Englishहिन्दीമലയാളംதமிழ்తెలుగు

ವಿಶ್ವ ಮಾನ್ಯ ಆಲ್ ರೌಂಡರ್ ಕಾಲಿಸ್ ನಿವೃತ್ತಿ ಘೋಷಣೆ

Posted by:
Updated: Thursday, December 26, 2013, 11:50 [IST]
 

ಜೋಹಾನ್ಸ್ ಬರ್ಗ್, ಡಿ.26: ದಕ್ಷಿಣ ಆಫ್ರಿಕಾದ ಆಲ್ ರೌಂಡರ್ ಜಾಕ್ ಕಾಲಿಸ್ ಅವರು ಟೆಸ್ಟ್ ಹಾಗೂ ಪ್ರಥಮ ದರ್ಜೆ ಕ್ರಿಕೆಟ್ ನಿಂದ ನಿವೃತ್ತಿ ಘೋಷಿಸಿದ್ದಾರೆ. ಡರ್ಬನ್ ನಲ್ಲಿ ಪ್ರವಾಸಿ ಭಾರತ ವಿರುದ್ಧ ನಡೆಯಲಿರುವ ಎರಡನೇ ಟೆಸ್ಟ್ ಪಂದ್ಯ ಅವರ ವೃತ್ತಿ ಜೀವನದ ಕೊನೆಯ ಪಂದ್ಯವಾಗಲಿದೆ.

ಕಿಂಗ್ಸ್ ಮೀಡ್ ಡರ್ಬನ್ ನಲ್ಲಿ ಪ್ರವಾಸಿ ಭಾರತ ವಿರುದ್ಧ ಗುರುವಾರ(ಡಿ.26) ದಿಂದ ಎರಡನೆ ಟೆಸ್ಟ್ ಆರಂಭಗೊಳ್ಳಲಿದೆ.

ಟೆಸ್ಟ್ ಕ್ರಿಕೆಟ್ ನಲ್ಲಿ ಗರಿಷ್ಠ ಶತಕದ ದಾಖಲೆಯಲ್ಲಿ ಸಚಿನ್ ತೆಂಡೂಲ್ಕರ್ ನಂತರದ ಸ್ಥಾನದಲ್ಲಿರುವ ಜಾಕ್ ಕಾಲಿಸ್ ದಕ್ಷಿಣ ಆಫ್ರಿಕದ ಶ್ರೇಷ್ಠ ಆಟಗಾರರಲ್ಲಿ ಒಬ್ಬರೆನಿಸಿದ್ದಾರೆ. ಕಳೆದ 18 ವರ್ಷಗಳಿಂದ ಟೆಸ್ಟ್ ಕ್ರಿಕೆಟ್ ನಲ್ಲಿ ಆಲ್ ರೌಂಡರ್ ಆಗಿ ಹಲವು ದಾಖಲೆಗಳನ್ನು ಕಾಲಿಸ್ ಬರೆದಿದ್ದಾರೆ. ದಕ್ಷಿಣ ಆಫ್ರಿಕದ ಖ್ಯಾತ ಕ್ರಿಕೆಟಿಗರಾದ ಡೊನಾಲ್ಡ್, ಗ್ಯಾರಿ ಕರ್ಸ್ಟನ್ ಮತ್ತು ಶಾನ್ ಪೊಲಾಕ್ ಅವರೊಂದಿಗೆ ಕೂಡಾ ಕಾಲಿಸ್ ಕ್ರಿಕೆಟ್ ಆಡಿದ್ದಾರೆ.

ವಿಶ್ವ ಮಾನ್ಯ ಆಲ್ ರೌಂಡರ್ ಕಾಲಿಸ್ ನಿವೃತ್ತಿ ಘೋಷಣೆ

165 ಟೆಸ್ಟ್‌ಗಳನ್ನು ಆಡಿರುವ 38ರ ಹರೆಯದ ಕಾಲಿಸ್ 279 ಇನಿಂಗ್ಸ್‌ಗಳಲ್ಲಿ 55.12 ಸರಾಸರಿಯಂತೆ 13,174 ರನ್, 44 ಶತಕ, 58 ಅರ್ಧಶತಕ ಮತ್ತು 292 ವಿಕೆಟ್ ಪಡೆದಿದ್ದಾರೆ.

*ಹೆಸರು: ಜಾಕ್ ಹೆನ್ರಿ ಕಾಲಿಸ್

*ಜನನ: ಅಕ್ಟೋಬರ್ 16, 1975. ಕೇಪ್‌ಟೌನ್‌ನ ಫಿನ್‌ಲ್ಯಾಂಡ್‌ನಲ್ಲಿ.

*ಆಟದಲ್ಲಿ ಪಾತ್ರ: ಆಲ್‌ರೌಂಡರ್.

*ಬ್ಯಾಟಿಂಗ್ ಶೈಲಿ: ಬಲಗೈ ಬ್ಯಾಟ್ಸ್‌ಮನ್.

*ಬೌಲಿಂಗ್ ಶೈಲಿ: ಬಲಗೈ ಮಧ್ಯಮ ವೇಗಿ

* ಆಡಿರುವ ತಂಡಗಳು: ದಕ್ಷಿಣ ಆಫ್ರಿಕ, ಆಫ್ರಿಕ ಇಲೆವೆನ್, ಕೇಪ್ ಕೋಬ್ರಾಸ್, ಗ್ಲಮೋರ್ಗನ್, ಐಸಿಸಿ ವರ್ಲ್ಡ್ ಇಲೆವೆನ್, ಕೋಲ್ಕತಾ ನೈಟ್ ರೈಡರ್ಸ್‌, ಮಿಡ್ಲ್‌ಸೆಕ್ಸ್, ರಾಯಲ್ ಚಾಲೆಂಜರ್ಸ್‌ ಬೆಂಗಳೂರು, ವಾರಿಯರ್ಸ್‌, ವೆಸ್ಟರ್ನ್ ಪ್ರಾವಿನ್ಸ್.

ಮೊದಲ ಟೆಸ್ಟ್: 20ರ ಹರೆಯದಲ್ಲಿ ಟೆಸ್ಟ್ ಕ್ರಿಕೆಟ್‌ಗೆ ಪ್ರವೇಶ, 1995ರಲ್ಲಿ ಡರ್ಬನ್‌ನಲ್ಲಿ ಡಿ.14-18ರ ತನಕ ನಡೆದ ಇಂಗ್ಲೆಂಡ್ ವಿರುದ್ಧದ ಟೆಸ್ಟ್.

ಟೆಸ್ಟ್‌ನಲ್ಲಿ ಸಾಧನೆ

* ಆಡಿರುವ ಟೆಸ್ಟ್ : 165 , ಇನಿಂಗ್ಸ್ 279, ಸರಾಸರಿ 55.12

* ರನ್: 13, 174.

* ಶತಕ: 44, ಅರ್ಧಶತಕ 58, ದ್ವಿಶತಕ : 2, ಗರಿಷ್ಠ 224,ಬೌಂಡರಿ 1475, ಸಿಕ್ಸರ್ 97.

*ವಿಕೆಟ್ :292 , ಅತ್ಯುತ್ತಮ 54ಕ್ಕೆ 6 ವಿಕೆಟ್.

*ಕ್ಯಾಚ್ :199.

*ಶತಕದಲ್ಲಿ ಸ್ಥಾನ: ಗರಿಷ್ಠ ಶತಕ ದಾಖಲಿಸಿದ ಟೆಸ್ಟ್ ಬ್ಯಾಟ್ಸ್‌ಮನ್‌ಗಳಲ್ಲಿ ಸಚಿನ್ ತೆಂಡುಲ್ಕರ್ ಮೊದಲ ಸ್ಥಾನದಲ್ಲಿ ಹಾಗೂ ಕಾಲಿಸ್ ಎರಡನೆ ಸ್ಥಾನದಲ್ಲಿದ್ದಾರೆ.

*ಏಕದಿನ ಕ್ರಿಕೆಟ್: 325 ಪಂದ್ಯ, ಇನಿಂಗ್ಸ್ 311, ರನ್ 11,574, ಗರಿಷ್ಠ 139, ಸರಾಸರಿ 44.86, ಶತಕ 17, ಅರ್ಧಶತಕ 86, ಬೌಂಡರಿ 911, ಸಿಕ್ಸರ್ 137, ಕ್ಯಾಚ್ 129.

*ಟಿ-20 : ಪಂದ್ಯ 25, ರನ್ 666, ಅರ್ಧಶತಕ 5. ವಿಕೆಟ್ 12.

*ಪ್ರಥಮ ದರ್ಜೆ : 256 , ರನ್ 19,580, ಗರಿಷ್ಠ 224, ಶತಕ 61, ಅರ್ಧಶತಕ 97, ಕ್ಯಾಚ್ 263, ವಿಕೆಟ್ 427.

* ಟ್ವೆಂಟಿ 20: ಪಂದ್ಯ 134, ರನ್ 3,517, ಅರ್ಧಶತಕ 26, ವಿಕೆಟ್ 87.

ದಕ್ಷಿಣ ಆಫ್ರಿಕದ ಶ್ರೇಷ್ಠ ಕ್ರಿಕೆಟಿಗರಾದ ಕಾಲಿಸ್ (165 ಟೆಸ್ಟ್‌ಗಳಲ್ಲಿ 13, 174 ರನ್) ಟೆಸ್ಟ್‌ನಲ್ಲಿ ಗರಿಷ್ಠ ರನ್ ಗಳಿಸಿದ ವಿಶ್ವದ ಬ್ಯಾಟ್ಸ್‌ಮನ್‌ಗಳ ಪೈಕಿ ನಾಲ್ಕನೆ ಸ್ಥಾನದಲ್ಲಿದ್ದಾರೆ. ಸಚಿನ್ ತೆಂಡುಲ್ಕರ್ (200 ಟೆಸ್ಟ್‌ಗಳಲ್ಲಿ 15,921) ಪ್ರಥಮ ಸ್ಥಾನ, ರಿಕಿ ಪಾಂಟಿಂಗ್(165 ಟೆಸ್ಟ್‌ಗಳಲ್ಲಿ 13,378) ದ್ವಿತೀಯ ಮತ್ತು ರಾಹುಲ್ ದ್ರಾವಿಡ್ (164 ಟೆಸ್ಟ್‌ಗಳಲ್ಲಿ 13,288 ರನ್) ತೃತೀಯ ಸ್ಥಾನ ಗಳಿಸಿದ ವಿಶ್ವದ ದಾಂಡಿಗರು.

ಕಾಲಿಸ್ ವಿಶ್ವ ಶ್ರೇಷ್ಠ ಆಲ್‌ರೌಂಡರ್. ಸರ್ ಗ್ಯಾರಿಫೀಲ್ಡ್ ಸೋಬೆರ್ಸ್‌(8,032 ರನ್, 235 ವಿಕೆಟ್, 109 ಕ್ಯಾಚ್, 93 ಟೆಸ್ಟ್) ಮತ್ತು ಸರ್ ಇಯಾನ್ ಬೋಥಮ್(5,200 ರನ್, 383 ವಿಕೆಟ್, 120 ಕ್ಯಾಚ್, 102 ಟೆಸ್ಟ್) ಇವರನ್ನು ಹಿಂದಕ್ಕೆ ತಳ್ಳಿ ತನ್ನ ಹೆಸರಲ್ಲಿ ನೂತನ ದಾಖಲೆ ಬರೆದವರು.

ಟೆಸ್ಟ್‌ನಲ್ಲಿ ಗರಿಷ್ಠ ಶತಕ ದಾಖಲಿಸಿದವರ ಪೈಕಿ ಸಚಿನ್ ತೆಂಡುಲ್ಕರ್ (51) ಮೊದಲ ಸ್ಥಾನ ಪಡೆದಿದ್ದಾರೆ. ಕಾಲಿಸ್(44) ಎರಡನೆ ಸ್ಥಾನ, ಆ ನಂತರದ ಸ್ಥಾನವನ್ನು ಪಾಂಟಿಂಗ್(41), ದ್ರಾವಿಡ್(36), ಸುನಿಲ್ ಗವಾಸ್ಕರ್(34), ಲಾರಾ (34), ಸಂಗಕ್ಕರ (33), ಸ್ಟೀವ್ ವಾ (32), ಜಯವರ್ಧನೆ (31) ಮತ್ತು ಮ್ಯಾಥ್ಯೂ ಹೇಡನ್(30) ಪಡೆದಿದ್ದಾರೆ.

ನಿವೃತ್ತಿಯ ನಿರ್ಧಾರದ ಮೊದಲು ದಕ್ಷಿಣ ಆಫ್ರಿಕ ಕ್ರಿಕೆಟ್ ಸಂಸ್ಥೆಯೊಂದಿಗೆ ಮಾತುಕತೆ ನಡೆಸಿರುವ ಕಾಲಿಸ್ "ಕಳೆದ ಹದಿನೆಂಟು ವರ್ಷಗಳಿಂದ ದಕ್ಷಿಣ ಆಫ್ರಿಕ ಟೆಸ್ಟ್ ತಂಡದಲ್ಲಿ ಆಡಲು ಅವಕಾಶ ದೊರೆತಿರುವುದು ನನಗೊಂದು ಗೌರವ ಹಾಗೂ ಪ್ರತಿಷ್ಠೆಯ ವಿಚಾರವಾಗಿದೆ. ನನಗೆ ದೊರೆತ ಅವಕಾಶವನ್ನು ಚೆನ್ನಾಗಿ ಬಳಸಿಕೊಂಡಿರುವೆನು. ಇದೀಗ ಸರಿಯಾದ ಸಮಯದಲ್ಲೆ ಟೆಸ್ಟ್ ಕ್ರಿಕೆಟ್‌ನಿಂದ ದೂರ ಸರಿಯಲು ಬಯಸಿರುವೆನು" ಎಂದು ಕಾಲಿಸ್ ತಿಳಿಸಿದ್ದಾರೆ.

ಕಾಲಿಸ್ ಟೆಸ್ಟ್ ಹಾಗೂ ಪ್ರಥಮ ದರ್ಜೆ ಕ್ರಿಕೆಟ್‌ನಿಂದ ದೂರ ಸರಿಯುವ ನಿರ್ಧಾರಕೈಗೊಂಡಿದ್ದರೂ ಏಕದಿನ ಕ್ರಿಕೆಟ್‌ನಲ್ಲಿ ಮುಂದುವರಿಯಲಿದ್ದಾರೆ. ಫಿಟ್‌ನೆಸ್ ಇದ್ದರೆ 2015ರ ವಿಶ್ವಕಪ್ ತಂಡದಲ್ಲಿ ಆಡುವುದಾಗಿ ಹೇಳಿದ್ದಾರೆ.

Story first published:  Thursday, December 26, 2013, 11:49 [IST]
English summary
South Africa's legendary all-rounder Jacques Kallis will retire from Test cricket after the second Test against India starting at Kingsmead here Thursday. Kallis, 38, however, will be available for the shorter formats of the game.
ಅಭಿಪ್ರಾಯ ಬರೆಯಿರಿ