Englishहिन्दीമലയാളംதமிழ்తెలుగు

ಇಂಗ್ಲೆಂಡ್ ಬಗ್ಗು ಬಡಿದು ಆಷಸ್ ಗೆದ್ದ ಆಸೀಸ್

Posted by:
Published: Tuesday, December 17, 2013, 18:23 [IST]
 

ಪರ್ತ್, ಡಿ.17: ಇನ್ನೂ ಎರಡು ಪಂದ್ಯಗಳು ಇರುವಂತೆಯೇ 3-0 ಮುನ್ನಡೆಯೊಂದಿಗೆ ಐದು ಪಂದ್ಯಗಳ ಆಷಸ್ (Ashes) ಸರಣಿಯನ್ನು ಆಸ್ಟ್ರೇಲಿಯಾ ತಂಡ ತನ್ನದಾಗಿಸಿಕೊಂಡಿದೆ. ಪ್ರವಾಸಿ ಇಂಗ್ಲೆಂಡ್ ತಂಡವನ್ನು 150 ರನ್ ಗಳಿಂದ ಸೋಲಿಸಿದ ಆಸ್ಟ್ರೇಲಿಯಾದ ನಾಲ್ಕು ವರ್ಷಗಳ ನಂತರ ಆಷಸ್ ಪುನಃ ಪಡೆದಿದೆ.

ವಾಕಾ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಗೆಲ್ಲಲು ಎರಡನೇ ಇನಿಂಗ್ಸ್ ನಲ್ಲಿ 504 ರನ್ ಗಳ ಬೃಹತ್ ಸವಾಲು ಎದುರಿಸಿದ ಇಂಗ್ಲೆಂಡ್ ಸೋಮವಾರ ನಾಲ್ಕನೇ ದಿನದಾಟ ನಿಂತಾಗ 5 ವಿಕೆಟ್ ನಷ್ಟಕ್ಕೆ 251 ರನ್ ಗಳಿಸಿ ಸೋಲಿನ ದವಡೆಗೆ ಸಿಲುಕಿತ್ತು. ಇಂದು ಆಟ ಮುಂದುವರೆಸಿ 103.2 ಓವರ್ ಗಳಲ್ಲಿ 353 ರನ್ ಗಳಿಗೆ ಆಲೌಟ್ ಆಗಿದೆ. ಮುಂದಿನ ಟೆಸ್ಟ್ ಪಂದ್ಯ ಬಾಕ್ಸಿಂಗ್ ಡೇ ದಿನ ಡಿ.26ರಂದು ಮೆಲ್ಬೋರ್ನ್ ನಲ್ಲಿ ನಡೆಯಲಿದೆ. ಆಗಸ್ಟ್ 23,2009 ರಿಂದ ಸತತವಾಗಿ ಆಷಸ್ ಕಪ್ ಗೆಲ್ಲುತ್ತಾ ಬಂದಿದ್ದ ಇಂಗ್ಲೆಂಡ್ ಪಡೆ ಈ ವರ್ಷದ ಸರಣಿಯಲ್ಲಿ ಹೀನಾಯ ಸೋಲು ಅನುಭವಿಸಿದೆ.

ಸ್ಕೋರ್ ಕಾರ್ಡ್ ನೋಡಿ
ಮಧ್ಯಮ ಕ್ರಮಾಂಕದ ಬ್ಯಾಟ್ಸ್ ಮನ್ ಬೆನ್ ಸ್ಟೋಕ್ಸ್ (120) ಶತಕ ಬಿಟ್ಟರೆ, ಇತರೆ ಬ್ಯಾಟ್ ಮನ್ ಗಳು ವಿಫಲರಾದರು. ಈ ಮಧ್ಯೆ ಕೆವಿನ್ ಪೀಟರ್ಸನ್ (45) ಸ್ವಲ್ಪ ಪ್ರತಿರೋಧ ತೋರಿದ್ದರಾದರೂ ವೈಯಕ್ತಿಕವಾಗಿ ಬೃಹತ್ ಮೊತ್ತ ಪೇರಿಸುವಲ್ಲಿ ಈ ಸರಣಿಯಲ್ಲಿ ವೈಫಲ್ಯ ಕಂಡಿದ್ದಾರೆ.

ಇಂಗ್ಲೆಂಡ್ ಬಗ್ಗು ಬಡಿದು ಆಷಸ್ ಗೆದ್ದ ಆಸೀಸ್

ಇದಕ್ಕೂ ಮುನ್ನ ಆಸ್ಟ್ರೇಲಿಯಾ 6 ವಿಕೆಟ್ ನಷ್ಟಕ್ಕೆ 369 ರನ್‌ಗಳೊಂದಿಗೆ ತನ್ನ ಎರಡನೇ ಇನಿಂಗ್ಸ್ ಡಿಕ್ಲೇರ್ ಮಾಡಿಕೊಂಡಿತ್ತು. ಮೂರನೇ ದಿನದ ಮೊತ್ತ 3 ವಿಕೆಟ್‌ಗೆ 235 ರನ್‌ಗಳೊಂದಿಗೆ ಉಪಾಂತ್ಯ ದಿನದಾಟ ಮುಂದುವರಿಸಿದ ಆಸ್ಟ್ರೇಲಿಯಾ 3 ವಿಕೆಟ್ ಕಳೆದುಕೊಂಡು ಮತ್ತೆ ಖಾತೆಗೆ 134 ರನ್ ಸೇರಿಸಿ ಡಿಕ್ಲೇರ್ ಘೋಷಣೆ ಮಾಡಿತ್ತು. ಆಸ್ಟ್ರೇಲಿಯಾದ ಎರಡನೇ ಇನಿಂಗ್ಸ್ ಬ್ಯಾಟಿಂಗ್ ನಲ್ಲಿ ಶೇನ್ ವ್ಯಾಟ್ಸನ್ (103ರನ್, 108 ಎಸೆತ, 11 ಬೌಂಡರಿ, 5 ಸಿಕ್ಸರ್) ಶತಕ ಬಾರಿಸಿ ಗಮನ ಸೆಳೆದರು. ಇಂಗ್ಲೆಂಡ್ ಪರ ಟಿಮ್ ಬ್ರೆಸ್ನನ್ ಮತ್ತು ಬೆನ್ ಸ್ಟೋಕ್ಸ್ ತಲಾ 2 ವಿಕೆಟ್ ಕಬಳಿಸಿದರು.

ಜಾರ್ಜ್ ಬೇಲಿ ಅವರು ಟೆಸ್ಟ್ ಕ್ರಿಕೆಟ್ ಇತಿಹಾಸದಲ್ಲಿ ಒಂದೇ ಓವರ್ ವೊಂದರಲ್ಲಿ 28 ರನ್‌ಗಳಿಸುವ ಮೂಲಕ ವೆಸ್ಟ್ ಇಂಡೀಸ್‌ನ ಬ್ರಯಾನ್ ಲಾರಾ ಅವರ ವಿಶ್ವದಾಖಲೆ ಸಾಧನೆಯನ್ನು ಸರಿಗಟ್ಟಿದ್ದರು. ಜೇಮ್ಸ್ ಆಂಡರ್ಸನ್ ದಾಳಿಯಲ್ಲಿ ಮೂರು ಸಿಕ್ಸರ್ ಮತ್ತು ಎರಡು ಬೌಂಡರಿ ಒಳಗೊಂಡಂತೆ 28 ರನ್ ಸಿಡಿಸಿದ್ದರು.

ಸಂಕ್ಷಿಪ್ತ ಸ್ಕೋರ್

ಆಸ್ಟ್ರೇಲಿಯಾ ಮೊದಲ ಇನಿಂಗ್ಸ್ 385 ಮತ್ತು ಎರಡನೇ ಇನಿಂಗ್ಸ್ 6 ವಿಕೆಟ್ ಗೆ 369 ಡಿಕ್ಲೇರ್ (ಶೇನ್ ವ್ಯಾಟ್ಸನ್ 103, ಜಾರ್ಜ್ ಬೇಯ್ಲಿ ಅಜೇಯ 39, ಟಿಮ್ ಬ್ರೆಸ್ನನ್ 53ಕ್ಕೆ2, ಬೆನ್ ಸ್ಟೋಕ್ಸ್ 82ಕ್ಕೆ2) ಹಾಗೂ ಇಂಗ್ಲೆಂಡ್ ಮೊದಲ ಇನಿಂಗ್ಸ್ 251 ಮತ್ತು ಎರಡನೇ ಇನಿಂಗ್ಸ್ 353 (ಬೆನ್ ಸ್ಟೋಕ್ಸ್ 120, ಇಯಾನ್ ಬೆಲ್ 60, ಕೆವಿನ್ ಪೀಟರ್ ಸನ್ 45, ಜಾನ್ಸನ್ 78ಕ್ಕೆ 4)

English summary
Australia defeated England by 150 runs in the third Test to reclaim the Ashes after four years. Chasing 504, England were bowled out for 353 in 103.2 overs to hand back the famous urn to the hosts at the WACA ground on Tuesday.
ಅಭಿಪ್ರಾಯ ಬರೆಯಿರಿ