Englishहिन्दीമലയാളംதமிழ்తెలుగు

ವಿಂಡೀಸ್ ವಿರುದ್ಧ ಯುವಿ ಪಡೆಗೆ ಸರಣಿ ಸೋಲು

Posted by:
Updated: Thursday, September 19, 2013, 18:36 [IST]
 

ಬೆಂಗಳೂರು, ಸೆ.19: ವಿಂಡೀಸ್ ನ ಕಿರ್ಕ್ ಎಡ್ವರ್ಡ್ಸ್ ಅವರ ಶತಕದ ನೆರವಿನಿಂದ ವೆಸ್ಟ್ ಇಂಡೀಸ್ ಎ ತಂಡ ಯುವರಾಜ್ ನೇತೃತ್ವದ ಭಾರತ ಎ ತಂಡವನ್ನು 45 ರನ್ ಗಳಿಂದ ಸೋಲಿಸಿದ್ದಾರೆ. ಮೂರು ಪಂದ್ಯಗಳ ಏಕದಿನ ಪಂದ್ಯಗಳು ವಿಂಡೀಸ್ ಪಾಲಾಗಿದೆ.

ಮೊದಲ ಪಂದ್ಯದಲ್ಲಿ ಸೋತಿದ್ದ ವಿಂಡೀಸ್ ತಂಡ ಎರಡು ಹಾಗೂ ಮೂರನೇ ಪಂದ್ಯದಲ್ಲಿ ಉತ್ತಮ ಆಟ ಪ್ರದರ್ಶಿಸಿ ಭಾರತ ಎ ತಂಡವನ್ನು ಸೋಲಿಸಿ ಸರಣಿ ಜಯ ಪಡೆದಿದೆ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ವಿಂಡೀಸ್ ಪಡೆ ವಿಜಯೋತ್ಸವ ಆಚರಿಸಿದ್ದಾರೆ.

ಎರಡನೇ ಪಂದ್ಯದಲ್ಲಿ 280 ರನ್ ಚೇಸ್ ಮಾಡಲು ವಿಫಲವಾಗಿದ್ದ ಭಾರತ ಎ ತಂಡ, ಗುರುವಾರ ನಡೆದ ಅಂತಿಮ ಹಣಾಹಣಿಯಲ್ಲಿ 313ರನ್ ಗಳಿಸಲು ಆಗದೆ 50 ಓವರ್ ಗಳಲ್ಲಿ 8 ವಿಕೆಟ್ ಕಳೆದುಕೊಂಡು 267 ರನ್ ಗಳಿಸಿ ಸೋಲೊಪ್ಪಿಕೊಂಡಿತು.

ವಿಂಡೀಸ್ ವಿರುದ್ಧ ಯುವಿ ಪಡೆಗೆ ಸರಣಿ ಸೋಲು

ಏಕದಿನ ಪಂದ್ಯಗಳ ಸರಣಿಯನ್ನು 2-1 ಅಂತರದಿಂದ ಗೆದ್ದಿರುವ ವೆಸ್ಟ್ ಇಂಡೀಸ್ ತಂಡ ಶನಿವಾರ (ಸೆ.21) ಇದೇ ಮೈದಾನದಲ್ಲಿ ನಡೆಯಲಿರುವ ಏಕೈಕ ಟಿ 20 ಪಂದ್ಯವನ್ನು ಗೆಲ್ಲುವ ಹುಮ್ಮಸ್ಸಿನಲ್ಲಿದೆ.

ಇಂದಿನ ಪಂದ್ಯದಲ್ಲಿ ಭಾರತದ ಪರ ಯುವ ಆಟಗಾರ ಬಾಬಾ ಅಪರಜೀತ್ 78 ರನ್( 96 ಎಸೆತ, 6x4, 1x6) ಯುವರಾಜ್ ಸಿಂಗ್ 61 ರನ್ (59 ಎಸೆತ, 4x4, 3x6 ) ಉತ್ತಮ ಆಟ ಪ್ರದರ್ಶಿಸಿದರೆ ಉಳಿದವರು ಹೆಚ್ಚು ಹೊತ್ತು ಕ್ರೀಸ್ ನಲ್ಲಿ ನಿಲ್ಲಲಿಲ್ಲ.

ವಿಂಡೀಸ್ ಪರ ಎಡಗೈ ಸ್ಪಿನ್ನರ್ ವೀರಸ್ವಾಮಿ ಪೆರುಮಾಳ್ 10 ಓವರ್ ಗಳಲ್ಲಿ 55 ರನ್ನಿತ್ತು 3 ವಿಕೆಟ್ ಕಿತ್ತು ಯಶಸ್ವಿ ಬೌಲರ್ ಎನಿಸಿದರು. ಭಾರತ ಪರ ಜಯದೇವ್ ಉನದ್ಕತ್ ಐದು ವಿಕೆಟ್ ಗಳಿಸಿದ್ದು ವ್ಯರ್ಥವಾಯಿತು. ಎಡ್ವರ್ಡ್ 104 ರನ್(12 ಬೌಂಡರಿ, 3 ಸಿಕ್ಸರ್) ವಿಂಡೀಸ್ ಜಯಕ್ಕೆ ಕಾರಣವಾಯಿತು.

ಸಂಕ್ಷಿಪ್ತ ಸ್ಕೋರ್:
ವೆಸ್ಟ್ ಇಂಡೀಸ್ ಎ 312/9, 50 ಓವರ್ ( ಎಡ್ವರ್ಡ್ 104, ಜಾನ್ಸನ್ 54, ಕಿರನ್ ಪೊವೆಲ್ 40, ಜಯದೇವ್ ಉನದ್ಕತ್ 5/55, ಶಬಾಜ್ ನದೀಂ 2/33)
ಭಾರತ ಎ 267/8 50 ಓವರ್ (ಬಾಬಾ ಅಪರಾಜಿತ್ 78, ಯುವರಾಜ್ ಸಿಂಗ್ 61, ರಾಬಿನ್ ಉತ್ತಪ್ಪ 27, ಪೆರುಮಾಳ್ 3/55, ಕಮಿನ್ಸ್ 2/46)

Story first published:  Thursday, September 19, 2013, 18:26 [IST]
English summary
Riding on Kirk Edwards' fine century, West Indies A defeated India A by 45 runs to clinch the three-match One-Day series here on Thursday.
ಅಭಿಪ್ರಾಯ ಬರೆಯಿರಿ