Englishहिन्दीമലയാളംதமிழ்తెలుగు

ಕ್ರಿಕೆಟ್ ದೇವರನ್ನು ಹೊಗಳದಂತೆ ತಾಲಿಬಾನ್ ಫತ್ವಾ

Posted by:
Published: Thursday, November 28, 2013, 18:43 [IST]
 

ಇಸ್ಲಾಮಾಬಾದ್, ನ.28: ಕ್ರಿಕೆಟ್ ದೇವರು ಸಚಿನ್ ತೆಂಡೂಲ್ಕರ್ ಒಬ್ಬ ಭಾರತೀಯ. ಅವನನ್ನು ಹೊಗಳುವುದು ನಾಚಿಕೆಗೇಡು. ಇನ್ನಾದರೂ ಸಚಿನ್ ಕೊಂಡಾಡುವುದನ್ನು ನಿಲ್ಲಿಸಿ ಇಲ್ಲದಿದ್ದರೆ ಪರಿಣಾಮ ನೆಟ್ಟಗಿರುವುದಿಲ್ಲ ಎಂದು ನಿಷೇಧಿತ ಉಗ್ರ ಸಂಘಟನೆ ತೆಹ್ರಿಕ್ ಇ ತಾಲಿಬಾನ್ ಪಾಕಿಸ್ತಾನಿ ಮಾಧ್ಯಮಗಳಿಗೆ ಕಟ್ಟುನಿಟ್ಟಿನ ಎಚ್ಚರಿಕೆ ನೀಡಿದೆ.

ಕ್ರಿಕೆಟ್ ದಂತಕತೆ ಸಚಿನ್ ತೆಂಡೂಲ್ಕರ್ ಅವರು ನವೆಂಬರ್ 16 ರಂದು ಕ್ರಿಕೆಟ್ ಆಟಕ್ಕೆ ವಿದಾಯ ಹೇಳಿ ನಿವೃತ್ತರಾದ ಸಂದರ್ಭದಲ್ಲಿ ಪಾಕಿಸ್ತಾನಿ ಮಾಧ್ಯಮಗಳೂ ಕೂಡ ಕ್ರಿಕೆಟ್ ದೇವರನ್ನು ಯದ್ವಾತದ್ವಾ ಹೊಗಳಿದವು. ಈಗಲೂ ಮಾಧ್ಯಮಗಳು ಸಚಿನ್ ಬಗ್ಗೆ ಬರೆಯುವುದು, ಪ್ರಸಾರ ಮಾಡುವುದು ನಡೆದೇ ಇದೆ.

ಆದರೆ ಇದರಿಂದ ಕೆಂಡಾಮಂಡಲವಾಗಿರುವ ತಾಲಿಬಾನಿ ಮೂಲಭೂತವಾದಿಗಳು ಮಾಧ್ಯಮದವರಿಗೆ ಸಚಿನ್ ತೆಂಡೂಲ್ಕರ್ ರನ್ನು ಹೊಗಳಿ ಬರೆಯದಂತೆ, ದೃಶ್ಯ ಮಾಧ್ಯಮಗಳಲ್ಲಿ ಬಿತ್ತರಿಸದಂತೆ ಬಂದೋಬಸ್ತ್ ಮಾಡುವ ಪ್ರಯತ್ನ ನಡೆಸಿದ್ದಾರೆ.

ಕ್ರಿಕೆಟ್ ದೇವರನ್ನು ಹೊಗಳದಂತೆ ತಾಲಿಬಾನ್ ಫತ್ವಾ

ಈ ಬಗ್ಗೆ ವಿಡಿಯೋ ಸಂದೇಶ ಕಳಿಸಿರುವ ಸಂಘಟನೆಯ ವಕ್ತಾರ ಶಹಿದುಲ್ಲಾ ಶಹೀದ್ ಅವರು, ಒಬ್ಬ ಭಾರತೀಯ ಆಟಗಾರನನ್ನು ಈ ರೀತಿ ಯದ್ವಾತದ್ವಾ ಹೊಗಳುವುದು ಅತ್ಯಂತ ನಾಚಿಕೆಗೇಡಿನ ವಿಚಾರವಾಗಿದೆ. ಮಾಧ್ಯಮಗಳು ಈ ಬಗ್ಗೆ ಜಾಗೃತಿ ವಹಿಸಬೇಕು. ಇನ್ನು ಮುಂದೆ ಈ ರೀತಿ ಸಚಿನ್ ತೆಂಡೂಲ್ಕರ್ ನನ್ನು ಹೊಗಳಿದರೆ ಪರಿಣಾಮ ನೆಟ್ಟಗಿರುವುದಿಲ್ಲ ಎಂದು ಎಚ್ಚರಿಕೆ ನೀಡಿದ್ದಾರೆ.

ನಾವು ಕಳೆದ ಮೂರ್ನಾಲ್ಕು ವಾರಗಳಿಂದಲೂ ಮಾಧ್ಯಮಗಳನ್ನು ಎಚ್ಚರಿಕೆಯಿಂದ ಪರಿಶೀಲಿಸುತ್ತಾ ಬರುತ್ತಿದ್ದೇವೆ. ಎಲ್ಲ ಚಾನೆಲ್ ಗಳು, ವೃತ್ತ ಪತ್ರಿಕೆಗಳಲ್ಲಿ ಭಾರತೀಯನೊಬ್ಬನನ್ನು ಅತಿಯಾಗಿ ಹೊಗಳುತ್ತಿರುವುದು ಕಂಡುಬಂದಿದೆ. ಇದರ ಪರಿಣಾಮವನ್ನು ಎದುರಿಸಬೇಕಾದೀತು ಹುಷಾರ್! ಎಂದು ತಾಲಿಬಾನಿ ಸಂಘಟನೆಯ ವಕ್ತಾರರು ಬಿಡುಗಡೆ ಮಾಡಿರುವ ವಿಡಿಯೋದಲ್ಲಿ ಹೇಳಲಾಗಿದೆ.

ಪಾಕಿಸ್ತಾನ ಮಾಧ್ಯಮಗಳು ಒಬ್ಬ ಭಾರತೀಯ. ಕ್ರಿಕೆಟ್ ಆಟಗಾರರನ್ನು ಅತಿಯಾಗಿ ಹೊಗಳುತ್ತಿರುವುದು ನಾಚಿಕೆಗೇಡು ಹಾಗೂ ದುರದೃಷ್ಟಕರ ವಿಷಯ. ಪಾಕಿಸ್ತಾನಿ ನಾಯಕ ಮಿಸ್ಬಾ ಉಲ್ ಹಕ್ ಅವರನ್ನು ತೆಗಳುವುದನ್ನು ಖಂಡಿಸಲಾಗಿದೆ ಎಂದು ಕಮಾಂಡರ್ ವಿಡಿಯೋದಲ್ಲಿ ಹೇಳಿದ್ದಾರೆ.

ಕರಾಚಿಯಲ್ಲಿ 1989ರಲ್ಲಿ ಪಾಕಿಸ್ತಾನ ವಿರುದ್ಧ ಆಡುವ ಮೂಲಕ ಸಚಿನ್ ಅವರು ಕ್ರಿಕೆಟ್ ರಂಗ ಪ್ರವೇಶಿಸಿದರು. ಇತ್ತೀಚೆಗೆ ಸಚಿನ್ ವಿದಾಯ ಭಾಷಣವನ್ನು ವಿಶೇಷವಾಗಿ ಪ್ರಸಾರ ಮಾಡಿದ್ದ ಎಕ್ಸ್ ಪ್ರೆಸ್ ಟ್ರಬ್ಯೂನ್ ಹಾಗೂ ಡೈಲಿ ಟೈಮ್ಸ್ ಪತ್ರಿಕೆಗಳು ಕ್ರಿಕೆಟ್ ಜಗತ್ತಿಗೆ ಸಚಿನ್ ಕೊಡುಗೆಯನ್ನು ಬಣ್ಣಿಸಿದ್ದು ತಾಲಿಬಾನಿಗಳ ಕೆಂಗಣ್ಣಿಗೆ ಗುರಿಯಾಗಿದೆ.(ಪಿಟಿಐ)

English summary
The banned Tehreek-e-Taliban Pakistan has asked Pakistani media groups to refrain from praising Indian cricket icon Sachin Tendulkar.
ಅಭಿಪ್ರಾಯ ಬರೆಯಿರಿ