Englishहिन्दीമലയാളംதமிழ்తెలుగు

ವಿಶ್ವ ಟಿ20 ತಂಡಕ್ಕೆ ಬಿನ್ನಿ; ಏಷ್ಯಾ ಕಪ್ : ರೈನಾ ಔಟ್

Posted by:
Updated: Tuesday, February 11, 2014, 15:35 [IST]
 

ಬೆಂಗಳೂರು, ಫೆ.11: ಏಷ್ಯಾ ಕಪ್ ಹಾಗೂ ಐಸಿಸಿ ವಿಶ್ವ ಟಿ20 ಟೂರ್ನಿಗಳಿಗೆ ಟೀಂ ಇಂಡಿಯಾವನ್ನು ಮಂಗಳವಾರ ಮಧ್ನಾಹ್ನ ಬಿಸಿಸಿಐ ಆಯ್ಕೆ ಸಮಿತಿ ಪ್ರಕಟಿಸಿದೆ. ಏಷ್ಯಾ ಕಪ್ ತಂಡದಿಂದ ಸುರೇಶ್ ರೈನಾರನ್ನು ಕೈಬಿಟ್ಟಿದ್ದರೆ, ವಿಶ್ವ ಟಿ20 ತಂಡಕ್ಕೆ ಕರ್ನಾಟಕದ ಆಲ್ ರೌಂಡರ್ ಸ್ಟುವರ್ಟ್ ಬಿನ್ನಿ ಆಯ್ಕೆಯಾಗಿದ್ದಾರೆ.

ಇತ್ತೀಚಿನ ಏಕದಿನ ಕ್ರಿಕೆಟ್ ತಂಡಕ್ಕೆ ಆಯ್ಕೆಯಾಗುವಲ್ಲಿ ವಿಫಲರಾಗಿದ್ದ ಯುವರಾಜ್ ಸಿಂಗ್ ಅವರನ್ನು ಕೂಡಾ ವಿಶ್ವ ಟಿ20 ತಂಡಕ್ಕೆ ಸೇರಿಸಿಕೊಳ್ಳಲಾಗಿದೆ. ಚೇತೇಶ್ವರ್ ಪೂಜಾರಾ ಅವರು ಏಕದಿನ ತಂಡಕ್ಕೆ ಮರಳಿದ್ದಾರೆ.

ಕಳೆದ ತಿಂಗಳು ನ್ಯೂಜಿಲೆಂಡ್ ವಿರುದ್ಧ ಏಕದಿನ ಅಂತಾರಾಷ್ಟ್ರೀಯ ಪಂದ್ಯವನ್ನಾಡುವ ಮೂಲಕ ಟೀಂ ಇಂಡಿಯಾ ಸೇರಿದ್ದ ಕರ್ನಾಟಕದ ಆಲ್ ರೌಂಡರ್ ಸ್ಟುವರ್ಟ್ ಬಿನ್ನಿ ಅವರನ್ನು ಎರಡು ಮಾದರಿ ಟೂರ್ನಿಗೂ ಆಯ್ಕೆ ಮಾಡಿರುವುದು ಕ್ರಿಕೆಟ್ ಅಭಿಮಾನಿಗಳಿಗೆ ಸಂತಸ ತಂದಿದೆ.

ಏಕದಿನ ತಂಡದಿಂದ ರೈನಾ ಜತೆಗೆ ಇಶಾಂತ್ ಅವರನ್ನು ಕೈಬಿಡಲಾಗಿದೆ. ಇಶಾಂತ್ ಅವರನ್ನು ಟಿ20 ಪಂದ್ಯವಾಡುವ ತಂಡಕ್ಕೂ ಪರಿಗಣಿಸಿಲ್ಲ. ಫೆ.25ರಿಂದ ಏಷ್ಯಾ ಕಪ್ ಪಂದ್ಯಾವಳಿ ಹಾಗೂ ಮಾ.16 ರಿಂದ ವಿಶ್ವ ಟಿ20 ಪಂದ್ಯಗಳು ಬಾಂಗ್ಲಾದೇಶದಲ್ಲಿ ನಡೆಯಲಿವೆ.

ಏಷ್ಯಾಕಪ್ ಗೆ ಟೀಂ ಇಂಡಿಯಾ: ಎಂಎಸ್ ಧೋನಿ(ನಾಯಕ), ಶಿಖರ್ ಧವನ್, ರೋಹಿತ್ ಶರ್ಮ, ವಿರಾಟ್ ಕೊಹ್ಲಿ, ಚೇತೇಶ್ವರ್ ಪೂಜಾರಾ, ಅಂಬಟಿ ರಾಯುಡು, ಅಜಿಂಕ್ಯ ರಹಾನೆ, ರವೀಂದ್ರ ಜಡೇಜ, ಆರ್ ಅಶ್ವಿನ್, ಭುವನೇಶ್ವರ್ ಕುಮಾರ್, ಮಹಮ್ಮದ್ ಶಮಿ, ವರುಣ್ ಅರೋನ್, ಸ್ಟುವರ್ಟ್ ಬಿನ್ನಿ, ಅಮಿತ್ ಮಿಶ್ರಾ, ಈಶ್ವರ್ ಪಾಂಡೆ

ವಿಶ್ವ ಟಿ20 ಟೂರ್ನಿಗೆ ಟೀಂ ಇಂಡಿಯಾ: ಎಂಎಸ್ ಧೋನಿ(ನಾಯಕ), ಶಿಖರ್ ಧವನ್, ರೋಹಿತ್ ಶರ್ಮ, ವಿರಾಟ್ ಕೊಹ್ಲಿ, ಸುರೇಶ್ ರೈನಾ, ಯುವರಾಜ್ ಸಿಂಗ್, ಅಜಿಂಕ್ಯ ರಹಾನೆ, ರವೀಂದ್ರ ಜಡೇಜ, ಭುವನೇಶ್ವರ್ ಕುಮಾರ್, ಆರ್ ಅಶ್ವಿನ್, ಮಹಮ್ಮದ್ ಶಮಿ, ಸ್ಟುವರ್ಟ್ ಬಿನ್ನಿ, ಅಮಿತ್ ಮಿಶ್ರಾ, ಮೋಹಿತ್ ಶರ್ಮ, ವರುಣ್ ಅರೋನ್

Story first published:  Tuesday, February 11, 2014, 15:30 [IST]
English summary
Suresh Raina has been dropped from the Indian One Day International squad for this month's Asia Cup in Bangladesh while Cheteshwar Pujara has returned. Karnataka's Stuart Binny picked for World T20
ಅಭಿಪ್ರಾಯ ಬರೆಯಿರಿ