Englishहिन्दीമലയാളംதமிழ்తెలుగు

ಐಸಿಸಿ ಶ್ರೇಯಾಂಕ: ಟೀಂ ಇಂಡಿಯಾಕ್ಕೆ ಅಗ್ರಸ್ಥಾನ

Posted by:
Published: Wednesday, June 19, 2013, 18:51 [IST]
 

ಐಸಿಸಿ ಶ್ರೇಯಾಂಕ: ಟೀಂ ಇಂಡಿಯಾಕ್ಕೆ ಅಗ್ರಸ್ಥಾನ
ದುಬೈ, ಜೂ.19: ಚಾಂಪಿಯನ್ಸ್ ಟ್ರೋಫಿ ಟೂರ್ನಿಯ ಲೀಗ್ ಹಂತದಲ್ಲಿ ಅಜೇಯವಾಗಿ ಉಳಿದಿರುವ ಧೋನಿ ನೇತೃತ್ವದ ಟೀಂ ಇಂಡಿಯಾ ಪಡೆ ಐಸಿಸಿ ಶ್ರೇಯಾಂಕ ಪಟ್ಟಿಯಲ್ಲೂ ಅಗ್ರಸ್ಥಾನವನ್ನು ಉಳಿಸಿಕೊಂಡಿದೆ.

ಭಾರತ ಒಟ್ಟು 119 ರೇಟಿಂಗ್ ಅಂಕಗಳೊಂದಿಗೆ 121 ಅಂಕ ಗಳಿಸಿ ಅಗ್ರಸ್ಥಾನಕ್ಕೇರಿದೆ. ಚಾಂಪಿಯನ್ಸ್ ಟ್ರೋಫಿಯಲ್ಲಿ ದಕ್ಷಿಣ ಆಫ್ರಿಕಾ,ವೆಸ್ಟ್ ಇಂಡೀಸ್ ಹಾಗೂ ಪಾಕಿಸ್ತಾನ ತಂಡದ ಮೇಲೆ ಭಾರತ ಜಯ ಗಳಿಸಿದ್ದು ಅಗ್ರಸ್ಥಾನ ಉಳಿಸಿಕೊಳ್ಳುವಂತೆ ಮಾಡಿದೆ.

ಇಂಗ್ಲೆಂಡ್ ತಂಡ ಎರಡು ಸ್ಥಾನ ಮೇಲಕ್ಕೇರಿ ನಾಲ್ಕನೇ ಸ್ಥಾನದಿಂದ ಎರಡನೇ ಸ್ಥಾನಕ್ಕೆ ಬಂದಿದೆ. ಟೂರ್ನಿಯಿಂದ ಹೊರಬಿದ್ದಿರುವ ಆಸ್ಟ್ರೇಲಿಯಾ ಮೂರನೇ ಸ್ಥಾನಕ್ಕೆ ತೃಪ್ತಿ ಪಟ್ಟಿದೆ. ಇಂಗ್ಲೆಂಡ್ ಹಾಗೂ ಆಸ್ಟ್ರೇಲಿಯಾ ತಂಡಗಳು 113 ರೇಟಿಂಗ್ ಅಂಕಗಳನ್ನು ಹೊಂದಿವೆ.

ದಕ್ಷಿಣ ಆಫ್ರಿಕಾ ತಂಡ ರೇಟಿಂಗ್ ಅಂಕ ಕಳೆದುಕೊಂಡು ನಾಲ್ಕನೇ ಸ್ಥಾನಕ್ಕೆ ಕುಸಿದಿದೆ. ಉಳಿದಂತೆ ಶ್ರೀಲಂಕಾ ಹಾಗೂ ಪಾಕಿಸ್ತಾನ ಕ್ರಮವಾಗಿ ಐದು ಹಾಗೂ ಆರನೇ ಸ್ಥಾನದಲ್ಲಿದೆ.

ಐಸಿಸಿ ಮುಂದಿನ ಶ್ರೇಯಾಂಕ ಪಟ್ಟಿಯನ್ನು ಚಾಂಪಿಯನ್ಸ್ ಟ್ರೋಫಿ ಟೂರ್ನಿ ಫೈನಲ್ ಪಂದ್ಯದ ನಂತರ ಬಿಡುಗಡೆ ಮಾಡಲಿದೆ. ಜೂ.18 ರ ಪ್ರಕಟಣೆಯಂತೆ ವಿವಿಧ ದೇಶಗಳ ಶ್ರೇಯಾಂಕ ಹಾಗೂ ಅಂಕಗಳು ಈ ರೀತಿ ಇದೆ:
1. ಭಾರತ: 121
2. ಇಂಗ್ಲೆಂಡ್: 113
3. ಆಸ್ಟ್ರೇಲಿಯಾ : 1134.
4. ದಕ್ಷಿಣ ಆಫ್ರಿಕಾ: 112
5. ಶ್ರೀಲಂಕಾ : 109
6. ಪಾಕಿಸ್ತಾನ: 102
7. ನ್ಯೂಜಿಲೆಂಡ್ : 88
8. ವೆಸ್ಟ್ ಇಂಡೀಸ್ : 88
9. ಬಾಂಗ್ಲಾದೇಶ: 75
10. ಜಿಂಬಾಬ್ವೆ: 55
11. ಐರ್ಲೆಂಡ್; 39
12. ನೆದರ್ಲೆಂಡ್: 14
13. ಕೀನ್ಯಾ : 11

English summary
India's unbeaten run in the group stage of the ICC Champions Trophy 2013 has helped strengthen their position as the number one ranked team on the ICC ODI Championship Table.
ಅಭಿಪ್ರಾಯ ಬರೆಯಿರಿ