Englishहिन्दीമലയാളംதமிழ்తెలుగు

ಕುಂಬ್ಳೆ-ಮಯ್ಯಗೆ ಮುಖಭಂಗ, ಬ್ರಿಜೇಶ್- ಒಡೆಯರ್ ಜಯಭೇರಿ

Posted by:
Updated: Monday, December 2, 2013, 8:42 [IST]
 

ಬೆಂಗಳೂರು, ಡಿ.01 : ಕರ್ನಾಟಕ ರಾಜ್ಯ ಕ್ರಿಕೆಟ್ ಸಂಸ್ಥೆ ಆಡಳಿತ ಮಂಡಳಿ ಚುನಾವಣೆ ಭಾನುವಾರ ನಡೆದು ಫಲಿತಾಂಶ ಪ್ರಕಟಗೊಂಡಿದೆ. ಅನಿಲ್ ಕುಂಬ್ಳೆ- ಜಾವಗಲ್ ಶ್ರೀನಾಥ್ ಬಣ ಹಾಗೂ ಒಡೆಯರ್-ಬ್ರಿಜೇಶ್ ಬಣಗಳ ನಡುವೆ ನೇರಾನೇರ ಹಣಾಹಣಿಗೆ ಚಿನ್ನಸ್ವಾಮಿ ಕ್ರೀಡಾಂಗಣ ಸಾಕ್ಷಿಯಾಗಿತ್ತು. ಬ್ರಿಜೇಶ್ -ಒಡೆಯರ್ ಬಣ ಭರ್ಜರಿ ಜಯ ದಾಖಲಿಸಿ ಸದಾನಂದ ಮಯ್ಯ ಹಾಗೂ ತಂಡವನ್ನು ಭಾರಿ ಅಂತರದಿಂದ ಸೋಲಿಸಿದೆ.

ಒಟ್ಟು 24 ಸ್ಥಾನಗಳಿಗೆ ಚುನಾವಣೆ ನಡೆಯಬೇಕಿತ್ತು. ಆದ್ರೆ ಒಬ್ಬರು ಅವಿರೋಧವಾಗಿ ಆಯ್ಕೆಯಾಗಿರುವುದರಿಂದ 23 ಸ್ಥಾನಗಳಿಗೆ ಚುನಾವಣೆ ನಡೆಯಿತು. ಒಬ್ಬ ಸದಸ್ಯ 23 ಮತಗಳನ್ನು ಚಲಾಯಿಸಬಹುದಾಗಿತ್ತು. ಭಾನುವಾರ ಬೆಳಗ್ಗೆ ವಾರ್ಷಿಕ ಸಾಮಾನ್ಯ ಸಭೆ ನಡೆಯಿತು, ನಂತರ ಮತದಾನ ನಡೆದು ರಾತ್ರಿ ಫಲಿತಾಂಶ ಹೊರ ಬಂದಿದ್ದು ಎಲ್ಲಾ 23 ಸ್ಥಾನಗಳು ಬ್ರಿಜೇಶ್-ಒಡೆಯರ್ ಬಣದ ಪಾಲಾಗಿದೆ.

ಕಳೆದ ಬಾರಿ ಅನಿಲ್ ಕುಂಬ್ಳೆ ಬಣಕ್ಕೆ ಬೆಂಬಲ ನೀಡಲು ಚುನಾವಣೆಯಿಂದ ಹೊರಗುಳಿದಿದ್ದ ತನ್ನನ್ನು ಕುಂಬ್ಳೆ ಕಡೆಗಣಿಸಿದ್ದರಿಂದ ಬ್ರಿಜೇಶ್ ಪಟೇಲ್ ಬೇಸತ್ತು ಈ ಬಾರಿ ಒಡೆಯರ್ ಬಣವನ್ನು ಸೇರಿದ್ದರು. ಹೀಗಾಗಿ ಕಳೆದೆರಡು ಬಾರಿ ವಿರೋಧಿಗಳಾಗಿದ್ದ ಒಡೆಯರ್ ಮತ್ತು ಬ್ರಿಜೇಶ್ ಪಟೇಲ್ ಈ ಬಾರಿ ಜೊತೆಜೊತೆಯಾಗಿಯೇ ಸ್ಪರ್ಧಿಗಿಳಿದು ಗೆದ್ದಿರುವುದು ವಿಶೇಷ. ಇದಲ್ಲದೆ ಒಡೆಯರ್-ಬ್ರಿಜೇಶ್ ತಂಡಕ್ಕೆ ಉದ್ಯಮಿ ವಿಜಯ್ ಮಲ್ಯ ಬೆಂಬಲ ಸಿಕ್ಕಿತ್ತು.

ಕುಂಬ್ಳೆ-ಮಯ್ಯಗೆ ಮುಖಭಂಗ, ಬ್ರಿಜೇಶ್- ಒಡೆಯರ್ ಜಯಭೇರಿ

ಹಾಲಿ ಆಡಳಿತ ಮಂಡಳಿಯಲ್ಲಿರುವ ಕುಂಬ್ಳೆ ಮತ್ತು ಶ್ರೀನಾಥ್ ಸೇರಿದಂತೆ ಮಾಜಿ ಕ್ರಿಕೆಟಿಗರ ತಂಡ ಚುನಾವಣೆಯಿಂದ ಹಿಂದೆ ಸರಿದಿತ್ತು. ಆದರೆ, ತಮ್ಮ ಬೆಂಬಲಿಗರನ್ನ ಕಣಕ್ಕಿಳಿಸಿ, ಬ್ರಿಜೇಶ್-ಒಡೆಯರ್ ಬಣಕ್ಕೆ ಸೆಡ್ಡು ಹೊಡೆಯಲು ಯತ್ನಿಸ್ ಸೋತಿದ್ದಾರೆ. ಬಹುತೇಕ ಎಲ್ಲಾ ಕೆಎಸ್ ಸಿಎ ಸದಸ್ಯರು ಒಡೆಯರ್-ಬ್ರಿಜೇಶ್ ಬಣದ ಕಡೆ ಒಲವು ತೋರಿದ್ದು ಕುಂಬ್ಳೆ-ಮಯ್ಯ ತಂಡಕ್ಕೆ ಮುಳುವಾಯಿತು.

ಈ ಹಿಂದೆ 12 ವರ್ಷಗಳ ಕಾಲ ಕಾರ್ಯದರ್ಶಿ ಆಗಿದ್ದ ಪಟೇಲ್ ಕಳೆದ ಚುನಾವಣೆಯಲ್ಲಿ ಸ್ಪರ್ಧಿಸಿರಲಿಲ್ಲ. 'ನಾವು ಮತ್ತೊಮ್ಮೆ ಆಯ್ಕೆಯಾದರೆ ಕರ್ನಾಟಕ ಪ್ರೀಮಿಯರ್ ಲೀಗ್(ಕೆಪಿಎಲ್) ಸಹಿತ ಅಂಡರ್-14 ಹಾಗೂ ಅಂಡರ್-19 ಟೂರ್ನಿಗಳನ್ನು ಪುನರಾರಂಭಿಸುತ್ತೇವೆ.ಕೆಲವೊಂದು ಕಾರಣದಿಂದ 2010 ರಿಂದ ಕೆಪಿಎಲ್ ಟ್ವೆಂಟಿ-20 ಟೂರ್ನಿ ನಡೆದಿಲ್ಲ' ಎಂದು ಒಡೆಯರ್ ಹಾಗೂ ಪಟೇಲ್ ಹೇಳಿದ್ದನ್ನು ಇಲ್ಲಿ ಸ್ಮರಿಸಬಹುದು.

ಅಧ್ಯಕ್ಷ ಸ್ಥಾನ ಒಡೆಯರ್ ಬಣ: ಶ್ರೀಕಂಠದತ್ತ ನರಸಿಂಹರಾಜ ಒಡೆಯರ್ [ಗೆಲುವು]923

ಕುಂಬ್ಳೆ ಬಣ: ಸದಾನಂದ ಮಯ್ಯ [412]

ಉಪಾಧ್ಯಕ್ಷ ಸ್ಥಾನಗಳು
ಒಡೆಯರ್ ಬಣ: ಸುಧಾಕರ್ ರಾವ್ [915], ಸಂಜಯ್ ದೇಸಾಯಿ[861], ಪಿಆರ್ ಅಶೋಕಾನಂದ್ [ಗೆಲುವು]  [790]
ಕುಂಬ್ಳೆ ಬಣ: ಸಿಆರ್ ಲಕ್ಷ್ಮೀನಾರಾಯಣ್, ಜೆ ಅಭಿರಾಮ್, ರಾಮದ್ಯಾನಿ

ಕಾರ್ಯದರ್ಶಿ ಸ್ಥಾನ
ಒಡೆಯರ್ ಬಣ: ಬ್ರಿಜೇಶ್ ಪಟೇಲ್ (ಮಾಜಿ ಕ್ರಿಕೆಟರ್) [ಗೆಲುವು] [977]
ಕುಂಬ್ಳೆ ಬಣ: ಎ.ವಿ.ಜಯಪ್ರಕಾಶ್ (ಮಾಜಿ ಅಂಪೈರ್) [313]

ಖಜಾಂಚಿ ಸ್ಥಾನ
ಒಡೆಯರ್ ಬಣ: ದಯಾನಂದ ಪೈ (ಉದ್ಯಮಿ) [ಗೆಲುವು] [932]
ಕುಂಬ್ಳೆ ಬಣ: ತಲ್ಲಂ ವೆಂಕಟೇಶ್ [372]

ವ್ಯವಸ್ಥಾಪಕ ಸಮಿತಿ
ಜೀವಮಾನ ಸದಸ್ಯರು: ರಘುರಾಮ್ ಭಟ್ ಎ : 953; ದೊಡ್ಡ ಗಣೇಶ್ :899;
ಶ್ರೀನಿವಾಸ್ ಮೂರ್ತಿ ಎನ್ ಎಸ್ 881; ಮಲ್ಲಿಕಾರ್ಜುನ ಎಚ್ ಎಂ 816;
ಮಂಜುನಾಥ್ ವಿಎಂ 809; ಲಚ್ಮನ್ ಕೆ ಮಹ್ತಾನಿ 791

ಬೆಂಗಳೂರು ವಲಯ: ಸಿಟಿ ಕ್ರಿಕೆಟರ್ಸ್ : 980; ಜಯನಗರ ಕೋಲ್ಟ್ಸ್ : 894; ಬೆಂಗಳೂರು ಕ್ರಿಕೆಟರ್ಸ್ : 882; ಸ್ವಸ್ತಿಕ್ ಯೂನಿಯನ್ ಕ್ರಿಕೆಟ್ ಕ್ಲಬ್ : 872; ವಿಜಯ ಕ್ರಿಕೆಟ್ ಕ್ಲಬ್, ಮಾಲೂರು : 860; ವಲ್ಚರ್ ಕ್ರಿಕೆಟ್ ಕ್ಲಬ್ : 782

ಮೈಸೂರು ವಲಯ : ಆರ್ ಬಿಎನ್ ಕ್ರಿಕೆಟ್ ಕ್ಲಬ್ : 811; ಶಿವಮೊಗ್ಗ ವಲಯ : ದುರ್ಗಿಗುಡಿ ಕ್ರಿಕೆಟ್ ಸಮಿತಿ : 908;

ತುಮಕೂರು ವಲಯ : ತುಮಕೂರು ಅಕೇಷನಲ್ಸ್ : 933;
ಮಂಗಳೂರು ವಲಯ : ಮಂಗಳೂರು ಸ್ಪೋರ್ಟ್ಸ್ ಕ್ಲಬ್ : 770;
ರಾಯಚೂರು : XI ಕ್ರಿಕೆಟ್ ಕ್ಲಬ್ : 926;
ಧಾರವಾಡ ವಲಯ : ಬಿಡಿಕೆ ಸ್ಪೊರ್ಟ್ಸ್ ಫೌಂಡೇಷನ್ : ಅವಿರೋಧ ಆಯ್ಕೆ
ದಟ್ಸ್ ಕ್ರಿಕೆಟ್

Story first published:  Sunday, December 1, 2013, 22:41 [IST]
English summary
KSCA 2013 elections Result : Brijesh Patel, Wodeyar team Secure Huge Victory over Sadananda Maiya and team. Both Anil Kumble and Javagal Srinath didn't contested this year's election but supported a group headed by industrialist Sadanand Maiya.
ಅಭಿಪ್ರಾಯ ಬರೆಯಿರಿ