Englishहिन्दीമലയാളംதமிழ்తెలుగు

ಭಾರತ ಬಗ್ಗುಬಡಿಯಲು ಕಿವೀಸ್ ಪಡೆ ಸಜ್ಜು

Posted by:
Published: Thursday, January 16, 2014, 16:25 [IST]
 

ನೇಪಿಯರ್, ಜ.15: ಪ್ರವಾಸಿ ಭಾರತ ತಂಡವನ್ನು ಬಗ್ಗು ಬಡಿಯಲು ಸಮರ್ಥವಾದ ಕಿವೀಸ್ ತಂಡವನ್ನು ಆಯ್ಕೆ ಮಾಡಲಾಗಿದೆ. ವೆಸ್ಟ್ ಇಂಡೀಸ್ ವಿರುದ್ಧ ಯಶಸ್ವಿ ಪ್ರದರ್ಶನ ನೀಡಿದ ಕಿವೀಸ್ ತಂಡವನ್ನೇ ಭಾರತದ ವಿರುದ್ಧದ ಏಕದಿನ ಕ್ರಿಕೆಟ್ ಸರಣಿಗೆ ನ್ಯೂಜಿಲೆಂಡ್ ರಾಷ್ಟ್ರೀಯ ಆಯ್ಕೆ ಸಮಿತಿ ಆಯ್ಕೆ ಮಾಡಿದೆ.
ವೆಸ್ಟ್ ಇಂಡೀಸ್ ವಿರುದ್ಧ ಇತ್ತೀಚೆಗೆ ನಡೆದ ಏಕದಿನ ಸರಣಿಯಲ್ಲಿ 2-2ರಿಂದ ಸಮಬಲ ಸಾಧಿಸಿತ್ತು. ನಂತರ ನಡೆದ ಎರಡು ಟಿ20 ಪಂದ್ಯಗಳಲ್ಲಿ 2-0 ಅಂತರದಿಂದ ಪ್ರಶಸ್ತಿ ತನ್ನದಾಗಿಸಿಕೊಂಡಿದೆ.

'ಸಮರ್ಥ ಪ್ರದರ್ಶನ ನೀಡುತ್ತಿರುವ ತಂಡವನ್ನೇ, ಭಾರತದ ವಿರುದ್ಧ ನಡೆಯಲಿರುವ ಅಂತಾರಾಷ್ಟ್ರೀಯ ಏಕದಿನ ಸರಣಿಗೆ ನ್ಯೂಜಿಲೆಂಡ್ ಆಯ್ಕೆ ಸಮಿತಿ ಉಳಿಸಿಕೊಂಡಿದೆ' ಎಂದು ನ್ಯೂಜಿಲೆಂಡ್ ಕ್ರಿಕೆಟ್ ಆಯ್ಕೆ ಸಮಿತಿ ಮುಖ್ಯಸ್ಥ ಬ್ರ್ಯೂಸ್ ಐಗರ್ ಹೇಳಿದ್ದಾರೆ.

'ವಿಶ್ವದ ಶ್ರೇಷ್ಠ ತಂಡದ ವಿರುದ್ಧ ಅಂತಾರಾಷ್ಟ್ರೀಯ ಕ್ರಿಕೆಟ್ ನಲ್ಲಿ ಆಡಲು ನಮ್ಮ ಆಟಗಾರರು ಕಾತರದಿಂದ ಕಾಯುತ್ತಿದ್ದಾರೆ. ಬರುವ ವರ್ಷ ವಿಶ್ವಕಪ್ ಹಿನ್ನೆಲೆಯಲ್ಲಿ, ಹಾಲಿ ಚಾಂಪಿಯನ್ ಭಾರತದ ವಿರುದ್ಧ ಆಡುವುದು ನಮ್ಮ ತಂಡಕ್ಕೆ ಮಹತ್ವದ ವಿಷಯವಾಗಿದೆ' ಎಂದು ನ್ಯೂಜಿಲೆಂಡ್ ತಂಡದ ಮುಖ್ಯ ಕೋಚ್ ಮೈಕ್ ಹಸನ್ ತಿಳಿಸಿದ್ದಾರೆ. ಏಕದಿನ ಕ್ರಿಕೆಟ್ ಸರಣಿಗೆ ಮಾತ್ರ ತಂಡವನ್ನು ಪ್ರಕಟಿಸಿರುವ ನ್ಯೂಜಿಲೆಂಡ್, ಎರಡು ಟೆಸ್ಟ್ ಪಂದ್ಯಗಳ ಸರಣಿಗೆ ಅನಂತರ ತಂಡವನ್ನು ಪ್ರಕಟಿಸಲಿದೆ.

ಭಾರತ ಬಗ್ಗುಬಡಿಯಲು ಕಿವೀಸ್ ಪಡೆ ಸಜ್ಜು

ಕಿವೀಸ್ ತಂಡ : ಬ್ರೆಂಡನ್ ಮೆಕಲಂ (ನಾಯಕ), ಕೋರೆ ಆಂಡರ್ಸನ್, ಮಾರ್ಟಿನ್ ಗುಪ್ಟಿಲ್, ಜೆಸ್ಸಿ ರೈಡರ್, ಕೇನ್ ವಿಲಿಯಮ್ಸನ್, ರಾಸ್ ಟೇಲರ್, ಲ್ಯೂಕ್ ರೊಂಚಿ, ಜಿಮ್ಮಿ ನೀಶಾಮ್, ನಾಥನ್ ಮೆಕಲಂ, ಟಿಮ್ ಸೌಥಿ, ಕೈಲ್ ಮಿಲ್ಸ್, ಮಿಚೆಲ್ ಮೆಕ್ಲೆನಾಘಾನ್, ಆಡಂ ಮಿಲ್ನೆ

ಏಕದಿನ ಸರಣಿ ವೇಳಾಪಟ್ಟಿ (ಪಂದ್ಯ ಶುರುವಾಗುವ ಸಮಯ 6.30 AM IST)
* ಜ.19 : ಮೊದಲ ಏಕದಿನ ಪಂದ್ಯ : ನೇಪಿಯರ್
* ಜ. 22: ಎರಡನೇ ಏಕದಿನ ಪಂದ್ಯ : ಹ್ಯಾಮಿಲ್ಟನ್
* ಜ.25: ಮೂರನೇ ಏಕದಿನ ಪಂದ್ಯ : ಆಕ್ಲೆಂಡ್
* ಜ.28: ನಾಲ್ಕನೇ ಏಕದಿನ ಪಂದ್ಯ : ಹ್ಯಾಮಿಲ್ಟನ್
* ಜ.31: ಐದನೇ ಏಕದಿನ ಪಂದ್ಯ : ವೆಲ್ಲಿಂಗ್ಟನ್

ಟೆಸ್ಟ್ ವೇಳಾಪಟ್ಟಿ
* ಫೆ. 2-3 : ಅಭ್ಯಾಸ ಪಂದ್ಯ, ವಾಂಗರೈ
* ಫೆ 6-10 : ಮೊದಲ ಟೆಸ್ಟ್ : ಆಕ್ಲೆಂಡ್
* ಫೆ 14-18 : ಎರಡನೇ ಟೆಸ್ಟ್ : ವೆಲ್ಲಿಂಗ್ಟನ್

ದಟ್ಸ್ ಕ್ರಿಕೆಟ್

English summary
New Zealand have named a 13-man squad for the five One Day International series against India starting from January 19.
ಅಭಿಪ್ರಾಯ ಬರೆಯಿರಿ