Englishहिन्दीമലയാളംதமிழ்తెలుగు

ಸಚಿನ್ 'ಬಾಂಬೆ ಡಕ್' ಮೇಲೆ ಭರ್ಜರಿ ಬೆಟ್ಟಿಂಗ್

Posted by:
Published: Wednesday, November 13, 2013, 17:38 [IST]
 

ಮುಂಬೈ, ನ.13: ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಅವರ ಕಟ್ಟ ಕಡೆಯ ಟೆಸ್ಟ್ ಪಂದ್ಯ ಮುಗಿಯುವುದರೊಳಗೆ ಎಷ್ಟೋ ಮಂದಿ ಜೇಬು ತುಂಬಿರುತ್ತದೆ. ಇನ್ನು ಎಷ್ಟೋ ಮಂದಿ ಜೇಬು ಖಾಲಿಯಾಗಿರುತ್ತದೆ. ಇದಕ್ಕೆ ಸಚಿನ್ ಆರಾಧ್ಯ ದೈವ ವಿನಾಯಕನೇ ಸಾಕ್ಷಿ. ಹೌದು. ನ.14 ರಿಂದ ಆರಂಭಗೊಳ್ಳರುವ ವಿಂಡೀಸ್ ವಿರುದ್ಧದ ಟೆಸ್ಟ್ ಪಂದ್ಯದಲ್ಲಿ ಎಷ್ಟು ಸ್ಕೋರ್ ಮಾಡುತ್ತಾರೆ ಎಂಬುದರ ಬಗ್ಗೆ ಭಾರಿ ಬೆಟ್ಟಿಂಗ್ ನಡೆಯುತ್ತಿದೆ.

ಬೆಟ್ಟಿಂಗ್ ಬಗ್ಗೆ ಸಿಬಿಐ ನಿರ್ದೇಶಕ ಸಿನ್ಹಾ ನೀಡಿದ ಹೇಳಿಕೆ ವಿವಾದ ಸೃಷ್ಟಿಸಿರುವ ಬೆನ್ನಲ್ಲೇ ಬೆಟ್ಟಿಂಗ್ ಜಾಲ ವ್ಯಾಪಿಸುತ್ತಿರುವ ಸುದ್ದಿ ಬಂದಿದೆ. ಸುಮಾರು 2000 ಕೋಟಿ ರು.ಗೂ ಅಧಿಕ ಬೆಟ್ಟಿಂಗ್ ನಡೆಸಲಾಗಿದೆ ಎನ್ನಲಾಗಿದೆ. ಭಾರತದಲ್ಲಿ ಕಾನೂನು ಬಾಹಿರವಾಗಿರುವ ಬೆಟ್ಟಿಂಗ್ ಬಗ್ಗೆ ಹದ್ದಿನ ಕಣ್ಣಿಡಲು ಪೊಲೀಸಲು ಯೋಜಿಸಿದ್ದಾರೆ. ಬೆಟ್ಟಿಂಗ್ ಅಂತರ್ಜಾಲ ತಾಣಗಳಾದ ಲಾಡ್ ಬ್ರೋಕಸ್ ಮತ್ತು ವಿಲಿಯಮ್ ಹಿಲ್ ವೆಬ್ ಸೈಟ್ ಗಳು ಸಹ ಸಚಿನ್ ಪಂದ್ಯದ ಬಗ್ಗೆ ಬೆಟ್ಟಿಂಗ್ ನಡೆಸುತ್ತಿವೆ ಎನ್ನಲಾಗಿದೆ.

ಇತ್ತೀಚೆಗೆ ಸಚಿನ್ ಆಡಿರುವ ಟೆಸ್ಟ್ ಪಂದ್ಯಗಳ ಇನಿಂಗ್ಸ್ ಗಳನ್ನು ಗಮನಿಸಿದಾಗ, ಅವರು ಅಷ್ಟೊಂದು ಉತ್ತಮ ಪ್ರದರ್ಶನ ನೀಡಿಲ್ಲ ಹೀಗಾಗಿ ಸಚಿನ್ ಕುಖ್ಯಾತ 'ಬಾಂಬೆ ಡಕ್' ಹೊಡೆಯುತ್ತಾರೆ ನೋಡಿ ಎಂದು ಜನ ದುಡ್ಡು ಕಟ್ಟುತ್ತಿದ್ದಾರೆ. ಏನಿದು ಬಾಂಬೆ ಡಕ್. ಬಾಂಬೆ ಡಕ್ ಎಂದರೆ ಒಂದು ಜಾತಿ ಮೀನು.

ಸಚಿನ್ 'ಬಾಂಬೆ ಡಕ್' ಮೇಲೆ ಭರ್ಜರಿ ಬೆಟ್ಟಿಂಗ್

ಆಸ್ಟ್ರೇಲಿಯಾ ವಿರುದ್ಧ 7 ಬಾರಿ ಶೂನ್ಯಕ್ಕೆ ಔಟಾಗಿದ್ದ ಮುಂಬೈ ಆಟಗಾರ ವೇಗಿ ಅಜಿತ್ ಅಗರ್ಕರ್ ಮಾಣಿಕೇರ್ ಬಾಂಬೆ ಡಕ್' ಎಂಬ ಹೆಸರು ಪಡೆದು ಫೇಮಸ್ ಆಗಿದ್ದರು. ಸಚಿನ್ ಕೊರಳಿಗೂ ಈ ಟ್ಯಾಗ್ ಹಾಕಲು ಹಲವಾರು ಮಂದಿ ಸಿದ್ಧರಾಗುತ್ತಿದ್ದಾರೆ. ಅಲ್ಲದೆ ಕ್ರಿಕೆಟ್ ದಂತಕಥೆ ಡಾನ್ ಬ್ರಾಡ್ ಮನ್ ಕೂಡಾ ತಮ್ಮ ವೃತ್ತಿ ಜೀವನದ ಕಟ್ಟಕಡೆಯ ಇನ್ನಿಂಗ್ಸ್ ನಲ್ಲಿ ಡಕ್ ಹೊಡೆದಿದ್ದರು.

ಆದರೆ, ಇನ್ನು ಕೆಲವರು ಸಚಿನ್ ಶತಕ ಗ್ಯಾರಂಟಿ ಎನ್ನುತ್ತಿದ್ದಾರೆ. ಜನವರಿ 2011ರಿಂದ ಸಚಿನ್ 20 ಟೆಸ್ಟ್ ಇನಿಂಗ್ಸ್‌ಗಳಲ್ಲಿ ಶತಕವನ್ನೇ ದಾಖಲಿಸಿಲ್ಲ. ಕೇವಲ ಎರಡು ಅರ್ಧ ಶತಕಗಳನ್ನು ಮಾತ್ರ ಅವರು ದಾಖಲಿಸಿದ್ದಾರೆ. ಡಿಸೆಂಬರ್ 2012ರಂದು ಕೋಲ್ಕತಾದಲ್ಲಿ ಇಂಗ್ಲೆಂಡ್ ವಿರುದ್ಧ ನಡೆದ ಪಂದ್ಯದಲ್ಲಿ 76 ರನ್ ಮತ್ತು ಫೆಬ್ರುವರಿ 2013ರಂದು ಚೆನ್ನೈನಲ್ಲಿ ನಡೆದ ಪಂದ್ಯದಲ್ಲಿ ಆಸ್ಟ್ರೇಲಿಯಾ ವಿರುದ್ಧ 81 ರನ್ ಗಳಿಸಿದ್ದರು. ಹೀಗಾಗಿ ಪ್ರತಿಯೊಂದು ವಿಷಯಗಳ ಕುರಿತು ಬೆಟ್ಟಿಂಗ್ ನಡೆಸಲಾಗುತ್ತಿದೆಯಂತೆ.

ಸಚಿನ್ ಅರ್ಧ ಶತಕ ದಾಖಲಿಸುತ್ತಾರೆ, ಡಕೌಟ್ ಆಗುತ್ತಾರೆ. ಮೊದಲ ಎಸೆತಕ್ಕೆ ಎಷ್ಟು ರನ್ ಹೊಡೆಯುತ್ತಾರೆ. ಇತ್ಯಾದಿ ಸೇರಿದಂತೆ. ಅಲ್ಲದೆ ಬೌಲ್ಡ್ ಆಗುತ್ತಾರಾ? ಅಥವಾ ಕ್ಯಾಚ್ ನೀಡುತ್ತಾರಾ? ಎಂಬ ಬಗ್ಗೆ ಸಹ ಬೆಟ್ಟಿಂಗ್ ಕಟ್ಟುತ್ತಿದ್ದಾರಂತೆ. ಈಡನ್ ಗಾರ್ಡನ್ ನಲ್ಲಿ ನಡೆದ ತಮ್ಮ 199ನೇ ಟೆಸ್ಟ್ ಪಂದ್ಯದಲ್ಲಿ ಸಚಿನ್ ತೆಂಡೂಲ್ಕರ್ ಅವರು, ಅಂಪೈರ್ ವಿವಾದಿತ ಎಲ್‌ಬಿಡಬ್ಲ್ಯೂ ತೀರ್ಪಿಗೆ ಬಲಿಯಾಗುವ ಮೂಲಕ ಕೇವಲ 10 ರನ್‌ಗಳಿಗೆ ತೃಪ್ತಿಪಟ್ಟಿದ್ದರು.

ಪಂಟರ್ ಗಳು ಹುಷಾರಾಗಿ ಬೆಟ್ಟಿಂಗ್ ಆಡುತ್ತಿದ್ದಾರೆ. ಮೊದಲ ಇನ್ನಿಂಗ್ಸ್ ನಲ್ಲಿ ೦ ಹಾಗೂ 100 ಎರಡು ಸ್ಕೋರ್ ಮಾಡಿದರೆ ಬಂಪರ್ ಎರಡನೇ ಇನ್ನಿಂಗ್ಸ್ ಮೇಲೂ ದುಡ್ಡು ಕಟ್ಟಿದರೆ ಬೇರೆ ಸ್ಕೋರ್ ಮಾಡಿ ಔಟಾದರೆ ಕಟ್ಟಿದ ಅಷ್ಟು ಹಣ ನಷ್ಟವಾಗುತ್ತದೆ. ಕೊನೆ ಇನ್ನಿಂಗ್ಸ್ ಆಡುವುದು ಸಾಧ್ಯವೇ ಇಲ್ಲ ಎಂದು ಕೆಲವರು ಬೆಟ್ ಕಟ್ಟಿದ್ದಾರೆ, ದೇವರ ಕೃಪೆ ಯಾರ ಮೇಲಿದೆಯೋ ಕಾದುನೋಡೋಣ.

English summary
There's a huge rush of bets on Sachin Tendulkar's last Test, starting November 14 in Mumbai, and most bets are on him scoring a zero. Don Bradman had got out for a duck in his last Test innings
ಅಭಿಪ್ರಾಯ ಬರೆಯಿರಿ