Englishहिन्दीമലയാളംதமிழ்తెలుగు

ಚಿತ್ರಗಳಲ್ಲಿ :ಚೆನ್ನೈ ಜಯಭೇರಿ, ಧೋನಿ ಭರ್ಜರಿ

Posted by:
Published: Friday, September 27, 2013, 15:37 [IST]
 

ರಾಂಚಿ, ಸೆ.27: ತವರು ಮೈದಾನದಲ್ಲಿ ನಡೆದ ಚಾಂಪಿಯನ್ಸ್ ಲೀಗ್ ಟ್ವೆಂಟಿ -20 ಪಂದ್ಯದಲ್ಲಿ ನಾಯಕ ಮಹೇಂದ್ರ ಸಿಂಗ್ ಧೋನಿ ವೇಗದ ಅರ್ಧಶತಕ ಮತ್ತು ಸುರೇಶ್ ರೈನಾ ಬಾರಿಸಿದ 84 ರನ್ ಗಳ ನೆರವಿನಿಂದ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಸನ್ ರೈಸರ್ಸ್ ವಿರುದ್ಧದ 12 ರನ್ ಗಳ ಜಯ ದಾಖಲಿಸಿದೆ.

ಗೆಲ್ಲಲು ಬೇಕಿದ್ದ 203 ರನ್ಗಳ ಕಠಿಣ ಸವಾಲನ್ನು ಪಡೆದ ಶಿಖರ್ ಧವನ್ ಅವರ ಸನ್ ರೈಸರ್ಸ್ ತಂಡ ನಿಗದಿತ 20 ಓವರ್ಗಳಲ್ಲಿ 7 ವಿಕೆಟ್ ನಷ್ಟದಲ್ಲಿ 191 ಸಂಪಾದಿಸಿ ಸೋಲು ಒಪ್ಪಿಕೊಂಡಿತು.ಡರೆನ್ ಸಮ್ಮಿ 50 ರನ್(25ಎ, 2ಬೌ,5ಸಿ) , ಶಿಖರ್ ಧವನ್ 48 ಉತ್ತಮ ಆಟ ಪ್ರದರ್ಶಿಸಿದರು.

ಧೋನಿ ಔಟಾಗದೆ 19ಎಸೆತಗಳಲ್ಲಿ 63 ರನ್(19 ಎಸೆತ,1 ಬೌಂಡರಿ, 8ಸಿಕ್ಸರ್) ಮತ್ತು ರೈನಾ 84 ರನ್(57ಎಸೆತ,9 ಬೌಂಡರಿ, 1 ಸಿಕ್ಸರ್) ಪೇರಿಸಿ 203 ರನ್‌ಗಳ ಕಠಿಣ ಸವಾಲು ಕಲೆ ಹಾಕಿದರು.

ಥಿಸ್ಸಾರಾ ಪೆರೆರಾ ಅವರ ಒಂದೇ ಓವರ್ ನಲ್ಲಿ ಧೋನಿ 5 ಸಿಕ್ಸರ್ ಸೇರಿದಂತೆ 8ಸಿಕ್ಸರ್ ಬಾರಿ ಹೈದರಾಬಾದ್ ತಂಡಕ್ಕೆ ಚಳಿ ಬಿಡಿಸಿದರು. ಆದರೆ, ಪಂದ್ಯ ಗೆದ್ದ ಧೋನಿಗೆ ಗೆಲುವಿನ ಜತೆ ದಂಡ ಕೂಡಾ ಕಟ್ಟಬೇಕಾಯಿತು. ಪಂದ್ಯದ ಚಿತ್ರಗಳನ್ನು ನೋಡಿ....

ತ್ವರಿತವಾಗಿ 50

19 ಎಸೆತದಲ್ಲಿ 63 ರನ್ ಹೊಡೆದು ನಾಟೌಟ್ ಆಗಿ ಉಳಿದ ಎಂಎಸ್ ಧೋನಿ ಅವರು ಕೇವಲ 16 ಎಸೆತಗಳಲ್ಲಿ 50ರನ್ ದಾಟಿದರು. ಇದು ಚಾಂಪಿಯನ್ಸ್ ಲೀಗ್ ಟಿ20ಯಲ್ಲಿ ಹೊಸ ದಾಖಲೆಯಾಗಿದೆ

ರೈನಾ ಸೂಪರ್

ರೈನಾ 84 ರನ್(57ಎಸೆತ,9 ಬೌಂಡರಿ, 1 ಸಿಕ್ಸರ್) ಪೇರಿಸಿದ್ದಲ್ಲದೆ ಪಾರ್ಥೀವ್ ಪಟೇಲ್ ರನೌಟ್ ಕೂಡಾ ಮಾಡಿ ವಿಕೆಟ್ ಗಳನ್ನು ಕಿತ್ತರು. ಒಂದು ಕ್ಯಾಚ್ ಕೈ ಚೆಲ್ಲಿದ್ದು ಮರೆಯುವಂತಿಲ್ಲ

ಹಸ್ಸಿ ಮಿಸ್

23ರನ್ ಗಳಿಸಿ ಉತ್ತಮ ಆಟ ಪ್ರದರ್ಶಿಸುವ ಕುರುಹು ತೋರಿದ್ದ ಮೈಕಲ್ ಹಸ್ಸಿ ನಿರಾಶೆ ಮೂಡಿಸಿದರು.

ಧೋನಿ ಸಿಕ್ಸರ್

ಮೈದಾನದ ಮೂಲೆ ಮೂಲೆಗೂ ಸಿಕ್ಸ್ ಎತ್ತಿದ ಧೋನಿ, ಪೆರೆರಾ ಪೆರಿ ಕೀಳುವಂತೆ ಬಾರಿಸಿದ್ದು ಅಭಿಮಾನಿಗಳು ಹುಚ್ಚೆದ್ದು ಕುಣಿಯುವಂತೆ ಮಾಡಿತು

ಸ್ಯಾಮಿ ಹೋರಾಟ

ನೋವಿನ ನಡುವೆಯೂ ಅರ್ಧ ಶತಕ ಸಿಡಿಸಿ ಉತ್ತಮ ಹೋರಾಟ ಪ್ರದರ್ಶಿಸಿದ ಡರೇನ್ ಸ್ಯಾಮಿ(ಬಲಗಡೆ) ನೋಡುತ್ತಿರುವ ಚೆನ್ನೈ ಆಟಗಾರ ಬ್ರಾವೊ

ಧೋನಿಗೆ ದಂಡ

ನಿಗದಿತ ಅವಧಿಯಲ್ಲಿ ಬೌಲಿಂಗ್ ಮುಗಿಸದ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ನಾಯಕ ಎಂಎಸ್ ಧೋನಿಗೆ 1500 ಡಾಲರ್ ದಂಡ ವಿಧಿಸಲಾಯಿತು. ಉಳಿದ ಆಟಗಾರರಿಗೆ 750 ಡಾಲರ್ ದಂಡ ಹಾಕಲಾಗಿದೆ.

ಹೈದರಾಬಾದಿನ ನಾಯಕ ಶಿಖರ್ ಧವನ್ ಕೂಡಾ ಇಷ್ಟೇ ಪ್ರಮಾಣದ ದಂಡ ಮೈಮೇಲೆ ಹಾಕಿಕೊಂಡಿದ್ದಾರೆ.

 

ಶಿಖರ್ ಧವನ್ ವಿಫಲ

ಚೆನ್ನೈ ಸೂಪರ್ ಕಿಂಗ್ಸ್ ತಂಡದಫೀಲ್ಡಿಂಗ್ ಕೈಕೊಟ್ಟರೂ ಸನರೈಸರ್ಸ್ ಹೈದರಾಬಾದ್ ತಂಡ ಲಾಭ ಪಡೆಯುವಲ್ಲಿ ವಿಫಲವಾಗಿ ಪಂದ್ಯ ಬಿಟ್ಟುಕೊಡಬೇಕಾಯಿತು.

English summary
Captain MS Dhoni and Suresh Raina dazzled with the bat as Chennai Super Kings won a high-scoring match against Sunrisers Hyderabad by 12 runs in the Champions League.
ಅಭಿಪ್ರಾಯ ಬರೆಯಿರಿ