Englishहिन्दीമലയാളംதமிழ்తెలుగు

10 ರನ್ನಿಗೆ ಸಚಿನ್ ಔಟ್, ಅಂಪೈರಿಗೆ ಹಿಡಿಶಾಪ

Posted by:
Updated: Thursday, November 7, 2013, 11:38 [IST]
 

ಕೋಲ್ಕತ್ತಾ, ನ.7: ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಅವರು 199ನೇ ಟೆಸ್ಟ್ ಪಂದ್ಯದಲ್ಲಿ ಭರ್ಜರಿ ರನ್ ಹೊಳೆ ಹರಿಸಲಿದ್ದಾರೆ ಎಂಬ ನಿರೀಕ್ಷೆ ಹೊತ್ತಿದ್ದ ಅಭಿಮಾನಿಗಳಿಗೆ ನಿರಾಶೆಯಾಗಿದೆ. ಕೇವಲ 10 ರನ್ ಗಳಿಸಿ ಸಚಿನ್ ಔಟ್ ಆಗಿದ್ದಾರೆ. ವಿವಾದಾತ್ಮಕ ತೀರ್ಪು ನೀಡಿದ ಇಂಗ್ಲೆಂಡಿನ ಅಂಪೈರಿಗೆ ಅಭಿಮಾನಿಗಳು ಹಿಡಿಶಾಪ ಹಾಕಿದ್ದಾರೆ.

ಇಂಗ್ಲೆಂಡಿನ ಅಂಪೈರ್ ನಿಗೆಲ್ ಲಾಂಗ್ ಅವರು ಸಚಿನ್ ಅವರನ್ನು ಎಲ್ ಬಿ ಡಬ್ಲ್ಯೂ ಎಂದು ಕೈ ಎತ್ತುತ್ತಿದ್ದಂತೆ ಅಭಿಮಾನಿಗಳು ನಿರಾಶೆಯ ಕಡಲಲ್ಲಿ ಮುಳುಗಿದರು. ಸಚಿನ್ ಅವರನ್ನು ಎಲ್ ಬಿ ಬಲೆಗೆ ಕೆಡವಿ ವಿಂಡೀಸ್ ಆಫ್ ಸ್ಪಿನ್ನರ್ ಶೇನ್ ಶಿಲ್ಲಿಂಗ್ ಫೋರ್ಡ್ ಸೇಡು ತೀರಿಸಿಕೊಂಡರು. ವಿಂಡೀಸ್ ಬ್ಯಾಟಿಂಗ್ ವೇಳೆ ಶೇನ್ ಅವರ ವಿಕೆಟ್ ಸಚಿನ್ ಕಿತ್ತಿದ್ದರು.

ಶಿಲ್ಲಿಂಗ್ ಫೋರ್ಡ್ ಎಸೆದ ದೂಸ್ರಾ ಎಸೆತ ಸರಿಯಾಗಿ ಅರಿಯದೆ ಸಚಿನ್ ಹಿಂದಕ್ಕೆ ಸರಿದಿದ್ದಾರೆ ಸರಿಯಾದ ಲೆಂಗ್ತ್ ನಲ್ಲಿದ್ದ ಚೆಂಡು ಸಚಿನ್ ಗೆ ತೊಡೆ ಭಾಗಕ್ಕೆ ಬಡಿದಿದೆ. ಆದರೆ, ಚೆಂಡಿನ ಎತ್ತರವನ್ನು ಗಮನಿಸಿದರೆ ಅಂಪೈರ್ ತಕ್ಷಣವೇ ಔಟ್ ಎಂದು ತೀರ್ಪು ನೀಡಿದ್ದು ಅಭಿಮಾನಿಗಳನ್ನು ಕೆರಳಿಸಿದೆ.

10 ರನ್ನಿಗೆ ಸಚಿನ್ ಔಟ್, ಅಂಪೈರಿಗೆ ಹಿಡಿಶಾಪ

ಸ್ಕೋರ್ ಕಾರ್ಡ್ ನೋಡಿ

ಭಾರತದ ಇನ್ನಿಂಗ್ಸ್: ನಿನ್ನೆ ವೆಸ್ಟ್ ಇಂಡೀಸ್ ಮೊದಲ ದಿನದ ಅಂತ್ಯಕ್ಕೆ 78 ಓವರ್ ಗಳಲ್ಲಿ 234ಕ್ಕೆ ಆಲೌಟ್ ಆಗಿತ್ತು. ನಂತರ ಬ್ಯಾಟಿಂಗ್ ಆರಂಭಿಸಿದ ಭಾರತ ಯಾವುದೇ ವಿಕೆಟ್ ನಷ್ಟವಿಲ್ಲದೇ 37 ರನ್ ಗಳಿಸಿತ್ತು. ಶಿಖರ್ ಧವನ್ (21_, ಮುರಳಿ ವಿಜಯ್ (16) ಮಾಡಿದ್ದರು.

ಗುರುವಾರ ಬ್ಯಾಟಿಂಗ್ ಆರಂಭಿಸಿದ ಭಾರತ ಆರಂಭದಲ್ಲೇ ಆಘಾತ ಅನುಭವಿಸಿತು. ಧವನ್ 23 ರನ್ ಗಳಿಸಿ ಔಟಾದರೆ ವಿಜಯ್ 26 ರನ್ ಗಳಿಸಿ ಇಬ್ಬರು ಶಿಲ್ಲಿಂಗ್ ಫೋರ್ಡ್ ಗೆ ಬಿದ್ದರು.

ಭರವಸೆ ಆಟಗಾರ ಚೇತೇಶ್ವರ್ ಪೂಜಾರಾ ಕೂಡಾ ಕೇವಲ 17 ರನ್ ಗಳಿಸಿ ಔಟಾದರು. ಸಚಿನ್ ವಿಕೆಟ್ ಜತೆಗೆ ವಿರಾಟ್ ಕೊಹ್ಲಿ೯3) ವಿಕೆಟ್ ಕಿತ್ತ ಶಿಲ್ಲಿಂಗ್ ಫೋರ್ಡ್ ಭಾರತದ ರನ್ ಗತಿಗೆ ಬ್ರೇಕ್ ಹಾಕಿದರು.

ಎರಡನೇ ದಿನದ ಲಂಚ್ ವೇಳೆಗೆ 39 ಓವರ್ ಗಳಲ್ಲಿ ಭಾರತ 120/5 ರನ್ ಗಳಿಸಿದೆ. ರೋಹಿತ್ ಶರ್ಮ 16 ಹಾಗೂ ನಾಯಕ ಧೋನಿ 21 ರನ್ ಗಳಿಸಿ ಆಡುತ್ತಿದ್ದಾರೆ.

Story first published:  Thursday, November 7, 2013, 11:12 [IST]
English summary
England umpire Nigel Llong cut short Sachin Tendulkar's stay at the wicket with a shocking LBW decision during the second day of the first Test between India and West Indies here on Thursday.
ಅಭಿಪ್ರಾಯ ಬರೆಯಿರಿ