Englishहिन्दीമലയാളംதமிழ்తెలుగు

ವಿಶ್ವಕಪ್ 2015 : ಒಂದೇ ಗುಂಪಿನಲ್ಲಿ ಭಾರತ-ಪಾಕಿಸ್ತಾನ

Posted by:
Updated: Tuesday, July 30, 2013, 15:46 [IST]
 

ವಿಶ್ವಕಪ್ 2015 : ಒಂದೇ ಗುಂಪಿನಲ್ಲಿ ಭಾರತ-ಪಾಕಿಸ್ತಾನ
 

ಮೇಲ್ಬೋರ್ನ್, ಜು.30: ಆಸ್ಟ್ರೇಲಿಯ ಹಾಗೂ ನ್ಯೂಜಿಲೆಂಡ್‌ನಿಂದ ಜಂಟಿಯಾಗಿ ಆಯೋಜಿಸಲ್ಪಡುತ್ತಿರುವ 2015 ಏಕದಿನ ವಿಶ್ವಕಪ್ ಪಂದ್ಯಾವಳಿಯ ವೇಳಾಪಟ್ಟಿಯನ್ನು ಐಸಿಸಿ ಮಂಗಳವಾರ ಮೆಲ್ಬೋರ್ನ್ ಹಾಗೂ ವೆಲ್ಲಿಂಗ್ಟನ್‌ನಲ್ಲಿ ಏಕಕಾಲಕ್ಕೆ ಪ್ರಕಟಿಸಿದೆ. ಭಾರತ ಹಾಗೂ ಪಾಕಿಸ್ತಾನ ಒಂದೇ ಗುಂಪಿನಲ್ಲಿದು, ಫೆ.15ಕ್ಕೆ ಕಾದಾಡಲಿವೆ.

ಐಸಿಸಿ ಕ್ರಿಕೆಟ್ ವಿಶ್ವಕಪ್ 2015ರ ಗುಂಪುಗಳು, ಸ್ಥಳ ಹಾಗೂ ಸಮಯವನ್ನು ಘೋಷಿಸಲಾಗಿದೆ. 44 ದಿನಗಳ ಕಾಲದ ಟೂರ್ನಿಯಲ್ಲಿ 49 ಪಂದ್ಯಗಳನ್ನು ಆಡಲಾಗುತ್ತದೆ. ಫೆ.14 ರಿಂದ ಮಾ.29 ರ ತನಕ ವಿಶ್ವಕಪ್ ಪಂದ್ಯಾವಳಿಗಳು ಆಸ್ಟ್ರೇಲಿಯಾ ಹಾಗೂ ನ್ಯೂಜಿಲೆಂಡ್ ನಲ್ಲಿ ನಡೆಯಲಿದೆ.

ಆಸ್ಟ್ರೇಲಿಯಾದ ಅಡಿಲೇಡ್, ಸಿಡ್ನಿ, ಕ್ಯಾನ್ ಬೆರಾ, ಬ್ರಿಸ್ಬೇನ್, ಹೊಬಾರ್ಟ್, ಮೆಲ್ಬೋರ್ನ್ ಹಾಗೂ ಪರ್ತ್ ನಲ್ಲಿ 26 ಪಂದ್ಯಗಳು ನಡೆಯಲಿದೆ. ನ್ಯೂಜಿಲೆಂಡ್ ನ ಆಕ್ಲೆಂಡ್, ಕ್ರೈಸ್ಟ್ ಚರ್ಚ್, ಡುನೆಡಿನ್, ಹ್ಯಾಮಿಲ್ಟನ್, ನೇಪಿಯರ್, ನೆಲ್ಸನ್ ಹಾಗೂ ವೆಲ್ಲಿಂಗ್ಟನ್ ನಲ್ಲಿ 23 ಪಂದ್ಯಗಳು ನಡೆಯಲಿದೆ.

ಕ್ರೈಸ್ಟ್ ಚರ್ಚ್ ನಲ್ಲಿ ವಿಶ್ವಕಪ್ ಟೂರ್ನಿಯ ಮೊದಲ ಪಂದ್ಯ ನಡೆಯಲಿದ್ದು ಅತಿಥೇಯ ನ್ಯೂಜಿಲೆಂಡ್ ತಂಡ ಶ್ರೀಲಂಕಾವನ್ನು ಎದುರಿಸಲಿದೆ. ಫೆ.15ರಂದು ಅಡಿಲೇಡ್ ನಲ್ಲಿ ವಿಶ್ವಕಪ್ ಚಾಂಪಿಯನ್ಸ್ ಭಾರತ ಹಾಗೂ ಪಾಕಿಸ್ತಾನ ಕಾದಾಡಲಿವೆ.

ಬಿ ಗುಂಪಿನಲ್ಲಿ ಭಾರತ ಹಾಗೂ ಪಾಕಿಸ್ತಾನದ ಜೊತೆಗೆ ದಕ್ಷಿಣ ಆಫ್ರಿಕಾ, ವೆಸ್ಟ್ ಇಂಡೀಸ್, ಜಿಂಬಾಬ್ವೆ, ಐರ್ಲೆಂಡ್ ಹಾಗೂ ಅರ್ಹತಾ ತಂಡ

ಎ ಗುಂಪಿನಲ್ಲಿ ಆಸ್ಟ್ರೇಲಿಯಾ ಹಾಗೂ ನ್ಯೂಜಿಲೆಂಡ್ ನಲ್ಲಿ ಜೊತೆಗೆ ಇಂಗ್ಲೆಂಡ್, ಶ್ರೀಲಂಕಾ, ಬಾಂಗ್ಲಾದೇಶ ಹಾಗೂ ಇನ್ನೆರಡು ಅರ್ಹತಾ ತಂಡಗಳಿವೆ.

ಕ್ವಾಟರ್ ಫೈನಲ್ ಪಂದ್ಯಗಳು ಮಾ.18 ರಿಂದ ನಡೆಯಲಿದೆ ಹಾಗೂ ಸೆಮಿಫೈನಲ್ ಗಳು ಮಾ.24 ಹಾಗೂ 26 ರಂದು ನಡೆಯಲಿದೆ. ಮಾ.29ರಂದು ಮೆಲ್ಬೋರ್ನ್ ನಲ್ಲಿ ಫೈನಲ್ ಆಯೋಜನೆಗೊಂಡಿದೆ.

ಭಾರತದ ಪಂದ್ಯಗಳು
* ಫೆ.15, 2015 : ಪಾಕಿಸ್ತಾನ ವಿರುದ್ಧ, ಅಡಿಲೇಡ್
* ಫೆ.22 : ದಕ್ಷಿಣ ಆಫ್ರಿಕಾ ವಿರುದ್ಧ, ಮೆಲ್ಬೋರ್ನ್
* ಫೆ.28 : ಅರ್ಹತಾ ತಂಡ ವಿರುದ್ಧ, ಪರ್ತ್
* ಮಾರ್ಚ್ 6 : ವೆಸ್ಟ್ ಇಂಡೀಸ್ ವಿರುದ್ಧ, ಪರ್ತ್
* ಮಾರ್ಚ್ 10 : ಐರ್ಲೆಂಡ್ ವಿರುದ್ಧ, ಹ್ಯಾಮಿಲ್ಟನ್
* ಮಾರ್ಚ್ 14: ಜಿಂಬಾಬ್ವೆ ವಿರುದ್ಧ, ಆಕ್ಲೆಂಡ್

ಮೆಲ್ಬೋರ್ನ್‌ನಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಐಸಿಸಿ ಉಪಾಧ್ಯಕ್ಷ ಮುಸ್ತಾಫ ಕಮಲ್, ಐಸಿಸಿ ಕ್ರಿಕೆಟ್ ವಿಶ್ವಕಪ್ 2015 ಸ್ಥಳೀಯ ಸಂಘಟನಾ ಸಮಿತಿ ಅಧ್ಯಕ್ಷ ರಾಲ್ಫ್ ವ್ಯಾಟರ್ಸ್‌, ಐಸಿಸಿ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಡೇವಿಡ್ ರಿಚರ್ಡ್‌ಸನ್ ಹಾಗೂ ಐಸಿಸಿ ಕ್ರಿಕೆಟ್ ವಿಶ್ವಕಪ್ 2015ರ ಸ್ಥಳೀಯ ಸಂಘಟನಾ ಸಮಿತಿ ಸಿಇ ಜಾನ್ ಹಾರ್ಡಿನ್ ವೇಳಾಪಟ್ಟಿಯನ್ನು ಘೋಷಣೆ ವೇಳೆ ಉಪಸ್ಥಿತರಿದ್ದರು.

ವೆಲ್ಲಿಂಗ್ಟನ್‌ನಲ್ಲಿ ನಡೆದ ವೇಳಾಪಟ್ಟಿ ಘೋಷಣೆ ಕಾರ್ಯಕ್ರಮದಲ್ಲಿ ಐಸಿಸಿ ಅಧ್ಯಕ್ಷ ಅಲನ್ ಐಸಾಕ್, ನ್ಯೂಝಿಲೆಂಡ್ ಕ್ರಿಕೆಟ್ ಮುಖ್ಯಸ್ಥ ಥೆರಸ್ ವ್ಯಾಲ್ಶ್ ಹಾಜರಿದ್ದರು.

ICC Cricket World Cup 2015 Full Schedule

Story first published:  Tuesday, July 30, 2013, 9:22 [IST]
English summary
India and Pakistan are grouped together in the ICC Cricket World Cup 2015 which will be jointly hosted by Australia and New Zealand from February 14 to March 29, 2015.
ಅಭಿಪ್ರಾಯ ಬರೆಯಿರಿ