summary
Yuvraj Singh struck form with a brilliant unbeaten half century as Royal Challengers Bangalore crushed Delhi Daredevils by eight wickets in their IPL campaign opener here last night.
ಅಭಿಪ್ರಾಯ ಬರೆಯಿರಿ