Englishहिन्दीമലയാളംதமிழ்తెలుగు

ಚಿತ್ರಗಳಲ್ಲಿ: ಸಚಿನ್ ವರ್ಣರಂಜಿತ ವೃತ್ತಿ ಬದುಕು

Posted by:
Updated: Saturday, October 12, 2013, 13:25 [IST]
 

ಬೆಂಗಳುರು, ಅ.12: ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಅವರು 24 ವರ್ಷಗಳ ವೃತ್ತಿ ಬದುಕಿಗೆ ಕೊನೆಗೂ ನಿವೃತ್ತಿ ಘೋಷಿಸಿದ್ದಾರೆ. 200ನೇ ಟೆಸ್ಟ್ ಪಂದ್ಯದ ನಂತರ ನಿವೃತ್ತಿಯಾಗುವುದಾಗಿ ಬಿಸಿಸಿಐಗೆ ತಿಳಿಸಿದ್ದಾರೆ.

‘ಮಾಸ್ಟರ್ ಬ್ಲಾಸ್ಟರ್' ಸಚಿನ್ ತೆಂಡೂಲ್ಕರ್ ಅವರು 11ನೇ ವರ್ಷದಿಂದ 40ರ ಹರೆಯದ ತನಕ ಕ್ರಿಕೆಟ್ ನಲ್ಲಿ ನಡೆದು ಬಂದ ಅನುಕರಣೀಯ. ಪ್ರವಾಸಿ ವೆಸ್ಟ್ ಇಂಡೀಸ್ ತಂಡದ ವಿರುದ್ಧ ನ.14 ಆರಂಭವಾಗಲಿರುವ ಟೆಸ್ಟ್ ಪಂದ್ಯ ಸಚಿನ್ ಅವರ ಕಟ್ಟಕಡೆಯ ಟೆಸ್ಟ್ ಪಂದ್ಯವಾಗಲಿದೆ. ನ14-18ರ ತನಕ ನಡೆಯಲಿರುವ ಟೆಸ್ಟ್ ಪಂದ್ಯ ಕ್ರೀಡಾಂಗಣ ಆಯ್ಕೆ ಅಂತಿಮವಾಗಿದೆ.

ಸಚಿನ್ ಅವರ ಬಯಕೆಯಂತೆ ಅವರ ತವರು ನೆಲ ಮುಂಬೈನಲ್ಲೇ ಅವರು 200ನೇ ಟೆಸ್ಟ್ ಆಡಲಿದ್ದಾರೆ. ಮುಂಬೈನ ವಾಂಖೆಡೆ ಸ್ಟೇಡಿಯಂನಲ್ಲಿ ಸಚಿನ್ ಅವರು ಆಡಲು ಇಚ್ಛೆ ವ್ಯಕ್ತಪಡಿಸಿದ್ದರು. ಅದರಂತೆ ಬಿಸಿಸಿಐ ಸ್ಪಂದಿಸಿದ್ದು ಅವರ ಇಚ್ಛೆಯಂತೆ ನವೆಂಬರ್ 14-18ರ ತನಕ ನಡೆಯುವ ಪಂದ್ಯಕ್ಕೆ ಮುಂಬೈ ಸಾಕ್ಷಿಯಾಗಲಿದೆ ಎಂದು ಮುಂಬೈ ಕ್ರಿಕೆಟ್ ಅಸೋಸಿಯೇಷನ್ ಅಧ್ಯಕ್ಷ ರವಿ ಸಾವಂತ್ ಹೇಳಿದ್ದಾರೆ. 40 ವರ್ಷದ ಅಪ್ರತಿಮ ಆಟಗಾರ ಸಚಿನ್ ಅವರ ಸಾಧನೆ, ವರ್ಣರಂಜಿತ ವೃತ್ತಿ ಬದುಕಿನ ಹಿನ್ನೋಟ ಇಲ್ಲಿದೆ ತಪ್ಪದೇ ಓದಿ

ವಿಶ್ವಕಪ್ ಎತ್ತಿ ಹಿಡಿದಿದ್ದು

ಮುಂಬೈನಲ್ಲಿ ಏಕದಿನ ವಿಶ್ವಕಪ್ ಎತ್ತಿ ಹಿಡಿದು ಬಹುದಿನದ ಕನಸನ್ನು ನನಸಾಗಿಸಿಕೊಂಡರು.

2011ರ ಏಪ್ರಿಲ್ 2 ರಂದು ವಿಶ್ವಕಪ್ ವಿಜಯ ಅವಿಸ್ಮರಣೀಯ ದಿನ ಎಂದು ಸಚಿನ್ ಹೇಳಿದ್ದಾರೆ.

ಕ್ರಿಕೆಟ್ ವಿಶ್ವಕಪ್‌

ಕ್ರಿಕೆಟ್ ವಿಶ್ವಕಪ್‌ನಲ್ಲಿ 11 ಪಂದ್ಯಗಳಲ್ಲಿ 673 ರನ್ ಗಳಿಸಿದ ತೆಂಡುಲ್ಕರ್ ವಿಶ್ವಕಪ್‌ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಬ್ಯಾಟ್ಸ್‌ಮನ್ ಎನಿಸಿದ್ದರು.

ತೆಂಡೂಲ್ಕರ್ ಸಂಭ್ರಮ

ತೆಂಡೂಲ್ಕರ್ ಕ್ರಿಕೆಟ್ ವಿಶ್ವಕಪ್ ‌ನಲ್ಲಿ (1996) 7 ಪಂದ್ಯಗಳಲ್ಲಿ 523 ರನ್ ಪೇರಿಸಿ ಗರಿಷ್ಠ ಸ್ಕೋರರ್ ಎನಿಸಿಕೊಂಡರು.

2011ರಲ್ಲಿ ವಿಶ್ವಕಪ್ ಗೆದ್ದ ನಂತರ ಮಗುವಿನಂತೆ ಮೈದಾನದುದ್ದಕ್ಕೂ ಬಾವುಟ ಹಿಡಿದು ಸಂಭ್ರಮಿಸಿದರು.

ಟೆನಿಸ್ ಪ್ರೇಮಿ

ಚಿಕ್ಕಂದಿನಿಂದಲೂ ಟೆನಿಸ್ ಆಟದ ಮೇಲೆ ಸಚಿನ್ ಗೆ ಭಾರಿ ಒಲವು. ಅಮೆರಿಕದ ಜಾನ್ ಮೆಕೆನ್ರೋ ಅವರ ಅಭಿಮಾನಿ

ಸಚಿನ್ ಸಾಧನೆ ಹಿನ್ನೋಟ

11ನೆ ವರ್ಷ: ಮುಂಬೈನ ಆಜಾದ್ ಮೈದಾನದಲ್ಲಿ ಖೊಜಾ ಖಾನ್ ಸ್ಕೂಲ್ ವಿರುದ್ಧ ಮೊದಲ ಗಿಲ್ಸ್ ಶೀಲ್ಡ್ ಪಂದ್ಯವನ್ನು ಆಡಿ 24 ರನ್ ಗಳಿಸಿದ್ದರು.

ಸಚಿನ್ ಸಾಧನೆ ಹಿನ್ನೋಟ

ಅಂಡರ್-17 ಹ್ಯಾರಿಸ್ ಶೀಲ್ಡ್ ಟೂರ್ನಿಯಲ್ಲಿ ಶಾರದಾಶ್ರಮ ಸ್ಕೂಲ್ ಪರ ಮೊದಲ ಶತಕವನ್ನು ದಾಖಲಿಸಿದರು.

ಸಚಿನ್ ಸಾಧನೆ ಹಿನ್ನೋಟ

ಗಿಲ್ಸ್ ಶೀಲ್ಡ್ ಟೂರ್ನಿಯಲ್ಲಿ ಅತ್ಯುತ್ತಮ ಪ್ರದರ್ಶನವನ್ನು ಮುಂದುವರಿಸಿದ್ದ ಸಚಿನ್ ದ್ವಿಶತಕ ಸೇರಿದಂತೆ ಏಳು ಶತಕಗಳನ್ನು ಸಿಡಿಸಿದರು.

ಸಚಿನ್ ಸಾಧನೆ ಹಿನ್ನೋಟ

ಬಾಲ್ಯದ ಗೆಳೆಯ ವಿನೋದ್ ಕಾಂಬ್ಳಿ ಅವರೊಂದಿಗೆ ದಾಖಲೆ 664 ರನ್ ಜತೆಯಾಟ. 15: ಗುಜರಾತ್ ವಿರುದ್ಧ ಮುಂಬೈ ತಂಡದ ಪರ ಚೊಚ್ಚಲ ಪ್ರಥಮ ದರ್ಜೆ ಶತಕ ದಾಖಲಿಸಿದ ತೆಂಡುಲ್ಕರ್.

ಸಚಿನ್ ಸಾಧನೆ ಹಿನ್ನೋಟ

ತೆಂಡುಲ್ಕರ್ ಪಾಕಿಸ್ತಾನದ ವಿರುದ್ಧ ಟೆಸ್ಟ್ ಹಾಗೂ ಏಕದಿನ ಕ್ರಿಕೆಟ್ ಪಂದ್ಯಕ್ಕೆ ಪಾದಾರ್ಪಣೆಗೈದರು.

ಸಚಿನ್ ಸಾಧನೆ ಹಿನ್ನೋಟ

1990ರಲ್ಲಿ ಮ್ಯಾಂಚೆಸ್ಟರ್‌ನಲ್ಲಿ ಇಂಗ್ಲೆಂಡ್‌ನ ವಿರುದ್ಧ ಚೊಚ್ಚಲ ಟೆಸ್ಟ್ ಶತಕ(ಅಜೇಯ 119) ದಾಖಲಿಸಿ ಭಾರತಕ್ಕೆ ಗೆಲುವು ತಂದುಕೊಟ್ಟರು.

ಸಚಿನ್ ಸಾಧನೆ ಹಿನ್ನೋಟ

ಕ್ರಿಕೆಟ್ ವಿಶ್ವಕಪ್‌ನಲ್ಲಿ (1992) ಕಾಣಿಸಿಕೊಂಡ ಭಾರತದ ಕಿರಿಯ ಕ್ರಿಕೆಟಿಗ ನೆನಿಸಿದ ತೆಂಡುಲ್ಕರ್.

ಸಚಿನ್ ಸಾಧನೆ ಹಿನ್ನೋಟ

ಇಂಗ್ಲೆಂಡ್‌ನ ಕೌಂಟಿ ತಂಡ ಯಾರ್ಕ್ ಶೈರ್ ನೊಂದಿಗೆ ಸಹಿ ಹಾಕಿದ ಮೊದಲ ವಿದೇಶಿ ಆಟಗಾರನೆನಿಸಿದ್ದ ತೆಂಡುಲ್ಕರ್ 1,000 ಟೆಸ್ಟ್ ರನ್ ಗಳಿಸಿದ ಕಿರಿಯ ಕ್ರಿಕೆಟಿಗನೆನಿಸಿದರು.

ಸಚಿನ್ ಸಾಧನೆ ಹಿನ್ನೋಟ

ತೆಂಡುಲ್ಕರ್ ಸ್ವದೇಶದಲ್ಲಿ(ಚೆನ್ನೈ)ಇಂಗ್ಲೆಂಡ್ ತಂಡದ ವಿರುದ್ಧ ಚೊಚ್ಚಲ ಟೆಸ್ಟ್ ಶತಕ (165 ರನ್) ಸಿಡಿಸಿದರು. 21: ಕೊಲಂಬೋದಲ್ಲಿ ಆಸ್ಟ್ರೇಲಿಯದ ವಿರುದ್ಧ ಚೊಚ್ಚಲ ಏಕದಿನ ಶತಕ(110 ರನ್).

ಸಚಿನ್ ಸಾಧನೆ ಹಿನ್ನೋಟ

300 ಮಿಲಿಯನ್‌ಗೆ ಐದು ವರ್ಷದ ಒಪ್ಪಂದ ಸಹಿ ಹಾಕಿದ ಸಚಿನ್ ಕ್ರಿಕೆಟ್ ಇತಿಹಾಸದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆದ ಆಟಗಾರ ಎನಿಸಿದರು.

ಸಚಿನ್ ಸಾಧನೆ ಹಿನ್ನೋಟ

ತೆಂಡುಲ್ಕರ್ ಟೆಸ್ಟ್ ಹಾಗೂ ಏಕದಿನ ಕ್ರಿಕೆಟ್ ನಲ್ಲಿ ಕ್ಯಾಲೆಂಡರ್ ವರ್ಷದಲ್ಲಿ 1,000 ರನ್ ಪೇರಿಸಿ ಅಪರೂಪದ ಸಾಧನೆ ಮಾಡಿದರು.

ಸಚಿನ್ ಸಾಧನೆ ಹಿನ್ನೋಟ

ಸಚಿನ್ ತೆಂಡುಲ್ಕರ್ ಶಾರ್ಜಾದಲ್ಲಿ ಆಸ್ಟ್ರೇಲಿಯ ವಿರುದ್ಧ ಸತತ ಎರಡು ಶತಕಗಳನ್ನು ಸಿಡಿಸಿದರು. ಒಂದು ಶತಕವನ್ನು ಜನ್ಮದಿನದಂದೇ ದಾಖಲಿಸಿದ್ದರು.

ಸಚಿನ್ ಸಾಧನೆ ಹಿನ್ನೋಟ

ತೆಂಡುಲ್ಕರ್ ನ್ಯೂಝಿಲೆಂಡ್ ವಿರುದ್ಧ ಚೊಚ್ಚಲ ಟೆಸ್ಟ್ ದ್ವಿಶತಕ (217 ರನ್) ಸಿಡಿಸಿದರು.

ಸಚಿನ್ ಸಾಧನೆ ಹಿನ್ನೋಟ

ಝಿಂಬಾಬ್ವೆ ವಿರುದ್ಧ ಅಜೇಯ 201 ರನ್ ಸಿಡಿಸಿದ್ದ ತೆಂಡುಲ್ಕರ್ 50 ಅಂತಾರಾಷ್ಟ್ರೀಯ ಶತಕ ಸಿಡಿಸಿದ ಮೊದಲ ಬ್ಯಾಟ್ಸ್‌ಮನ್ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು.

ಸಚಿನ್ ಸಾಧನೆ ಹಿನ್ನೋಟ

ಏಕದಿನ ಕ್ರಿಕೆಟ್‌ನಲ್ಲಿ 10,000 ರನ್ ಪೂರೈಸಿದ ಮೊದಲ ಕ್ರಿಕೆಟಿಗ ಎನಿಸಿದರು.

ಸಚಿನ್ ಸಾಧನೆ ಹಿನ್ನೋಟ

ಹೆಡ್ಡಿಂಗ್ಲೆಯಲ್ಲಿ ಇಂಗ್ಲೆಂಡ್‌ನ ವಿರುದ್ಧ 193 ರನ್ ದಾಖಲಿಸಿದ ತೆಂಡುಲ್ಕರ್ ಡಾನ್ ಬ್ಯಾಡ್ಮಿನ್ ಗರಿಷ್ಠ ಶತಕ(29) ದಾಖಲೆಯನ್ನು ಸರಿಗಟ್ಟಿದರು.

ಸಚಿನ್ ಸಾಧನೆ ಹಿನ್ನೋಟ

ಢಾಕಾದಲ್ಲಿ ಬಾಂಗ್ಲಾದೇಶದ ವಿರುದ್ಧ ಜೀವನ ಶ್ರೇಷ್ಠ ಇನಿಂಗ್ಸ್(248 ನಾಟೌಟ್) ಆಡಿದ ತೆಂಡುಲ್ಕರ್ ಸುನಿಲ್ ಗವಾಸ್ಕರ್‌ರ 34 ಟೆಸ್ಟ್ ಶತಕಗಳ ದಾಖಲೆಯನ್ನು ಸರಿಗಟ್ಟಿದ್ದರು.

ಸಚಿನ್ ಸಾಧನೆ ಹಿನ್ನೋಟ

35ನೆ ಟೆಸ್ಟ್ ಶತಕವನ್ನು ಸಿಡಿಸಿದ ತೆಂಡುಲ್ಕರ್, ಗವಾಸ್ಕರ್‌ರ ವಿಶ್ವದಾಖಲೆ ಶತಕವನ್ನು (34)ಮುರಿದರು.

ಸಚಿನ್ ಸಾಧನೆ ಹಿನ್ನೋಟ

ಏಕೈಕ ಟ್ವೆಂಟಿ-20 ಅಂತಾರಾಷ್ಟ್ರೀಯ ಏಕೈಕ ಟ್ವೆಂಟಿ-20 ಅಂತಾರಾಷ್ಟ್ರೀಯ ಪಂದ್ಯ ಆಡಿದ್ದ ತೆಂಡುಲ್ಕರ್ ಟ್ವೆಂಟಿ-20 ಆಡಿದ ಭಾರತದ ಹಿರಿಯ ಆಟಗಾರ ಎನಿಸಿದ್ದರು.

ಸಚಿನ್ ಸಾಧನೆ ಹಿನ್ನೋಟ

ತೆಂಡುಲ್ಕರ್ ಏಕದಿನ ಪಂದ್ಯದಲ್ಲಿ 15,000 ರನ್ ಹಾಗೂ ಟೆಸ್ಟ್ ಕ್ರಿಕೆಟ್‌ನಲ್ಲಿ 11,000 ರನ್ ಕ್ರಮಿಸಿದರು.

ಸಚಿನ್ ಸಾಧನೆ ಹಿನ್ನೋಟ

ಬ್ರಿಯಾನ್ ಲಾರಾ ದಾಖಲೆಯನ್ನು ಸರಿಗಟ್ಟಿದ ತೆಂಡುಲ್ಕರ್ ಟೆಸ್ಟ್ ಕ್ರಿಕೆಟ್‌ನ ಗರಿಷ್ಠ ಸ್ಕೋರರ್ ಎನಿಸಿಕೊಂಡರು.

ಸಚಿನ್ ಸಾಧನೆ ಹಿನ್ನೋಟ

ಏಕದಿನದಲ್ಲಿ 17,000 ರನ್ ಪೂರೈಸಿದ ತೆಂಡುಲ್ಕರ್ ಏಕದಿನ ಪಂದ್ಯದಲ್ಲಿ ದ್ವಿಶತಕ ಸಿಡಿಸಿದ ವಿಶ್ವದ ಮೊದಲ ಆಟಗಾರನಾದರು.

Story first published:  Saturday, October 12, 2013, 12:16 [IST]
English summary
For 24 years, Sachin Tendulkar gave millions of people a reason to watch cricket. It will be the end of an era next month when the Master Blaster makes his final appearance for India.We have put together Tendulkar's several memorable moments on the field. Here are the pictures.
ಅಭಿಪ್ರಾಯ ಬರೆಯಿರಿ