Englishहिन्दीമലയാളംதமிழ்తెలుగు

ಫಿಕ್ಸಿಂಗ್: ಬಾಂಗ್ಲಾದೇಶಿ ಕ್ರಿಕೆಟರ್ ಅಶ್ರಫುಲ್ ಸಸ್ಪೆಂಡ್

Posted by:
Updated: Tuesday, June 4, 2013, 18:50 [IST]
 

ಢಾಕಾ, ಜೂ.4: ಬಾಂಗ್ಲಾದೇಶ ಮಾಜಿ ನಾಯಕ ಮಹಮ್ಮದ್ ಅಶ್ರಫುಲ್ ಅವರನ್ನು ತಂಡದಿಂದ ಅಮಾನತುಗೊಳಿಸಿ ಬಾಂಗ್ಲಾದೇಶ ಕ್ರಿಕೆಟ್ ಮಂಡಳಿ(ಬಿಸಿಬಿ) ಮಂಗಳವಾರ(ಜೂ.4) ಆದೇಶ ಹೊರಡಿಸಿದೆ.

ಬಾಂಗ್ಲಾದೇಶ್ ಪ್ರಿಮಿಯರ್ ಲೀಗ್ ಸೇರಿದಂತೆ ಇತರೆ ಸ್ಥಳೀಯ ಟೂರ್ನಿಗಳಲ್ಲಿ ಮ್ಯಾಚ್ ಫಿಕ್ಸಿಂಗ್, ಸ್ಪಾಟ್ ಫಿಕ್ಸಿಂಗ್ ಆರೋಪ ಹೊತ್ತಿರುವ ಅಶ್ರಫುಲ್ ಅವರನ್ನು ಕ್ರಿಕೆಟ್ ನಿಂದ ದೂರ ಉಳಿಯುವಂತೆ ಮಾಡಲಾಗಿದೆ. ಈ ಬಗ್ಗೆ ತನಿಖೆ ಜಾರಿಯಲ್ಲಿದೆ.

ಭ್ರಷ್ಟಾಚಾರ ನಿಗ್ರಹ, ಭದ್ರತಾ ಘಟಕ(ACSU) ಮುಂದೆ ಮಹಮ್ಮದ್ ಅಶ್ರಫುಲ್ ಅವರು ತನ್ನ ತಪ್ಪನ್ನು ಒಪ್ಪಿಕೊಂಡಿದ್ದಾರೆ ಎಂದು ಬಿಸಿಬಿ ಅಧ್ಯಕ್ಷ ನಜ್ಮುಲ್ ಹಸನ್ ಹೇಳಿದ್ದಾರೆ. ಹೀಗಾಗಿ ಯಾವುದೇ ಸ್ತರದ ಕ್ರಿಕೆಟ್ ಆಡಲು ಅಶ್ರಫುಲ್ ಅವರಿಗೆ ಅನುಮತಿ ನೀಡಲಾಗಿಲ್ಲ. ತನಿಖೆ ಮುಂದುವರೆದಿದೆ ಎಂದಿದ್ದಾರೆ.

ಫಿಕ್ಸಿಂಗ್: ಬಾಂಗ್ಲಾದೇಶಿ ಕ್ರಿಕೆಟರ್ ಅಶ್ರಫುಲ್ ಸಸ್ಪೆಂಡ್


ಸ್ಥಳೀಯ ಟಿವಿ ಮಾಧ್ಯಮಗಳ ವರದಿ ಪ್ರಕಾರ ಅಶ್ರಫುಲ್ ಅವರಿಗೆ ಮ್ಯಾಚ್ ಫಿಕ್ಸಿಂಗ್ ಮಾಡಲು 12000 ಡಾಲರ್ ಮೊತ್ತ ನೀಡಲಾಗಿದೆಯಂತೆ.ಅಂತಾರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ ನ ACSU ವಿಭಾಗ ತನಿಖೆ ಕೈಗೊಂಡಿದ್ದು ಬಾಂಗ್ಲಾದೇಶ ಪ್ರಿಮಿಯರ್ ಲೀಗ್ ನ ಎಲ್ಲಾ ಪಂದ್ಯಗಳನ್ನು ಕೂಲಂಕುಷವಾಗಿ ಪರಿಶೀಲಿಸುತ್ತಿದ್ದಾರೆ.

ಇದರ ಜೊತೆಗೆ ಇತರೆ ಟ್ವೆಂಟಿ20 ಕ್ರಿಕೆಟ್ ಟೂರ್ನಿಗಳು, ಭಾರತದ ಐಪಿಎಲ್ ಜೊತೆ ಸಂಪರ್ಕ ಹೊಂದಿರುವ ಆಟಗಾರರು ಹಾಗೂ ಬುಕ್ಕಿಗಳ ಬಗ್ಗೆ ಕೂಡಾ ತನಿಖೆ ನಡೆಸಲಾಗುತ್ತಿದೆ.

ಕಳೆದ ಬಾರಿ ನಡೆದ ಬಿಪಿಎಲ್ ಪಂದ್ಯಾವಳಿಯ ಢಾಕಾ ಗ್ಲಾಡಿಯೇಟರ್ಸ್ ಮತ್ತು ಚಿತ್ತಗಾಂಗ್ ಕಿಂಗ್ಸ್ ತಂಡಗಳ ನಡುವೆ ನಡೆದ ಪಂದ್ಯದಲ್ಲಿ ಅಶ್ರಫುಲ್ ಅವರು ಮ್ಯಾಚ್ ಫಿಕ್ಸಿಂಗ್ ಮಾಡಿಕೊಂಡಿದ್ದರು ಎಂದು ತಿಳಿದು ಬಂದಿದೆ.

ಅಲ್ಲದೆ ಢಾಕಾ ಗ್ಲಾಡಿಯೇಟರ್ಸ್ ಪರ ಆಡುತ್ತಿರುವ ಅಶ್ರಫುಲ್ ಅವರು ಬರಿಸಲ್ ಬರ್ನರ್ಸ್ ತಂಡದ ವಿರುದ್ಧದ ಪಂದ್ಯವನ್ನು ಸೋಲಲು ಸುಮಾರು 12,800 ಡಾಲರ್ ಹಣವನ್ನು ಪಡೆದಿದ್ದರು ಮತ್ತು ಈ ಮೊತ್ತದ ಚೆಕ್ಕನ್ನು ಅವರು ಬ್ಯಾಂಕಿಗೆ ಹಾಕಿದ್ದಾಗ ಅದು ಬೌನ್ಸ್ ಆಗಿತ್ತು. ಈ ಸಂದರ್ಭದಲ್ಲಿ ಪ್ರಕರಣ ಬಯಲಿಗೆ ಬಂದಿದೆ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ.

Story first published:  Tuesday, June 4, 2013, 16:48 [IST]
English summary
The Bangladesh Cricket Board (BCB) has suspended former skipper Mohammad Ashraful for alleged fixing. BCB President Nazmul Hassan said that Ashraful confessed to fixing to the Anti-Corruption and Security Unit (ACSU)
ಅಭಿಪ್ರಾಯ ಬರೆಯಿರಿ