Englishहिन्दीമലയാളംதமிழ்తెలుగు

ಇಂಗ್ಲೆಂಡ್ ಫೈನಲಿಗೆ, ದಕ್ಷಿಣ ಆಫ್ರಿಕಾ ಮನೆಗೆ

Posted by:
Published: Thursday, June 20, 2013, 11:34 [IST]
 

ಲಂಡನ್, ಜೂ.19: ಐಸಿಸಿ ಚಾಂಪಿಯನ್ಸ್ ಟ್ರೋಫಿಯ ಮೊದಲ ಸೆಮಿಫೈನಲ್ ಪಂದ್ಯದಲ್ಲಿ ಅತಿಥೇಯ ಇಂಗ್ಲೆಂಡ್ ತಂಡ ದಕ್ಷಿಣ ಆಫ್ರಿಕಾವನ್ನು ಏಳು ವಿಕೆಟ್ ಗಳಿಂದ ಸೋಲಿಸಿ ಫೈನಲ್ ಪ್ರವೇಶಿಸಿದೆ. ಗೆಲ್ಲಲು 176 ರನ್ ಗಳ ಸವಾಲನ್ನು ಪಡೆದಿದ್ದ ಇಂಗ್ಲೆಂಡ್ ತಂಡ 37.3 ಓವರ್ ಗಳಲ್ಲಿ 3 ವಿಕೆಟ್ ಕಳೆದುಕೊಂಡು 179 ರನ್ ಪೇರಿಸಿ ಗೆಲುವಿನ ನಗೆ ಬೀರಿದೆ.

ಜೋನಾಥನ್ ಟ್ರಾಟ್ ಔಟಾಗದೆ 82 ರನ್ (84 ಎಸೆತ, 11 ಬೌಂಡರಿ), ಜೋ ರೂಟ್ 48 ರನ್ (71ಎ, 7ಬೌ), ಇಯಾನ್ ಬೆಲ್ 20, ಇಯಾನ್ ಮೊರ್ಗನ್ ಔಟಾಗದೆ 15 ರನ್ ಗಳಿಸಿ ತಂಡಕ್ಕೆ ಜಯ ತಂದಿತ್ತರು ಇದಕ್ಕೂ ಮುನ್ನ ಆಂಡರ್ಸನ್ ಅವರು 7 ಮಿತವ್ಯಯಿ ಓವರ್ ಗಳಲ್ಲಿ 2 ವಿಕೆಟ್ ಪಡೆದು ದಕ್ಷಿಣ ಆಫ್ರಿಕಾದ ಬೆನ್ನಲುಬು ಮುರಿದಿದ್ದರು. ಸ್ಕೋರ್ ಕಾರ್ಡ್ ನೋಡಿ

ಇಂಗ್ಲೆಂಡ್ ಫೈನಲಿಗೆ, ದಕ್ಷಿಣ ಆಫ್ರಿಕಾ ಮನೆಗೆ


‘ಚೊಕರ್ಸ್ ' ಹಣೆಪಟ್ಟಿಯನ್ನು ಕಿತ್ತುಹಾಕುವಲ್ಲಿ ದಕ್ಷಿಣ ಆಫ್ರಿಕಾ ತಂಡ ಮತ್ತೊಮ್ಮೆ ಸೋತಿದೆ. ಪ್ರಮುಖ ಟೂರ್ನಿಗಳಲ್ಲಿ ಸೋಲು ಅನುಭವಿಸುವ ಪರಿಪಾಠ ಮುಂದುವರೆದಿದೆ. ದಕ್ಷಿಣ ಆಫ್ರಿಕಾ ತಂಡವನ್ನು 175 ರನ್ ಗಳಿಗೆ ನಿಯಂತ್ರಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದ ಇಂಗ್ಲೆಂಡ್ ತಂಡದ ಬೌಲರ್ ಜೇಮ್ಸ್ ಟ್ರೆಡ್‌ವೆಲ್ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು.

ಐಪಿಎಲ್ ನಲ್ಲಿ ಅಪಾಯಕಾರಿ ಬ್ಯಾಟ್ಸ್ ಮನ್ ಆಗಿ ಕಂಡು ಬಂದಿದ್ದ ಡೇವಿಡ್ ಮಿಲ್ಲರ್ ಮತ್ತು ರೋರಿ ಕ್ಲೀನ್ ವೆಲ್ಟ್ ಒಂಬತ್ತನೆ ವಿಕೆಟ್ ಗೆ ದಾಖಲಿಸಿದ 95 ರನ್ ಗಳ ನೆರವಿನಲ್ಲಿ ದಕ್ಷಿಣ ಆಫ್ರಿಕಾ ತಂಡ 175 ರನ್ ಗಳನ್ನು ಪೇರಿಸಿತ್ತು.

ಇಂಗ್ಲೆಂಡ್ ತಂಡದ ಜೇಮ್ಸ್ ಟ್ರೆಡ್ ವೆಲ್ (3-19), ಸ್ಟುವರ್ಟ್ ಬ್ರಾಡ್(3-50), ಜೇಮ್ಸ್ ಆಂಡರ್ಸನ್ (2-14) ಮತ್ತು ಸ್ಟೀವನ್ ಫಿನ್(1-45) ಪ್ರಹಾರಕ್ಕೆ ತತ್ತರಿಸಿದ ದಕ್ಷಿಣ ಆಫ್ರಿಕಾ 22.3 ಓವರ್ ಗಳಲ್ಲಿ 80 ರನ್ ಗಳಿಗೆ 8 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿದ್ದಾಗ ತಂಡದ ಬ್ಯಾಟಿಂಗ್ ಮುಂದುವರಿಸಿದ ಡೇವಿಡ್ ಮಿಲ್ಲರ್ ಮತ್ತು ಕ್ಲೀನ್ ವೆಲ್ಟ್ ಇಂಗ್ಲೆಂಡ್ ನ ದಾಳಿಯನ್ನು ಸಮರ್ಥವಾಗಿ ಎದುರಿಸಿದರು.

ಸ್ಕೋರ್ ವಿವರ
ದಕ್ಷಿಣ ಆಫ್ರಿಕಾ: 38.4 ಓವರ್ ಗಳಲ್ಲಿ 175 ರನ್ ಗಳಿಗೆ ಆಲೌಟ್
ಇಂಗ್ಲೆಂಡ್: 37.3 ಓವರ್ ಗಳಲ್ಲಿ 179/3

English summary
England defeated South Africa by 7 wickets to reach the final of Champions Trophy 2013 here at The Oval on Wednesday. The hosts will face the winners of second semi-final between India and Sri Lanka. Final will be played on June 23 at Edgbaston.
ಅಭಿಪ್ರಾಯ ಬರೆಯಿರಿ