Englishहिन्दीമലയാളംதமிழ்తెలుగు

ಚುನಾವಣೆ ಎಫೆಕ್ಟ್: ಐಪಿಎಲ್ ಭಾರತದಿಂದ ಹೊರಕ್ಕೆ

Posted by:
Published: Friday, February 21, 2014, 17:54 [IST]
 

ಚುನಾವಣೆ ಎಫೆಕ್ಟ್: ಐಪಿಎಲ್ ಭಾರತದಿಂದ ಹೊರಕ್ಕೆ
 

ನವದೆಹಲಿ,ಫೆ.21: ಭಾರತದಲ್ಲಿ ಲೋಕಸಭಾ ಚುನಾವಣೆ ಸಮೀಪಿಸಿರುವ ಹಿನ್ನೆಲೆಯಲ್ಲಿ ಇಂಡಿಯನ್ ಪ್ರೀಮಿಯರ್ ಲೀಗ್(ಐಪಿಎಲ್) ನ 7ನೇ ಆವೃತ್ತಿ ಪಂದ್ಯಾವಳಿಗೆ ಸಮಗ್ರ ಭದ್ರತೆ ಒದಗಿಸಲು ಸಾಧ್ಯವಾಗುವುದಿಲ್ಲ ಎಂದು ಕೇಂದ್ರ ಸರ್ಕಾರ ಶುಕ್ರವಾರ ಸ್ಪಷ್ಟಪಡಿಸಿದೆ. ಹೀಗಾಗಿ ಭಾರತದಿಂದ ಐಪಿಎಲ್ ಪಂದ್ಯಗಳು ಹೊರಬಿದ್ದಿದ್ದು, ದಕ್ಷಿಣ ಆಫ್ರಿಕಾದಲ್ಲಿ ನಡೆಯುವ ಸಾಧ್ಯತೆ ಹೆಚ್ಚಿದೆ.

ಸಾರ್ವತ್ರಿಕ ಚುನಾವಣೆಗಳ ಸಂದರ್ಭದಲ್ಲಿ ಐಪಿಎಲ್ ಪಂದ್ಯಾವಳಿಗೆ ಸೂಕ್ತ ಭದ್ರತೆ ಒದಗಿಸುವುದು ಕಷ್ಟವಾಗುತ್ತದೆ ಎಂದು ಗೃಹ ಸಚಿವ ಸುಶೀಲ್ ಕುಮಾರ್ ಶಿಂಧೆ ಅವರು ಸ್ಪಷ್ಟಪಡಿಸಿದ್ದಾರೆ. ಏಪ್ರಿಲ್ ಅಥವಾ ಮೇ ಮಧ್ಯಭಾಗದಲ್ಲಿ ಚುನಾವಣೆ ನಡೆಯುವ ಸಾಧ್ಯತೆಯಿದೆ. ಚುನಾವಣೆ ಮುಗಿದ ಬಳಿಕ ಐಪಿಎಲ್ ಪಂದ್ಯಾವಳಿಗೆ ಸಾಕಷ್ಟು ಭದ್ರತೆ ವ್ಯವಸ್ಥೆ ಮಾಡಬಹುದು ಎಂದು ಕೇಂದ್ರ ಗೃಹಕಚೇರಿ ಈಗಾಗಲೇ ಬಿಸಿಸಿಐ ಗಮನಕ್ಕೆ ತಂದಿದೆ ಎಂದು ತಿಳಿಸಿದರು. ಐಪಿಎಲ್ ಪಂದ್ಯಾವಳಿ ಏಪ್ರಿಲ್ 9 ರಿಂದ ಜೂನ್ 30ರವರೆಗೆ ನಡೆಯಲಿವೆ.

ಇತ್ತೀಚೆಗೆ ಬೆಂಗಳೂರಿನಲ್ಲಿ ನಡೆದ ಹರಾಜು ಪ್ರಕ್ರಿಯೆ ನಂತರ ಭಾರತೀಯ ಕ್ರಿಕೆಟ್ ಮಂಡಳಿ (ಬಿಸಿಸಿಐ) ಕೂಡಾ ಈ ಬಗ್ಗೆ ಹೇಳಿಕೆ ನೀಡಿತ್ತು. ಶಾರ್ಜಾ, ಅಬುದಾಬಿಯಲಿ ನಡೆಸಲು ಯೋಚಿಸಲಾಯಿತು. ಆದರೆ, ಕೊನೆಗೆ ದಕ್ಷಿಣ ಆಫ್ರಿಕಾದಲ್ಲಿ ಐಪಿಎಲ್ ಪಂದ್ಯಾವಳಿಗಳನ್ನು ನಡೆಸಲಿದ್ದೇವೆ ಎಂದು ಬಿಸಿಸಿಐ ಅಧಿಕಾರಿಗಳು ಹೇಳಿದ್ದರು. 2009ರಲ್ಲಿ ಕೂಡಾ ಚುನಾವಣೆ ಕಾರಣದಿಂದ ಇಂಡಿಯನ್ ಪ್ರಿಮಿಯರ್ ಲೀಗ್ ದಕ್ಷಿಣ ಆಫ್ರಿಕಾದಲ್ಲಿ ಆಯೋಜಿಸಲಾಗಿತ್ತು.

ಭಾರಿ ಕುತೂಹಲ ಕೆರಳಿಸಿರುವ ಇಂಡಿಯನ್ ಪ್ರಿಮಿಯರ್ ಲೀಗ್ ನ ಹರಾಜು ಪ್ರಕ್ರಿಯೆಗೆ ಬೆಂಗಳೂರಿನಲ್ಲಿ ಫೆಬ್ರವರಿ 12 ಹಾಗೂ ಫೆ.13 ರಂದು ಬೆಂಗಳೂರಿನಲ್ಲಿ ಹರಾಜು ಪ್ರಕ್ರಿಯೆ ನಡೆದಿತ್ತು. ಟೀಂ ಇಂಡಿಯ ಸ್ಟಾರ್ ಆಟಗಾರ ಯುವರಾಜ್ ಅವರು ಮಲ್ಯ ಅವರ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಕ್ಕೆ 14 ಕೋಟಿ ರು ಗೆ ಸೇಲ್ ಆಗಿದ್ದರು. [ವಿವರ ಇಲ್ಲಿ ಓದಿ]

English summary
The seventh edition of Indian Premier League (IPL 7) is all set to move out of India due to the General Elections. Most likely, it will be held in South Africa.
ಅಭಿಪ್ರಾಯ ಬರೆಯಿರಿ