Englishहिन्दीമലയാളംதமிழ்తెలుగు

ವಾಯುಸೇನೆ ರಾಯಭಾರಿ ಹುದ್ದೆಯಿಂದ ಸಚಿನ್ ಔಟ್

Posted by:
Published: Tuesday, July 16, 2013, 16:07 [IST]
 

ವಾಯುಸೇನೆ ರಾಯಭಾರಿ ಹುದ್ದೆಯಿಂದ ಸಚಿನ್ ಔಟ್
 

ಮುಂಬೈ, ಜು.16: ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಅವರ ಬ್ರ್ಯಾಂಡ್ ಮೌಲ್ಯ ದಿನೇ ದಿನೇ ಕುಸಿಯುತ್ತಿದೆ. ಭಾರತೀಯ ವಾಯು ಸೇನೆ(ಐಎಎಫ್) ಕೂಡ ಸಚಿನ್ ಅವರನ್ನು ರಾಯಭಾರಿ ಹುದ್ದೆಯಿಂದ ಕೈಬಿಟ್ಟಿರುವುದಾಗಿ ಪ್ರಕಟಿಸಿದೆ.

ಸಚಿನ್ ಬದಲಿಗೆ ಕೆಲವು ಪೈಲಟ್ ಟ್ರೈನಿಗಳನ್ನು ರಾಯಭಾರಿಗಳಾಗಿ ಉಪಯೋಗಿಸಿಕೊಳ್ಳಲು ಐಎಎಫ್ ನಿರ್ಧರಿಸಿದೆ. ಈಗಾಗಲೇ 14 ಮಂದಿ ಪೈಲಟ್ ಗಳು ಹೈದರಾಬಾದ್ ನಲ್ಲಿ ತರಬೇತಿ ಪಡೆಯುತ್ತಿದ್ದಾರೆ. ಸಚಿನ್ ಅವರನ್ನು ರಾಯಭಾರಿಯಾಗಿ ಬಳಸಿಕೊಂಡು ವಾಯುಸೇನೆ ಪಡೆಯಲು ಇಚ್ಛಿಸಿದ್ದ ಪ್ರಚಾರ ಅಗತ್ಯ ಪ್ರಮಾಣದಲ್ಲಿ ಸಿಕ್ಕಿಲ್ಲ ಎಂದು ತಿಳಿದು ಬಂದಿದೆ.

ಸಚಿನ್ ರಾಯಭಾರಿಯಾಗುವ ಕಾರಣ ಯುವ ಜನರು ಐಎಎಫ್ ಸೇರಲು ಮುಂದೆ ಬರುತ್ತಾರೆಂದು ಭಾವಿಸಲಾಗಿತ್ತು. ಆದರೆ ಈ ಯೋಜನೆ ನಿರೀಕ್ಷಿತ ಮಟ್ಟದ ಪ್ರತಿಫಲ ತಂದುಕೊಡಲಿಲ್ಲ. ಇದರಿಂದ ಸಚಿನ್ ಅವರನ್ನು ರಾಯಭಾರಿ ಜವಾಬ್ದಾರಿಯಿಂದ ಕೈಬಿಡಲಾಗಿದೆ. ಎಂದು ವಾಯುಸೇನೆ ಮೂಲಗಳು ಹೇಳಿವೆ.

2010ರಲ್ಲಿ ಸಚಿನ್ ಗೆ ಕ್ರಿಕೆಟ್ ನಲ್ಲಿನ ಸಾಧನೆ ಮತ್ತು ದೇಶಕ್ಕಾಗಿ ನೀಡಿದ ದೇಣಿಗೆಗಾಗಿ ಭಾರತ ವಾಯು ಸೇನೆ ಗೌರವಾರ್ಥ ಕ್ಯಾಪ್ಟನ್ ಹುದ್ದೆಯನ್ನು ನೀಡಿತ್ತು. ಈ ಹುದ್ದೆಯನ್ನು ಪಡೆದ ಮೊದಲ ಕ್ರೀಡಾಪಟು ಹಾಗೂ ವಾಯುಸೇನೆ ಹಿನ್ನೆಲೆಯಿಲ್ಲದ ಮೊದಲ ವ್ಯಕ್ತಿಯೆಂಬ ಹೆಗ್ಗಳಿಕೆಗೆ ಸಚಿನ್ ಪಾತ್ರರಾಗಿದ್ದರು

ಕಳೆದ ವರ್ಷ ಡಿಸೆಂಬರ್ ನಲ್ಲಿ ಏಕದಿನ ಅಂತಾರಾಷ್ಟ್ರೀಯ ಕ್ರಿಕೆಟ್ ವೃತ್ತಿಯಿಂದ ನಿವೃತ್ತಿ ಹೊಂದಿರುವ ಸಚಿನ್ ಅವರು ಇಂಡಿಯನ್ ಪ್ರಿಮಿಯರ್ ಲೀಗ್ ನಲ್ಲಿ ಆಡಿದ್ದರು. ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಟೆಸ್ಟ್ ಕ್ರಿಕೆಟ್ ನಲ್ಲಿ ಮಾತ್ರ ಕಾಣಿಸಿಕೊಳ್ಳುತ್ತಿರುವ ಸಚಿನ್ 200ನೇ ಟೆಸ್ಟ್ ಪಂದ್ಯವಾಡಲು ಕಾತುರದಿಂದ ಕಾದಿದ್ದಾರೆ. ಜನವರಿ 2014ರಲ್ಲಿ ಅಭಿಮಾನಿಗಳು ಸಚಿನ್ ಟೆಸ್ಟ್ ಆಡುವುದನ್ನು ಮತ್ತೊಮ್ಮೆ ನೋಡಬಹುದಾಗಿದೆ.

English summary
India batsman Sachin Tendulkar has been dropped by Indian Air Force (IAF) as its brand ambassador. In September 2010, Tendulkar was conferred with an honorary rank of Group Captain by IAF.
ಅಭಿಪ್ರಾಯ ಬರೆಯಿರಿ