Englishहिन्दीമലയാളംதமிழ்తెలుగు

'ಸರ್' ರವೀಂದ್ರ ಜಡೇಜ ಜಗದೇಕ ಬೌಲರ್

Posted by:
Updated: Monday, August 5, 2013, 15:22 [IST]
 

ದುಬೈ, ಆ.5: ಎಡಗೈ ಸ್ಪಿನ್ನರ್ ರವೀಂದ್ರ ಜಡೇಜ ಅವರು ಐಸಿಸಿ ಏಕದಿನ ಆಟಗಾರರ ಶ್ರೇಯಾಂಕ ಪಟ್ಟಿಯಲ್ಲಿ ನಂ.1 ಸ್ಥಾನಕ್ಕೆ ಏರಿದ್ದಾರೆ. 1996ರಲ್ಲಿ ಅನಿಲ್ ಕುಂಬ್ಳೆ ಈ ಸಾಧನೆ ಮಾಡಿದ್ದರು. ಆ ಬಳಿಕ ಇದೇ ಮೊದಲ ಬಾರಿ ಭಾರತದ ಬೌಲರ್ ಒಬ್ಬರು ಈ ಸ್ಥಾನಕ್ಕೇರಿದ್ದಾರೆ. ಜಡೇಜ ಇತ್ತೀಚೆಗೆ ಕೊನೆಗೊಂಡ ಜಿಂಬಾಬ್ವೆ ವಿರುದ್ಧದ ಏಕದಿನ ಸರಣಿಯಲ್ಲಿ ಐದು ವಿಕೆಟ್ ಪಡೆದಿದ್ದರು. ಕಳೆದ ವೆಸ್ಟ್ ಇಂಡೀಸ್ ಪ್ರವಾಸದ ಯಶಸ್ಸಿನ ನೆರವಿನಲ್ಲಿ ನಾಲ್ಕನೆ ಸ್ಥಾನ ಪಡೆದಿದ್ದರು.

ಜಡೇಜ ಇದೇ ಮೊದಲ ಬಾರಿ ಬೌಲರ್ ಗಳ ಪಟ್ಟಿಯಲ್ಲಿ ಅಗ್ರ ಸ್ಥಾನ ತಲುಪಿದ್ದಾರೆ. ಅನಿಲ್ ಕುಂಬ್ಳೆ 1996ರ ನವೆಂಬರ್ -ಡಿಸೆಂಬರ್ ನಲ್ಲಿ 11 ಪಂದ್ಯಗಳಲ್ಲಿ ನೀಡಿರುವ ಪ್ರದರ್ಶನದ ನೆರವಿನಲ್ಲಿ ನಂ.1 ಸ್ಥಾನ ಗಿಟ್ಟಿಸಿಕೊಂಡಿದ್ದರು. ಜಡೇಜ ಈ ಸ್ಥಾನ ಪಡೆದಿರುವ ಭಾರತದ ನಾಲ್ಕನೆ ಬೌಲರ್ ಎನಿಸಿಕೊಂಡಿದ್ದಾರೆ. ಕಪಿಲ್ ದೇವ್(ಮಾರ್ಚ್ 1989), ಮಣಿಂದರ್ ಸಿಂಗ್(ಡಿ.1987 ರಿಂದ ನ.1988) ಮತ್ತು ಅನಿಲ್ ಕುಂಬ್ಳೆ (1996) ಈ ಸ್ಥಾನ ಮಾಡಿರುವ ಭಾರತದ ಬೌಲರ್ ಗಳಾಗಿದ್ದಾರೆ.

'ಸರ್' ರವೀಂದ್ರ ಜಡೇಜ ಜಗದೇಕ ಬೌಲರ್

ಜಿಂಬಾಬ್ವೆ ಏಕದಿನ ಸರಣಿಯಲ್ಲಿ ಉತ್ತಮ ಸಾಧನೆ ತೋರಿದ ಭಾರತದ ಲೆಗ್ ಸ್ಪಿನ್ನರ್ ಅಮಿತ್ ಮಿಶ್ರಾ 18 ವಿಕೆಟ್ ಗಳೊಂದಿಗೆ 47ನೇ ಸ್ಥಾನದಿಂದ 32ನೇ ಸ್ಥಾನಕ್ಕೆ ಜಿಗಿದಿದ್ದಾರೆ. ಟೀಮ್ ಇಂಡಿಯಾ ಜಿಂಬಾಬ್ವೆ ವಿರುದ್ಧ ಸರಣಿಯಲ್ಲಿ 5-0 ಗೆಲುವಿನೊಂದಿಗೆ ನಂ.1 ಸ್ಥಾನವನ್ನು ಭದ್ರಪಡಿಸಿದೆ.

ವಿರಾಟ್ ಕೊಹ್ಲಿ ಮತ್ತು ಮಹೇಂದ್ರ ಸಿಂಗ್ ಧೋನಿ ಬ್ಯಾಟಿಂಗ್ ನಲ್ಲಿ ಕ್ರಮವಾಗಿ ನಾಲ್ಕು ಮತ್ತು ಏಳನೆ ಸ್ಥಾನ ಹಂಚಿಕೊಂಡಿದ್ದಾರೆ. ಸುರೇಶ್ ರೈನಾ 17ನೇ ಸ್ಥಾನ, ಶಿಖರ್ ಧವನ್ 16ನೆ ಸ್ಥಾನ ಹಂಚಿಕೊಂಡಿದ್ದಾರೆ. ದಕ್ಷಿಣ ಆಫ್ರಿಕಾದ ಹಾಶಿಮ್ ಅಮ್ಲ ಬ್ಯಾಟಿಂಗ್ ನಲ್ಲಿ ನಂ.1 ಸ್ಥಾನ ಕಾಯ್ದುಕೊಂಡಿದ್ದಾರೆ. ನಾಯಕ ಎಬಿ ಡಿವೆಲ್ಲಿಯರ್ಸ್ ಎರಡನೇ ಸ್ಥಾನದಲ್ಲಿದ್ದಾರೆ. ದಕ್ಷಿಣ ಆಫ್ರಿಕಾ ವಿರುದ್ಧ 5 ಪಂದ್ಯಗಳಲ್ಲಿ 372 ರನ್ ಗಳಿಸಿ ಶ್ರೀಲಂಕಾದ ಕುಮಾರ್ ಸಂಗಾಕ್ಕಾರ ಮೂರನೇ ಸ್ಥಾನಕ್ಕೇರಿದ್ದಾರೆ.

Story first published:  Monday, August 5, 2013, 15:04 [IST]
English summary
India's left-arm spinner 'Sir' Ravindra Jadeja has joined West Indies' off-spinner Sunil Narine on top of the bowlers' rankings, which were released on Sunday (August 4) and reflect India's 5-0 series win over Zimbabwe
ಅಭಿಪ್ರಾಯ ಬರೆಯಿರಿ