Englishहिन्दीമലയാളംதமிழ்తెలుగు

ವಿಶ್ವಕಪ್ 2015 ಟೂರ್ನಿಗೆ ಅರ್ಹತೆ ಪಡೆದ ಅಫ್ಘಾನಿಸ್ತಾನ

Posted by:
Updated: Friday, October 4, 2013, 17:10 [IST]
 

ಬೆಂಗಳೂರು, ಅ.4: ಅಫ್ಘಾನಿಸ್ತಾನ ಕ್ರಿಕೆಟ್ ತಂಡ ಶುಕ್ರವಾರ ಹೊಸ ಇತಿಹಾಸ ಸೃಷ್ಟಿಸಿದೆ. ಐಸಿಸಿ ವಿಶ್ವಕಪ್ 2015 ಟೂರ್ನಿಯಲ್ಲಿ ಆಡಲು ಪ್ರಪ್ರಥಮ ಬಾರಿಗೆ ಅರ್ಹತೆ ಪಡೆದುಕೊಂಡಿದೆ. ಪೆಪ್ಸಿ ಐಸಿಸಿ ವಿಶ್ವ ಕ್ರಿಕೆಟ್ ಲೀಗ್ ಚಾಂಪಿಯನ್ ಶಿಪ್ ನ ಮಹತ್ವದ ಪಂದ್ಯದಲ್ಲಿ ಕೀನ್ಯಾ ತಂಡವನ್ನು ಸೋಲಿಸುವ ಮೂಲಕ ಅಫ್ಘಾನಿಸ್ತಾನ ಅರ್ಹತೆ ಪಡೆದುಕೊಂಡಿದೆ.

ಮುಂಬರುವ ವಿಶ್ವಕಪ್ 2015 ಟೂರ್ನಿ ಆಸ್ಟ್ರೇಲಿಯಾ ಹಾಗೂ ನ್ಯೂಜಿಲೆಂಡ್ ನಲ್ಲಿ ಆಯೋಜನೆಗೊಂಡಿದೆ. ಈ ಟೂರ್ನಿ ಅರ್ಹತೆ ಪಡೆಯಲು ನಡೆದ ಪಂದ್ಯದಲ್ಲಿ ಕೀನ್ಯಾ ತಂಡವನ್ನು ಅಫ್ಘಾನಿಸ್ತಾನ ಮಣಿಸಿದೆ.

ಕೀನ್ಯಾ ಪರ ಔಮಾ ಹಾಗೂ ಪಟೇಲ್ ಮಾತ್ರ ಎರಡಂಕಿ ಮೊತ್ತ ದಾಖಲಿಸಿದರು ಉಳಿದಂತೆ ಇತರೆ ರನ್ (18) ಹೆಚ್ಚಿನ ಸ್ಕೋರ್ ಆಗಿತ್ತು. 16.1 ಓವರ್ ಗಳಲ್ಲಿ 16/3 ರನ್ ಗಳಿಸಿ ಹೀನಾಯ ಸ್ಥಿತಿಯಲ್ಲಿದ್ದ ಕೀನ್ಯಾ ಕೊನೆಗೂ 93ರನ್ ಗಳಿಸಿದ್ದೇ ಸಾಧನೆಯಾಯಿತು.

ಅಫ್ಘಾನಿಸ್ತಾನ ತಂಡ ಮಹಮ್ಮದ್ ನಬಿ 46 ರನ್ (42 ಎಸೆತ, 3 ಬೌಂಡರಿ, 2 ಸಿಕ್ಸರ್) ನೆರವಿನಿಂದ ಅಲ್ಪಮೊತ್ತವನ್ನು ಸುಲಭವಾಗಿ ಚೇಸ್ ಮಾಡಿ ಗೆಲುವು ದಾಖಲಿಸಿತು.

ವಿಶ್ವಕಪ್ 2015 ಟೂರ್ನಿಗೆ ಅರ್ಹತೆ ಪಡೆದ ಅಫ್ಘಾನಿಸ್ತಾನ

ಕೀನ್ಯಾ ವಿರುದ್ಧ ಅಫ್ಘಾನಿಸ್ತಾನ ಇವತ್ತು ಸೋತಿದ್ದರೆ ಯುಇಎ ತಂಡ ಅರ್ಹತೆ ಪಡೆಯುತ್ತಿತ್ತು. ಎರಡು ತಂಡಗಳಿಗೆ ಪಾಕಿಸ್ತಾನ ವೇಗದ ಬೌಲರ್ ಗಳು ಕೋಚ್ ಎಂಬುದು ವಿಶೇಷ. ಅಫ್ಘಾನಿಸ್ತಾನಕ್ಕೆ ಕಬಿರ್ ಖಾನ್ ಕೋಚ್ ಆಗಿದ್ದರೆ, ಯುಎಇಗೆ ಅಖ್ವಿಬ್ ಜಾವೇದ್ ಕೋಚ್ ಆಗಿದ್ದಾರೆ.

ಬಿ ಗುಂಪಿನ ನಾಲ್ಕನೇ ಅರ್ಹತಾ ತಂಡ ಯಾವುದು ಎಂಬುದು ಮುಂದಿನ ವರ್ಷ ಫೆಬ್ರವರಿಯಲ್ಲಿ ತಿಳಿಯಲಿದೆ. ಈ ಮುಂಚೆ 2010, 2012ರಲ್ಲಿ ಐಸಿಸಿ ವಿಶ್ವ ಟಿ20ಟೂರ್ನಿಗೆ ಅಫ್ಘಾನಿಸ್ತಾನ ಅರ್ಹತೆ ಪಡೆದಿತ್ತು.

ಸಂಕ್ಷಿಪ್ತ ಸ್ಕೋರ್ : ಕೀನ್ಯಾ 93 ಕ್ಕೆ ಆಲೌಟ್ 43.3 ಓವರ್ (ಮೊರಿಸ್ ಔಮಾ 39, ಪಟೇಲ್ 18, ಹಮ್ಜಾ ಹೊಟಕ್ 3/19, ಹಮಿದ್ ಹಸನ್ 2/11, ಕರೀಂ ಸಾಧಿಕ್ 2/10, ಮಹಮದ್ ನಬಿ 2/10)

ಅಫ್ಘಾನಿಸ್ತಾನ 96/3 20.5 ಓವರ್ ಗಳಲ್ಲಿ (ಮಹಮದ್ ನಬಿ 42 ಔಟಾಗದೆ, ನವ್ರೊಜ್ ಮಂಗಳ್ 19)

ಗುಂಪುಗಳು
ಎ ಗುಂಪು : ಇಂಗ್ಲೆಂಡ್, ಆಸ್ಟ್ರೇಲಿಯಾ, ಶ್ರೀಲಂಕಾ, ಬಾಂಗ್ಲಾದೇಶ, ನ್ಯೂಜಿಲೆಂಡ್, ಹಾಗೂ ಅಫ್ಘಾನಿಸ್ತಾನ.
ಬಿ ಗುಂಪು: ದಕ್ಷಿಣ ಆಫ್ರಿಕಾ, ಭಾರತ, ಪಾಕ್ಸಿತಾನ, ವೆಸ್ಟ್ ಇಂಡೀಸ್, ಜಿಂಬಾಬ್ವೆ, ಐರ್ಲೆಂಡ್, ಅರ್ಹತಾ ತಂಡ 4

Story first published:  Friday, October 4, 2013, 16:41 [IST]
English summary
Afghanistan created history by qualifying for the ICC World Cup 2015 for the very first time. Afghanistan won their last Pepsi ICC World Cricket League Championship match against Kenya to earn an automatic qualification for the ICC's flagship event in Australia and New Zealand.
ಅಭಿಪ್ರಾಯ ಬರೆಯಿರಿ