Englishहिन्दीമലയാളംதமிழ்తెలుగు

ಧೋನಿ ಮೇಲೆ ಕ್ರಮ, ಟೂರ್ನಿ ಮುಗಿಯಲಿ ತಡಿರಿ

Posted by:
Published: Tuesday, June 11, 2013, 12:15 [IST]
 

ಧೋನಿ ಮೇಲೆ ಕ್ರಮ, ಟೂರ್ನಿ ಮುಗಿಯಲಿ ತಡಿರಿ
 

ಮುಂಬೈ, ಜೂ.11: ಐಸಿಸಿ ಚಾಂಪಿಯನ್ಸ್ ಟ್ರೋಫಿ ಟೂರ್ನಿ ಕೊನೆಗೊಂಡ ಬಳಿಕ ರಿತಿ ಸ್ಪೋರ್ಟ್ಸ್ ನಲ್ಲಿ ಪಾಲುದಾರಿಕೆಯನ್ನು ಹೊಂದಿರುವ ಟೀಂ ಇಂಡಿಯಾ ನಾಯಕ ಮಹೇಂದ್ರ ಸಿಂಗ್ ಧೋನಿ ಅವರನ್ನು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ(ಬಿಸಿಸಿಐ) ವಿಚಾರಣೆ ನಡೆಸುವುದು ದೃಢಪಟ್ಟಿದೆ.

ಇಂಗ್ಲೆಂಡ್ ನಲ್ಲಿ ಚಾಂಪಿಯನ್ಸ್ ಟ್ರೋಫಿಯನ್ನು ಆಡುತ್ತಿರುವ ಟೀಂ ಇಂಡಿಯಾ ಭಾರತಕ್ಕೆ ಹಿಂತಿರುಗಿದ ಬಳಿಕ ಧೋನಿ ವಿಚಾರಣೆ ಮಾಡುವುದಾಗಿ ಬಿಸಿಸಿಐ ಅಧ್ಯಕ್ಷ ಜಗ್ ಮೋಹನ್ ದಾಲ್ಮಿಯಾ ಭರವಸೆ ನೀಡಿದ್ದಾರೆ.

ಚಾಂಪಿಯನ್ಸ್ ಟ್ರೋಫಿ ವೇಳೆ ತಂಡಕ್ಕೆ ತೊಂದರೆ ನೀಡುವುದನ್ನು ನಾನು ಬಯಸುವುದಿಲ್ಲ. ಇದರಿಂದ ನನಗೇನೂ ಲಾಭವಿಲ್ಲ. ನಾವು ಧೋನಿ ವಿಷಯವನ್ನು ಪರಿಗಣಿಸಿದ್ದೇವೆ. ಯಾರನ್ನೂ ಇದರಲ್ಲಿ ರಕ್ಷಿಸುವ ಸಾಧ್ಯತೆಯಿಲ್ಲ ಎಂದು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ(ಬಿಸಿಸಿಐ)ಯ ತುರ್ತು ಸಭೆಯಲ್ಲಿ ದಾಲ್ಮಿಯಾ ಹೇಳಿದ್ದಾರೆ.

ಸುರೇಶ್ ರೈನಾ, ರವೀಂದ್ರ ಜಡೇಜಾ ಮತ್ತು ಪ್ರಗ್ಯಾನ್ ಓಜಾ ಅವರನ್ನು ಕ್ರೀಡಾ ಮತ್ತು ಇತರ ವ್ಯವಹಾರಗಳನ್ನು ನೋಡಿಕೊಳ್ಳುತ್ತಿರುವ ರಿತಿ ಸ್ಪೋರ್ಟ್ಸ್ ನಲ್ಲಿ ಧೋನಿ ಶೇ. 15ರಷ್ಟು ಷೇರು ಹೊಂದಿದ್ದಾರೆ ಎನ್ನಲಾಗಿದೆ.

ಇದರಲ್ಲಿ ತಪ್ಪೇನಿದೆ? : 2010ರಲ್ಲಿ ರಿತಿ ಸ್ಪೋರ್ಟ್ಸ್ ಸಂಸ್ಥೆಯೊಂದಿಗೆ ಧೋನಿ ಅವರು 3ವರ್ಷದ ಅವಧಿಗೆ ಸುಮಾರು 210 ಕೋಟಿ ರು.ಗಳ ಒಪ್ಪಂದ ಮಾಡಿಕೊಂಡಿದ್ದರು. ಅದರಂತೆ ಪ್ರತಿವರ್ಷ ಸುಮಾರು 70 ಕೋಟಿ ರು.ಗಳಷ್ಟು ಭಾರಿ ಮೊತ್ತ ಅವರಿಗೆ ಸಂದಾಯವಾಗುತ್ತದೆ. ಇದೇ ರೀತಿ ಇತರೆ ಆಟಗಾರರಿಗೂ ಇಂತಿಷ್ಟು ಹಣ ಸಿಗುತ್ತಿದೆ.

ಪರಿಸ್ಥಿತಿ ಹೀಗಿರುವಾಗ ಟೆಸ್ಟ್ ಹಾಗೂ ಏಕದಿನ ಕ್ರಿಕೆಟ್ ತಂಡದ ನಾಯಕರಾಗಿರುವ ಎಂಎಸ್ ಧೋನಿ ಅವರು ತಂಡ ಆಯ್ಕೆ ಸಂದರ್ಭದಲ್ಲಿ ಹೆಸರುಗಳನ್ನು ಸೂಚಿಸುವುದು ಎಷ್ಟು ಸರಿ ಎಂಬ ಪ್ರಶ್ನೆ ಎದ್ದ್ದಿದೆ. ರಿತಿಯಲ್ಲಿ ಧೋನಿ ಹಾಗೂ ಇತರೆ ಆಟಗಾರರು ಪಾಲುದಾರಿಕೆ ಹೊಂದಿದ್ದರೆ ಬಿಸಿಸಿಐ ನಿಯಮ ಉಲ್ಲಂಘನೆಯಾಗುತ್ತದೆ. ಕ್ರೀಡಾ ಪ್ರಚಾರ ಕಂಪನಿಯಲ್ಲಿ ಪಾಲುದಾರಿಕೆ ಹೊಂದಿರುವ ಧೋನಿ ಅವರು ನೈತಿಕವಾಗಿ ತಂಡದ ಆಯ್ಕೆ ಹೇಗೆ ಮಾಡುತ್ತಾರೆ.

English summary
Indian cricket board interim chief Jagmohan Dalmiya Monday (June 10) promised to look into MS Dhoni's alleged conflict of interest after the team returns from the Champions Trophy being held in England and Wales.
ಅಭಿಪ್ರಾಯ ಬರೆಯಿರಿ