Englishहिन्दीമലയാളംதமிழ்తెలుగు

ಸಚಿನ್ ತೆಂಡೂಲ್ಕರ್ ನಿವೃತ್ತಿ ಘೋಷಣೆ

Posted by:
Updated: Thursday, October 10, 2013, 16:35 [IST]
 

ಬೆಂಗಳೂರು, ಅ.10: ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಅವರು ಕೊನೆಗೂ ನಿವೃತ್ತಿ ಘೋಷಿಸಿದ್ದಾರೆ. 200ನೇ ಟೆಸ್ಟ್ ಪಂದ್ಯದ ನಂತರ ನಿವೃತ್ತಿಯಾಗುವುದಾಗಿ ಬಿಸಿಸಿಐಗೆ ತಿಳಿಸಿದ್ದಾರೆ. ನನ್ನ ಪರವಾಗಿ ಪತ್ರಿಕಾ ಹೇಳಿಕೆ ನೀಡುವಂತೆ ಸಚಿನ್ ನಮಗೆ ತಿಳಿಸಿದ್ದಾರೆ ಎಂದು ಬಿಸಿಸಿಐ ಅಧ್ಯಕ್ಷ ಎನ್ ಶ್ರೀನಿವಾಸನ್ ಹೇಳಿದ್ದಾರೆ.

ಗುರುವಾರ ಮಧ್ಯಾಹ್ನ ಈ ವಿಷಯವನ್ನು ಬಹಿರಂಗಗೊಳಿಸಿದ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ, ಸಚಿನ್ ಅವರು 200ನೇ ಟೆಸ್ಟ್ ನಂತರ ಅಂತಾರಾಷ್ಟ್ರೀಯ ಕ್ರಿಕೆಟ್ ಗೆ ಗುಡ್ ಬೈ ಹೇಳುತ್ತಾರೆ' ಎಂದಿದೆ. ಸಚಿನ್ ಅವರು ತಮ್ಮ ವೃತ್ತಿ ಜೀವನದ ಕಟ್ಟಕಡೆಯ ಟೆಸ್ಟ್ ಪಂದ್ಯವನ್ನು ವೆಸ್ಟ್ ಇಂಡೀಸ್ ವಿರುದ್ಧ ಮುಂದಿನ ತಿಂಗಳು ಆಡಲಿದ್ದಾರೆ.

ಸಚಿನ್ ತೆಂಡೂಲ್ಕರ್ ನಿವೃತ್ತಿ ಘೋಷಣೆ

ಸಚಿನ್ ಹೇಳಿಕೆ ರೀಕ್ಯಾಪ್: 2005ರಿಂದ ನನ್ನ ನಿವೃತ್ತಿಯ ಬಗ್ಗೆ ಅಭಿಪ್ರಾಯ ಕೇಳಿ ಬರುತ್ತಿದೆ. ಆದರೆ ನಾನು ಅಂಥ ಸಲಹೆಗಳನ್ನು ಗಂಭೀರವಾಗಿ ಪರಿಗಣಿಸದೆ ಕ್ರಿಕೆಟ್ ವೃತ್ತಿ ಬದುಕನ್ನು ಮುಂದುವರಿಸಿಕೊಂಡು ಬಂದಿರುವೆ. ಇಂಥ ಹೇಳಿಕೆಗಳಿಂದ ತಮ್ಮ ಆಟಕ್ಕೆ ಅಡ್ಡಿಯಾಗಿಲ್ಲ ಎಂದು ಸಚಿನ್ ಏಪ್ರಿಲ್ ತಿಂಗಳಿನಲ್ಲಿ ಹೇಳಿದ್ದರು.

2011ರ ವಿಶ್ವಕಪ್ ನಲ್ಲಿ 99ನೆ ಅಂತಾರಾಷ್ಟ್ರೀಯ ಶತಕ ದಾಖಲಿಸಿದ್ದೆ. ಆದರೆ ಆಗ 100ನೆ ಶತಕದ ಬಗ್ಗೆ ಮಾಧ್ಯಮಗಳು ಚಕಾರವೆತ್ತಲಿಲ್ಲ. ಭಾರತ ವಿಶ್ವಕಪ್ ಜಯಿಸಿದ ಬೆನ್ನಲ್ಲೆ ತನ್ನ 100ನೆ ಶತಕದ ಬಗ್ಗೆ ಮಾಧ್ಯಮಗಳು ಕೇಳತೊಡಗಿತು. 100ನೆ ಶತಕ ಬಾರಿಸುವಾಗ ಒತ್ತಡದಲ್ಲಿ ಇದ್ದದ್ದು ನಿಜ. ಆದರೆ, ಒತ್ತಡದಲ್ಲಿ ಆಡುವುದು ನನಗೆ ರೂಢಿಯಿದೆ. ಪತ್ರಿಕೆಗಳಲ್ಲಿ ಬಂದ ಅಭಿಪ್ರಾಯಗಳನ್ನು ತಾನು ಓದುತ್ತಾ ಕುಳಿತರೆ ಆಡುವವರು ಯಾರು ಎಂದು ಸಚಿನ್ ಪ್ರಶ್ನಿಸಿದ್ದರು.

ಸಚಿನ್ ಕೊನೆ ಟೆಸ್ಟ್ ಎಲ್ಲಿ ಆಡಲಿದ್ದಾರೆ ಎಂಬುದರ ಬಗ್ಗೆ ಇನ್ನೂ ಸ್ಪಷ್ಟವಾಗಿಲ್ಲ. ಆದರೆ, ನ.14ರಂದು 200ನೇ ಟೆಸ್ಟ್ ಆಡಲಿರುವುದು ಖಚಿತವಾಗಿದೆ. 300 ರನ್ ಗಡಿ ಹಾಗೂ 200 ಟೆಸ್ಟ್ ಪಂದ್ಯ ಎರಡು ಸದ್ಯಕ್ಕೆ ಸಚಿನ್ ಅವರ ಮುಂದಿರುವ ಗುರಿ ಎನ್ನಲಾಗಿದೆ. ಅಭಿಮಾನಿಗಳು ಸಚಿನ್ ಅವರ ನಿವೃತ್ತಿ ಸುದ್ದಿ ಕೇಳಿ ಆಘಾತ ವ್ಯಕ್ತಪಡಿಸಿದ್ದಾರೆ.

ಸಚಿನ್ ಈಗಿನ ಹೇಳಿಕೆ :
"All my life, I have had a dream of playing cricket for India . I have been living this dream every day for the last 24 years. It's hard for me to imagine a life without playing cricket because it's all I have ever done since I was 11 years old. It's been a huge honour to have represented my country and played all over the world. I look forward to playing my 200th Test Match on home soil, as I call it a day."

ಪೂರ್ಣ ಹೇಳಿಕೆ ಇಲ್ಲಿ ಓದಿ

ಇದನ್ನೂ ಓದಿ : ಸಚಿನ್ ಈಗ ಗುಡ್ ಬೈ ಹೇಳಬಾರ್ದು ಏಕೆ?ಏಕದಿನ ಕ್ರಿಕೆಟ್‌ಗೆ ಸಚಿನ್ ಬೈತೆಂಡೂಲ್ಕರ್ 100 ಶತಕಗಳ ಪಟ್ಟಿ| ತ್ರಿಶತಕ ಸಾಧಕರ ಸಂಪೂರ್ಣ ಪಟ್ಟಿ

Story first published:  Thursday, October 10, 2013, 15:55 [IST]
English summary
Sachin Tendulkar has announced that he will retire from Test cricket after his 200th Test against West Indies next month.
ಅಭಿಪ್ರಾಯ ಬರೆಯಿರಿ