Englishहिन्दीമലയാളംதமிழ்తెలుగు

ಐಪಿಎಲ್ ನಿಂದ ಪುಣೆ ವಾರಿಯರ್ಸ್ ಔಟ್

Posted by:
Published: Wednesday, May 22, 2013, 12:15 [IST]
 

ನವದೆಹಲಿ, ಮೇ 22: ಫ್ರಾಂಚೈಸಿ ಶುಲ್ಕವನ್ನು ಭರಿಸಲು ವಿಫಲವಾಗಿರುವ ಪುಣೆ ವಾರಿಯರ್ಸ್ ಇಂಡಿಯಾ ತಂಡ ಅನಿವಾರ್ಯವಾಗಿ ಐಪಿಎಲ್ ಟೂರ್ನಿಯಿಂದ ಹೊರ ಬಿದ್ದಿದೆ. ಸಹರಾ ಕಂಪೆನಿ ಮಾಲಕತ್ವದ ಪುಣೆ ವಾರಿಯರ್ಸ್ ತಂಡ ಬಿಸಿಸಿಐ ಬ್ಯಾಂಕ್ ಗ್ಯಾರೆಂಟಿಯನ್ನು ನಗದೀಕರಿಸಿಕೊಂಡಿದೆ. ಸಹಾರ ಕಂಪೆನಿ 10 ವರ್ಷಗಳ ಅವಧಿಗೆ 1702 ಕೋಟಿ ರೂ.ಗೆ ಪುಣೆ ವಾರಿಯರ್ಸ್ ತಂಡವನ್ನು ಖರೀದಿಸಿತ್ತು.

ಐಪಿಎಲ್ ಪಂದ್ಯಗಳ ಸಂಖ್ಯೆಯನ್ನು 94 ರಿಂದ 74ಕ್ಕೆ ಇಳಿಸಿರುವ ಹಿನ್ನೆಲೆಯಲ್ಲಿ ಫ್ರಾಂಚೈಸಿ ಶುಲ್ಕವನ್ನು ಕಡಿಮೆ ಮಾಡಬೇಕೆಂದು ಪುಣೆ ವಾರಿಯರ್ಸ್ ಬಿಸಿಸಿಐಯನ್ನು ಕೇಳಿಕೊಂಡಿತ್ತು.ಆದರೆ, ಈ ಮನವಿಯನ್ನು ಪುರಸ್ಕರಿಸಿರಲಿಲ್ಲ. ಈ ವರ್ಷದ ಜನವರಿಯಲ್ಲಿ ಸಹರಾ ಕಂಪೆನಿ ಫ್ರಾಂಚೈಸಿ ಶುಲ್ಕ ಶೇ. 20 ಅಂದರೆ ಸುಮಾರು 170 ಕೋಟಿ ರೂ.ವನ್ನು ಪಾವತಿಸಬೇಕಾಗಿತ್ತು.

ಐಪಿಎಲ್ ನಿಂದ ಪುಣೆ ವಾರಿಯರ್ಸ್ ಔಟ್

ಬಿಸಿಸಿಐ ಮೇ 19 ರೊಳಗೆ ಬಾಕಿ ಮೊತ್ತವನ್ನು ಪಾವತಿಸುವಂತೆ ಸಹರಾಕ್ಕೆ ತಿಳಿಸಿತ್ತು. ಶುಲ್ಕ ಪಾವತಿಸಲು ಸಹರಾ ವಿಫಲವಾದ ಕಾರಣ ಐಪಿಎಲ್ ಆಡಳಿತ ಮಂಡಳಿ ಬ್ಯಾಂಕ್ ಗ್ಯಾರೆಂಟಿಯನ್ನು ನಗದೀಕರಿಸಲು ನಿರ್ಧರಿಸಿದೆ' ಎಂದು ಬಿಸಿಸಿಐ ಹೇಳಿದೆ.

ಬಿಸಿಸಿಐ ಸಹರಾ ಕಂಪೆನಿಯ ಬ್ಯಾಂಕ್ ಗ್ಯಾರೆಂಟಿಯನ್ನು ನಗದೀಕರಿಸಲು ನಿರ್ಧರಿಸಿದ ಹಿನ್ನೆಲೆಯಲ್ಲಿ ಏಳನೆ ಆವೃತ್ತಿಯ ಐಪಿಎಲ್ ನಲ್ಲಿ ಪುಣೆ ವಾರಿಯರ್ಸ್ ಭಾಗವಹಿಸುವ ಕುರಿತಂತೆ ಪ್ರಶ್ನೆ ಉದ್ಭವಿಸಿದೆ.  ಸಹಾರ ಸಂಸ್ಥೆ ಮುಖ್ಯಸ್ಥ ಸುಬ್ರತೋ ರಾಯ್ ನೀಡಿರುವ ಪತ್ರಿಕಾ ಹೇಳಿಕೆ ಪೂರ್ಣ ಪಾಠ ಇಲ್ಲಿದೆ.

ಬಿಸಿಸಿಐ ಈ ಹಿಂದೆಯೂ ಕೂಡ ಫ್ರಾಂಚೈಸಿ ಶುಲ್ಕವನ್ನು ಭರಿಸಲು ವಿಫಲವಾದ ತಂಡಗಳಾದ ಕೊಚ್ಚಿ ಟಸ್ಕರ್ಸ್ ಕೇರಳ ಹಾಗೂ ಡೆಕ್ಕನ್ ಚಾರ್ಜರ್ಸ್ ಹೈದರಾಬಾದ್ ತಂಡದ ಬ್ಯಾಂಕ್ ಗ್ಯಾರೆಂಟಿಯನ್ನು ನಗದೀಕರಿಸಿತ್ತು. ಈ ತಂಡಗಳು ಐಪಿಎಲ್ ನಿಂದ ಹೊರಬಿದ್ದಿದ್ದವು. ಪುಣೆ ವಾರಿಯರ್ಸ್ ತಂಡ ಈ ವರ್ಷದ ಐಪಿಎಲ್ ನಲ್ಲಿ ಕಳಪೆ ಪ್ರದರ್ಶನ ನೀಡಿದ್ದು, ಅಂಕಪಟ್ಟಿಯಲ್ಲಿ ಕೊನೆಯ ಸ್ಥಾನವನ್ನು ಗಳಿಸಿತ್ತು.

English summary
Already reeling under the spot-fixing scandal, Indian Premier League received another jolt on Tuesday evening as Sahara-owned Pune Warriors pulled out of the cash-rich Twenty20 league.
ಅಭಿಪ್ರಾಯ ಬರೆಯಿರಿ