Englishहिन्दीമലയാളംதமிழ்తెలుగు

ಸಚಿನ್ 199ನೇ ಟೆಸ್ಟ್: ವಿಂಡೀಸ್ 234 ಸ್ಕೋರಿಗೆ ಆಲೌಟ್

Posted by:
Updated: Wednesday, November 6, 2013, 17:40 [IST]
 

ಕೋಲ್ಕತ್ತಾ, ನ.6: ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಅವರ 199ನೇ ಟೆಸ್ಟ್ ಪಂದ್ಯದಲ್ಲಿ ವೆಸ್ಟ್ ಇಂಡೀಸ್ ತಂಡ 234ರನ್ನಿಗೆ ಆಲೌಟ್ ಆಗಿದೆ. ಇದೇ ಮೊದಲ ಬಾರಿಗೆ ಟೆಸ್ಟ್ ಕ್ಯಾಪ್ ಧರಿಸಿರುವ ಮಹಮ್ಮದ್ ಶಮಿ ನಾಲ್ಕು ವಿಕೆಟ್ ಕಿತ್ತು ವಿಂಡೀಸ್ ತಂಡವನ್ನು ನಿಯಂತ್ರಿಸಿದರು. ಸಚಿನ್ ಕೂಡಾ ಒಂದು ವಿಕೆಟ್ ಗಳಿಸಿದ್ದು ಇಂದಿನ ವಿಶೇಷ.

ಇದಕ್ಕೂ ಮುನ್ನ ನಾಯಕ ಡರೇನ್ ಸಮಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿದ್ದರು ಈಡೆನ್ ಗಾರ್ಡನ್ ನಲ್ಲಿ ಬುಧವಾರ ಆರಂಭಗೊಂಡ ಪಂದ್ಯದಲ್ಲಿ ವಿಂಡೀಸ್ ಉತ್ತಮ ಆರಂಭ ಪಡೆಯುವ ಕುರುಹು ತೋರಿದ ಬೆನ್ನಲ್ಲೇ ಭಾರತ ಎರಡು ವಿಕೆಟ್ ಕಬಳಿಸಿತು. ಆದರೆ, ಲಂಚ್ ವೇಳೆಗೆ ಸ್ಯಾಮುಯಲ್ಸ್ ಆಟದಿಂದಾಗಿ ವಿಂಡೀಸ್ ವಿಕೆಟ್ ಕಾಯ್ದುಕೊಂಡರು.

ಸ್ಕೋರ್ ಕಾರ್ಡ್ ನೋಡಿ

ಟೀ ವಿರಾಮದ ವೇಳೆಗೆ ವಿಂಡೀಸ್ ಮೊತ್ತ 192/7 (62.4 ಓವರ್ ) ಲಂಚ್ ವೇಳೆಗೆ 107/2 ಸ್ಕೋರ್ ಮಾಡಿ ಸುಸ್ಥಿತಿಯಲ್ಲಿತ್ತು. ಶಮಿ ನಾಲ್ಕು ವಿಕೆಟ್ ಕಿತ್ತರೆ ಸಚಿನ್ ತೆಂಡೂಲ್ಕರ್ ಶೇನ್ ಶಿಲ್ಲಿಂಗ್ ಫೋರ್ಡ್ ಅವರನ್ನು ಎಲ್ ಬಿ ಬಲೆಗೆ ಕೆಡವಿಕೊಂಡಾಗ ಕ್ರೀಡಾಂಗಣದಲ್ಲಿದ್ದ ಪ್ರೇಕ್ಷಕರು ಹುಚ್ಚೆದ್ದು ಕುಣಿದಾಡಿದರು. ಭಾರತದ ಪರ ಶಮಿ(4/71), ಭುವನೇಶ್ವರ್ (1/33), ಓಝಾ(1/62), ಅಶ್ವಿನ್ (2/21) ಹಾಗೂ ಸಚಿನ್ (1/5) ವಿಕೆಟ್ ಪಡೆದರು.

ನಂತರ ಬ್ಯಾಟಿಂಗ್ ಆರಂಭಿಸಿದ ಭಾರತ ಯಾವುದೇ ವಿಕೆಟ್ ನಷ್ಟವಿಲ್ಲದೇ 37 ರನ್ ಗಳಿಸಿದೆ. ಆರಂಭಿಕರಾಗಿ ಕಣಕ್ಕಿಳಿದಿರುವ ಶಿಖರ್ ಧವನ್ (21 ರನ್) ಮತ್ತು ಮುರಳಿ ವಿಜಯ್ (16 ರನ್) ಅವರು ಬ್ಯಾಟಿಂಗ್ ಮುಂದುವರೆಸಿದ್ದಾರೆ.

ವಿಂಡೀಸ್ ಇನ್ನಿಂಗ್ಸ್: ಕ್ರಿಸ್ ಗೇಲ್ (18) ಭುವನೇಶ್ವರ್ ಕುಮಾರ್ ಗೆ ವಿಕೆಟ್ ಒಪ್ಪಿಸಿದರೆ, ಕಿರಾನ್ ಪೊವೆಲ್ (28) ಮಹಮ್ಮದ್ ಶಮಿಗೆ ಚೊಚ್ಚಲ ವಿಕೆಟ್ ಆಗಿ ಬಲಿಯಾದರು. ಆಗ ತಂಡದ ಸ್ಕೋರ್ 47/2 ಆಗಿತ್ತು. ಆದರೆ, ಕ್ರೀಸ್ ಗೆ ಬಂದ ಮರ್ಲಾನ್ ಸ್ಯಾಮುಯಲ್ಸ್ 2 ಸಿಕ್ಸ್, 7 ಬೌಂಡರಿ ಬಾರಿಸಿ 55 ಎಸೆತಗಳಲ್ಲಿ 45 ರನ್ ಗಳಿಸಿ ವಿಂಡೀಸ್ ತಂಡದ ಸ್ಕೋರ್ ಹೆಚ್ಚಿಸಿದರು. ಡರೇನ್ ಬ್ರಾವೋ 16 ರನ್ ಮಾಡಿ ಉತ್ತಮ ಸಾಥ್ ನೀಡಿದ್ದಾರೆ. ಲಂಚ್ ವೇಳೆಗೆ ವಿಂಡೀಸ್ 33 ಓವರ್ ಗಳಲ್ಲಿ 107/2 ಸ್ಕೋರ್ ಮಾಡಿತ್ತು

ಭಾರತ ತಂಡದಲ್ಲಿ ಸ್ಥಾನ ಪಡೆದಿರುವ ರೋಹಿತ್ ಶರ್ಮ, ಮಹಮ್ಮದ್ ಶಮಿ ಟೆಸ್ಟ್ ಕ್ರಿಕೆಟ್ ಗೆ ಪಾದಾರ್ಪಣೆ ಮಾಡಿದ್ದಾರೆ. ಇಶಾಂತ್ ಶರ್ಮ, ಉಮೇಶ್ ಯಾದವ್, ಅಮಿತ್ ಮಿಶ್ರಾ ಹಾಗೂ ಅಜಿಂಕ್ಯ ರಹಾನೆ ಆಡುವ XI ನಲ್ಲಿ ಸ್ಥಾನ ಪಡೆಯುವಲ್ಲಿ ವಿಫಲರಾಗಿದ್ದಾರೆ.

ಪ್ರವಾಸಿ ವಿಂಡೀಸ್ ವಿರುದ್ಧದ ಈ ಟೆಸ್ಟ್ ಪಂದ್ಯ ಸಚಿನ್ ಅವರ 199ನೇ ಟೆಸ್ಟ್ ಪಂದ್ಯವಾಗಿದ್ದು, ಮುಂಬೈನಲ್ಲಿ 200ನೇ ಪಂದ್ಯವಾಡುವ ಮೂಲಕ ತಮ್ಮ ಟೆಸ್ಟ್ ಕ್ರಿಕೆಟ್ ವೃತ್ತಿಗೆ ಅಂತ್ಯ ಹಾಡಲಿದ್ದಾರೆ.

ತಂಡಗಳು
ಭಾರತ : ಎಂಎಸ್ ಧೋನಿ(ನಾಯಕ), ಶಿಖರ್ ಧವನ್, ಮುರಳಿ ವಿಜಯ್, ಚೇತೇಶ್ವರ್ ಪೂಜಾರಾ, ಸಚಿನ್ ತೆಂಡೂಲ್ಕರ್,ವಿರಾಟ್ ಕೊಹ್ಲಿ, ರೋಹಿತ್ ಶರ್ಮ, ಆರ್ ಅಶ್ವಿನ್, ಭುವನೇಶ್ವರ್ ಕುಮಾರ್, ಮಹಮ್ಮದ್ ಶಮಿ, ಪ್ರಜ್ಞಾನ್ ಓಜಾ

ವೆಸ್ಟ್ ಇಂಡೀಸ್ : ಡರೇನ್ ಸಮಿ (ನಾಯಕ), ಕ್ರಿಸ್ ಗೇಲ್, ಕಿರಾನ್ ಪೊವೆಲ್, ಡರೇನ್ ಬ್ರಾವೊ, ಮರ್ಲನಾ ಸ್ಯಾಮುಯಲ್ಸ್, ಶಿವನಾರಾಯಣ್ ಚಂದ್ರಪಾಲ್, ದಿನೇಸ್ ರಾಮದೀನ್ (ವಿಕೆಟ್ ಕೀಪರ್), ಶೇನ್ ಶಿಲ್ಲಿನ್ ಫೋರ್ಡ್, ವೀರಸ್ವಾಮಿ ಪೆರುಮಾಳ್, ಶೆಲ್ದನ್ ಕೊಟ್ರೆಲ್, ಟಿನೋ ಬೆಸ್ಟ್

Story first published:  Wednesday, November 6, 2013, 9:31 [IST]
English summary
Kolkata Test : Debutant fast bowler Mohammed Shami put India on top against West Indies in the first Test here at Eden Gardens on Wednesday.23-year-old Shami took four wickets (4/71) as the visitors were bowled out for 234 in 78 overs. In reply, India had reached 37/0 in 12 overs by stumps on day one.
ಅಭಿಪ್ರಾಯ ಬರೆಯಿರಿ