Englishहिन्दीമലയാളംதமிழ்తెలుగు

ವಿಶ್ವ ಟಿ20 : ಭಾರತಕ್ಕೆ ಪಾಕಿಸ್ತಾನ ಮೊದಲ ಎದುರಾಳಿ

Posted by:
Updated: Monday, October 28, 2013, 12:15 [IST]
 

ವಿಶ್ವ ಟಿ20 : ಭಾರತಕ್ಕೆ ಪಾಕಿಸ್ತಾನ ಮೊದಲ ಎದುರಾಳಿ
 

ಬೆಂಗಳೂರು, ಅ.28: ಮುಂದಿನ ವರ್ಷ ನಡೆಯಲಿರುವ ವಿಶ್ವಕಪ್ ಟಿ-20 ಕ್ರಿಕೆಟ್ ಚಾಂಪಿಯನ್ ಶಿಪ್ ನಲ್ಲಿ ಟೀಂ ಇಂಡಿಯಾ ತನ್ನ ಮೊದಲ ಪಂದ್ಯವನ್ನು ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನ ತಂಡವನ್ನು ಎದುರಿಸಲಿದೆ. ಮಾರ್ಚ್ 16ರಿಂದ ಏಪ್ರಿಲ್ 6ರವರೆಗೆ ಬಾಂಗ್ಲಾದೇಶದಲ್ಲಿ ವಿಶ್ವ ಟಿ20 ಟೂರ್ನಿ ಆಯೊಜನೆಗೊಂಡಿದೆ.

ಒಟ್ಟು 22 ದಿನಗಳ ಈ ಟೂರ್ನಿಯಲ್ಲಿ ಒಟ್ಟಾರೆ 60 ಪಂದ್ಯಗಳು (35 ಪುರುಷರ ಮತ್ತು 25 ಮಹಿಳೆಯರ) ಜರುಗಲಿವೆ. ಪಂದ್ಯಗಳು ಚಿತ್ತಗಾಂಗ್, ಢಾಕಾ ಮತ್ತು ಸಿಲೇಟ್ ಗಳಲ್ಲಿ ಜರುಗಲಿವೆ. ಅಕ್ಚೋಬರ್ 8, 2012ರಲ್ಲಿ ಇದ್ದ ಟಿ-20 ಶ್ರೇಯಾಂಕದ ಆಧಾರದ ಮೇಲೆ ಅಗ್ರ 8 ತಂಡಗಳು ನೇರವಾಗಿ ಸೂಪರ್-10ದಲ್ಲಿ ಸೆಣಸಲಿವೆ.

ಇನ್ನು ಬಾಂಗ್ಲಾದೇಶ ಮತ್ತು ಜಿಂಬಾಬ್ವೆ ತಂಡಗಳು ಅಗ್ರ 8ರಿಂದ ಆಚೆಗೆ ಇರುವುದರಿಂದ ಮೊದಲ ಹಂತದ ಸೆಣಸಿನ ಮೂಲಕ ಅರ್ಹತೆ ಪಡೆದುಕೊಳ್ಳಬೇಕಾಗಿದೆ. ಮಾಜಿ ಚಾಂಪಿಯನ್ ಭಾರತ ಮತ್ತು ಪಾಕಿಸ್ತಾನ ತಂಡಗಳು ಮಾರ್ಚ್ 21ರಂದು ಢಾಕಾದಲ್ಲಿ ನಡೆಯುವ ಉದ್ಘಾಟನೆ ಪಂದ್ಯದಲ್ಲಿ ಪರಸ್ಪರ ಎದುರಾಗುವುದರೊಂದಿಗೆ ಟೂರ್ನಿಗೆ ಚಾಲನೆ ನೀಡಲಿವೆ. ಮಾ.16 ರಿಂದ ಮಾ.21 ರ ತನಕ ಅರ್ಹತಾ ಸುತ್ತಿನ ಪಂದ್ಯಗಳು ನಡೆಯಲಿವೆ.

ಪುರುಷರ ಗುಂಪಿನ ವಿಜೇತ ತಂಡ 1.1 ಮಿಲಿಯನ್ ಅಮೆರಿಕನ್ ಡಾಲರ್ ಮೊತ್ತವನ್ನು ತನ್ನದಾಗಿಸಿಕೊಳ್ಳಲಿದೆ. ರನ್ನರ್ ಅಪ್ ತಂಡ 550,000 ಡಾಲರ್ ಬಹುಮಾನ ತನ್ನದಾಗಿಸಿಕೊಳ್ಳಲಿದೆ. ಈ ಮಧ್ಯೆ ಈ ಬಾರಿ ಮಹಿಳೆಯರ ವಿಭಾಗದಲ್ಲಿ ತಂಡಗಳ ಸಂಖ್ಯೆಯನ್ನು 8ರಿಂದ 10ಕ್ಕೆ ಹೆಚ್ಚಿಸಲಾಗಿದೆ. ಮಹಿಳಾ ಗುಂಪಿನ ವಿಜೇತರು 65 ಸಾವಿರ ಡಾಲರ್ ಹಾಗೂ ಫೈನಲ್ ತಲುಪಿದವರು 25 ಸಾವಿರ ಡಾಲರ್ ಪಡೆಯಲಿದ್ದಾರೆ.

ಪುರುಷರ ಗುಂಪು (ಸೂಪರ್ 10)

ಗುಂಪು 1 : ಶ್ರೀಲಂಕಾ, ಇಂಗ್ಲೆಂಡ್, ದಕ್ಷಿಣ ಆಫ್ರಿಕಾ, ನ್ಯೂಜಿಲೆಂಡ್, ಅರ್ಹತಾ ಸುತ್ತಿನ 'ಬಿ' ಗುಂಪಿನ ತಂಡ

ಗುಂಪು 2: ವೆಸ್ಟ್ ಇಂಡೀಸ್, ಭಾರತ, ಪಾಕಿಸ್ತಾನ, ಆಸ್ಟ್ರೇಲಿಯಾ, ಅರ್ಹತಾ ಸುತ್ತಿನ 'ಎ' ಗುಂಪಿನ ತಂಡಮಹಿಳೆಯರ ಗುಂಪು


ಗುಂಪು 'ಎ' : ಆಸ್ಟ್ರೇಲಿಯಾ, ನ್ಯೂಜಿಲೆಂಡ್, ದಕ್ಷಿಣ ಆಫ್ರಿಕಾ, ಪಾಕಿಸ್ತಾನ, ಐರ್ಲೆಂಡ್

ಗುಂಪು 'ಬಿ': ಇಂಗ್ಲೆಂಡ್, ವೆಸ್ಟ್ ಇಂಡೀಸ್, ಭಾರತ, ಶ್ರೀಲಂಕಾ, ಬಾಂಗ್ಲಾದೇಶ್


ಪೂರ್ಣ ವೇಳಾ ಪಟ್ಟಿ ನಿರೀಕ್ಷಿಸಿ....

Story first published:  Monday, October 28, 2013, 12:14 [IST]
English summary
India are grouped with Pakistan, West Indies, Australia and a Qualifier for the ICC World Twenty20 2014 to be held in Bangladesh from March 16 to April 6. The main tournament opener sees India facing Pakistan in Mirpur on March 21.
ಅಭಿಪ್ರಾಯ ಬರೆಯಿರಿ