Englishहिन्दीമലയാളംதமிழ்తెలుగు

ಕೊಹ್ಲಿ ತಂಡ 'ವಿರಾಟ್' ಜಯದ ಮುಖ್ಯಾಂಶಗಳು

Posted by:
Updated: Wednesday, April 10, 2013, 13:03 [IST]
 

ಬೆಂಗಳೂರು, ಏ.9: ಕೊಹ್ಲಿ ವಿರಾಟ್ ಸ್ವರೂಪಕ್ಕೆ ಬೆಚ್ಚಿದ ಸನ್ ರೈಸರ್ಸ್ ಹೈದರಾಬಾದ್ ತಂಡ ಚಿನ್ನಸ್ವಾಮಿ ಕ್ರೀಡಾಂಗಣ ಮಂಗಳವಾರ ನಡೆದ ಪಂದ್ಯದಲ್ಲಿ ಸೋಲೊಪ್ಪಿಕೊಂಡಿದೆ. ಕೊಹ್ಲಿ ಆರ್ಭಟದಿಂದ ಆರ್ ಸಿಬಿ 7 ವಿಕೆಟ್ ಗಳ ಸುಲಭ ಜಯ ದಾಖಲಿಸಿದೆ. 162 ರನ್ ಚೇಸ್ ಮಾಡಿದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಕ್ಕೆ ನಾಯಕ ಕೊಹ್ಲಿ ಆಸರೆಯಾದರು. ಕೊಹ್ಲಿ ಸಿಡಿಲ ಹೊಡೆತಗಳು ಪ್ರೇಕ್ಷಕರನ್ನು ರಂಜಿಸಿತು. ಕೊಹ್ಲಿ ಶತಕ ಗಳಿಸಬಾರದಿತ್ತೆ ಎಂದು ಕೊಂಡವರೇ ಹೆಚ್ಚು.

ಆರ್ ಸಿಬಿ vs ಎಸ್ ಅರ್ ಎಚ್ ಪಂದ್ಯದ ಮುಖ್ಯಾಂಶಗಳು:

* ಐಪಿಎಲ್ ನಲ್ಲಿ ವೈಯಕ್ತಿಕ ಹೆಚ್ಚಿನ ಮೊತ್ತ ದಾಖಲಿಸಿದ ವಿರಾಟ್ ಕೊಹ್ಲಿ ಪಂದ್ಯಶ್ರೇಷ್ಠ ಎನಿಸಿದರು.
* ಕೊಹ್ಲಿ 43 ಎಸೆತದಲ್ಲಿ 93 ರನ್ (11 ಬೌಂಡರಿ, 4 ಸಿಕ್ಸರ್) ಸಿಡಿಸಿದರು.
* 3 ವಿಕೆಟ್ ಕಳೆದುಕೊಂಡ ಆರ್ ಸಿಬಿ 17.4 ಓವರ್ ಗಳಲ್ಲೇ ಪಂದ್ಯ ಮುಗಿಸಿ ಗೆಲುವು ಕಂಡಿತು. ಸ್ಕೋರ್ ಕಾರ್ಡ್ ನೋಡಿ

ಕೊಹ್ಲಿ ತಂಡ 'ವಿರಾಟ್' ಜಯದ ಮುಖ್ಯಾಂಶಗಳು

* ಕೊಹ್ಲಿ ಹಾಗೂ ಮೊಯಿಸೆಸ್ ಹೆನ್ರಿಕ್ಯೂಸ್ 5.4 ಓವರ್ ಗಳಲ್ಲಿ 66 ರನ್ ಗಳಿಸಿದ್ದು ಪಂದ್ಯದಲ್ಲಿ ನಿರ್ಣಾಯಕವಾಯಿತು.
* ಐಪಿಎಲ್ 6 ರಲ್ಲಿ 163 ರನ್ ಗಳಿಸಿ ಕೊಹ್ಲಿ ಅತ್ಯಧಿಕ ರನ್ ಗಳಿಸಿದ ಆಟಗಾರ ಎನಿಸಿದ್ದಾರೆ. ಆರೇಂಜ್ ಕ್ಯಾಪ್ ಕೊಹ್ಲಿ ತಲೆ ಮೇಲಿದೆ.
* 31 ಎಸೆತದಲ್ಲಿ ಕೊಹ್ಲಿ 50ರನ್ ಚೆಚ್ಚಿದರು.
* ಆರ್ ಸಿ ಬಿ ಒಟ್ಟು 17 ಬೌಂಡರಿ ಹಾಗೂ 7 ಸಿಕ್ಸ್ ಸಿಡಿಸಿತು.
* ಕ್ರಿಸ್ ಗೇಲ್ ಕೇವಲ 13 ರನ್ ಗಳಿಸಿ ಔಟಾದರು.
* ಮಯಾಂಕ್ ಅಗರವಾಲ್ 29 ರನ್ (20 ಎಸೆತ, 3 ಬೌಂಡರಿ, 2 ಸಿಕ್ಸ್) ಉತ್ತಮ ಆರಂಭ ಕೊಟ್ಟಿತು.
* ಬೆಳಗ್ಗೆ ಇನ್ನೂ ಬೆಂಗಳೂರಿಗೆ ಬಂದ ಎಬಿ ಡಿ ವಿಲೆಯರ್ಸ್ ಅವರು ದಿಲ್ಶನ್ ಬದಲಿಗೆ ಮೊದಲ
ಪಂದ್ಯವಾಡಿದರು.
* ಕರ್ನಾಟಕ ಆಟಗಾರ ಕರುಣ್ ನಾಯರ್ ಬದಲಿಗೆ ಆರ್ ಪಿ ಸಿಂಗ್ ಅಡಿದರು.
* ಸನ್ ರೈಸರ್ಸ್ ಪರ ಕೆಮರೂನ್ ವೈಟ್ 34 ಎಸೆತದಲ್ಲಿ 52 ರನ್ ಹೊಡೆದರು
* ಪೆರೆರಾ 4 ಸಿಕ್ಸ್ 1 ಬೌಂಡರಿ ಇದ್ದ 40 ರನ್(24 ಎಸೆತ) ಹೈದರಾಬಾದಿಗೆ ಆಸರೆಯಾಯ್ತು
* ಡೇಲ್ ಸ್ಟೈನ್ 4 ಓವರ್ ನಲ್ಲಿ 16 ರನ್ ನೀಡಿದರೂ ವಿಕೆಟ್ ಕೀಳಲಿಲ್ಲ
* ಹೈದರಾಬಾದಿನಲ್ಲಿ ಸೋತ ಸೇಡನ್ನು ತವರು ನೆಲದಲ್ಲಿ ಬೆಂಗಳೂರು ತೀರಿಸಿಕೊಂಡು ಅಂಕಪಟ್ಟಿಯಲ್ಲಿ ಎರಡನೇ ಸ್ಥಾನಕ್ಕೇರಿದೆ.

Story first published:  Tuesday, April 9, 2013, 23:17 [IST]
English summary
Captain Virat Kohli smashed his IPL career best 93 not out as Royal Challengers Bangalore cruised to a seven-wicket victory over Sunrisers Hyderabad (SRH) here at M Chinnaswamy Stadium on Tuesday.
ಅಭಿಪ್ರಾಯ ಬರೆಯಿರಿ