Englishहिन्दीമലയാളംதமிழ்తెలుగు

Pics: ದ್ರಾವಿಡ್ ತಂಡಕ್ಕೆ ಸತತ 2ನೇ ಗೆಲುವು

Posted by:
Updated: Tuesday, May 7, 2013, 16:21 [IST]
 

ಜೈಪುರ, ಎ.8: ಸಿದ್ದಾರ್ಥ್ ತ್ರಿವೇದಿ ಹಾಗೂ ಕೂಪರ್ ದಾಳಿಗೆ ತತ್ತರಿಸಿದ ಕೋಲ್ಕತಾ ನೈಟ್ ರೈಡರ್ಸ್ ತಂಡ ಆರನೆ ಆವೃತ್ತಿಯ ಐಪಿಎಲ್ ಪಂದ್ಯದಲ್ಲಿ ರಾಜಸ್ಥಾನ ರಾಯಲ್ಸ್‌ಗೆ 19 ರನ್‌ನಿಂದ ಶರಣಾಗಿದೆ. ಎರಡನೇ ಸತತ ಗೆಲುವು ಗಳಿಸಿದ ನಾಯಕ ರಾಹುಲ್ ದ್ರಾವಿಡ್ ಅವರಿಗೆ ಸ್ಲೋ ಓವರ್ ರೇಟ್ ಗಾಗಿ 20,000 ಡಾಲರ್ ದಂಡ ತೆರಬೇಕಾಗಿದೆ.

ಕೆಕೆಆರ್ ಪರ ಹೋರಾಟ ನೀಡಿದ ಇಯಾನ್ ಮೊರ್ಗನ್ 51 ರನ್ (38 ಎಸೆತ, 3 ಬೌಂಡರಿ, 3 ಸಿಕ್ಸರ್) ಕೆಕೆಆರ್‌ನ ಸೋಲಿನ ಅಂತರವನ್ನು ಕಡಿಮೆಗೊಳಿಸಿದರು. ಗೆಲ್ಲಲು 145 ರನ್ ಸವಾಲು ಪಡೆದ ಕೆಕೆಆರ್ 125 ರನ್ನಿಗೆ ಶರಣಾಯಿತು.

ಕೊಲ್ಕತಾ 50 ರನ್ ತಲುಪುವ ಮೊದಲೇ ಪ್ರಮುಖ ನಾಲ್ಕು ವಿಕೆಟ್‌ಗಳನ್ನು ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು. ಮನೋಜ್ ತಿವಾರಿ(13) ಹಾಗೂ ನಾಯಕ ಗೌತಮ್ ಗಂಭೀರ್(22) ವಿಕೆಟ್‌ನ್ನು ಉರುಳಿಸಿದ ತ್ರಿವೇದಿ ಕೆಕೆಆರ್ 7ನೆ ಓವರ್‌ನಲ್ಲಿ 43 ರನ್‌ಗೆ 3 ವಿಕೆಟ್ ಕಳೆದುಕೊಳ್ಳಲು ಕಾರಣರಾದರು.

ವೇಗದ ಬೌಲರ್ ರಾಹುಲ್ ಶುಕ್ಲಾ ಆರಂಭಿಕ ಬ್ಯಾಟ್ಸ್‌ಮನ್ ಮನ್ವಿಂದರ್ ಬಿಸ್ಲಾ(1) ಹಾಗೂ ಜಾಕ್ ಕಾಲೀಸ್(0) ವಿಕೆಟ್‌ನ್ನು ಬೇಗನೆ ಉರುಳಿಸುವ ಮೂಲಕ ರಾಜಸ್ಥಾನಕ್ಕೆ ಆರಂಭದಲ್ಲೇ ಮೇಲುಗೈ ಒದಗಿಸಿಕೊಟ್ಟರು. ಯೂಸುಫ್ ಪಠಾಣ್(0) ಖಾತೆಯನ್ನು ತೆರೆಯದೆ ಕೂಪರ್ ಎಸೆತಕ್ಕೆ ವಿಕೆಟ್ ಒಪ್ಪಿಸಿ ಪೆವಿಲಿಯನ್‌ಗೆ ತೆರಳಿದಾಗ ಕೆಕೆಆರ್ ಸೋಲಿನ ಸುಳಿಗೆ ಸಿಲುಕಿತು.

ಚಾಂಪಿಯನ್ ಕೆಕೆಆರ್ ಟುಸ್

ರಜತ್ ಭಾಟಿಯಾ(12) ಅವರೊಂದಿಗೆ 6ನೆ ವಿಕೆಟ್‌ಗೆ 34 ರನ್ ಜತೆಯಾಟವನ್ನು ನಡೆಸಿದ ಇಯಾನ್ ಮೊರ್ಗನ್(51) ಕೋಲ್ಕತಾವನ್ನು ಗೆಲುವಿನತ್ತ ಸಾಗಿಸುವ ವಿಫಲ ಯತ್ನ ನಡೆಸಿದರು. 51 ರನ್ ಗಳಿಸಿದ್ದ ಮೊರ್ಗನ್‌ರನ್ನು ಕೂಪರ್ ಕ್ಲೀನ್ ಬೌಲ್ಡ್ ಮಾಡಿ ರಾಜಸ್ಥಾನಕ್ಕೆ ಗೆಲುವನ್ನು ಖಚಿತಪಡಿಸಿದರು. ರಾಜಸ್ಥಾನ ಪರ ತ್ರಿವೇದಿ(3-23) ಹಾಗೂ ಕೂಪರ್(3-15) 3 ವಿಕೆಟ್‌ಗಳನ್ನು ಉರುಳಿಸಿದರು. ಶುಕ್ಲಾ(2-28) ಎರಡು ವಿಕೆಟ್‌ನ್ನು ಕಬಳಿಸಿದರು.

ಚಾಂಪಿಯನ್ ಕೆಕೆಆರ್ ಟುಸ್

ಇದಕ್ಕೂ ಮೊದಲು ಬ್ಯಾಟಿಂಗ್ ಮಾಡಿದ್ದ ರಾಜಸ್ಥಾನ ಬ್ರಾಡ್ ಹಾಜ್(46 ರನ್, 31 ಎಸೆತ, 7 ಬೌಂಡರಿ) ಉಪಯುಕ್ತ ಕೊಡುಗೆಯ ನೆರವಿನಿಂದ ನಿಗದಿತ 20 ಓವರ್‌ಗಳಲ್ಲಿ 6 ವಿಕೆಟ್‌ಗಳ ನಷ್ಟಕ್ಕೆ 144 ರನ್ ಗಳಿಸಿತು. ಶಿಸ್ತುಬದ್ಧ ಬೌಲಿಂಗ್ ಪ್ರದರ್ಶಿಸಿದ ಕೋಲ್ಕತಾ ನೈಟ್ ರೈಡರ್ಸ್ ತಂಡ ರಾಜಸ್ಥಾನ ರಾಯಲ್ಸ್ ತಂಡವನ್ನು ಕೇವಲ 144 ರನ್‌ಗೆ ನಿಯಂತ್ರಿಸಿ ಗೆಲ್ಲಲು ಸುಲಭ ಸವಾಲನ್ನು ಪಡೆದಿತ್ತು.

ಚಾಂಪಿಯನ್ ಕೆಕೆಆರ್ ಟುಸ್

ರಾಜಸ್ಥಾನ ಆರಂಭಿಕ ಬ್ಯಾಟ್ಸ್‌ಮನ್ ಶೇನ್‌ವ್ಯಾಟ್ಸನ್ ವಿಕೆಟ್‌ನ್ನು ಬೇಗನೆ ಕಳೆದುಕೊಂಡಿತು. ತಂಡಕ್ಕೆ ಮರಳಿದ್ದ ವ್ಯಾಟ್ಸನ್(5)ಅವರನ್ನು ಬ್ರೆಟ್‌ಲೀ ಬೇಗನೆ ಪೆವಿಲಿಯನ್‌ಗೆ ಕಳುಹಿಸಿದರು.

ಕಳೆದ ಪಂದ್ಯದಲ್ಲಿ ತಂಡದ ಗೆಲುವಿಗೆ ಪ್ರಮುಖ ಕಾಣಿಕೆ ನೀಡಿದ್ದ ನಾಯಕ ರಾಹುಲ್ ದ್ರಾವಿಡ್ ಇಂದು 17 ರನ್ ಗಳಿಸಲಷ್ಟೇ ಶಕ್ತರಾಗಿ ರಜತ್ ಭಾಟಿಯಾಗೆ ಕ್ಲೀನ್‌ಬೌಲ್ಡಾದರು.

ಆರಂಭಿಕ ಆಟಗಾರ ಅಜಿಂಕ್ಯ ರಹಾನೆ(36 ರನ್, 34 ಎಸೆತ, 3 ಬೌಂಡರಿ, 1 ಸಿಕ್ಸರ್) ತಾಳ್ಮೆಯ ಇನಿಂಗ್ಸ್ ಆಡಿದರು. ರಹಾನೆ ಹಾಗೂ ಹಾಜ್ 4ನೆ ವಿಕೆಟ್‌ಗೆ 38 ರನ್ ಜತೆಯಾಟವನ್ನು ನಡೆಸಿದರು. ಆದರೆ, ರಹಾನೆಗೆ, ಸ್ಪಿನ್ನರ್ ಸುನೀಲ್ ನರೇನ್ ದೊಡ್ಡ ಸ್ಕೋರ್ ಗಳಿಸಲು ಅವಕಾಶ ನೀಡಲಿಲ್ಲ.

ಚಾಂಪಿಯನ್ ಕೆಕೆಆರ್ ಟುಸ್

ರಾಜಸ್ಥಾನ 101 ರನ್ ಗಳಿಸುವಷ್ಟರಲ್ಲಿ 5 ವಿಕೆಟ್‌ನ್ನು ಕಳೆದುಕೊಂಡಿತು. 6ನೆ ವಿಕೆಟ್‌ಗೆ 36 ರನ್ ಜತೆಯಾಟವನ್ನು ನಡೆಸಿದ ದಿಶಾಂತ್ ಯಾಗ್ನಿಕ್(16) ಹಾಗೂ ಬ್ರಾಡ್ ಹಾಜ್(46ನಾಟೌಟ್) ತಂಡ ಸಾಧಾರಣ ಮೊತ್ತವನ್ನು ತಲುಪಲು ನೆರವಾದರು. ಈ ಜೋಡಿ ನರೇನ್ ಎಸೆದ 19ನೆ ಓವರ್‌ನಲ್ಲಿ 18 ರನ್ ಕಬಳಿಸಿ ರಾಜಸ್ಥಾನ ಸ್ಪರ್ಧಾತ್ಮಕ ಮೊತ್ತ ದಾಖಲಿಸಲು ಕಾರಣರಾದರು.

ಚಾಂಪಿಯನ್ ಕೆಕೆಆರ್ ಟುಸ್

ಕೆಕೆಆರ್‌ನ ಬೌಲಿಂಗ್ ವಿಭಾಗದಲ್ಲಿ ನರೇನ್(2-28) ಎರಡು ವಿಕೆಟ್‌ನ್ನು ಕಬಳಿಸಿದರು. ಲೀ(1-20), ಭಾಟಿಯಾ(1-21), ಶುಕ್ಲಾ(1-14) ತಲಾ ಒಂದು ವಿಕೆಟ್‌ನ್ನು ಉರುಳಿಸಿದರು.

Story first published:  Tuesday, April 9, 2013, 13:10 [IST]
English summary
Rajasthan Royals put up gritty performance to beat defending champions Kolkata Knight Riders for their second straight win in the Indian Premier League (IPL 6) here Monday (April 8).
ಅಭಿಪ್ರಾಯ ಬರೆಯಿರಿ