Englishहिन्दीമലയാളംதமிழ்తెలుగు

ತವರು ನೆಲದಲ್ಲೇ ಸಚಿನ್ ಕಟ್ಟ ಕಡೆಯ ಟೆಸ್ಟ್

Posted by:
Published: Tuesday, October 15, 2013, 15:52 [IST]
 

ಮುಂಬೈ, ಅ.15: ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಅವರ ಇಚ್ಛೆಯಂತೆ ಕಟ್ಟ ಕಡೆಯ ಟೆಸ್ಟ್ ಪಂದ್ಯವನ್ನು ತವರು ನೆಲ ಮುಂಬೈನಲ್ಲೇ ಆಡಬಹುದಾಗಿದೆ. ಸಚಿನ್ ಅವರು ತವರಿನಲ್ಲೇ ಕೊನೆಯ ಟೆಸ್ಟ್ ಪಂದ್ಯವನ್ನು ಆಡುವ ಮೂಲಕ ಕ್ರಿಕೆಟ್ ಜೀವನಕ್ಕೆ ನಿವೃತ್ತಿ ಘೋಷಿಸಲು ಬೇಕಾದ ಸಿದ್ಧತೆಗೆ ಬಿಸಿಸಿಐ ಚಾಲನೆ ನೀಡಿದೆ.

200ನೇ ಟೆಸ್ಟ್ ಪಂದ್ಯದ ನಂತರ ಅಂತಾರಾಷ್ಟ್ರೀಯ ಕ್ರಿಕೆಟ್ ಗೆ ವಿದಾಯ ಹೇಳುವುದಾಗಿ ಸಚಿನ್ ತೆಂಡೂಲ್ಕರ್, ಇತ್ತೀಗೆ ಘೋಷಿಸಿದ್ದತು. ಜತೆಗೆ ಮುಂಬೈ ನಲ್ಲೇ ತಮ್ಮ 200ನೇ ಟೆಸ್ಟ್ ಪಂದ್ಯವನ್ನಾಡಬೇಕು ಎಂಬ ಇಚ್ಛೆ ವ್ಯಕ್ತಪಡಿಸಿದ್ದರು. ಸಚಿನ್ ಅವರ ಆಸೆಗೆ ಬಿಸಿಸಿಐ ಮಂಗಳವಾರ(ಅ.15) ಅಧಿಕೃತವಾಗಿ ಒಪ್ಪಿಗೆ ಸೂಚಿಸಿದೆ.

ತವರು ನೆಲದಲ್ಲೇ ಸಚಿನ್ ಕಟ್ಟ ಕಡೆಯ ಟೆಸ್ಟ್

ನ.14-18ರ ನಡುವೆ ವೆಸ್ಟ್ ಇಂಡೀಸ್ ವಿರುದ್ಧ ನಡೆಯಲಿರುವ ಟೆಸ್ಟ್ ಪಂದ್ಯವನ್ನು ಮುಂಬೈನ ವಾಂಖಡೆ ಕ್ರೀಡಾಂಗಣದಲ್ಲಿ ನಡೆಸಲು ತೀರ್ಮಾನಿಸಲಾಗಿದೆ. ಈ ಮೂಲಕ ತವರಿನಲ್ಲೇ ಸಚಿನ್ ಗೆ ತಮ್ಮ 200ನೇ ಹಾಗೂ ಕೊನೆಯ ಕ್ರಿಕೆಟ್ ಪಂದ್ಯವನ್ನಾಡುವ ಅವಕಾಶ ದೊರೆತಿದೆ.

ವೆಸ್ಟ್ ಇಂಡೀಸ್ ಹಾಗೂ ಭಾರತ ನಡುವಿನ ಪಂದ್ಯದ ಬಗ್ಗೆ ಸಭೆ ನಡೆಸಿದ ರಾಜೀವ್ ಶುಕ್ಲಾ ನೇತೃತ್ವದ ಪಂದ್ಯದ ಪ್ರವಾಸ ನಿಗದಿ ಹಾಗೂ ವೇಳಾಪಟ್ಟಿ ನಿಗದಿ ಸಮಿತಿ ತೀರ್ಮಾನದಂತೆ ಸಚಿನ್ ಅವರು 199ನೇ ಟೆಸ್ಟ್ ಪಂದ್ಯವನ್ನು ಕೋಲ್ಕತ್ತಾದ ಈಡೆನ್ ಗಾರ್ಡನ್ ನಲ್ಲಿ ಹಾಗೂ 200ನೇ ಟೆಸ್ಟ್ ಪಂದ್ಯವನ್ನು ಮುಂಬೈನ ವಾಂಖೆಡೆ ಸ್ಟೇಡಿಯಂನಲ್ಲಿ ಆಡಲಿದ್ದಾರೆ.

ಭಾರತ ಮತ್ತು ವೆಸ್ಟ್ ಇಂಡೀಸ್ ನಡುವಿನ ಪಂದ್ಯಗಳು ನಡೆಯಲಿರುವ ದಿನಾಂಕ ಹಾಗು ಸ್ಥಳ

ಅಕ್ಟೋಬರ್ 28: ವೆಸ್ಟ್ ಇಂಡೀಸ್ ಕ್ರಿಕೆಟ್ ಟೀಂ ಭಾರತಕ್ಕೆ ಆಗಮನ

ಅಕ್ಟೋಬರ್ 31-ನವಂಬರ್ 2: ಮೂರು ದಿನಗಳ ಪಂದ್ಯ (ವೆಸ್ಟ್ ಇಂಡೀಸ್ v/s ಯುಪಿಸಿಎ , ಕಟಕ್)

ನವಂಬರ್ 6-10: ಮೊದಲ ಪಂದ್ಯ, ಕೊಲ್ಕತ್ತಾ

ನವಂಬರ್ 14-18: ದ್ವಿತೀಯ ಪಂದ್ಯ, ಮುಂಬೈ

ನವಂಬರ್ 21: ಮೊದಲ ಏಕದಿನ ಪಂದ್ಯ , ಕೊಚ್ಚಿ

ನವಂಬರ್ 24: ದ್ವಿತೀಯ ಏಕದಿನ ಪಂದ್ಯ, ವಿಶಾಖಪಟ್ಟಣಂ

ನವಂಬರ್ 27: ತೃತೀಯ ಏಕದಿನ ಪಂದ್ಯ, ಬರೋಡಾ /ಕಾನ್ಪುರ್

English summary
The Board of Control for Cricket in India (BCCI) on Tuesday announced that Sachin Tendulkar's 200th and final Test will be held at the Wankhede Stadium here from November 14 to 18
ಅಭಿಪ್ರಾಯ ಬರೆಯಿರಿ