Englishहिन्दीമലയാളംதமிழ்తెలుగు

ರಣಜಿ:ವಿಜಯೋತ್ಸವದ ಜತೆ ಸಚಿನ್ ವಿದಾಯ ಉತ್ಸವ

Posted by:
Updated: Wednesday, October 30, 2013, 16:01 [IST]
 

ಮುಂಬೈ, ಅ. 30: ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ರಣಜಿ ಕ್ರಿಕೆಟ್ ನ ಅಂತಿಮ ಪಂದ್ಯವನ್ನು ಗೆಲ್ಲಿಸಿಕೊಟ್ಟು ತಾವೇಕೆ ಶ್ರೇಷ್ಠ ಎಂಬುದನ್ನು ಮತ್ತೊಮ್ಮೆ ಸಾಬೀತುಪಡಿಸಿದ್ದಾರೆ. ಹರ್ಯಾಣ ವಿರುದ್ಧ ಪಂದ್ಯದಲ್ಲಿ ಮುಂಬೈ ತಂಡ ಸಂಕಷ್ಟದಲ್ಲಿದ್ದಾಗ ಆಸರೆಯಾಗಿ ನಿಂತು ಬ್ಯಾಟ್ ಬೀಸಿದ ಸಚಿನ್, ತಂಡಕ್ಕೆ ನಾಲ್ಕು ವಿಕೆಟ್ ಗಳ ಜಯ ತಂದಿತ್ತಿದ್ದಾರೆ. ರೊಹಟಕ್ ಮೈದಾನದಲ್ಲಿ ನಡೆದ ಗ್ರೂಪ್ 'ಎ'ನ ' ಪಂದ್ಯ ಗೆಲ್ಲುವ ಮೂಲಕ ಸಚಿನ್ ಅವರು ರಣಜಿ ವೃತ್ತಿಗೆ ನಿವೃತ್ತಿ ಹಾಡಿದ್ದಾರೆ.

200ನೇ ಟೆಸ್ಟ್ ನಂತರ ಅಂತಾರಾಷ್ಟ್ರೀಯ ಕ್ರಿಕೆಟ್ ಗೆ ವಿದಾಯ ಹೇಳಲಿರುವ ಸಚಿನ್ ಗೆ ಈ ಮೂಲಕ ತವರು ತಂಡ ಮುಂಬೈ ಗೆಲುವಿನ ಬೀಳ್ಕೊಡುಗೆಯನ್ನು ನೀಡಿದೆ. ಹರಿಯಾಣ ನೀಡಿದ್ದ 239 ರನ್ ಗಳ ಗುರಿಯನ್ನು ಬೆನ್ನತ್ತಿದ ಮುಂಬೈ ತಂಡಕ್ಕೆ ಲಿಟಲ್ ಮಾಸ್ಟರ್ ಸಚಿನ್ ತೆಂಡೂಲ್ಕರ್ ಏಕಾಂಗಿ ಹೋರಾಟ ನೀಡಿ ವಿಜಯದ ಸಂತಸ ತಂದುಕೊಟ್ಟರು.

ಪ್ರಥಮ ಇನ್ಸಿಂಗ್ಸ್ ನಲ್ಲಿ ಕೇವಲ 5 ರನ್ ಗಳಿಸಿ ನಿರಾಸೆ ಮೂಡಿಸಿದ್ದ ಸಚಿನ್ ದ್ವಿತೀಯ ಇನ್ಸಿಂಗ್ಸ್ ನಲ್ಲಿ ಅಜೇಯ 79 ರನ್ ದಾಖಲಿಸಿದರು. ಮುಂಬೈ 6ವಿಕೆಟ್ ಕಳೆದುಕೊಂಡು 93 ಓವರ್ ಗಳಲ್ಲಿ 240 ರನ್ ಪೇರಿಸಿ ಪಂದ್ಯ ಗೆದ್ದುಕೊಂಡಿತು. ಸಚಿನ್ ಸಂಭ್ರಮೋತ್ಸವದ ಚಿತ್ರಗಳು ಇಲ್ಲಿವೆ ನೋಡಿ

ಸಂಕ್ಷಿಪ್ತ ಸ್ಕೋರ್:
ಹರ್ಯಾಣ: ಪ್ರಥಮ ಇನಿಂಗ್ಸ್ 35.3 ಓವರ್‌ಗಳಲ್ಲಿ 134
ಮುಂಬೈ: ಮೊದಲ ಇನಿಂಗ್ಸ್ 62 ಓವರ್‌ಗಳಲ್ಲಿ 136
ಹರ್ಯಾಣ: ದ್ವಿತೀಯ ಇನಿಂಗ್ಸ್ 70.2 ಓವರ್‌ಗಳಲ್ಲಿ 241 (ಹರ್ಷಲ್ ಪಟೇಲ್ 33; ಧವಳ್ ಕುಲಕರ್ಣಿ 46ಕ್ಕೆ2)
ಮುಂಬೈ: ಎರಡನೇ ಇನಿಂಗ್ಸ್ 93 ಓವರ್‌ಗಳಲ್ಲಿ 6 ವಿಕೆಟ್‌ಗಳ ನಷ್ಟಕ್ಕೆ 240 (ಸಚಿನ್ ತೆಂಡೂಲ್ಕರ್ 79 ಅಜೇಯ, ಧವಳ್ ಕುಲಕರ್ಣಿ 16 ಅಜೇಯ; ಮೋಹಿತ್ ಶರ್ಮಾ 65ಕ್ಕೆ2)

ನಾನು ಸಾಧಿಸಿದೆ !

ಗೆಲುವಿನೊಂದಿಗೆ ರಣಜಿ ಕ್ರಿಕೆಟ್ ಜೀವನಕ್ಕೆ ವಿದಾಯ ಹೇಳುವ ಸಚಿನ್ ಕನಸು ಪೂರೈಸಿದೆ. ಮುಂಬೈಗೆ ಗೆಲುವು ತಂದು ಕೊಟ್ಟು ಸಂಭ್ರಮದೊಂದಿಗೆ ವಿದಾಯ ಹೇಳಿದ್ದಾರೆ.

ಸಚಿನ್ ವಿಜಯೋತ್ಸವ

ಮುಂಬೈ ತಂಡದ ಸಹ ಆಟಗಾರರು ಸಚಿನ್ ಅವರನ್ನು ಹೆಗಲ ಮೇಲೆ ಹೊತ್ತುಕೊಂಡು ವಿಜಯೋತ್ಸವ ಆಚರಿಸಿದರು.

ಕೊನೆ ಬಾರಿಗೆ ರಣಜಿ ಪಂದ್ಯ

ರಣಜಿಯಲ್ಲಿ ಕೊನೆ ಪಂದ್ಯವಾಡಿದ ಸಚಿನ್ ಅವರು ಎರಡನೆ ಇನ್ನಿಂಗ್ಸ್ ನಲ್ಲಿ ಕ್ರೀಸ್ ಗೆ ತೆರಳಿದ್ದು ಈ ರೀತಿ...79 ರನ್ ಬಾರಿಸಿ ಮುಂಬೈ ತಂಡದ ಗೆಲುವಿಗೆ ಕಾರಣರಾದರು.

ದಿಗ್ಗಜನಿಗೆ ನಮನ

ಹರ್ಯಾಣ ಆಟಗಾರರು ಸಾಲಾಗಿ ನಿಂತು ಸಚಿನ್ ಅವರನ್ನು ಕ್ರೀಸ್ ಗೆ ಬರಮಾಡಿಕೊಂಡರು. ಹರ್ಯಾಣದ ನಾಯಕ ಅಜಯ್ ಜಡೇಜ(ಬಲಗಡೆಯಿಂದ ಎರಡನೆ) ಅವರು ಸೆಲ್ಯೂಟ್ ಹೊಡೆದರು.

ಅರ್ಹ ಅರ್ಧಶತಕ

ಸಚಿನ್ ಅವರು ಮೊದಲ ಇನ್ನಿಂಗ್ಸ್ ನಲ್ಲಿ 5 ರನ್ ಗಳಿಸಿ ಔಟಾಗಿ ನಿರಾಶೆ ಮೂಡಿಸಿದರೂ ಎರಡನೆ ಇನ್ನಿಂಗ್ಸ್ ನಲ್ಲಿ ಅರ್ಹ ಅರ್ಧ ಶತಕ ಬಾರಿಸಿದ ಕ್ಷಣ

ತಾಳ್ಮೆಯ ಆಟ

ಮುಂಬೈ ತಂಡ ಸಂಕಷ್ಟದಲ್ಲಿರುವುದನ್ನು ಗಮನಿಸಿ ತಾಳ್ಮೆಯ ಆಟವಾಡಿದ ಸಚಿನ್ 175 ಎಸೆತಗಳಲ್ಲಿ 79 ರನ್ ಗಳಿಸಿದರು. 6 ಬೌಂಡರಿ ಬಾರಿಸಿದ್ದರು.

ಏನಿದು ಶಾಟ್

ವಿಕೆಟ್ ಕೀಪರ್ ತಲೆ ಮೇಲೆ ಚೆಂಡು ಹಾರುವಂತೆ ವಿಚಿತ್ರ ಶಾಟ್ ಯತ್ನಿಸಿದ ಸಚಿನ್

Story first published:  Wednesday, October 30, 2013, 15:43 [IST]
English summary
Sachin Tendulkar scripted a perfect finish for himself in his last Ranji Trophy outing here on Wednesday(Oct.30). Tendulkar single-handedly guided Mumbai to a four-wicket victory against Haryana on the fourth and final day at the Bansi Lal Stadium.
ಅಭಿಪ್ರಾಯ ಬರೆಯಿರಿ