Englishहिन्दीമലയാളംதமிழ்తెలుగు

ವಿಂಡೀಸ್ ದೈತ್ಯನ ಸಮಕ್ಕೆ ನಿಂತ ವಿರಾಟ್ ಕೊಹ್ಲಿ

Posted by:
Updated: Friday, November 22, 2013, 18:10 [IST]
 

ವಿಂಡೀಸ್ ದೈತ್ಯನ ಸಮಕ್ಕೆ ನಿಂತ ವಿರಾಟ್
ಕೊಚ್ಚಿ, ನ.22: ಇಲ್ಲಿನ ನೆಹರೂ ಕ್ರೀಡಾಂಗಣದಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ ಪ್ರಥಮ ಏಕದಿನ ಪಂದ್ಯದಲ್ಲಿ 86 ರನ್ ಸಿಡಿಸಿದ ವಿರಾಟ್ ಕೊಹ್ಲಿ ಏಕದಿನ ಕ್ರಿಕೆಟ್ ನಲ್ಲಿ ಅತಿ ವೇಗವಾಗಿ 5000 ರನ್ ಪೂರೈಸಿ ವಿಂಡೀಸ್ ದಂತಕತೆ ವಿವಿಯನ್ ರಿಚರ್ಡ್ಸ್ ದಾಖಲೆ ಸರಿಗಟ್ಟಿದರು.


ವಿರಾಟ್ ಕೊಹ್ಲಿ ಹಾಗೂ ವಿವಿಯನ್ ರಿಚರ್ಡ್ಸ್ ಇಬ್ಬರೂ 114 ಇನಿಂಗ್ಸ್ ನಲ್ಲಿ 5,000 ರನ್ ಗಳಿಸಿದ್ದಾರೆ. ಆದರೆ, ವಿಂಡೀಸ್ ದೈತ್ಯ ರಿಚರ್ಡ್ಸ್ 126 ಪಂದ್ಯ, ಕೊಹ್ಲಿ 120 ಪಂದ್ಯಗಳಲ್ಲಿ ಆಡಿದ್ದಾರೆ.

ವಿಂಡೀಸ್ ದೈತ್ಯನ ಸಮಕ್ಕೆ ನಿಂತ ವಿರಾಟ್ ಕೊಹ್ಲಿ

ವಿಶ್ವದ ನಂ.1 ಬ್ಯಾಟ್ಸ್ ಮನ್ ಕೊಹ್ಲಿಗೆ ರಿಚರ್ಡ್ಸ್ ಸಾಧನೆ ಸರಿಗಟ್ಟಲು 81 ರನ್‌ಗಳ ಅಗತ್ಯವಿತ್ತು. ಮಿಡ್‌ವಿಕೆಟ್‌ನತ್ತ ಬೌಂಡರಿ ಬಾರಿಸಿದ ಕೊಹ್ಲಿ ಈ ಮೈಲಿಗಲ್ಲನ್ನು ತಲುಪಿದರು. 9 ಬೌಂಡರಿ, 2 ಸಿಕ್ಸರ್ ಗಳಿದ್ದ 86 ರನ್ ಸಿಡಿಸಿ ಜಾಸನ್ ಹೋಲ್ಡರ್ ಗೆ ವಿಕೆಟ್ ಒಪ್ಪಿಸಿದ ಕೊಹ್ಲಿ ‘ಪಂದ್ಯಶ್ರೇಷ್ಠ' ಪ್ರಶಸ್ತಿ ಪಡೆದರು.

2008ರಲ್ಲಿ ಶ್ರೀಲಂಕಾದ ವಿರುದ್ಧ ಅಂತಾರಾಷ್ಟ್ರೀಯ ಏಕದಿನ ಕ್ರಿಕೆಟ್ ರಂಗಕ್ಕೆ ಇಳಿದ ಕೊಹ್ಲಿ 25 ವರ್ಷ ವಯಸ್ಸಿನಲ್ಲೇ 120 ಪಂದ್ಯವಾಡಿ 5000ಕ್ಕೂ ಅಧಿಕ ರನ್ ಗಳಿಸಿದ ಸಾಧನೆ ಮಾಡಿದ್ದಾರೆ. 5000 ರನ್ ಗಳಿಸಲು ಮಾಸ್ಟರ್ ಬ್ಲಾಸ್ಟರ್ ಸಚಿನ್ 138 ಇನ್ನಿಂಗ್ಸ್ ತೆಗೆದುಕೊಂಡರೆ, ವಿಂಡೀಸ್ ದೈತ್ಯ ಎಡಗೈ ಬ್ಯಾಟ್ಸ್ ಮನ್ ಬ್ರಿಯಾನ್ ಲಾರಾ 118 ಇನ್ನಿಂಗ್ಸ್ ನಲ್ಲಿ ಗಳಿಸಿದ್ದರು. ಭಾರತದ ಯಶಸ್ವಿ ನಾಯಕ ಸೌರವ್ ಗಂಗೂಲಿ ಅವರು 126 ಇನ್ನಿಂಗ್ಸ್ ನಲ್ಲಿ 5000 ರನ್ ಪೂರೈಸಿದ್ದರು.

ತ್ವರಿತವಾಗಿ 5000 ರನ್ ಗಳಿಸಿದ ಬ್ಯಾಟ್ಸ್ ಮನ್ ಗಳು
* ವಿರಾಟ್ ಕೊಹ್ಲಿ ಹಾಗೂ ವಿವಿಯನ್ ರಿಚರ್ಡ್ಸ್ (114 ಇನ್ನಿಂಗ್ಸ್)
* ಬ್ರಿಯಾನ್ ಲಾರಾ 118
* ಗಾರ್ಡನ್ ಗ್ರೀನಿಡ್ಜ್ 121
* ಎಬಿ ಡಿವಿಲ್ಲೆಯರ್ಸ್ 124
* ಸೌರವ್ ಗಂಗೂಲಿ 126
* ಡೀನ್ ಜೋನ್ಸ್ 128
* ಗ್ರಹಾಂ ಸ್ಮಿತ್ 131
* ಮ್ಯಾಥ್ಯೂ ಹೇಡನ್ 133
* ಮೈಕಲ್ ಬೆವನ್, ಎಂಎಸ್ ಧೋನಿ, ಗೌತಮ್ ಗಂಭೀರ್ 135
* ಗ್ಯಾರಿ ಕರ್ಸ್ಟನ್, ಜಾಕ್ ಕಾಲಿಸ್, ರಿಕಿ ಪಾಂಟಿಂಗ್, ಕ್ರಿಸ್ ಗೇಲ್ 137
* ಸಚಿನ್ ತೆಂಡೂಲ್ಕರ್, ಸಯೀದ್ ಅನ್ವರ್, ಮಹಮ್ಮದ್ ಯೂಸುಫ್ 138

Story first published:  Friday, November 22, 2013, 18:06 [IST]
English summary
India's Virat Kohli matched Vivian Richards' record during the first One Day International against West Indies here at Nehru Stadium on Thursday(Nov.21).
ಅಭಿಪ್ರಾಯ ಬರೆಯಿರಿ