Englishहिन्दीമലയാളംதமிழ்తెలుగు

ಮಾರ್ಕೆಲ್ ಅಷ್ಟು ವೇಗದಲ್ಲಿ ಎಸೆದಿದ್ದು ನಿಜವೇ?

Posted by:
Updated: Thursday, April 18, 2013, 14:44 [IST]
 

ಬೆಂಗಳೂರು, ಏ.18: ಡೆಲ್ಲಿ ಡೇರ್ ಡೆವಿಲ್ಸ್ ಹಾಗೂ ದಕ್ಷಿಣ ಆಫ್ರಿಕಾದ ವೇಗಿ ಮಾರ್ನೆ ಮಾರ್ಕೆಲ್ ನಿಜಕ್ಕೂ ಎಷ್ಟು ವೇಗವಾಗಿ ಚೆಂಡು ಎಸೆದಿದ್ದು ನಿಜವೇ? ಹೀಗೊಂದು ಪ್ರಶ್ನೆ ಅಭಿಮಾನಿಗಳಲ್ಲಿ ಇನ್ನೂ ಕಾಡುತ್ತಿದೆ. ಫೇಸ್ ಬುಕ್, ಟ್ವಿಟ್ಟರ್ ನಲ್ಲಿ ಮಾರ್ಕೆಲ್ ಸುದ್ದಿ ಹರಿದಾಡುತ್ತಿದೆ. ಸುದ್ದಿ ನಿಜವೇ ಆದಲ್ಲಿ, ಮಾರ್ಕೆಲ್ ವಿಶ್ವದ ಅತಿ ವೇಗವಾಗಿ ಚೆಂಡು ಎಸೆದ ಬೌಲರ್ ಎನಿಸಲಿದ್ದಾರೆ.

ಎರಡು ದಿನದ ಹಿಂದಿನ ಪಂದ್ಯ ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದಿತ್ತು. ಮಾರ್ಕೆಲ್ ಎಸೆತ ಇತಿಹಾಸ ಸೃಷ್ಟಿಸಿಬಿಟ್ಟಿತು. ಸ್ಪೀಡ್ ಗನ್ ಗಳು 173.9 ಕಿ.ಮೀ ಪ್ರತಿ ಗಂಟೆಗೆ ಎಂದು ಸೂಚಿಸಿದ್ದು ಅಭಿಮಾನಿಗಳನ್ನು ಅಚ್ಚರಿಗೆ ಮೂಡಿಸಿತು.

ಮಾರ್ಕೆಲ್ ಅಷ್ಟು ವೇಗದಲ್ಲಿ ಎಸೆದಿದ್ದು ನಿಜವೇ?

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ವಿರುದ್ಧದ ಪಂದ್ಯದಲ್ಲಿ ಡೆಲ್ಲಿ ಡೇರ್ ಡೆವಿಲ್ಸ್ ನ ಎರಡನೇ ಓವರ್ ಎಸೆದ ಮಾರ್ಕೆಲ್ ಎಸೆತ 173.9 ಕಿ.ಮೀ/ಗಂಟೆ ವೇಗದಲ್ಲಿ ಎಸೆದದ್ದು ಎಂಬುದು ಈಗ ಚರ್ಚಾರ್ಹವಾಗಿದೆ. ಪಂದ್ಯ ಕೂಡಾ ರೋಚಕ ಹಂತ ತಲುಪಿ ಸೂಪರ್ ಓವರ್ ಆಗಿ ಆರ್ ಸಿಬಿ ಅಂತಿಮವಾಗಿ ಜಯಭೇರಿ ಬಾರಿಸಿದ್ದು ಅಭಿಮಾನಿಗಳಿಗೆ ಇನ್ನೂ ನೆನಪಲ್ಲಿದೆ.

ಐಪಿಎಲ್ ನಲ್ಲಿ ಅತಿ ವೇಗ ಬೌಲರ್ ಎನಿಸಿರುವ ದಕ್ಷಿಣ ಆಫ್ರಿಕಾದ ಸಹ ಆಟಗಾರ ಡೇಲ್ ಸ್ಟೈನ್ ಅವರು ಟಿವಿ ಪರದೆಯಲ್ಲಿ ಎಸೆತ ವೀಕ್ಷಿಸಿದ ತಕ್ಷಣ ಅನುಮಾನ ವ್ಯಕ್ತಪಡಿಸಿ (@DaleSteyn62): "Did @mornemorkel65 just bowl 173.9kmh??? Haha! He's quick but that's real QUICK!." ಎಂದು ಟ್ವೀಟಿಸಿದ್ದರು.

ಟ್ವಿಟರ್ ನಲ್ಲಿ ಯಾರಿಗೂ ಈ ಎಸೆತದ ವೇಗವನ್ನು ನಂಬಲಾಗಲಿಲ್ಲ. "This is what mornemorkel65 is capable of!!! Bring the heat!!! Haha." ಇನ್ನೊಂದು ಟ್ವೀಟ್ ತೂರಿ ಬಂದಿತ್ತು. ಉಳಿದ ಟ್ವೀಟ್ ಗಳನ್ನು ಕೆಳಗೆ ನೋಡಿ

ಸದ್ಯಕ್ಕೆ ಪಾಕಿಸ್ತಾನದ ವೇಗಿ ಶೋಯಿಬ್ ಅಖ್ತರ್ ಅವರ ಹೆಸರಿನಲ್ಲಿ ಅತಿ ವೇಗ ಎಸೆತ ಹಾಕಿದ ದಾಖಲೆ ಇದೆ. ಶೋಯಿಬ್ ಅಖ್ತರ್ 160.3 ಕಿ.ಮೀ/ಗಂಟೆ ವೇಗದಲ್ಲಿ ಚೆಂಡು ಎಸೆದಿದ್ದರು. ಮಾರ್ಕೆಲ್ ಎಸೆದಿದ್ದು ಅತಿ ವೇಗದ ಎಸೆತವೇ? ಅಥವಾ ಸ್ಪೀಡ್ ಗನ್ ದೋಷವೇ? ಅದು ಅಭಿಮಾನಿಗಳ ಚರ್ಚೆಗೆ ಬಿಟ್ಟಿದ್ದು

ದಟ್ಸ್ ಕ್ರಿಕೆಟ್

Story first published:  Thursday, April 18, 2013, 13:32 [IST]
English summary
Did Delhi Daredevils and South Africa paceman Morne Morkel bowl the fastest ball in cricket history on Tuesday night (April 16) during the IPL 2013 game? Well, if you go by the speed gun's reading at M Chinnaswamy Stadium, he did bowl the fastest delivery in the history. Morkel's speed was recorded at 173.9 kph!
ಅಭಿಪ್ರಾಯ ಬರೆಯಿರಿ