Englishहिन्दीമലയാളംதமிழ்తెలుగు

ಚಿತ್ರಗಳು: ಸಚಿನ್ ಸಿಕ್ತು ಟೆಸ್ಟ್ ವಿಕೆಟ್, ಜತೆಗೆ ಇನ್ನಷ್ಟು

Posted by:
Updated: Wednesday, November 6, 2013, 18:53 [IST]
 

ಕೋಲ್ಕತ್ತಾ, ನ.6: ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಅವರ 199ನೇ ಟೆಸ್ಟ್ ಪಂದ್ಯದಲ್ಲಿ ಬೌಲಿಂಗ್ ಮಾಡಿ ವಿಕೆಟ್ ಕಿತ್ತಿದ್ದು ವಿಶೇಷವಾಗಿತ್ತು. ಮೊದಲ ದಿನದ ಸಂಪೂರ್ಣ ಗೌರವ ಭಾರತಕ್ಕೆ ಸಿಗುವಂತೆ ಮಾಡಿದ್ದು ಯುವ ಆಟಗಾರ ಮಹಮ್ಮದ್ ಶಮಿ.

23 ವರ್ಷದ ಶಮಿ ತಮ್ಮ ಮೊದಲ ಪಂದ್ಯದಲ್ಲೇ 4 ವಿಕೆಟ್ ಪಡೆಯುವ ಮೂಲಕ ವಿಂಡೀಸ್ ರನ್ ಗಳಿಕೆ ವೇಗಕ್ಕೆ ಬ್ರೇಕ್ ಹಾಕಿದರು. ವೆಸ್ಟ್ ಇಂಡೀಸ್ ಮೊದಲ ದಿನದ ಅಂತ್ಯಕ್ಕೆ 78 ಓವರ್ ಗಳಲ್ಲಿ 234ಕ್ಕೆ ಆಲೌಟ್ ಆಗಿದೆ. ಒಂದು ಹಂತದಲ್ಲಿ 138/2 ಸ್ಕೋರ್ ಮಾಡಿ ಉತ್ತಮ ಸ್ಥಿತಿಯಲ್ಲಿದ್ದ ವಿಂಡೀಸ್ ಮುಂದಿನ ನೂರು ರನ್ ಗಳಿಕೆಯಲ್ಲಿ ಉಳಿದ ವಿಕೆಟ್ ಕಳೆದುಕೊಂಡಿತು.

ನಂತರ ಬ್ಯಾಟಿಂಗ್ ಆರಂಭಿಸಿದ ಭಾರತ ಯಾವುದೇ ವಿಕೆಟ್ ನಷ್ಟವಿಲ್ಲದೇ 28 ರನ್ ಗಳಿಸಿದೆ. ಆರಂಭಿಕರಾಗಿ ಕಣಕ್ಕಿಳಿದಿರುವ ಶಿಖರ್ ಧವನ್ (14 ರನ್) ಮತ್ತು ಮುರಳಿ ವಿಜಯ್ (11 ರನ್) ಅವರು ಬ್ಯಾಟಿಂಗ್ ಮುಂದುವರೆಸಿದ್ದಾರೆ. ಮೊದಲ ದಿನದಾಟದ ಚಿತ್ರಗಳು ಇಲ್ಲಿವೇ ತಪ್ಪದೇ ನೋಡಿ

ಉತ್ತಮ ಪಾದಾರ್ಪಣೆ

ತವರು ಮೈದಾನದಲ್ಲಿ ಚೊಚ್ಚಲ ಪಂದ್ಯವಾಡುವ ಅವಕಾಶ ಪಡೆದ ಮಹಮ್ಮದ್ ಶಮಿ 71 ರನ್ನಿತ್ತು 4 ವಿಕೆಟ್ ಕಬಳಿಸಿದರು.

ಸಿಕ್ಕಿದ್ರೆ ಸೀರುಂಡೆ

ಬೌಂಡರಿ ಗೆರೆ ಬಳಿ ಫೀಲ್ಡ್ ಮಾಡುತ್ತಿದ್ದ ಸಚಿನ್ ಅವರ ಹಸ್ತಾಕ್ಷರ ಪಡೆಯುವ ಉತ್ಸಾಹದಲ್ಲಿ ಬಾಲಕರು

ಗೇಲ್ ವಿಕೆಟ್ ಕಿತ್ತ ಕುಮಾರ್

ಕ್ರಿಸ್ ಗೇಲ್ ವಿಕೆಟ್ ಕಿತ್ತ ಸಂಭಮದಲ್ಲಿ ವೇಗಿ ಭುವನೇಶ್ವರ್ ಕುಮಾರ್

ಸಚಿನ್ ಗೆ ಗೌರವಾದರ

199ನೇ ಟೆಸ್ಟ್ ಪಂದ್ಯವಾಡುತ್ತಿರುವ ಸಚಿನ್ ಅವರಿಗೆ ಈಡೆನ್ ಗಾರ್ಡನ್ಸ್ ನಲ್ಲಿ ಕಟ್ಟ ಕಡೆಯ ಟೆಸ್ಟ್ ಪಂದ್ಯ. ಬೆಂಗಾಲ್ ಕ್ರಿಕೆಟ್ ಮಂಡಳಿಯಿಂದ ಸಚಿನ್ ಗೆ ಗೌರವಾದರಗಳನ್ನು ನೀಡಲಾಯಿತು

ಸ್ಯಾಮುಯಲ್ಸ್ ಬೋಲ್ಡ್

ಮರ್ಲಾನ್ ಸ್ಯಾಮುಯಲ್ಸ್ ಬೋಲ್ಡ್ ಮಾಡಿದ ಮಹಮ್ಮದ್ ಶಮಿ ಸಂಭ್ರಮಾಚರಣೆ

ಸಚಿನ್ ಫುಟ್ಬಾಲ್

ಬೌಂಡರಿ ಬಳಿ ಚಿನಕುರಳಿಯಂತೆ ಓಡಾಡುತ್ತಾ ಫೀಲ್ಡ್ ಮಾಡಿದ ಸಚಿನ್

ಡರೇನ್ ಬ್ರಾವೋ

ಡರೇನ್ ಬ್ರಾವೋ ಆಟದ ಭಂಗಿ

ಗೇಲ್ ಔಟ್

ಭುವನೇಶ್ವರ್ ಕುಮಾರ್ ಬೌಲಿಂಗ್ ನಲ್ಲಿ ಮುರಳಿ ವಿಜಯ್ ಗೆ ಕ್ಯಾಚಿತ್ತು ಪೆವಿಲಿಯನ್ ಗೆ ತೆರಳಿದ ಕ್ರಿಸ್ ಗೇಲ್

ಸಚಿನ್ ಬೌಲಿಂಗ್

199ನೇ ಟೆಸ್ಟ್ ನಲ್ಲಿ 43ನೇ ವಿಕೆಟ್ ಪಡೆದ ಸಚಿನ್ ಬೌಲಿಂಗ್ ಭಂಗಿ.PTI Photo by Ashok Bhaumik

ಸಚಿನ್ ಅಭಿಮಾನಿ

ಭಾರತ ಹಾಗೂ ವೆಸ್ಟ್ ಇಂಡೀಸ್ ನಡುವಿನ ಮೊದಲ ಟೆಸ್ಟ್ ಪಂದ್ಯದ ಸಂದರ್ಭದಲ್ಲಿ ಸಚಿನ್ ಅಭಿಮಾನಿಯೊಬ್ಬರು ಕಾಣಿಸಿಕೊಂಡಿದ್ದು ಹೀಗೆ

ವಿಕೆಟ್ ಪಡೆದ ಸಂತಸ

ವಿಂಡೀಸ್ ಆಟಗಾರ ಎಸ್ ಶಿಲ್ಲಿಂಗ್ ಫೋರ್ಡ್ ವಿಕೆಟ್ ಪಡೆದ ಸಚಿನ್ ತೆಂಡೂಲ್ಕರ್ ಅವರು ನಾಯಕ ಧೋನಿ ಜತೆ ಸಂಭ್ರಮಾಚರಣೆಯಲ್ಲಿ

ಸಚಿನ್ ಗೆ ಅಭಿನಂದನೆ

ವಿಕೆಟ್ ಪಡೆದ ಸಚಿನ್ ಗೆ ಅಭಿನಂದನೆ ಸಲ್ಲಿಸಿದ ವಿರಾಟ್ ಕೊಹ್ಲಿ

ಶಮಿಗೆ ಗುಡ್ ಲಕ್

ಅಮ್ರೊಹಾ: ಮಹಮ್ಮದ್ ಶಮಿ ಅವರ ತಂಗಿ ಹಾಗೂ ತಂದೆ ಶಮಿ ಅವರ ಟೆಸ್ಟ್ ಪಾದಾರ್ಪಣೆಗೆ ಶುಭ ಹಾರೈಸಿದ್ದಾರೆ.

ಶಿಖರ್ -ಬ್ರಾವೋ

ಮೊದಲ ಟೆಸ್ಟ್ ಮೊದಲ ದಿನದ ಅಂತ್ತ್ಯಕ್ಕೆ ಶಿಖರ್ ಧವನ್ ಹಾಗೂ ಬ್ರಾವೋ ಸಾಮಲೋಚನೆ

Story first published:  Wednesday, November 6, 2013, 18:12 [IST]
English summary
It was advantage India on the first day of the opening Test against West Indies here at Eden Gardens on Wednesday(Nov.6). Sachin Tendulkar, playing his 199th and penultimate Test of career, also had one scalp.Here are the pictures from first day.
ಅಭಿಪ್ರಾಯ ಬರೆಯಿರಿ