Englishहिन्दीമലയാളംதமிழ்తెలుగు

ಚಿತ್ರಗಳು : ಥ್ರಿಲ್ಲರ್ ಚೆನ್ನೈ ಮಣಿಸಿದ ಮುಂಬೈ ಕೇಕೇ

Posted by:
Published: Sunday, April 7, 2013, 18:27 [IST]
 

ಚೆನ್ನೈ, ಎ.6: ಇಲ್ಲಿ ನಡೆದ ಐಪಿಎಲ್ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ತಂಡ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ 9 ರನ್‌ಗಳ ರೋಚಕ ಗೆಲುವು ಸಾಧಿಸಿದೆ. ಗೆಲುವಿಗೆ 149 ರನ್‌ಗಳ ಸವಾಲನ್ನು ಪಡೆದ ಚೆನ್ನೈ ತಂಡ ನಿಗದಿತ 20ಓವರ್‌ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ 139 ರನ್ ಮಾಡಲಷ್ಟೇ ಸಾಧ್ಯವಾಯಿತು.

ನಾಯಕ ಎಂಎಸ್ ಧೋನಿ ಕ್ರೀಸ್ ನಲ್ಲಿರುವ ತನಕ ಗೆಲ್ಲುವ ಆಸೆ ಇತ್ತು. ಧೋನಿ ಸ್ಫೋಟಕ ಬ್ಯಾಟಿಂಗ್ ಪ್ರದರ್ಶಿಸಿ ತಂಡಕ್ಕೆ 51 ರನ್(26 ಎಸೆತ, 5 ಬೌಂಡರಿ, 3 ಸಿಕ್ಸರ್ ) ಚೆಚ್ಚಿದರೂ ತಂಡವನ್ನು ಗೆಲುವಿನ ದಡ ಸೇರಿಸಲು ಸಾಧ್ಯವಾಗಲಿಲ್ಲ. ಅವರು 20ನೆ ಓವರ್‌ನ ಮೊದಲ ಎಸೆತದಲ್ಲಿ ಔಟಾಗಿದ್ದು ಮುಂಬೈ ಗೆಲುವಿನ ನಗೆ ಬೀರಲು ಸಾಧ್ಯವಾಯಿತು.

ಮುಂಬೈನ ಮುನಾಫ್ ಪಟೇಲ್ (3-29), ಹರ್ಭಜನ್ ಸಿಂಗ್ (2-31), ಓಜಾ(2-16), ಜಾನ್ಸನ್ (1-22) ಮತ್ತು ಪೊಲಾರ್ಡ್ (1-40) ಸಂಘಟಿತ ಪ್ರಯತ್ನದಿಂದ ಮುಂಬೈ ಮಹತ್ವದ ಜಯ ದಾಖಲಿಸಿತು.

ಚೆನ್ನೈ ಸೂಪರ್ ಕಿಂಗ್ಸ್ ತಂಡಕ್ಕೆ ಸವಾಲು ಅಷ್ಟೇನು ಕಠಿಣವಾಗಿರದಿದ್ದರೂ ತಂಡದ ಬ್ಯಾಟಿಂಗ್ ಆರಂಭದಿಂದಲೆ ಕಳಪೆಯಾಗಿತ್ತು. ಆರಂಭಿಕ ದಾಂಡಿಗರಾದ ಮೈಕಲ್ ಹಸ್ಸಿ ಮತ್ತು ಮುರಳಿ ವಿಜಯ್ ತಂಡಕ್ಕೆ ಉತ್ತಮ ಆರಂಭ ಒದಗಿಸುವಲ್ಲಿ ವಿಫಲರಾದರು. 2ನೆ ಓವರ್‌ನ ಕೊನೆಯ ಎಸೆತದಲ್ಲಿ ಮುರಳಿ ವಿಜಯ್(5) ಅವರು ಮುನಾಫ್ ಪಟೇಲ್‌ಎಸೆತದಲ್ಲಿ ಬೌಲ್ಡ್ ಆಗಿ ಪೆವಿಲಿಯನ್‌ಗೆ ವಾಪಸಾದರು. ಮೈಕಲ್ ಹಸ್ಸಿಗೆ ಸುರೇಶ್ ರೈನಾ ಜೊತೆಯಾದರು. ರೈನಾ ಮಿಂಚಲಿಲ್ಲ. 7 ಎಸೆತಗಳನ್ನು ಉತ್ತರಿಸಿ 1 ಬೌಂಡರಿ ಇರುವ 10 ರನ್ ಗಳಿಸಿ ಹೊರ ನಡೆದರು. ಮುಂದೇನಾಯಿತು ಚಿತ್ರಗಳಲ್ಲಿ ನೋಡಿ

ಚೆನ್ನೈ ಮಣಿಸಿದ ಮುಂಬೈ ಕೇಕೇ

ಹಸ್ಸಿ 23 ಎಸೆತಗಳಲ್ಲಿ 3 ಬೌಂಡರಿ ಇರುವ 20 ರನ್ ಮಾಡಿ ಹರ್ಭಜನ್ ಸಿಂಗ್ ಎಸೆತದಲ್ಲಿ ಬೌಲ್ಡ್ ಆಗಿ ತನ್ನ ಬ್ಯಾಟಿಂಗ್‌ನ್ನು ನಿಲ್ಲಿಸಿದರು. ಡ್ವೇನ್ ಬ್ರಾವೊ(10), ಸುಬ್ರಹ್ಮಣ್ಯಂ ಬದ್ರಿನಾಥ್(16) ಹೆಚ್ಚು ಹೊತ್ತು ಕ್ರೀಸ್‌ನಲ್ಲಿ ನಿಲ್ಲಲಿಲ್ಲ. 12.1 ಓವರ್‌ಗಳಲ್ಲಿ ಚೆನ್ನೈ ತಂಡದ ಸ್ಕೋರ್ 5 ವಿಕೆಟ್ ನಷ್ಟದಲ್ಲಿ 66 ರನ್.

ಚೆನ್ನೈ ಮಣಿಸಿದ ಮುಂಬೈ ಕೇಕೇ

11 ಎಸೆತಗಳಲ್ಲಿ 1 ಬೌಂಡರಿ ಮತ್ತು 1 ಸಿಕ್ಸರ್ ನೆರವಿನಲ್ಲಿ 16 ರನ್ ಮಾಡಿದ ಜಡೇಜ ನಿರ್ಗಮನದ ಬಳಿಕ ಅಶ್ವಿನ್ ನಾಯಕ ಧೋನಿಗೆ ಜೊತೆಯಾದರು. ಆದರೆ ಅವರಿಗೆ ಕ್ರೀಸ್‌ನಲ್ಲಿ ಹೆಚ್ಚು ಹೊತ್ತು ನಿಲ್ಲಲು ಹರ್ಭಜನ್ ಸಿಂಗ್ ಅವಕಾಶ ನೀಡಲಿಲ್ಲ.

17ನೆ ಓವರ್‌ನ ಮುಕ್ತಾಯಕ್ಕೆ ಚೆನ್ನೈಗೆ 18 ಎಸೆತಗಳಲ್ಲಿ 40 ರನ್ ಮಾಡಬೇಕಿತ್ತು.18ನೆ ಓವರ್‌ನಲ್ಲಿ 17 ರನ್ ಬಂತು. 24 ಎಸೆತಗಳಲ್ಲಿ 5 ಬೌಂಡರಿ 1 ಸಿಕ್ಸರ್ ನೆರವಿನಲ್ಲಿ ಧೋನಿ ಅರ್ಧಶತಕ ಪೂರ್ಣಗೊಳಿಸಿದರು.

 

ಚೆನ್ನೈ ಮಣಿಸಿದ ಮುಂಬೈ ಕೇಕೇ

ಇದಕ್ಕೆ ಮೊದಲು ಮುಂಬೈ ಇಂಡಿಯನ್ಸ್ ತಂಡ ಕೀರನ್ ಪೊಲಾರ್ಡ್‌ರ ಅರ್ಧಶತಕದ ನೆರವಿನಲ್ಲಿ ಮುಂಬೈ ತಂಡ 20 ಓವರ್‌ಗಳಲ್ಲಿ 6 ವಿಕೆಟ್ ನಷ್ಟದಲ್ಲಿ 148 ರನ್ ಸಂಪಾದಿಸಿತ್ತು. 12 ಓವರ್‌ಗಳಲ್ಲಿ 83ಕ್ಕೆ 6 ವಿಕೆಟ್ ಕಳೆದುಕೊಂಡಿದ್ದ ಮುಂಬೈ ತಂಡಕ್ಕೆ ನೆರವು ನೀಡಿದ ಪೊಲಾರ್ಡ್ ಮತ್ತು ಹರ್ಭಜನ್ ಸಿಂಗ್ ಏಳನೆ ವಿಕೆಟ್‌ಗೆ 65 ರನ್‌ಗಳ ಜೊತೆಯಾಟ ಪಂದ್ಯದಲ್ಲಿ ನಿರ್ಣಾಯಕವಾಯಿತು

ಚೆನ್ನೈ ಮಣಿಸಿದ ಮುಂಬೈ ಕೇಕೇ

ಪೊಲಾರ್ಡ್ ಔಟಾಗದೆ 57 ರನ್(38ಎ, 4ಬೌ, 5ಸಿ) ಮತ್ತು ಹರ್ಭಜನ್ ಸಿಂಗ್ ಔಟಾಗದೆ 21ರನ್(21ಎ, 1ಬೌ, 1ಸಿ) ಸೇರಿಸಿ ತಂಡವನ್ನು ಆಧರಿಸಿದರು. ಮುಂಬೈ ಇಂಡಿಯನ್ಸ್ ತಂಡ ಟಾಸ್ ಜಯಿಸಿ ದೊಡ್ಡ ಮೊತ್ತದ ಸವಾಲನ್ನು ಪೇರಿಸುವ ಯೋಜನೆಯೊಂದಿಗೆ ಬ್ಯಾಟಿಂಗ್ ಆಯ್ದುಕೊಂಡಿತ್ತು.

ಚೆನ್ನೈ ಮಣಿಸಿದ ಮುಂಬೈ ಕೇಕೇ

ಇನಿಂಗ್ಸ್ ಆರಂಭಿಸಿದ ವಿಶ್ವ ವಿಖ್ಯಾತ ಕ್ರಿಕೆಟಿಗರಾದ ಸಚಿನ್ ತೆಂಡುಲ್ಕರ್ (0)ಮತ್ತು ನಾಯಕ ರಿಕಿ ಪಾಂಟಿಂಗ್(6) ಚೆನ್ನೈನ ಬೌಲರ್‌ಗಳು ಬೇಗನೆ ಪೆವಿಲಿಯನ್‌ಗೆ ಅಟ್ಟಿ ಮುಂಬೈಯನ್ನು ಒತ್ತಡಕ್ಕೆ ಸಿಲುಕಿಸಿದರು.

ತೆಂಡುಲ್ಕರ್ ತಾನು ಎದುರಿಸಿದ ಮೊದಲ ಎಸೆತದಲ್ಲೆ ಡಿರ್ಕ್ ನ್ಯಾನ್ಸ್ ಎಸೆತದಲ್ಲಿ ಎಲ್‌ಬಿಡಬ್ಲು ಬಲೆಗೆ ಬಿದ್ದರು. ಪಾಂಟಿಂಗ್ 10 ಎಸೆತಗಳನ್ನು ಎದುರಿಸಿದರೂ ಕೇವಲ 6 ರನ್ ಗಳಿಸಿ ಅಂಕಿತ್ ರಜಪೂತ್‌ಗೆ ವಿಕೆಟ್ ಒಪ್ಪಿಸಿದರು.

 

ಚೆನ್ನೈ ಮಣಿಸಿದ ಮುಂಬೈ ಕೇಕೇ

ಎಂಎಸ್ ಧೋನಿ ಪತ್ನಿ ಸಾಕ್ಷಿ ಗೆಲುವಿನ ಆಸೆ ಹೊತ್ತು ನಗೆ ಬೀರಿದ್ದಾಗ

ಚೆನ್ನೈ ಮಣಿಸಿದ ಮುಂಬೈ ಕೇಕೇ

ಮುಂಬೈ ಇಂಡಿಯನ್ಸ್ ಒಡತಿ ನೀತು ಅಂಬಾನಿ ಜೊತೆ ಆಟಗಾರರ ಸಂಭ್ರಮ

ಚೆನ್ನೈ ಮಣಿಸಿದ ಮುಂಬೈ ಕೇಕೇ

ಪಂದ್ಯದ ದಿಕ್ಕು ದೆಸೆ ಬದಲಿಸಿದ ಕೀರನ್ ಪೊಲ್ಲಾಡ್

ಚೆನ್ನೈ ಮಣಿಸಿದ ಮುಂಬೈ ಕೇಕೇ

ವಿಂಡೀಸ್ ನ ದೈತ್ಯ ಆಟಗಾರರ ಮುಖಾಮುಖಿ: ಕೀರನ್ ಪೊಲ್ಲಾಡ್ ಹಾಗೂ ಬ್ರಾವೋ ಮಾತಿನ ಚಕಮಕಿ

ಚೆನ್ನೈ ಮಣಿಸಿದ ಮುಂಬೈ ಕೇಕೇ

ಕೀರನ್ ಪೊಲ್ಲಾಡ್ ಹಾಗೂ 44ಕ್ಕೆ 2 ವಿಕೆಟ್ ಪಡೆದ ಬ್ರಾವೋ

ಚೆನ್ನೈ ಮಣಿಸಿದ ಮುಂಬೈ ಕೇಕೇ

ಚೆನ್ನೈ ನ ಬ್ರಾವೋ ಉತ್ತಮ ಬೌಲಿಂಗ್

ಚೆನ್ನೈ ಮಣಿಸಿದ ಮುಂಬೈ ಕೇಕೇ

ಮುಂಬೈನ ದಿನೇಶ್ ಕಾರ್ತಿಕ್ (37 ರನ್ , 25 ಎಸೆತ, 4 ಬೌಂಡರಿ, 1 ಸಿಕ್ಸರ್)

English summary
Yet another heart-stopper was witnessed in IPL 2013. Mumbai Indians managed to overcome MS Dhoni's batting heroics to snatch a nine-run victory over Chennai Super Kings on Saturday night (April 6).
ಅಭಿಪ್ರಾಯ ಬರೆಯಿರಿ