Englishहिन्दीമലയാളംதமிழ்తెలుగు

'ಸರ್' ಜಡೇಜ ಐಸಿಸಿ ಶ್ರೇಯಾಂಕದಲ್ಲಿ 4ನೇ ಸ್ಥಾನ

Posted by:
Published: Wednesday, June 19, 2013, 15:06 [IST]
 

ಬೆಂಗಳೂರು, ಜೂ.19: ಭಾರತದ ಆಲ್ ರೌಂಡರ್ ರವೀಂದ್ರ ಜಡೇಜ ಅವರು ಐಸಿಸಿ ಏಕದಿನ ಕ್ರಿಕೆಟ್ ಶ್ರೇಯಾಂಕ ಪಟ್ಟಿಯಲ್ಲಿ ನಾಲ್ಕನೇ ಸ್ಥಾನಕ್ಕೇರಿದಿದ್ದಾರೆ. ಚಾಂಪಿಯನ್ಸ್ ಟ್ರೋಫಿ ಟೂರ್ನಿಯಲ್ಲಿ ಅಮೋಘ ಪ್ರದರ್ಶನ ನೀಡಿರುವುದು ಜಡೇಜ ಅವರ ಕೈ ಹಿಡಿದಿದೆ.

ಐಸಿಐ ಬುಧವಾರ(ಜೂ.19) ಬಿಡುಗಡೆ ಮಾಡಿರುವ ಪಟ್ಟಿಯಂತೆ ವೆಸ್ಟ್ ಇಂಡೀಸ್ ನ ಸುನೀಲ್ ನರೇನ್ ಏಕದಿನ ಕ್ರಿಕೆಟ್ ನ ಅಗ್ರಗಣ್ಯ ಬೌಲರ್ ಎನಿಸಿದ್ದಾರೆ.

ಇಂಗ್ಲೆಂಡಿನ ವೇಗಿ ಸ್ಟೀವ್ ಫಿನ್ ಹಾಗೂ ಪಾಕಿಸ್ತಾನದ ಸಯೀದ್ ಅಜ್ಮಲ್ ಜಂಟಿಯಾಗಿ ಮೂರನೇ ಸ್ಥಾನ ಪಡೆದಿದ್ದಾರೆ. ಹೀಗಾಗಿ, ಭಾರತದ ರವೀಂದ್ರ ಜಡೇಜ ಅವರು ಮೂರು ಸ್ಥಾನ ಮೇಲಕ್ಕೇರಿದರೂ ನಾಲ್ಕನೇ ಸ್ಥಾನಕ್ಕೆ ದೂಡಲ್ಪಟ್ಟಿದ್ದಾರೆ.

 'ಸರ್' ಜಡೇಜ ಐಸಿಸಿ ಶ್ರೇಯಾಂಕದಲ್ಲಿ 4ನೇ ಸ್ಥಾನ

ಇಂಗ್ಲೆಂಡ್ ನಲ್ಲಿ ನಡೆದಿರುವ ಚಾಂಪಿಯನ್ಸ್ ಟ್ರೋಫಿ ಟೂರ್ನಿಯಲ್ಲಿ ರವೀಂದ್ರ ಜಡೇಜ ಅವರು ಗ್ರೂಪ್ ಹಂತದ ಪಂದ್ಯಗಳು ಮುಗಿದ ವೇಳೆ 3 ಪಂದ್ಯಗಳಿಂದ 9 ವಿಕೆಟ್ ಗಳಿಸಿದ್ದಾರೆ. ಇದರಲ್ಲಿ 5/36 ಶ್ರೇಷ್ಠ ಪ್ರದರ್ಶನ ಸೇರಿದೆ.

ಉಳಿದಂತೆ ಇಂಗ್ಲೆಂಡ್ ನ ವೇಗಿ ಜೇಮ್ಸ್ ಆಂಡರ್ಸನ್ 5ನೇ ಸ್ಥಾನ(ನಾಲ್ಕು ಸ್ಥಾನ ಮೇಲಕ್ಕೆ) ಶ್ರೀಲಂಕಾದ ವೇಗಿ ನುವಾನ್ ಕುಲಶೇಖರ 10ನೇ ಸ್ಥಾನ(ಮೂರು ಸ್ಥಾನ ಮೇಲಕ್ಕೆ) ಪಡೆದಿದ್ದಾರೆ.

ಶ್ರೀಲಂಕಾದ ಲಸಿತ್ ಮಾಲಿಂಗ 11ನೇ ಸ್ಥಾನ(1ಸ್ಥಾನ ಮೇಲಕ್ಕೆ), ನ್ಯೂಜಿಲೆಂಡ್ ನ ಕೆ ಮಿಲ್ಸ್ 12ನೇ ಸ್ಥಾನ(4 ಸ್ಥಾನ ಮೇಲಕ್ಕೆ), ವಿಂಡೀಸ್ ನ ಕೆಮಾರ್ ರೋಚ್ 18ನೇ ಸ್ಥಾನ (2 ಸ್ಥಾನ ಮೇಲಕ್ಕೆ), ಲಂಕಾದ ರಂಗಣ ಹೆರಾತ್ 24ನೇ ಸ್ಥಾನ(6 ಸ್ಥಾನ ಮೇಲಕ್ಕೆ). ಆಸೀಸ್ ನ ಶೇನ್ ವಾಟ್ಸನ್ 29ನೇ ಸ್ಥಾನ(2 ಸ್ಥಾನ ಮೇಲಕ್ಕೆ)

ಚಾಂಪಿಯನ್ಸ್ ಟ್ರೋಫಿ ಟೂರ್ನಿಯಲ್ಲಿ 11 ವಿಕೆಟ್ ಗಳಿಸಿರುವ ನ್ಯೂಜಿಲೆಂಡ್ ನ ಮಿಚೆಲ್ ಮೆಕ್ ಕ್ಲೆನಾಗನ್ 15 ಸ್ಥಾನ ಮೇಲಕ್ಕೇರಿ 41ನೇ ಸ್ಥಾನ ಗಳಿಸಿದ್ದಾರೆ.

ಬ್ಯಾಟ್ಸ್ ಮನ್ ಗಳ ಪೈಕಿ ದಕ್ಷಿಣ ಆಫ್ರಿಕಾದ ಎಬಿ ಡಿವೆಲ್ಲಿಯರ್ಸ್ ಹಾಗೂ ಹಶೀಂ ಆಮ್ಲಾ ಮೊದಲೆರಡು ಸ್ಥಾನದಲ್ಲಿದ್ದರೆ ಭಾರತದ ವಿರಾಟ್ ಕೊಹ್ಲಿ ಮೂರನೇ ಸ್ಥಾನದಲ್ಲಿದ್ದಾರೆ.

ಚಾಂಪಿಯನ್ಸ್ ಟ್ರೋಫಿಯಲ್ಲಿ ಭರ್ಜರಿ ಆಟ ಪ್ರದರ್ಶಿಸಿ 264 ರನ್ ಕಲೆ ಹಾಕಿರುವ ದೆಹಲಿ ಮೂಲದ ಎಡಗೈ ಆಟಗಾರ ಶಿಖರ್ ಧವನ್ ಅವರು 50ನೇ ಸ್ಥಾನ ಪಡೆದು ಶ್ರೇಯಾಂಕ ಪಟ್ಟಿಗೆ ಎಂಟ್ರಿ ಕೊಟ್ಟಿದ್ದಾರೆ.

English summary
India's Ravindra Jadeja has gained three places in the latest ICC Player Rankings for ODI bowlers and has now moved to fourth following his fine performances in the ongoing Champions Trophy in England.
ಅಭಿಪ್ರಾಯ ಬರೆಯಿರಿ