Englishहिन्दीമലയാളംதமிழ்తెలుగు

ಚಿತ್ರಗಳಲ್ಲಿ : ಪೊಲ್ಲಾರ್ಡ್ ಅಬ್ಬರ, ಮುಂಬೈ ಜಯಭೇರಿ

Posted by:
Published: Tuesday, May 14, 2013, 14:31 [IST]
 

ಮುಂಬೈ, ಮೇ 14: ಕಿರೋನ್ ಪೊಲಾರ್ಡ್ ಕ್ರೀಸಿಗೆ ಇಳಿಯುವ ತನಕ ಸನ್ ರೈಸರ್ಸ್ ಹೈದರಾಬಾದ್ ತಂಡ ಗೆಲುವಿನ ಕನಸು ಕಾಣುತ್ತಿತ್ತು. ಅದರೆ, ಪೊಲಾರ್ಡ್ ಭರ್ಜರಿ ಬ್ಯಾಟಿಂಗ್ ನೆರವಿನಿಂದ ಮುಂಬೈ ಇಂಡಿಯನ್ಸ್ ತಂಡ ಸನ್ ರೈಸರ್ಸ್ ಹೈದರಾಬಾದ್ ತಂಡ ವನ್ನು 7 ವಿಕೆಟ್ ಗಳಿಂದ ಮಣಿಸಿ ಸೆಮಿಫೈನಲ್ ನತ್ತ ಹೆಜ್ಜೆ ಹಾಕಿದೆ.

ಗೆಲ್ಲಲು 179 ರನ್ ಗಳ ಕಠಿಣ ಸವಾಲು ಪಡೆದ ಮುಂಬೈ ತಂಡ ಒಂದು ಹಂತದಲ್ಲಿ 99 ರನ್ ಗಳಿಸಿ 3 ವಿಕೆಟ್ ಕಳೆದುಕೊಂಡಿತ್ತು. ಆಗ ನಾಯಕ ರೋಹಿತ್ ಶರ್ಮ ಅವರೊಂದಿಗೆ ನಾಲ್ಕನೆ ವಿಕೆಟ್ ಗೆ ಮುರಿಯದ ಜತೆಯಾಟದಲ್ಲಿ 85 ರನ್ ಸೇರಿಸಿದ ಪೊಲಾರ್ಡ್(66 ನಾಟೌಟ್, 27 ಎಸೆತ, 2 ಬೌಂಡರಿ, 8 ಸಿಕ್ಸರ್) ಮುಂಬೈಗೆ ಗೆಲುವಿನ ಸಿಹಿ ಉಣಿಸಿದರು.

16ನೆ ಓವರ್ ತನಕ ಪಂದ್ಯವು ಹೈದರಾಬಾದಿನ ಹಿಡಿತದಲ್ಲಿತ್ತು. ಆದರೆ, ಪೆರೆರಾ ಎಸೆದ 17ನೆ ಓವರ್ ನಲ್ಲಿ 4 ಸಿಕ್ಸರ್ ಹಾಗೂ 1 ಬೌಂಡರಿಗಳಿದ್ದ 29 ರನ್ ಚೆಚ್ಚಿದ ಪೊಲಾರ್ಡ್ ಪಂದ್ಯವನ್ನು ಮುಂಬೈಯತ್ತ ವಾಲಿಸಿದರು. ಕೇವಲ 20 ಎಸೆತಗಳಲ್ಲಿ 2 ಬೌಂಡರಿ, 6 ಸಿಕ್ಸರ್ ನೆರವಿನಿಂದ ಅರ್ಧಶತಕವನ್ನು ಸಿಡಿಸಿದ ಪೊಲಾರ್ಡ್ ಮುಂಬೈಗೆ ಅಚ್ಚರಿಯ ಗೆಲುವು ತಂದು ಕೊಟ್ಟರು.

ಹೈದರಾಬಾದ್ ಮಣಿಸಿದ ಮುಂಬೈ

ಜ್ವರದಿಂದ ಬಳಲುತ್ತಿದ್ದರೂ ಭರ್ಜರಿ ಆಟ ಪ್ರದರ್ಶಿಸಿದ ಪೊಲಾರ್ಡ್ ಗೆ ರೋಹಿತ್ ಶರ್ಮ ಅಭಿನಂದನೆ

ಹೈದರಾಬಾದ್ ಮಣಿಸಿದ ಮುಂಬೈ

ಸತತ 7 ಎಸೆತಗಳಲ್ಲಿ 6 ಸಿಕ್ಸ್ ಸಿಡಿಸಿದ ಕಿರೋನ್ ಪೊಲಾರ್ಡ್

ಹೈದರಾಬಾದ್ ಮಣಿಸಿದ ಮುಂಬೈ

ಐಪಿಎಲ್ 6 ರ ಅಂಕಪಟ್ಟಿಯಲ್ಲಿ ಈಗ ಮುಂಬೈ ತಂಡ ಅಗ್ರಸ್ಥಾನದಲ್ಲಿದೆ. ಬೆಂಗಳೂರು ತಂಡ ಮಂಗಳವಾರ ಕಿಂಗ್ XI ಪಂಜಾಬ್ ತಂಡವನ್ನು ಹಾಗೂ ಮೇ.18 ರಂದು ಚೆನೈ ಸೂಪರ್ ಕಿಂಗ್ಸ್ ತಂಡವನ್ನು ಮಣಿಸಿದರೆ ಮುಂದಿನ ಹಂತಕ್ಕೆ ಅರ್ಹತೆ ಪಡೆಯುತ್ತದೆ ಇಲ್ಲದಿದ್ದರೆ ಸನ್ ರೈಸರ್ಸ್ ತಂಡದ ಹಾದಿ ಸುಗಮವಾಗುತ್ತದೆ.

ಹೈದರಾಬಾದ್ ಮಣಿಸಿದ ಮುಂಬೈ

ಉತ್ತಮ ಆಟ ಪ್ರದರ್ಶಿಸಿದ ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಅವರು ಗಾಯಗೊಂಡು ಪೆವಿಲಿಯನ್ ಗೆ ಮರಳಿದರು. ನಂತರ ಕ್ರೀಸ್ ಗೆ ಇಳಿಯಲು ಸಾಧ್ಯವಾಗಲಿಲ್ಲ.

ಹೈದರಾಬಾದ್ ಮಣಿಸಿದ ಮುಂಬೈ

ಸನ್ ರೈಸರ್ ಹೈದರಾಬಾದ್ ತಂಡದ ಎಡಗೈ ಆರಂಭಿಕ ಬ್ಯಾಟ್ಸ್ ಮನ್ ಶಿಖರ್ ಧವನ್ ಅದ್ಭುತ ಭಂಗಿ

ಹೈದರಾಬಾದ್ ಮಣಿಸಿದ ಮುಂಬೈ

ಪಾರ್ಥೀವ್ ಪಟೇಲ್ ಉತ್ತಮ ಆರಂಭ ಒದಗಿಸಲು ಯತ್ನಿಸಿದರು. 14 ಎಸೆತದಲ್ಲಿ 26 ರನ್ ಚೆಚ್ಚಿದರು.

ಹೈದರಾಬಾದ್ ಮಣಿಸಿದ ಮುಂಬೈ

ಮುಂಬೈ ತಂಡದ ಮಿಚೆಲ್ ಜಾನ್ಸನ್ ಅವರು ಧವನ್ ವಿಕೆಟ್ ಕಿತ್ತ ಸಂಭ್ರಮದಲ್ಲಿ

ಹೈದರಾಬಾದ್ ಮಣಿಸಿದ ಮುಂಬೈ

ಲಸಿತ್ ಮಾಲಿಂಗ ಅವರು ವಿಕೆಟ್ ಕಬಳಿಸಿದಾಗ

English summary
Kieron Pollard single-handedly took Mumbai Indians to the top of the table, scoring an unbeaten 66 off just 27 balls to help his team beat Sunrisers Hyderabad by seven wickets in an Indian Premier League (IPL) match at the Wankhede Stadium here Monday.
ಅಭಿಪ್ರಾಯ ಬರೆಯಿರಿ