Englishहिन्दीമലയാളംதமிழ்తెలుగు

ಛೀ : ಆಂಗ್ಲರು ಮೈದಾನದಲ್ಲೇ ಸುಸು ಮಾಡ್ಬಿಟ್ಟರು

Posted by:
Updated: Monday, August 26, 2013, 18:18 [IST]
 

ಲಂಡನ್, ಆ.26 : ವಿಕೆಟ್ ಬಿದ್ದಾಗ, ಅರ್ಧ ಶತಕ, ಶತಕ ಬಾರಿಸಿದಾಗ ಅಥವಾ ಪಂದ್ಯ ಗೆದ್ದಾಗ ಕ್ರಿಕೆಟ್ ಆಟಗಾರರು ಹುಚ್ಚಾಪಟ್ಟೆ ಸಂಭ್ರಮಿಸುವುದು ಮಾಮೂಲಿ. ಸಭ್ಯ ಕ್ರೀಡೆ ಕ್ರಿಕೆಟ್ ನಲ್ಲಿ ವಿಂಡೀಸ್ ಆಟಗಾರರ ನರ್ತನದ ಸಂಭ್ರಮವೇ ಹೆಚ್ಚಾಯಿತು ಎನ್ನುವ ಅಭಿಮಾನಿಗಳಿಗೆ ಈಗ ಇಂಗ್ಲೆಂಡಿನ ಆಟಗಾರರು ಹದ್ದು ಮೀರಿದ ಸಂಭ್ರಮ ಆಘಾತ ಉಂಟು ಮಾಡಿದೆ.

ಬದ್ಧ ವೈರಿ ಆಸ್ಟ್ರೇಲಿಯಾ ವಿರುದ್ಧ 0-3 ಅಂತರದಿಂದ ಆಷಸ್ ಟೆಸ್ಟ್ ಸರಣಿ ಗೆದ್ದ ಆಂಗ್ಲರಿಗೆ ತಲೆ ತಿರುಗಿದೆ. ಓವಲ್ ಪಿಚ್ ಮೇಲೆ ಮನಬಂದಂತೆ ಕುಣಿದಾಡಿದ್ದಲ್ಲದೆ ಮೂತ್ರವಿಸರ್ಜನೆ ಮಾಡಿದ್ದಾರೆ.

ಐದನೇ ಹಾಗೂ ಕೊನೆಯ ಟೆಸ್ಟ್ ಪಂದ್ಯ ಭಾನುವಾರ ಡ್ರಾನಲ್ಲಿ ಅಂತ್ಯಗೊಳ್ಳುತ್ತಿದ್ದಂತೆ ಇಂಗ್ಲೆಂಡಿಗೆ ಆಷಸ್ ಕಪ್ ಸಿಕ್ಕಿದೆ. ಮಧ್ಯರಾತ್ರಿ ತನಕ ಗೆಲುವಿನ ಸಂಭ್ರಮಾಚರಣೆಯಲ್ಲಿ ಇಂಗ್ಲೆಂಡ್ ಆಟಗಾರ ತೊಡಗಿದ್ದಾರೆ. ರಾತ್ರಿಯಲ್ಲಾ ಅಲ್ಲೇ ಕುಣಿದಾಡಿದ್ದರೂ ಯಾರೂ ಆಕ್ಷೇಪಿಸುತ್ತಿರಲಿಲ್ಲ. ಆದರೆ, ಪಿಚ್ ಮೇಲೆ ಮೂತ್ರ ವಿಸರ್ಜನೆ ಮಾಡಿ ಸಂಭ್ರಮಾಚರಣೆ ಮಾಡುವುದು ಯಾವ ರೀತಿ ಪದ್ಧತಿಯೋ ಕ್ರಿಕೆಟ್ ಜನಕರೇ ಹೇಳಬೇಕು?

ಇತ್ತೀಚೆಗೆ ಇಂಗ್ಲೆಂಡ್ ಆಟಗಾರ ಮಾಂಟಿ ಪನೇಸರ್ ಅವರು ನೈಟ್ ಕ್ಲಬ್ ವೊಂದಕ್ಕೆ ತೆರಳಿ ದಾಂಧಲೆ ನಡೆಸಿ ಅಲ್ಲಿನ ಬೌನ್ಸರ್ ಗಳ ಮೇಲೆ ಸುಸು ಮಾಡಿ ಸಿಕ್ಕಿಬಿದ್ದಿದ್ದರು. ಬಹುಶಃ ಎಡಗೈ ಸ್ಪಿನ್ನರ್ ಮಾಂಟಿ ಮಾಡಿದ ಕೃತ್ಯವೇ ಇಂಗ್ಲೆಂಡ್ ಟೆಸ್ಟ್ ಆಟಗಾರರಿಗೆ ಸ್ಪೂರ್ತಿ ಕೊಟ್ಟಿತೋ ಏನೋ! ಇಂಗ್ಲೆಂಡ್ ಆಟಗಾರರ ಕೃತ್ಯದ ಬಗ್ಗೆ ಆಸೀಸ್ ಪತ್ರಿಕೆಗಳ ವರದಿ ಬಗ್ಗೆ ಮಾಹಿತಿ ಇಲ್ಲಿದೆ ಓದಿ...

ದಿ ಏಜ್ ವರದಿ

"England have celebrated their third successive Ashes series win by urinating on The Oval pitch in a distasteful postscript to a thrilling finale." ಎಂದು ಬರೆದಿರುವ ಏಜ್, ದಪ್ಪ ಅಕ್ಷರಗಳಲ್ಲಿ ಆಂಗ್ಲರ ಹುಚ್ಚಾಟವನ್ನು ಖಂಡಿಸಿದೆ.

ಟ್ವೀಟ್ ಗಳ ಸುರಿಮಳೆ

ಆಸ್ಟ್ರೇಲಿಯಾ ವಿರುದ್ಧ ಗೆದ್ದಿರುವುದು ಕುಕ್ ಪಡೆಯ ದೊಡ್ಡ ಸಾಧನೆ ನಿಜ. ಆದರೆ, ಈ ರೀತಿ ಅಸಭ್ಯವಾಗಿ ವರ್ತಿಸುವುದು ಎಷ್ಟು ಸರಿ ಎಂದು ಅಭಿಮಾನಿಗಳು ಟ್ವಿಟ್ಟರ್ ನಲ್ಲಿ ಪ್ರಶ್ನೆ ಮಾಡಿದ್ದಾರೆ.

ಪಂದ್ಯ ಗೆದ್ದ ನಂತರ

ಚಿತ್ರದಲ್ಲಿ: ಇಂಗ್ಲೆಂಡ್ ನಾಯಕ ಕುಕ್ ಅಭಿಮಾನಿಗಳ ಶುಭ ಹಾರೈಕೆಯೊಂದಿಗೆ

ಆಂಗ್ಲರ ತಂಡ ಪಂದ್ಯ ಗೆದ್ದು 4 ಗಂಟೆಯಾದ ಮೇಲೆ ಡ್ರೆಸಿಂಗ್ ರೂಮ್ ಬಿಟ್ಟು ಮೈದಾನಕ್ಕೆ ಇಳಿದು ಸುಮಾರು 11.30ರ ಸುಮಾರಿಗೆ ಪಿಚ್ ಒದ್ದೆ ಮಾಡಿದ್ದಾರೆ. ಕೆವಿನ್ ಪೀಟರ್ಸನ್ ಹಾಗೂ ಸ್ಟುವರ್ಟ್ ಬ್ರಾಡ್ ಮೊದಲಿಗೆ ಮೂತ್ರ ವಿಸರ್ಜನೆ ಮಾಡಿದವರು ಎಂದು ಆಸೀಸ್ ಮಾಧ್ಯಮ ಹೇಳಿದೆ.

 

ಆಸೀಸ್ ಹೋರಾಟ

ಸರಣಿ ಆರಂಭದಿಂದಲೂ ಮುಗ್ಗರಿಸುತ್ತಲೇ ಬಂದ ಆಸ್ಟ್ರೇಲಿಯಾ ತಂಡ ಕೊನೆ ವೇಳೆಗೆ 5-0 ಅಂತರದಿಂದ ಹೀನಾಯ ಸೋಲು ಅನುಭವಿಸುವುದನ್ನು ತಪ್ಪಿಸಿದ್ದು ನಾಯಕ ಕ್ಲಾರ್ಕ್ ಸಾಧನೆ ಎಂದು ಮಾಜಿ ಕ್ರಿಕೆಟರ್ ಶೇನ್ ವಾರ್ನ್ ಹೇಳಿದ್ದಾರೆ.

ಪಿಚ್ ಗೆ ರಕ್ಷಣೆ

ಬಹುಶಃ ಪಂದ್ಯ ನಂತರ ಓವಲ್ ಪಿಚ್ ಈ ರೀತಿ ಸಂರಕ್ಷಿಸಿದ್ದರೆ ಚೆನ್ನಾಗಿರುತ್ತಿತ್ತು. ಮೂತ್ರ ವಿಸರ್ಜನೆ ಮಾಡಿದ್ದರೂ ಸುದ್ದಿಯಾಗಿರುತ್ತಿರಲಿಲ್ಲವೇನೋ ಎಂದು ಕೆಲವರು ಟ್ವೀಟ್ ಮಾಡಿದ್ದಾರೆ.

ಇಂಗ್ಲೆಂಡ್ ಅಭಿಮಾನಿಗಳ ಕಿಡಿ

ಆಸ್ಟ್ರೇಲಿಯಾ ಮಾಧ್ಯಮಗಳು ಸುಳ್ಳು ವರದಿ ಮಾಡಿ ಇಂಗ್ಲೆಂಡ್ ಮಾನ ಕಳೆಯುತ್ತಿದ್ದಾರೆ ಎಂದು ಇಂಗ್ಲೀಷ್ ಅಭಿಮಾನಿಗಳು ಕಿಡಿಕಾರಿದ್ದಾರೆ.

Story first published:  Monday, August 26, 2013, 17:55 [IST]
English summary
In a shameful and disrespectful attitude to the game, England players urinated on The Oval pitch after winning the Ashes series 3-0 against Australia on Sunday (August 25).
ಅಭಿಪ್ರಾಯ ಬರೆಯಿರಿ