Englishहिन्दीമലയാളംதமிழ்తెలుగు

ಲಲಿತ್ ಮೋದಿಗೆ ನಿಷೇಧ ಹೇರಿದ ಬಿಸಿಸಿಐ

Posted by:
Updated: Wednesday, September 25, 2013, 15:31 [IST]
 

ಲಲಿತ್ ಮೋದಿಗೆ ನಿಷೇಧ ಹೇರಿದ ಬಿಸಿಸಿಐ
 

ಚೆನ್ನೈ, ಸೆ.25: ಇಂಡಿಯನ್ ಪ್ರೀಮಿಯರ್ ಲೀಗ್(ಐಪಿಎಲ್) ನ ಮಾಜಿ ಆಯುಕ್ತ ಲಲಿತ್ ಮೋದಿ ಆಜೀವ ನಿಷೇಧ ಹೇರಿ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ(ಬಿಸಿಸಿಐ) ಬುಧವಾರ ಆದೇಶ ಹೊರಡಿಸಿದೆ.

ಐಪಿಎಲ್ ಮೂಲಕ ಟಿ20 ಕ್ರಿಕೆಟ್ ಲೋಕದಕ್ಕೆ ಹಣದ ಹೊಳೆ ಹರಿಯುವಂತೆ ಮಾಡಿದ್ದ ಲಲಿತ್ ಮೋದಿ ಅವರು ಹಣಕಾಸು ಅವ್ಯವಹಾರದ ಆರೋಪ ಹೊತ್ತಿರುವುದರಿಂದ ಅವರಿಗೆ ಆಜೀವ ನಿಷೇಧ ಹೇರಲಾಗಿದೆ ಎಂದು ಬಿಸಿಸಿಐ ಪ್ರಕಟಿಸಿದೆ.

ನಿಷೇಧದ ನಂತರ ಮೋದಿ ಅವರು ಬಿಸಿಸಿಐ ನಡೆಸುವ ಯಾವುದೇ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳುವಂತಿಲ್ಲ. ಬಿಸಿಸಿಐ ಅಥವಾ ಅಧೀನ ಸಂಸ್ಥೆಗಳಲ್ಲಿ ಯಾವುದೇ ಹುದ್ದೆ ಹೊಂದುವಂತಿಲ್ಲ.

ಐಪಿಎಲ್ ಹಗರಣಗಳು ಬಯಲಿಗೆ ಬರುತ್ತಿದ್ದಂತೆ ಹಾಲಿ ಅಧ್ಯಕ್ಷ ಎನ್ ಶ್ರೀನಿವಾಸನ್ ಮೇಲೆ ಕಿಡಿಕಾರುತ್ತಿರುವ ಲಲಿತ್ ಮೋದಿ ಅವರು ಸದ್ಯ ಭಾರತದಲ್ಲಿಲ್ಲ. ಭಾರತದಲ್ಲಿ ನನಗೆ ಜೀವ ಬೆದರಿಕೆ ಇದೆ ಎಂದಿರುವ ಲಲಿತ್ ಮೋದಿ ಲಂಡನ್ನಿನಲ್ಲಿ ಕೆಲ ವರ್ಷಗಳಿಂದ ನೆಲೆಸಿದ್ದಾರೆ.

ಚೆನ್ನೈನಲ್ಲಿ ಬುಧವಾರ (ಸೆ.25) ನಡೆದ ಸರ್ವ ಸದಸ್ಯರ ಸಭೆಯಲ್ಲಿ ಈ ಮಹತ್ವದ ನಿರ್ಣಯ ತೆಗೆದುಕೊಳ್ಳಲಾಗಿದೆ. 31 ಸದಸ್ಯರ ಪೈಕಿ 21 ಸದಸ್ಯರು ಮೋದಿ ಅವರಿಗೆ ನಿಷೇಧ ಹೇರಿಕೆಗೆ ಒಪ್ಪಿಗೆ ಸೂಚಿಸುವ ಮೂಲಕ ನಿರ್ಣಯ ಕೈಗೊಳ್ಳಲಾಗಿದೆ.

ಮೋದಿಗೆ ಎರಡನೆ ಪೆಟ್ಟು: ಬುಧವಾರ ಸುಪ್ರೀಂಕೋರ್ಟ್ ಮೆಟ್ಟಿಲೇರಿದ್ದ ಮೋದಿ, ಬಿಸಿಸಿಐ ಸರ್ವ ಸದಸ್ಯರ ಸಭೆ ನಡೆಸದಂತೆ ತಡೆಯಾಜ್ಞೆ ನೀಡಲು ಅರ್ಜಿ ಸಲ್ಲಿಸಿದ್ದರು. ದೆಹಲಿ ಹೈಕೋರ್ಟ್ ಬಿಸಿಸಿಐ ಸಭೆಗೆ ಅನುಮತಿ ನೀಡಿದ್ದನ್ನು ಮೋದಿ ಪ್ರಶ್ನಿಸಿದ್ದರು. ಆದರೆ, ಸುಪ್ರೀಂಕೋರ್ಟ್ ಬುಧವಾರ ಈ ಕುರಿತು ಆದೇಶ ನೀಡಿದ್ದು, ಇದು ಆಂತರಿಕೆ ಸಮಸ್ಯೆಯಾಗಿದ್ದು ಎಂದು ಹೇಳಿ ಹೈಕೋರ್ಟ್ ಆದೇಶವನ್ನು ಎತ್ತಿ ಹಿಡಿಯಿತು.

ಐಪಿಎಲ್ ಚೇರ್ಮನ್, ಆಯುಕ್ತರಾಗಿ ಮೊದಲ ಮೂರು ಆವೃತ್ತಿಯ ಐಪಿಎಲ್ ಯಶಸ್ವಿಯಾಗಿ ನಡೆಸಿದ್ದ ಮೋದಿ ಅವರು 2010ರ ಸಮಾರೋಪದಲ್ಲಿ ಹಣಕಾಸು ಅವ್ಯವಹಾರದ ಆರೋಪ ಹೊತ್ತುಕೊಂಡು ಐಪಿಎಲ್ ನಿಂದ ದೂರ ಸರಿಯಬೇಕಾಯಿತು.

Story first published:  Wednesday, September 25, 2013, 15:12 [IST]
English summary
Chennai : The Board of Control for Cricket in India (BCCI) on Wednesday(Sept 25) banned former Indian Premier League (IPL) commissioner Lalit Modi for life at its Special General Meeting here.
ಅಭಿಪ್ರಾಯ ಬರೆಯಿರಿ