Englishहिन्दीമലയാളംதமிழ்తెలుగు

ಕನ್ನಡಿಗ ರವಿಶಂಕರ್ ಅಮೆರಿಕ ಕ್ರಿಕೆಟ್ ಪ್ರತಿನಿಧಿ

Posted by:
Updated: Wednesday, January 22, 2014, 13:00 [IST]
 

ಬೆಂಗಳೂರು, ಜ.22: ಅಮೆರಿಕದಲ್ಲಿ ನೆಲೆಸಿರುವ ಕರ್ನಾಟಕದ ಭದ್ರಾವತಿ ಮೂಲದ ರವಿಶಂಕರ್ ಭೈರಪ್ಪಗೌಡ ಅವರು ಮಹತ್ತರ ಸಾಧನೆ ಮಾಡಿದ್ದಾರೆ. ಅಮೆರಿಕದಲ್ಲಿ ಕ್ರಿಕೆಟ್ ಚಟುವಟಿಕೆಗಳನ್ನು ಮುನ್ನಡೆಸುವ ಐವರು ಸದಸ್ಯರ ಐಸಿಸಿ ಅಂಪೈರ್ ಡೆವಲಪ್ ‌ಮೆಂಟ್ ಪ್ರೋಗ್ರಾಂನ ಸದಸ್ಯರಾಗಿ ಆಯ್ಕೆಯಾಗಿದ್ದಾರೆ.

ಐಸಿಸಿ ಚಟುವಟಿಕೆಗಳನ್ನು ಅಭಿವೃದ್ಧಿಪಡಿಸುವ ಮತ್ತು ಪ್ರತಿನಿಧಿಸುವ ಮಹತ್ವದ ಜವಾಬ್ದಾರಿ ಸಿಕ್ಕಿರುವುದು ಅತ್ಯಂತ ಸಂತೋಷದ ವಿಷಯ. ಅಮೆರಿಕವನ್ನು ಪ್ರತಿನಿಧಿಸುವ ಹಾಗೂ ಕ್ರಿಕೆಟ್ ತಂಡ ಸುಧಾರಣೆಗೆ ಶ್ರಮಿಸುತ್ತೇನೆ ಎಂದು ಕ್ಯಾಲಿಫೋರ್ನಿಯಾದಲ್ಲಿ ನೆಲೆಸಿರುವ ರವಿಶಂಕರ್ ಅವರು ದಟ್ಸ್ ಕ್ರಿಕೆಟ್ ಪ್ರತಿನಿಧಿಯೊಂದಿಗೆ ಸಂತಸ ಹಂಚಿಕೊಂಡಿದ್ದಾರೆ.

ಕ್ರಿಕೆಟ್ ಜತೆಗೆ ಅಮೆರಿಕದಲ್ಲಿ ಅಕ್ಕ-ವಿಶ್ವ ಕನ್ನಡ ಸಮ್ಮೇಳನದ ಸಹ ಸಂಚಾಲಕರಾಗಿರುವ ರವಿಶಂಕರ್ ಅವರು ಕನ್ನಡ ನಾಡು-ನುಡಿಗಾಗಿ ಶ್ರಮಿಸುತ್ತಿದ್ದಾರೆ. 2014 ರಲ್ಲಿ ಸ್ಯಾನ್ ಫ್ರಾನಿಸ್ಕೋ ನಲ್ಲಿ ನಡೆಯಲಿರುವ ವಿಶ್ವ ಕನ್ನಡ ಸಮ್ಮೇಳನಕ್ಕೆ ರವಿಶಂಕರ್ ಅವರು ತಯಾರಿ ನಡೆಸಿದ್ದಾರೆ.

ವೆಸ್ಟ್ ಇಂಡೀಸ್ ಕ್ರಿಕೆಟ್ ಅಂಪೈರ್ಸ್ ಅಸೋಸಿಯೇಷನ್ ಪರೀಕ್ಷೆ ಎರಡು ಹಂತದಲ್ಲಿ ಪೂರೈಸಿ ಸಾಕಷ್ಟು ತರಬೇತಿ ಪಡೆದ ನಂತರ 2011ರಲ್ಲಿ ಮೌಖಿಕ ಹಾಗೂ ಪ್ರಾಯೋಗಿಕ ಪರೀಕ್ಷೆಗಳಲ್ಲಿ ರವಿಶಂಕರ್ ಅವರು ಶೇ 96ಕ್ಕೂ ಅಧಿಕ ಅಂಕ ಗಳಿಸಿದ ಸಾಧನೆ ಮೆರೆದಿದ್ದಾರೆ.

ಕನ್ನಡಿಗ ರವಿಶಂಕರ್ ಅಮೆರಿಕ ಕ್ರಿಕೆಟ್ ಪ್ರತಿನಿಧಿ

'ನಾನು ಕನ್ನಡಿಗನಾಗಿ ಮೊಟ್ಟ ಮೊದಲ ಬಾರಿಗೆ ಅಮೆರಿಕವನ್ನು ಐಸಿಐ ಕಾರ್ಯಕ್ರಮಗಳಲ್ಲಿ ಪ್ರತಿನಿಧಿಸುತ್ತೇನೆ' ಎಂದು ಹೆಮ್ಮೆಯಿಂದ ಹೇಳುತ್ತೇನೆ ಎಂದಿದ್ದಾರೆ. 1992ರಿಂದ ಕರ್ನಾಟಕ ಕ್ರಿಕೆಟ್ ಅಂಪೈಸ್(ACUK) ಆಜೀವ ಸದಸ್ಯರಾಗಿದ್ದಾರೆ.

ವೃತ್ತಿಯಿಂದ ಇಂಜಿನಿಯರ್ ಆಗಿರುವ ರವಿಶಂಕರ್ ಅವರು VISL(ಸ್ಟೀಲ್ ಅಥಾರಿಟಿ ಆಫ್ ಇಂಡಿಯಾ ಲಿ) ಪರ ಡಿವಿಷನ್ 1 ಮಟ್ಟದಲ್ಲಿ 1992 ರಿಂದ 96ರ ತನಕ ಕ್ರಿಕೆಟ್ ಆಡಿದ ಅನುಭವ ಹೊಂದಿದ್ದಾರೆ. ಈಗ ಯುಎಸ್ ಎ ಕ್ರಿಕೆಟ್ ಅಂಪೈರ್ ಅಸೋಸಿಯೇಷನ್ ಸಹಾಯಕ ಕಾರ್ಯದರ್ಶಿಯಾಗಿ ಕೂಡಾ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ.

ಅಮೆರಿಕದಲ್ಲಿ ಐಸಿಸಿ ಚಟುವಟಿಕೆಗಳನ್ನು ಅಭಿವೃದ್ಧಿಪಡಿಸುವ ಮತ್ತು ಪ್ರತಿನಿಧಿಸುವ, ಅಮೆರಿಕ ಕ್ರಿಕೆಟ್ ತಂಡವನ್ನು ಮಾದರಿಯನ್ನಾಗಿ ರೂಪಿಸುವ ಸುಧಾರಣೆಗಳಿಗೆ ಐಸಿಸಿಯು ನುರಿತ ಐವರು ಅಂಪೈರ್ ‌ಗಳ ಸಮಿತಿ ರಚನೆ ಮಾಡಿದೆ.

ಇದರಲ್ಲಿ ರವಿಶಂಕರ್ ಭೈರಪ್ಪಗೌಡ, ಮಹಮ್ಮದ್ ಎಸ್.ಭಕ್ಷ್, ರೋನ್ ಮೆಕ್ ಫಾರ್ ಲೆನ್, ಸಿಲ್ವಾನ್ ಟೇಲರ್ ಮತ್ತು ಸಮೀರ್ ಬಂಡೇಕರ್ ಈ ಸಮಿತಿಯಲ್ಲಿದ್ದಾರೆ. ಅಮೆರಿಕ ಕ್ರಿಕೆಟ್ ಅಸೋಸಿಯೇಷನ್ ಕಾರ್ಯಕ್ರಮಗಳಲ್ಲಿ ಇವರು ಪಾಲ್ಗೊಂಡು ಅಮೆರಿಕದ ಕ್ರಿಕೆಟ್ ಭವಿಷ್ಯಕ್ಕೆ ಪೂರಕವಾದ ಚಟುವಟಿಕೆಗಳನ್ನು ರೂಪಿಸಲಿದ್ದಾರೆ.

Story first published:  Wednesday, January 22, 2014, 11:57 [IST]
English summary
Indian origin umpire Ravishankar Byrappagowda has been selected for ICC Umpire Development Programme from America. Ravishankar, a enthusiastic Kannada activists, presently co-convener of AKKA- World Kannada Convention to be held in San Fransisco during labor day week-end 2014.
ಅಭಿಪ್ರಾಯ ಬರೆಯಿರಿ