Englishहिन्दीമലയാളംதமிழ்తెలుగు

ಸ್ಪಾಟ್ ಫಿಕ್ಸರ್ಸ್ ನ ಕ್ರಿಮಿನಲ್ ಎನ್ನಿರಿ : ದ್ರಾವಿಡ್

Posted by:
Published: Wednesday, August 7, 2013, 16:25 [IST]
 

ಬೆಂಗಳೂರು, ಆ.7: ಸ್ಪಾಟ್ ಫಿಕ್ಸಿಂಗ್ ಬಗ್ಗೆ ಮೊದಲ ಬಾರಿಗೆ ಕೇಳಿದ ತಕ್ಷಣ ರಾಹುಲ್ ದ್ರಾವಿಡ್ ಅವರಿಗೆ ದುಃಖ, ನಿರಾಸೆ, ನಂಬಿಕೆ ದ್ರೋಹವಾದ ಅನುಭವವಾಯಿತಂತೆ. ಫಿಕ್ಸಿಂಗ್ ಬಗ್ಗೆ ಮಂಗಳವಾರ ತಾವು ನೀಡಿದ ಹೇಳಿಕೆ ಸ್ವಲ್ಪ ತಪ್ಪಾಗಿ ಅರ್ಥೈಸಲಾಗಿದೆ ಎಂದಿರುವ ದ್ರಾವಿಡ್, ಫಿಕ್ಸರ್ ಗಳನ್ನು ಕ್ರಿಮಿನಲ್ ಗಳೆಂದು ಪರಿಗಣಿಸಿ ಭಯ ಹುಟ್ಟಿಸಬೇಕು ಎಂದಿದ್ದಾರೆ.

ಕ್ರೀಡೆ ಮತ್ತು ಮಂಡಳಿಯ ವರ್ಚಸ್ಸಿಗೆ ಧಕ್ಕೆಯಾಗಿದೆ. ಕ್ರಿಕೆಟಿನ ಘನತೆ ಮರಳಬೇಕಾದರೆ ತುರ್ತು ಕ್ರಮಗಳ ಅಗತ್ಯವಿದೆ. ಅಭಿಮಾನಿಗಳಿಂದ ನಾವು ಅಥವಾ ಮಂಡಳಿ ಇದೆಯೇ ಹೊರತು, ಮಂಡಳಿಯಿಂದ ಕ್ರೀಡೆ ಅಲ್ಲ. ವಿವಾದಗಳಿಂದ ತೀವ್ರ ಮುಜುಗರ ಆಗಿದ್ದು, ಬಿಸಿಸಿಐ ಕಳಂಕದಿಂದ ಹೊರಬರಲು ತುರ್ತು ಕ್ರಮ ಕೈಗೊಳ್ಳಬೇಕು ಎಂದು ರಾಹುಲ್ ದ್ರಾವಿಡ್ ಆಗ್ರಹಿಸಿದ್ದರು.

ಸ್ಪಾಟ್ ಫಿಕ್ಸರ್ಸ್ ನ ಕ್ರಿಮಿನಲ್ ಎನ್ನಿರಿ : ದ್ರಾವಿಡ್

ರಾಹುಲ್ ದ್ರಾವಿಡ್ ನಾಯಕತ್ವದಲ್ಲಿ ರಾಜಸ್ಥಾನ ರಾಯಲ್ಸ್ ತಂಡದಲ್ಲಿದ್ದ ಶ್ರೀಶಾಂತ್, ಅಜಿತ್ ಚಂಡಿಲಾ, ಅಂಕಿತ್ ಚೌಹಾಣ್ ಅವರು ಸ್ಪಾಟ್ ಫಿಕ್ಸಿಂಗ್ ಪ್ರಕರಣದ ಪ್ರಮುಖ ಆರೋಪಿಗಳಾಗಿರುವುದು ಎಲ್ಲರಿಗೂ ಗೊತ್ತೇ ಇದೆ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸಾಕ್ಷಿಯಾಗಿ ರಾಹುಲ್ ದ್ರಾವಿಡ್ ಅವರನ್ನು ಪರಿಗಣಿಸಲಾಗಿತ್ತು. ತಂಡದ ಮಾಲೀಕರಾದ ಶಿಲ್ಪಾ ಶೆಟ್ಟಿ ಹಾಗೂ ರಾಜ್ ಕುಂದ್ರಾ ಅವರು ಆಪಾದನೆಯನ್ನು ತೊಡೆದುಕೊಂಡಿದ್ದರು.

ಫಿಕ್ಸಿಂಗ್ ದೂರ ಮಾಡುವುದು ಹೇಗೆ?: ಕಿರಿಯ ಕ್ರಿಕೆಟರ್ ಗಳಿಗೆ ಕೌನ್ಸಲಿಂಗ್ ಹಾಗೂ ಆಟದ ಮಹತ್ವದ ಬಗ್ಗೆ ತಿಳಿಸಬೇಕು. ಫಿಕ್ಸಿಂಗ್ ಮಾಡುವುದು ಮಹಾ ಅಪರಾಧ ಎಂಬ ಮನಸ್ಥಿತಿ ಅವರಲ್ಲಿ ತುಂಬಿದರೆ ಯಾರೂ ಫಿಕ್ಸ್ ಮಾಡುವ ಸಾಹಸಕ್ಕೆ ಕೈ ಹಾಕುವುದಿಲ್ಲ.

ತಪ್ಪಿತಸ್ಥರಿಗೆ ತಕ್ಕ ಶಿಕ್ಷೆ ವಿಧಿಸಬೇಕು, ತ್ವರಿತವಾಗಿ ಪ್ರಕರಣ ಇತ್ಯರ್ಥವಾದರೆ ಉಳಿದವರಿಗೂ ಭಯ ಹುಟ್ಟುತ್ತದೆ. ಎಲ್ಲಿ ಭಯ ಇರುತ್ತದೆ ಎಂದು ರಾಹುಲ್ ದ್ರಾವಿಡ್ ಅಭಿಪ್ರಾಯಪಟ್ಟಿದ್ದಾರೆ.

English summary
When Rahul Dravid first heard of IPL spot-fixing, he was angry, sad, disappointed and felt bad. And in order to root out this menace, the former India captain feels it is necessary to make it a criminal offence that will "create fear for people".
ಅಭಿಪ್ರಾಯ ಬರೆಯಿರಿ