Englishहिन्दीമലയാളംதமிழ்తెలుగు

ಕೊಹ್ಲಿ ಶತಕ ವ್ಯರ್ಥ, ಕಿವೀಸ್ ಗೆ 24ರನ್ ಗೆಲುವು

Posted by:
Updated: Sunday, January 19, 2014, 14:52 [IST]
 

ನೇಪಿಯರ್, ಜ.19: ನ್ಯೂಜಿಲೆಂಡ್ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲೇ ಪ್ರವಾಸಿ ಟೀಂ ಇಂಡಿಯಾ ಮುಗ್ಗರಿಸಿದೆ. 293ರನ್ ಗುರಿ ಬೆನ್ನು ಹತ್ತಿದ ಭಾರತ ತಂಡ ಕೊಹ್ಲಿ ಶತಕದ ಲಾಭ ಪಡೆಯುವಲ್ಲಿ ವಿಫಲವಾಗಿ 24 ರನ್ ಗಳ ಅಂತರದಲ್ಲಿ ಪಂದ್ಯ ಬಿಟ್ಟುಕೊಟ್ಟಿದೆ.

ಟಾಸ್ ಸೋತು ಬ್ಯಾಟಿಂಗ್ ಗೆ ಇಳಿಸಲ್ಪಟ್ಟ ನ್ಯೂಜಿಲೆಂಡ್ ತಂಡ ನಿಗದಿತ 50 ಓವರ್ ಗಳಲ್ಲಿ 7 ವಿಕೆಟ್ ಕಳೆದುಕೊಂಡು 292 ರನ್ ಗಳಿಸಿತು. 293 ರನ್ ಗಳ ಗುರಿ ಬೆನ್ನಟ್ಟಿದ ಭಾರತ ತಂಡ ಆರಂಭದಲ್ಲೆ ರೋಹಿತ್ ಶರ್ಮ ವಿಕೆಟ್ ಕಳೆದುಕೊಂಡಿದ್ದು ಮತ್ತೆ ಸುಧಾರಿಸಿಕೊಳ್ಳಲಿಲ್ಲ. ಕೊಹ್ಲಿ, ಧೋನಿ, ಧವನ್ ಬ್ಯಾಟಿಂಗ್ ಪಂದ್ಯ ಗೆಲ್ಲಿಸಲು ಸಾಧ್ಯವಾಗಲಿಲ್ಲ. ಏಕದಿನ ಕ್ರಿಕೆಟ್ ಚಾಂಪಿಯನ್ ಭಾರತವನ್ನು 48.4 ಓವರ್ ಗಳಲ್ಲಿ 268ಸ್ಕೋರಿಗೆ ನಿಯಂತ್ರಿಸುವ ಮೂಲಕ 24ರನ್ ಗಳಿಂದ ಸೋಲಿಸಿದ ಕಿವೀಸ್ ಸರಣಿಯಲ್ಲಿ 1-0 ಮುನ್ನಡೆ ಪಡೆದಿದೆ.

ಪಂದ್ಯದ ಮುಖ್ಯಾಂಶ ಇಂತಿದೆ:
ನ್ಯೂಜಿಲೆಂಡ್ : ಸಿಕ್ಸ್ : 7, ಬೌಂಡರಿ : 21
ಭಾರತ : ಸಿಕ್ಸ್ : ಬೌಂಡರಿ:
ಟಾಪ್ ಸ್ಕೋರರ್ : ನ್ಯೂಜಿಲೆಂಡ್: ಕೇನ್ ವಿಲಿಯಮ್ ಸನ್ ( 71, 88 ಎಸೆತ, 7X4)
ಭಾರತ: ವಿರಾಟ್ ಕೊಹ್ಲಿ ( 123, 111 ಎಸೆತ, 11 ಬೌಂಡರಿ, 2 ಸಿಕ್ಸ್)
* ಯಶಸ್ವಿ ಬೌಲರ್ : ಮಹಮ್ಮದ್ ಶಮಿ 4/55, 9 ಓವರ್ಸ್ , ಮಿಚೆಲ್ ಮೆಕ್ ಕ್ಲೆನ್ ಘನ್ 68/4

* ವಿರಾಟ್ ಕೊಹ್ಲಿ ಏಕದಿನ ಕ್ರಿಕೆಟ್ ನಲ್ಲಿ 18ನೇ ಶತಕ ದಾಖಲಿಸಿ ಮಾರ್ಕ್ ವಾ ಸಮಕ್ಕೆ ನಿಂತಿದ್ದಾರೆ.
* ಭಾರತದ ಮಧ್ಯಮ ಕ್ರಮಾಂಕ ವಿಫಲವಾಯಿತು. ರಹಾನೆ 7, ರೈನಾ 18 ಗಳಿಸಿ ಔಟಾದರು.
* ನಾಯಕ ಧೋನಿ ತಲಾ ಎರಡು ಸಿಕ್ಸ್, ಬೌಂಡರಿ ಹೊಡೆದು 40 ರನ್ ಗಳಿಸಿ ಕೊಹ್ಲಿಗೆ ಸಾಥ್ ನೀಡಿದರು.
* ತಂಡದ ಆಲ್ ರೌಂಡರ್ ರವೀಂದ್ರ ಜಡೇಜ 9 ಓವರ್ ನಲ್ಲಿ 61 ರನ್ನಿತ್ತು 1 ವಿಕೆಟ್ ಗಳಿಸಿದರು. ಬ್ಯಾಟಿಂಗ್ ನಲ್ಲಿ ಶೂನ್ಯ ಸುತ್ತಿ ಪೆವಿಲಿಯನ್ ಗೆ ಮರಳಿದರು.

ನ್ಯೂಜಿಲೆಂಡ್ ಇನ್ನಿಂಗ್ಸ್ : ಕೋರಿ ಆಂಡರ್ಸನ್ 40 ಎಸೆತದಲ್ಲಿ 68 ರನ್ ಹೊಡೆದು ನಾಟೌಟ್ ಆಗಿ ಉಳಿದಿದ್ದು ಕಿವೀಸ್ ಮೊತ್ತ ಹೆಚ್ಚಿಸಿತು. ತಲಾ ನಾಲ್ಕು ಸಿಕ್ಸ್, ಬೌಂಡರಿ ಹೊಡೆದ ಕೋರಿ ಮತ್ತೊಮ್ಮೆ ಭರ್ಜರಿ ಬ್ಯಾಟಿಂಗ್ ಪ್ರದರ್ಶಿಸಿದರು.
* ಇಶಾಂತ್ ಶರ್ಮ ಬೌಲಿಂಗ್ ನಲ್ಲಿ 122 ಮೀಟರ್ ದೂರಕ್ಕೆ ಸಿಕ್ಸ್ ಸಿಡಿಸಿದ ಕೋರಿ ಚೆಂಡನ್ನು ಸ್ಟೇಡಿಯಂ ಮೇಲ್ಛಾವಣಿಗೆ ಅಟ್ಟಿದರು.
* ಕೋರಿ ಇತ್ತೀಚೆಗೆ 36 ಎಸೆತಗಳಲ್ಲಿ ಶತಕ ಸಿಡಿಸುವ ಮೂಲಕ ವಿಶ್ವ ಕ್ರಿಕೆಟ್ ಅಭಿಮಾನಿಗಳ ಗಮನವನ್ನು ತನ್ನತ ಸೆಳೆದಿದ್ದರು.
* ರಾಸ್ ಟೇಲರ್ 82 ಎಸೆತದಲ್ಲಿ 55 ರನ್ ಗಳಿಸಿ ಕೇನ್ ಜತೆ ಉತ್ತಮ ಜೊತೆಯಾಟ(121 ರನ್) ನೀಡಿದರು.
* ರಾಸ್ ಟೇಲರ್ ಕ್ಯಾಚ್ ಹಿಡಿಯುವ ಮೂಲಕ ಎಂಎಸ್ ಧೋನಿ 300 ವಿಕೆಟ್ ಪಡೆದ ವಿಕೆಟ್ ಕೀಪರ್ ಎನಿಸಿದರು. ಈ ಮುಂಚೆ ಆಡಂ ಗಿಲ್ ಕ್ರಿಸ್ಟ್ , ಮಾರ್ಕ್ ಬೌಚರ್, ಕುಮಾರ ಸಂಗಕ್ಕಾರ ಮಾತ್ರ ಈ ಗಡಿ ದಾಟಿದ್ದಾರೆ.
* ಇಶಾಂತ್ ಶರ್ಮ ಹುಚ್ಚಾಪಟ್ಟೆ ಬೌಲಿಂಗ್ ಮಾಡಿ 9 ಓವರ್ ಗಳಲ್ಲಿ 1 ವಿಕೆಟ್ ಕಿತ್ತು 72 ರನ್ ಚೆಚ್ಚಿಸಿಕೊಂಡರು.
* ಕಿವೀಸ್ 50 ರನ್ ಗಳಿಕೆ :50: 82, 100: 134; 150: 194; 200: 239; 250: 268

Story first published:  Sunday, January 19, 2014, 14:30 [IST]
English summary
Highlights: 1st ODI: New Zealand Vs India in Napier: New Zealand defeat Team India by 24 runs and NZ were helped by three half centuries as they posted 292/7 in 50 overs against India in the first One Day International.
ಅಭಿಪ್ರಾಯ ಬರೆಯಿರಿ