Englishहिन्दीമലയാളംதமிழ்తెలుగు

ಐಪಿಎಲ್ : ಇನ್ಮುಂದೆ ಚಿಯರ್ ಗರ್ಲ್ ಕುಣಿತ ಇಲ್ಲ

Posted by:
Updated: Monday, June 10, 2013, 18:52 [IST]
 

ಕೋಲ್ಕತಾ, ಜೂ.10: ಮುಂಬರುವ ಐಪಿಎಲ್ ಪಂದ್ಯಾವಳಿಗಳಲ್ಲಿ ಚಿಯರ್ ಲೀಡರ್ಸ್ ಗಳು ಹಾಗೂ ಪಂದ್ಯಗಳ ನಂತರದ ಲೇಟ್ ನೈಟ್ ಪಾರ್ಟಿಗಳನ್ನು ರದ್ದುಪಡಿಸಿರುವುದಾಗಿ ಬಿಸಿಸಿಐ ಹಂಗಾಮಿ ಅಧ್ಯಕ್ಷ ಜಗಮೋಹನ್ ದಾಲ್ಮಿಯಾ ಅವರು ಸೋಮವಾರ(ಜೂ.10)ಘೋಷಿಸಿದ್ದಾರೆ.

ಬಿಸಿಸಿಐನ ಹಂಗಾಮಿ ಅಧ್ಯಕ್ಷರಾಗಿ ನೇಮಕಗೊಂಡ ನಂತರ ನಡೆಸಿದ ಸುದ್ದಿಗೋಷ್ಠಿಯಲ್ಲೇ ಈ ಬಗ್ಗೆ ಸುಳಿವು ನೀಡಿದ್ದರು. ಸೋಮವಾರ(ಜೂ.10) ಆಧಿಕೃತ ಆದೇಶ ಹೊರ ಹಾಕಿದ್ದಾರೆ.

ಭಾರತೀಯ ಕ್ರಿಕೆಟ್ ರಂಗಕ್ಕೆ ಇತ್ತೀಚೆಗೆ ಅಂಟಿಕೊಂಡಿರವ ಅಪವಾದವನ್ನು ತೊಳೆಯಲು ನಾವು ಪ್ರಯತ್ನಿಸುತ್ತೇವೆ. ಇದಕ್ಕಾಗಿ ಬಿಸಿಸಿಐ ನೀಲನಕ್ಷೆಯೊಂದನ್ನು ಸಿದ್ದಪಡಿಸಿದ್ದು, ಐಪಿಎಲ್ ಶುದ್ದೀಕರಣಕ್ಕಾಗಿ ಹಲವು ಪ್ರಮುಖ ನಿರ್ಧಾರಗಳನ್ನು ಕೈಗೊಳ್ಳಬೇಕಾಗಿದೆ ಎಂದು ಜಗಮೋಹನ್ ದಾಲ್ಮಿಯಾ ಹೇಳಿದ್ದಾರೆ.

ಐಪಿಎಲ್ : ಇನ್ಮುಂದೆ ಚಿಯರ್ ಗರ್ಲ್ ಕುಣಿತ ಇಲ್ಲ

ಬಿಸಿಸಿಐ ಸಭೆ ಸೇರಿ ಇಂಡಿಯನ್ ಪ್ರಿಮಿಯರ್ ಲೀಗ್ ಗೆ ಸಂಬಂಧಿಸಿದಂತೆ ಕೆಲವು ನಿರ್ಣಯಗಳನ್ನು ಕೈಗೊಂಡರು. ಅದರ ಮುಖ್ಯಾಂಶ ಇಂತಿದೆ:

* ಮುಂಬರುವ ಐಪಿಎಲ್ ಪಂದ್ಯಾವಳಿಗಳಲ್ಲಿ ಇನ್ನು ಮುಂದೆ ಚಿಯರ್ ಲೀಡರ್ಸ್ ಗಳು ಇರುವುದಿಲ್ಲ.
* ಪಂದ್ಯಗಳ ನಂತರ ನಡೆಯುವ ಪಾರ್ಟಿಗಳನ್ನು ಕೂಡ ರದ್ದು ಮಾಡಲಾಗಿದೆ.
* ಪ್ರತಿ ಪಂದ್ಯಗಳ ನಡುವೆ ಉಭಯ ತಂಡಗಳಿಗೆ ನೀಡಲಾಗುವ ‘ಸ್ಟ್ರಾಟೆಜಿಕ್ ಟೈಮ್ ಔಟ್ ರದ್ದು ಮಾಡಲಾಗಿದೆ
* ಆಟಗಾರರು ಡಗ್ ಔಟ್ ಹಾಗೂ ಡ್ರೆಸಿಂಗ್ ರೂಮ್ ನಡುವೆ ಓಡಾಡುವುದಕ್ಕೆ ನಿರ್ಬಂಧ ಹೇರಲಾಗಿದೆ.
* ಪ್ರತಿ ತಂಡದ ಆಟಗಾರರು, ಕೋಚ್ ಇನ್ನಿತರ ಸಿಬ್ಬಂದಿಗಳು ಸಂಪರ್ಕ ಸಂಖ್ಯೆ(ಮೊಬೈಲ್ ನಂಬರ್) ನೀಡಬೇಕು
* ಪಂದ್ಯದ ವೇಳೆ ಆಟಗಾರರು ತಂಗಿರುವ ಹೋಟೆಲ್ ಹಾಗೂ ಮೈದಾನದ ಬಳಿ ಮೊಬೈಲ್ ಜಾಮರ್ ಗಳನ್ನು ಅಳವಡಿಸಲಾಗುವುದು ಹಾಗೂ ACSU ಸಿಬ್ಬಂದಿ ನಿಗಾವಹಿಸುವರು.
* ರಾಷ್ಟ್ರೀಯ ಆಯ್ಕೆದಾರರ ಮಂಡಳಿ ಸದಸ್ಯರು ಯಾವುದೇ ಐಪಿಎಲ್ ತಂಡದೊಡನೆ ಪಾಲುದಾರಿಕೆ, ಹೆಚ್ಚಿನ ಸಂಪರ್ಕ ಹೊಂದುವುದನ್ನು ನಿಯಂತ್ರಿಸಲಾಗುವುದು.
* ಸಿಎಸ್ ಕೆ ಬಾಸ್ ಮೇಯಪ್ಪನ್ ಹಾಗೂ ಆರ್ ಆರ್ ತಂಡ ಮಾಲೀಕ ರಾಜ್ ಕುಂದ್ರಾ ವಿರುದ್ಧ ತನಿಖೆ ಜಾರಿಯಲ್ಲಿದೆ. ಕಾಲಾವಧಿ ನಿಗದಿಪಡಿಸಿಲ್ಲ.

ಸ್ಪಾಟ್ ಫಿಕ್ಸಿಂಗ್ ಪ್ರಕರಣದಿಂದಾಗಿ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ತಲೆತಗ್ಗಿಸಿದ್ದ ಬಿಸಿಸಿಐ, ಕಳೆದುಹೋಗಿರುವ ತನ್ನ ಗೌರವವನ್ನು ಹಿಂಪಡೆಯಲು ಪ್ರಯತ್ನಿಸುತ್ತಿದೆ.

Story first published:  Monday, June 10, 2013, 18:43 [IST]
English summary
BCCI on Monday decided to bar cheerleaders and after-match parties for players and support staff besides ensuring a strict code of conduct to be followed by players and support staff, owners in the Indian Premier League (IPL).
ಅಭಿಪ್ರಾಯ ಬರೆಯಿರಿ