Englishहिन्दीമലയാളംதமிழ்తెలుగు

ವಿಂಡೀಸ್ ಏಕದಿನ ಸರಣಿಗೆ ವಿನಯ್ ಇಲ್ಲ

Posted by:
Published: Wednesday, November 13, 2013, 14:03 [IST]
 

ವಿಂಡೀಸ್ ಏಕದಿನ ಸರಣಿಗೆ ವಿನಯ್ ಇಲ್ಲ
 

ಮುಂಬೈ, ನ.13: ಪ್ರವಾಸಿ ವೆಸ್ಟ್ ಇಂಡೀಸ್ ವಿರುದ್ಧದ ಏಕದಿನ ಸರಣಿಗೆ ಟೀಂ ಇಂಡಿಯಾ ಘೋಷಿಸಲಾಗಿದೆ. ವೇಗಿಗಳಾದ ವಿನಯ್ ಕುಮಾರ್ ಹಾಗೂ ಇಶಾಂತ್ ಶರ್ಮ ಅವರನ್ನು ತಂಡದಿಂದ ಕೈ ಬಿಡಲಾಗಿದೆ. ವೆಸ್ಟ್ ಇಂಡೀಸ್ ವಿರುದ್ಧ ಭಾರತ 3 ಪಂದ್ಯಗಳ ಏಕದಿನ ಸರಣಿ ಆಡಲಿದೆ.

ಎಂಎಸ್ ಧೋನಿ ನಾಯಕತ್ವದ 15 ಆಟಗಾರರಿರುವ ತಂಡವನ್ನು ಬಿಸಿಸಿಐ ಆಯ್ಕೆ ಮಂಡಳಿ ಪ್ರಕಟಿಸಿದ್ದು, ಮುಂಬೈನ ವೇಗಿ ಧವಳ್ ಕುಲಕರ್ಣಿ ಹಾಗೂ ಹರ್ಯಾಣದ ವೇಗಿ ಮೋಹಿತ್ ಶರ್ಮಗೆ ತಂಡದಲ್ಲಿ ಸ್ಥಾನ ಸಿಕ್ಕಿದೆ. ಮೋಹಿತ್ ಶರ್ಮ ಎರಡು ಏಕದಿನ ಪಂದ್ಯಗಳನ್ನು ಆಡಿದ್ದು 3 ವಿಕೆಟ್ ಪಡೆದಿರುವ ಅನುಭವ ಹೊಂದಿದ್ದಾರೆ.

ಆಸ್ಟೇಲಿಯಾ ಸರಣಿಯಲ್ಲಿ ಕಳಪೆ ಪ್ರದರ್ಶನ ನೀಡಿದ ಕಾರಣ ಇಶಾಂತ್ ಶರ್ಮ ಹಾಗೂ ವಿನಯ್ ಕುಮಾರ್ ಅವರನ್ನು ತಂಡದಿಂದ ಕೈಬಿಡಲಾಗಿದೆ. ಆಸೀಸ್ ವಿರುದ್ಧದ ಏಕದಿನ ಕ್ರಿಕೆಟ್ ಸರಣಿಯನ್ನು ಭಾರತ 3-2 ಅಂತರದಿಂದ ಗೆದ್ದುಕೊಂಡಿತ್ತು.

ಗಾಯಗೊಂಡು ಟೆಸ್ಟ್ ಸರಣಿಯಿಂದ ದೂರವುಳಿದಿದ್ದ ರವೀಂದ್ರ ಜಡೇಜ ಅವರನ್ನು ತಂಡಕ್ಕೆ ಸೇರ್ಪಡೆಗೊಂಡಿದ್ದಾರೆ. ಯುವರಾಜ್ ಸಿಂಗ್ ಕೂಡಾ ತಂಡದಲ್ಲಿ ಸ್ಥಾನ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ಕೊಚ್ಚಿಯಲ್ಲಿ ನವೆಂಬರ್ 21 ರಂದು ಸರಣಿಯ ಮೊದಲ ಪಂದ್ಯ ನಡೆಯಲಿದೆ.

ತಂಡ ಇಂತಿದೆ:
ಎಂಎಸ್ ಧೋನಿ(ನಾಯಕ), ವಿರಾಟ್ ಕೊಹ್ಲಿ, ಶಿಖರ್ ಧವನ್, ರೋಹಿತ್ ಶರ್ಮ, ಯುವರಾಜ್ ಸಿಂಗ್, ಸುರೇಶ್ ರೈನಾ, ರವೀಂದ್ರ ಜಡೇಜ, ಆರ್ ಅಶ್ವಿನ್, ಭುವನೇಶ್ವರ್ ಕುಮಾರ್, ಮಹಮ್ಮದ್ ಶಮಿ, ಅಂಬಟಿ ರಾಯುಡು, ಅಮಿತ್ ಮಿಶ್ರಾ, ಜಯದೇವ್ ಉನದ್ಕತ್, ಧವಳ್ ಕುಲಕರ್ಣಿ, ಮೋಹಿತ್ ಶರ್ಮ

ವೇಳಾಪಟ್ಟಿ:
ಮೊದಲ ಪಂದ್ಯ: ನ.21: ಕೊಚ್ಚಿ (1.30 PM ಗೆ ಆರಂಭ)
ಎರಡನೇ ಪಂದ್ಯ: ನ.24: ವಿಶಾಖಪಟ್ಟಣಂ(1.30 PM ಗೆ ಆರಂಭ)
ಮೂರನೇ ಪಂದ್ಯ: ನ.27: ಕಾನ್ಪುರ (9 AM ಗೆ ಆರಂಭ)

ದಟ್ಸ್ ಕ್ರಿಕೆಟ್

English summary
Fast bowlers Ishant Sharma and R Vinay Kumar were dropped from the Indian ODI team for the three-match series against West Indies.
ಅಭಿಪ್ರಾಯ ಬರೆಯಿರಿ