Englishहिन्दीമലയാളംதமிழ்తెలుగు

ಸನ್ನಿ ಈಗ ಬಿಸಿಸಿಐ ಬಾಸ್, ಸಿಎಸ್ ಕೆಗೆ ರಿಲೀಫ್

Posted by:
Published: Friday, March 28, 2014, 14:26 [IST]
 

ಸನ್ನಿ ಈಗ ಬಿಸಿಸಿಐ ಬಾಸ್, ಸಿಎಸ್ ಕೆಗೆ ರಿಲೀಫ್
 

ನವದೆಹಲಿ, ಮಾ.28: ಕೊನೆಗೂ ಬಿಸಿಸಿಐ ಅಧ್ಯಕ್ಷ ಸ್ಥಾನದಿಂದ ಶ್ರೀನಿವಾಸನ್ ಅವರನ್ನು ಕೆಳಗಿಳಿಸಲಾಗಿದ್ದು, ಹಂಗಾಮಿ ಅಧ್ಯಕ್ಷರಾಗಿ ಮಾಜಿ ಕ್ರಿಕೆಟರ್ ಸುನಿಲ್ ಗವಾಸ್ಕರ್ ಅವರನ್ನು ನೇಮಕ ಮಾಡಿ ಸುಪ್ರೀಂಕೋರ್ಟ್ ಶುಕ್ರವಾರ ಮಹತ್ವದ ಆದೇಶ ನೀಡಿದೆ.

ಸ್ಪಾಟ್ ಫಿಕ್ಸಿಂಗ್ ಹಾಗೂ ಬೆಟ್ಟಿಂಗ್ ಹಗರಣ ಕುರಿತಂತೆ ಬಿಸಿಸಿಐಗೆ ಗುರುವಾರ ಛೀಮಾರಿ ಹಾಕಿದ್ದ ಸುಪ್ರೀಂಕೋರ್ಟ್ ಶುಕ್ರವಾರ ತನ್ನ ಮಧ್ಯಂತರ ಆದೇಶ ಹೊರಡಿಸಿದೆ. ಇರದ ಜತೆಗೆ ಐಪಿಎಲ್ ಪಂದ್ಯಾವಳಿಗಳಿಗೆ ಯಾವುದೇ ತಡೆ ನೀಡದೆ ಕ್ರಿಕೆಟ್ ಪ್ರೇಮಿಗಳಿಗೆ ಇದ್ದಂತಹ ಆತಂಕ ದೂರ ಮಾಡಿದೆ.

ಐಪಿಎಲ್ ಗಿಲ್ಲ ಅಡ್ಡಿ: ಹಿರಿಯ ಕ್ರಿಕೆಟಿಗ ಸುನಿಲ್ ಗವಾಸ್ಕರ್ ಅವರನ್ನು ಅಧ್ಯಕ್ಷ ಸ್ಥಾನಕ್ಕೆ ನೇಮಿಸಿದೆ ಮತ್ತು ಪಂದ್ಯಾವಳಿಯಲ್ಲಿ ಚೆನ್ನೈ ಸೂಪರ್ ‌ಕಿಂಗ್ಸ್ ಮತ್ತು ರಾಜಸ್ಥಾನ್ ರಾಯಲ್ಸ್ ‌ಗೆ ಆಡಲು ಅವಕಾಶ ನೀಡಲಾಗಿದೆ.

ನ್ಯಾಯಾಲಯದ ಆದೇಶದಿಂದ ಚೆನ್ನೈ ಸೂಪರ್ ‌ಕಿಂಗ್ಸ್ ತಂಡದ ನಾಯಕ ಮಹೇಂದ್ರ ಸಿಂಗ್ ಧೋನಿ ಸದ್ಯಕ್ಕೆ ನೆಮ್ಮದಿಯ ನಿಟ್ಟುಸಿರು ಬಿಟ್ಟಿದ್ದಾರೆ. ಐಪಿಎಲ್ ಏಳನೆ ಆವೃತ್ತಿ ಮುಗಿಯುವವರೆಗೂ ಗವಾಸ್ಕರ್ ಅವರು ಬಿಸಿಸಿಐ ಉಸ್ತುವಾರಿ ಹಾಗೂ ಐಪಿಎಲ್ ಆಯೋಜನೆ ಹೊರೆ ನೋಡಿಕೊಳ್ಳಬೇಕು.

ಆದರೆ, ವೀಕ್ಷಕ ವಿವರಣೆಯಾಗಲಿ ಅಥವಾ ಬೇರಾವುದೇ ಕಾರ್ಯಗಳಲ್ಲಿ ತೊಡಗುವಂತಿಲ್ಲ ಎಂದು ನಿಯಮ ವಿಧಿಸಲಾಗಿದೆ. ಈ ಮಧ್ಯೆ ಆಟಗಾರರ ಮೇಲೆ ಯಾವುದೇ ನಿರ್ಬಂಧ ಹೇರದೆ ಐಪಿಎಲ್ ಸರಾಗವಾಗಿ ನಡೆಯಲು ಅವಕಾಶ ಮಾಡಿಕೊಟ್ಟಿರುವುದಕ್ಕೆ ಬಿಸಿಸಿಐ ನ್ಯಾಯಾಲಯಕ್ಕೆ ಅಭಿನಂದನೆ ಸಲ್ಲಿಸಿದೆ.

ಐಪಿಎಲ್ 7 ಪಂದ್ಯಾವಳಿ ಮುಗಿದ ನಂತರ ಉಪಾಧ್ಯಕ್ಷ ಸ್ಥಾನದಲ್ಲಿರುವ ಶಿವಲಾಲ್ ಯಾದವ್ ಅವರು ಬಿಸಿಸಿಐ ಅಧ್ಯಕ್ಷರಾಗಿ ನೇಮಕಗೊಳ್ಳಲಿದ್ದಾರೆ. ನಂತರ ಮುಂದಿನ ವಿಚಾರಣೆಗಳು ನಡೆಯುತ್ತವೆ ಎಂದು ನ್ಯಾಯಮೂರ್ತಿ ಪಟ್ನಾಯಕ್ ಅವರ ನೇತೃತ್ವದ ಪೀಠ ಮಹತ್ವದ ಮಧ್ಯಂತರ ಆದೇಶ ನೀಡಿದೆ. ಐಪಿಎಲ್ ನ ಏಳನೆ ಆವೃತ್ತಿಯ ಪಂದ್ಯಗಳು ಏಪ್ರಿಲ್ 16 ರಿಂದ ಯುಎಇನಲ್ಲಿ ಪ್ರಾರಂಭಗೊಳ್ಳಲಿವೆ.

English summary
Former India captain Sunil Gavaskar was on Friday named as BCCI's interim president, replacing N Srinivasan. In a major relief to the Indian Premier League (IPL) and Board of Control for Cricket in India (BCCI), Supreme Court today allowed Chennai Super Kings and Rajasthan Royals to continue in the league.
ಅಭಿಪ್ರಾಯ ಬರೆಯಿರಿ