Englishहिन्दीമലയാളംதமிழ்తెలుగు

ಐದನೇ ಬಾರಿಗೆ ಇರಾನಿ ಕಪ್ ಎತ್ತಿದ ಕರ್ನಾಟಕ

Posted by:
Published: Wednesday, February 12, 2014, 17:05 [IST]
 

ಬೆಂಗಳೂರು,ಫೆ.12: ರಣಜಿ ಚಾಂಪಿಯನ್ ಕರ್ನಾಟಕ ತಂಡ ಚಿನ್ನಸ್ವಾಮಿ ಅಂಗಳದಲ್ಲಿ ಶೇಷ ಭಾರತವನ್ನು ಬಗ್ಗುಬಡಿದು ಇರಾನಿ ಟ್ರೋಫಿ ಚಾಂಪಿಯನ್ ಪಟ್ಟಕ್ಕೇರಿದೆ. 5ನೇ ಬಾರಿಗೆ ಇರಾನಿ ಮುಕುಟ ತಂದುಕೊಟ್ಟ ವಿನಯ್ ಪಡೆ ಚಿನ್ನಸ್ವಾಮಿ ಅಂಗಳದಲ್ಲಿ ಕುಣಿದಾಡಿತು. 4ನೇ ದಿನದ ಆರಂಭದಲ್ಲೇ ದಿಗ್ವಿಜಯ ಸಾಧಿಸಿ ಪ್ರೇಕ್ಷಕರನ್ನು ರಂಜಿಸಿದರು. ಯುವ ಸ್ಪಿನ್ನರ್ ಎಸ್.ಗೋಪಾಲ್ ಹ್ಯಾಟ್ರಿಕ್ ಸಾಧನೆ, ವಿನಯ್ ಬೌಲಿಂಗ್ ಮಹತ್ವದ ಪಾತ್ರವಹಿಸಿತು.

ಪ್ರಥಮ ಇನ್ನಿಂಗ್ಸ್ ನಲ್ಲಿ ಕರ್ನಾಟಕ ತಂಡದ 407 ರನ್ ಗಳ ಬೃಹತ್ ಮುನ್ನಡೆಯನ್ನು ಬೆನ್ನತ್ತಿದ್ದ ಶೇಷಭಾರತ ತಂಡ ಕೇವಲ 57.5 ಓವರ್ ಗಳಲ್ಲಿ 183 ರನ್ ಗಳಿಗೆ ತನ್ನೆಲ್ಲ ವಿಕೆಟ್ ಕಳೆದುಕೊಂಡಿತು. ಗೌತಮ್ ಗಂಭೀರ್, ದಿನೇಶ್ ಕಾರ್ತಿಕ್, ಹರಭಜನ್ ಸಿಂಗ್, ಅಮಿತ್ ಮಿಶ್ರ, ಎ.ಬಿ.ದಿಂಡರಂತಹ ಪ್ರತಿಷ್ಠಿತ ಆಟಗಾರರಿದ್ದರೂ ಕರ್ನಾಟಕದ ಸಂಘಟಿತ ಹೋರಾಟವನ್ನು ಶೇಷಭಾರತ ಹಿಮ್ಮೆಟ್ಟಿಸಲು ಸಾಧ್ಯವಾಗಲಿಲ್ಲ.

ಐದನೇ ಬಾರಿಗೆ ಇರಾನಿ ಕಪ್ ಎತ್ತಿದ ಕರ್ನಾಟಕ

ವಿನಯ್ ಮತ್ತು ಗೋಪಾಲ್ ಬೌಲಿಂಗ್ ಜಾದು ತೋರಿಸಿ ಕೇವಲ 78 ರನ್‌ಗಳ ಅಂತರದಲ್ಲೇ ಉಳಿದ ಏಳು ವಿಕೆಟ್ ‌ಗಳನ್ನು ಕಬಳಿಸಿದರು. 4ನೇ ವಿಕೆಟ್ ‌ಗೆ ಉತ್ತಮವಾಗಿ ಆಡುತ್ತಿದ್ದ ದಿನೇಶ್ ಕಾರ್ತಿಕ್ ಮತ್ತು ಜಾದವ್ ಜೋಡಿಯನ್ನು ವಿನಯ್ ‌ಕುಮಾರ್ ಬೇರ್ಪಡಿಸಿದರು. ಎಸ್.ಗೋಪಾಲ್ 58ನೇ ಓವರ್ ‌ನಲ್ಲಿ ಹ್ಯಾಟ್ರಿಕ್ ಸಾಧಿಸಿ ಬಹುಬೇಗ ಕರ್ನಾಟಕಕ್ಕೆ ಜಯ ತಂದುಕೊಟ್ಟರು. ಪ್ರಥಮ ಇನ್ನಿಂಗ್ಸ್‌ನಲ್ಲಿ 6 ವಿಕೆಟ್ ಪಡೆದಿದ್ದ ನಾಯಕ ವಿನಯ್‌ಕುಮಾರ್ 2ನೇ ಇನ್ನಿಂಗ್ಸ್‌ನಲ್ಲಿ 4 ವಿಕೆಟ್ ಕಬಳಿಸಿ ಶ್ರೇಷ್ಠ ಬೌಲರ್ ಎನಿಸಿದರು.

ಕರ್ನಾಟಕ ತಂಡ ಇಂದಿನ ಭರ್ಜರಿ ಗೆಲುವು ಸೇರಿದಂತೆ ಐದು ಬಾರಿ ಇರಾನಿ ಕಪ್ ನಲ್ಲಿ ಚಾಂಪಿಯನ್ ಪಟ್ಟಕ್ಕೇರಿದೆ. 1975ರಲ್ಲಿ, 1984,1997, 1999ರಲ್ಲೂ ಶೇಷಭಾರತದ ವಿರುದ್ದ ಕರ್ನಾಟಕ ತಂಡ ಗೆಲುವು ಸಾಧಿಸಿ ಇರಾನಿ ಕಪ್ ‌ನಲ್ಲಿ ಚಾಂಪಿಯನ್ ಎನಿಸಿಕೊಂಡಿದೆ.

ಶೇಷಭಾರತ ಮೊದಲ ಇನ್ನಿಂಗ್ಸ್ -201,
ಕರ್ನಾಟಕ ಮೊದಲ ಇನ್ನಿಂಗ್ಸ್-606,
ಶೇಷಭಾರತ 2ನೇ ಇನ್ನಿಂಗ್ಸ್- 183.
ವಿನಯ್ ಪಡೆ 222 ರನ್‌ಗಳ ಭರ್ಜರಿ ಜಯ ದಾಖಲಿಸಿತು. (ಐಎಎನ್ಎಸ್)

English summary
Karnataka defeated Rest of India by an innings and 222 runs to win the Irani Cup at the M. Chinnaswamy Stadium in Bangalore on Wednesday. Shreyas Gopal performed a hat-trick, dismissing the last three Rest of India batsmen, while skipper R. Vinay Kumar returned a match haul of 10 wickets, as Karnataka registered its fifth Irani Cup triumph.
ಅಭಿಪ್ರಾಯ ಬರೆಯಿರಿ