Englishहिन्दीമലയാളംதமிழ்తెలుగు

ಪಾಕಿಸ್ತಾನ ವಿರುದ್ಧ ಸಚಿನ್ ಫೈನಲ್ ಟೆಸ್ಟ್?

Posted by:
Published: Friday, September 13, 2013, 11:59 [IST]
 

ಪಾಕಿಸ್ತಾನ ವಿರುದ್ಧ ಸಚಿನ್ ಫೈನಲ್ ಟೆಸ್ಟ್?
 

ಬೆಂಗಳೂರು, ಸೆ.13: ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ತಮ್ಮ ವೃತ್ತಿ ಜೀವನದ ಕಟ್ಟಕಡೆಯ ಟೆಸ್ಟ್ ಪಂದ್ಯವನ್ನು ಎಲ್ಲಿ ಆಡಬೇಕು? ಯಾರ ವಿರುದ್ಧ ಆಡಬೇಕು ಎಂಬುದರ ಬಗ್ಗೆ ಭಾರಿ ಚರ್ಚೆ ನಡೆದಿದೆ. ಈ ನಿರ್ಧಾರವನ್ನು ಸಚಿನ್ ಅವರಿಗೆ ಬಿಟ್ಟು ಬಿಡಿ ಎಂಬುದು ಅಭಿಮಾನಿಗಳ ಅಪೇಕ್ಷೆ.

ಈ ನಡುವೆ ಪಾಕಿಸ್ಥಾನ ವಿರುದ್ಧ ಕೋಲ್ಕತಾದ ಈಡೆನ್ ಗಾರ್ಡನ್ಸ್ ನಲ್ಲಿ ಸಚಿನ್ ಟೆಸ್ಟ್ ಆಡಿದರೆ ಅದಕ್ಕಿಂತ ದೊಡ್ಡ ಗೌರವ ಮತ್ತೊಂದಿಲ್ಲ ಎಂದು ಪಾಕಿಸ್ತಾನದ ಮಾಜಿ ವೇಗಿ ವಾಸಿಂ ಅಕ್ರಮ್ ಅಭಿಪ್ರಾಯಪಟ್ಟಿದ್ದಾರೆ.

ಐತಿಹಾಸಿಕ 200ನೇ ಟೆಸ್ಟ್ ಮೈಲುಗಲ್ಲು ದಾಟಿದ ಬಳಿಕ ಸಚಿನ್ ಅವರು ಎಲ್ಲಾ ಮಾದರಿಯ ಕ್ರಿಕೆಟಿಗೂ ವಿದಾಯ ಘೋಷಿಸುವ ಸಾಧ್ಯತೆ ಇದೆ. ಹೀಗಾಗಿ ಅವರು ತಮ್ಮ ಅಂತಿಮ ಟೆಸ್ಟ್ ಪಂದ್ಯವನ್ನು ಪಾಕಿಸ್ಥಾನ ವಿರುದ್ಧವೇ ಆಡಲಿ ಎಂದು ಅಕ್ರಮ್ ಬಯಸಿದ್ದಾರೆ.

ಸಚಿನ್ ತೆಂಡೂಲ್ಕರ್ ಅವರು ಪಾಕಿಸ್ತಾನ ವಿರುದ್ಧವೇ ಟೆಸ್ಟ್ ಕ್ರಿಕೆಟ್ ನ ಮೊದಲ ಪಂದ್ಯವಾಡಿದ್ದು ಎಂಬುದನ್ನು ಮರೆಯುವಂತಿಲ್ಲ. 1989ರ ಕರಾಚಿಯಲ್ಲಿ ನಡೆದ ಸಚಿನ್ ಅವರ ಮೊದಲ ಪಂದ್ಯದಲ್ಲಿ ಬೌಲ್ ಮಾಡಿದ್ದು ಇನ್ನೂ ನೆನಪಿದೆ ಅಕ್ರಮ್ ಹೇಳಿಕೊಂಡಿದ್ದಾರೆ.

'ನಾನು ಸಚಿನ್ ತೆಂಡೂಲ್ಕರ್ ವಿದಾಯಕ್ಕೆ ಈಡನ್ ಗಾರ್ಡನ್ಸ್ ಅತ್ಯುತ್ತಮ ವೇದಿಕೆಯಾಗಿದೆ. ಎರಡೂ ದೇಶಗಳ ಪ್ರೇಕ್ಷಕರ ಭಾವೋದ್ವೇಗದ ನಡುವೆ ಪಾಕಿಸ್ಥಾನ ವಿರುದ್ಧ ಸಚಿನ್ ತೆಂಡೂಲ್ಕರ್ ತಮ್ಮ ಅಂತಿಮ ಟೆಸ್ಟ್ ಆಡಬೇಕು. ಇದು ನನ್ನ ಅಪೇಕ್ಷೆ ಎಂದು ಅಕ್ರಮ್ ಹೇಳಿದ್ದಾರೆ.

ಬ್ಯಾಟ್ಸಮನ್ ಸಚಿನ್ ತೆಂಡೂಲ್ಕರ್ ಅವರು ಸದ್ಯದಲ್ಲಿ ನಿವೃತ್ತಿಯಾಗುವುದಿಲ್ಲ. ವೆಸ್ಟ್ ಇಂಡೀಸ್ ಪ್ರವಾಸದ ನಂತರ ಮುಂದಿನ ವರ್ಷ ರಾಷ್ಟ್ರೀಯ ತಂಡ ಇಂಗ್ಲೆಂಡ್ ಪ್ರವಾಸ ತೆರಳುವಾಗ ಲಾರ್ಡ್ ಮೈದಾನದಲ್ಲಿ ಸಚಿನ್ ಆಡಲಿದ್ದಾರೆ ಎಂದು ಮಾಜಿ ಕ್ರಿಕೆಟರ್ ರವಿಶಾಸ್ತ್ರಿ ಅವರು ಹೇಳುವ ಮೂಲಕ ಸಚಿನ್ ಅವರ ನಿವೃತ್ತಿ ಬಗೆಗಿನ ಊಹಾಪೋಹಗಳಿಗೆ ತೆರೆ ಎಳೆದಿದ್ದಾರೆ.

English summary
Former Pakistan captain Wasim Akram wants to see Sachin Tendulkar's farewell Test match to be against Pakistan and at Kolkata's iconic Eden Gardens.
ಅಭಿಪ್ರಾಯ ಬರೆಯಿರಿ