Englishहिन्दीമലയാളംதமிழ்తెలుగు

CT13: ದಕ್ಷಿಣ ಆಫ್ರಿಕಾ ಮೇಲೆ ಭಾರತಕ್ಕೆ ಅರ್ಹ ಜಯ

Posted by:
Updated: Thursday, June 6, 2013, 23:23 [IST]
 

ಕಾರ್ಡಿಫ್, ಜೂ.6: ಟೀಂ ಇಂಡಿಯಾ ಒಡ್ಡಿದ್ದ 332 ರನ್ ಗಳ ಬೃಹತ್ ಮೊತ್ತವನ್ನು ಬೆನ್ನು ಹತ್ತಿದ ದಕ್ಷಿಣ ಅಫ್ರಿಕಾ ತಂಡ ಆರಂಭಿಕ ಆಘಾತದ ನಂತರ ಚೇತರಿಸಿಕೊಂಡರೂ ಪಂದ್ಯ ಗೆಲ್ಲುವಲ್ಲಿ ವಿಫಲವಾಯಿತು. ಮೆಕ್ ಲೆರನ್ ಅಲ್ ರೌಂಡರ್ ಆಟ ವ್ಯರ್ಥವಾಯಿತು. ಕೊನೆಗೆ ಧೋನಿ ಪಡೆ 26 ರನ್ ಗಳಿಂದ ಪಂದ್ಯ ಗೆದ್ದು ಗೆಲುವಿನ ನಗೆ ಬೀರಿತು. ಭರ್ಜರಿ ಶತಕ(114) ರನ್ ಬಾರಿಸಿದ ಶಿಖರ್ ಧವನ್ ಪಂದ್ಯ ಪುರುಷೋತ್ತಮ ಎನಿಸಿದರು.

ದಕ್ಷಿಣ ಅಫ್ರಿಕಾ ಪರ ಬ್ಯಾಟಿಂಗ್ ಆರಂಭಿಸಿದ ಹಶೀಂ ಆಮ್ಲಾ ಸತತ ಬೌಂಡರಿಗಳನ್ನು ಚೆಚ್ಚಿದರೂ 22 ರನ್ ಗಳಿಸಿ ಔಟಾದರು. ಇನ್ ಗ್ರಾಮ್ 6 ರನ್ ಗ್ಗಳಿಸಿ ವಿಫಲರಾದರು. ರಾಬಿನ್ ಪೀಟರ್ಸನ್ 68 ರನ್, ನಾಯಕ ಎಬಿ ಡಿವಿಲೆಯರ್ಸ್ 70 ರನ್ ಬಾರಿಸಿ ಭಾರತಕ್ಕೆ ಆತಂಕ ತಂದರು. ಆದರೆ, ಪೀಟರ್ಸನ್ ರನೌಟ್ ಆದ ಸ್ವಲ್ಪ ಹೊತ್ತಲ್ಲೇ ಡಿವಿಲೆಯರ್ಸ್ ಔಟಾದಾಗ ಭಾರತ ಗೆಲುವಿನ ಕನಸು ಕಂಡಿತು.

ಆದರೆ, ಮೆಕ್ ಲ್ರನ್ ಅದ್ಭುತ ಬ್ಯಾಟಿಂಗ್ ಪ್ರದರ್ಶಿಸಿ 61 ಎಸೆತದಲ್ಲಿ 71 ರನ್(11 ಬೌಂಡರಿ, 1 ಸಿಕ್ಸ್) ಗಳಿಸಿ ಅಜೇಯರಾಗಿ ಉಳಿದು ಭಾರತದ ಗೆಲುವಿಗೆ ಅಡ್ಡ ನಿಂತರು. ಆದರೆ, ಮೆಕ್ ಲೆರನ್ ಗೆ ಇನ್ನೊಂದು ತುದಿಯಲ್ಲಿ ಸರಿಯಾದ ಸಾಥ್ ಸಿಗಲಿಲ್ಲ. ಡು ಫ್ಲೆಸಿಸ್, ಡುಮಿನಿ ಕಡಿಮೆ ಮೊತ್ತಕ್ಕೆ ಔಟಾದರೆ, ಮಿಲ್ಲರ್ ಖಾತೆ ತೆರೆಯಲೇ ಇಲ್ಲ. ಭಾರತದ ಪರ ಭುವನೇಶ್ವರ್ ಕುಮಾರ್, ಉಮೇಶ್ ಯಾದವ್, ಇಶಾಂತ್ ಶರ್ಮ ಹಾಗೂ ರವೀಂದ್ರ ಜಡೇಜ ತಲಾ 2 ವಿಕೆಟ್ ಪಡೆದರು. ದಕ್ಷಿಣ ಆಫ್ರಿಕಾ ತಂಡ 305 ರನ್ ಗಳಿಗೆ ಸರ್ವಪತನ ಕಂಡಿತು.
ಸ್ಕೋರ್ ಕಾರ್ಡ್ ನೋಡಿ

CT13: ದಕ್ಷಿಣ ಆಫ್ರಿಕಾ ಮೇಲೆ ಭಾರತಕ್ಕೆ ಅರ್ಹ ಜಯ

ಭಾರತದ ಇನ್ನಿಂಗ್ಸ್: ಟಾಸ್ ಸೋತರೂ ಮೊದಲು ಬ್ಯಾಟಿಂಗ್ ಆಡುವ ಅವಕಾಶ ಧೋನಿ ಪಡೆಗೆ ಸಿಕ್ಕಿತು. ಶಿಖರ್ ಧವನ್ ಜೊತೆ ರೋಹಿತ್ ಶರ್ಮ ಟೀಂ ಇಂಡಿಯಾದ ಇನ್ನಿಂಗ್ಸ್ ಆರಂಭಿಸಿತು. ಬಲಗೈ ಹಾಗೂ ಎಡಗೈ ಬ್ಯಾಟ್ಸ್ ಮನ್ ಗಳ ಜೋಡಿ ಕ್ಲಿಕ್ ಆಗಿದ್ದು, ಭಾರತ ಶುಭಾರಂಭ ಮಾಡಿತು.

ರೋಹಿತ್ ಶರ್ಮ 65 ರನ್ (78ಎಸೆತ, 8 ಬೌಂಡರಿ, 1 ಸಿಕ್ಸರ್) ಹೊಡೆದು ಔಟಾಗಿದ್ದಾರೆ. ಶಿಖರ್ ಧವನ್ 80 ಎಸೆತಗಳಲ್ಲಿ ಶತಕ ದಾಖಲಿಸಿದರು. ಧವನ್ 94 ಎಸೆತದಲ್ಲಿ 114 ರನ್ (12 ಬೌಂಡರಿ, 1 ಸಿಕ್ಸರ್) ಗಳಿಸಿ ಔಟಾದರು.

ರೋಹಿತ್ ಶರ್ಮ ವಿಕೆಟ್ ಮೆಕ್ ಲೆರನ್ ಪಾಲಾದರೆ, ವಿರಾಟ್ ಕೊಹ್ಲಿ 31 ರನ್(41 ಎಸೆತ, 2 ಬೌಂಡರಿ) ವಿಕೆಟ್ ಸೊಸೆಬೆ ಪಡೆದರು. ಶತಕ ವೀರ ಧವನ್ ವಿಕೆಟ್ ಡುಮಿನಿ ಕಬಳಿಸಿದರು.

ಅಭ್ಯಾಸ ಪಂದ್ಯಗಳೆರಡರಲ್ಲೂ ಭರ್ಜರಿ ಶತಕ ಬಾರಿಸಿ ತಂಡದಲ್ಲಿ ಸ್ಥಾನ ಪಡೆದಿದ್ದ ದಿನೇಶ್ ಕಾರ್ತಿಕ್ ಈ ಪಂದ್ಯದಲ್ಲಿ ಟುಸ್ ಆದರು. ಕಾರ್ತಿಕ್ 14 ರನ್ ಗಳಿಸಿ ಮೆಕ್ ಲೆರನ್ ಗೆ ವಿಕೆಟ್ ಒಪ್ಪಿಸಿದರು. ಸುರೇಶ್ ರೈನಾ ಕೂಡಾ 9 ರನ್ ಗಳಿಸಿ ಪೆವಿಲಿಯನ್ ಹಾದಿ ಹಿಡಿದರು.

ಸ್ಲಾಗ್ ಓವರ್ ಗಳಲ್ಲಿ ಜಡೇಜ ಹಾಗೂ ಧೋನಿ ಅವರ ಬ್ಯಾಟಿಂಗ್ ನೆರವಿನಿಂದ ಭಾರತ ಉತ್ತಮ ಮೊತ್ತ ದಾಖಲಿಸಿತು. ದಕ್ಷಿಣ ಆಫ್ರಿಕಾ ಪರ ಸೊಸೊಬೆ 83ಕ್ಕೆ 2, ಮೆಕ್ ಲೆರನ್ 70ಕ್ಕೆ 3 ಹಾಗೂ ಡುಮಿನಿ 42ಕ್ಕೆ 1 ವಿಕೆಟ್ ಪಡೆದರು.

ಗಾಯಾಳುವಾಗಿರುವ ಡೇಲ್ ಸ್ಟೇಯ್ನ್ ದಕ್ಷಿಣ ಆಫ್ರಿಕಾ ತಂಡದಲ್ಲಿ ಆಡುತ್ತಿಲ್ಲ. ಭಾರತ ಹಾಗೂ ದಕ್ಷಿಣ ಆಫ್ರಿಕಾ ತಂಡ ಬಿ ಗುಂಪಿನಲ್ಲಿದ್ದು, ಪಾಕಿಸ್ತಾನ ಹಾಗೂ ವೆಸ್ಟ್ ಇಂಡೀಸ್ ಗುಂಪಿನಲ್ಲಿರುವ ಇತರೆ ತಂಡಗಳಾಗಿದೆ. [ಚಾಂಪಿಯನ್ಸ್ ಟ್ರೋಫಿ 2013 ಅಂಕಿ-ಅಂಶ]

ತಂಡಗಳು:
ಭಾರತ: ಎಂಎಸ್ ಧೋನಿ(ನಾಯಕ, ವಿಕೆಟ್ ಕೀಪರ್) ಶಿಖರ್ ಧವನ್, ರೋಹಿತ್ ಶರ್ಮ, ವಿರಾಟ್ ಕೊಹ್ಲಿ, ದಿನೇಶ್ ಕಾರ್ತಿಕ್, ಸುರೇಶ್ ರೈನಾ, ರವೀಂದ್ರ ಜಡೇಜ, ಆರ್ ಅಶ್ವಿನ್, ಭುವನೇಶ್ವರ್ ಕುಮಾರ್, ಇಶಾಂತ್ ಶರ್ಮ ಹಾಗೂ ಉಮೇಶ್ ಯಾದವ್

ದಕ್ಷಿಣ ಆಫ್ರಿಕಾ: ಎಬಿ ಡಿವೆಲ್ಲರ್(ನಾಯಕ), ಹಶೀಂ ಆಮ್ಲಾ, ಕಾಲಿನ್ ಇನ್ ಗ್ರಾಮ್, ಫಫ್ ಡು ಪ್ಲೆಸಿಸ್, ಜೆಪಿ ಡುಮಿನಿ, ಡೇವಿಡ್ ಮಿಲ್ಲರ್, ರ್ಯಾನ್ ಮೆಕ್ ಲರೆನ್, ರಾಬಿನ್ ಪೀಟರ್ಸನ್, ರೋರಿ ಕ್ಲೆನ್ ವೆಲ್ಟ್, ಮಾರ್ನೆ ಮಾರ್ಕೆಲ್, ಲೊನಬೊ ಸೊಸೆಬೆ.

Story first published:  Thursday, June 6, 2013, 15:12 [IST]
English summary
India began their Champions Trophy 2013 campaign with a convincing 26-run victory over South Africa in the tournament opener here on Thursday.
ಅಭಿಪ್ರಾಯ ಬರೆಯಿರಿ