Englishहिन्दीമലയാളംதமிழ்తెలుగు

Pics : ಡೆಲ್ಲಿಗೆ ತವರಲ್ಲೇ ಮುಖಭಂಗ, ದ್ರಾವಿಡ್ ಜೈಕಾರ

Posted by:
Published: Sunday, April 7, 2013, 18:13 [IST]
 

ನವದೆಹಲಿ, ಏ.7: ಐಪಿಎಲ್ ಆರನೇ ಆವೃತ್ತಿಯಲ್ಲಿ ಡೆಲ್ಲಿ ಡೇರ್‌ಡೆವಿಲ್ಸ್ ಸತತ ಎರಡನೆ ಸೋಲು ಅನುಭವಿಸಿದೆ. ರಾಜಸ್ಥಾನ ರಾಯಲ್ಸ್ ತಂಡ ಶನಿವಾರ ನಡೆದ ಪಂದ್ಯದಲ್ಲಿ 5 ರನ್‌ಗಳ ರೋಚಕ ಜಯ ದಾಖಲಿಸಿದೆ. ಫಿರೋಜ್ ಷಾ ಕೋಟ್ಲಾ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಗೆಲ್ಲಲು 166 ರನ್‌ಗಳ ಕಠಿಣ ಸವಾಲನ್ನು ಪಡೆದ ಡೆಲ್ಲಿ ಡೇರ್‌ಡೆವಿಲ್ಸ್ ತಂಡ 20 ಓವರ್‌ಗಳಲ್ಲಿ 6 ವಿಕೆಟ್ ನಷ್ಟದಲ್ಲಿ 160 ರನ್ ಮಾತ್ರ ಗಳಿಸಿ ತವರು ನೆಲದಲ್ಲೇ ಸೋಲೊಪ್ಪಿಕೊಂಡಿದೆ.

ಆರಂಭಿಕ ಬ್ಯಾಟ್ಸ್‌ಮನ್ ಡೇವಿಡ್ ವಾರ್ನರ್ ಅರ್ಧಶತಕ (77ರನ್, 56ಎ, 9ಬೌ, 1ಸಿ) ನೆರವಿನಲ್ಲಿ ಡೆಲ್ಲಿ ಗೆಲ್ಲುವ ಆಸೆ ಚಿಗುರಿತ್ತು. ರಾಯಲ್ಸ್‌ನ ಕೆವೋನ್ ಕೂಪರ್ ಕೊನೆಯ ಓವರ್‌ನಲ್ಲಿ ಎರಡು ವಿಕೆಟ್ ಕಿತ್ತು ಡೆಲ್ಲಿಗೆ ಆಘಾತ ನೀಡಿದರು. ಅರ್ಧಶತಕ ಬಾರಿಸಿದ ನಾಯಕ ರಾಹುಲ್ ದ್ರಾವಿಡ್ ಪಂದ್ಯ ಶ್ರೇಷ್ಠ ಎನಿಸಿದರು.

ಸಂಕ್ಷಿಪ್ತ ಸ್ಕೋರ್ ವಿವರ
ರಾಜಸ್ಥಾನ ರಾಯಲ್ಸ್: 20 ಓವರ್‌ಗಳಲ್ಲಿ 165/7
ದ್ರಾವಿಡ್ 65, ಬಿನ್ನಿ 40, ರಹಾನೆ 28; ಉಮೇಶ್ ಯಾದವ್ 4-24.

ಡೆಲ್ಲಿ ಡೇರ್‌ಡೆವಿಲ್ಸ್: 20 ಓವರ್‌ಗಳಲ್ಲಿ 160/6
ವಾರ್ನರ್ 77, ಚಂದ್ 23, ಜುನೇಜ 20, ಜಯವರ್ಧನೆ 19; ಕೂಪರ್ 3-30

ಉಳಿದ ವಿವರ ಚಿತ್ರಸರಣಿಯಲ್ಲಿ ನೋಡಿ

ದ್ರಾವಿಡ್ ಪಡೆ ವಿಜಯೋತ್ಸವ

ಆರಂಭಿಕ ಬ್ಯಾಟ್ಸ್‌ಮನ್‌ಗಳಾದ ಡೇವಿಡ್ ವಾರ್ನರ್ ಮತ್ತು ಉನ್ಮುಕ್ತ ಚಂದ್ ಮೊದಲ ವಿಕೆಟ್‌ಗೆ 5.4 ಓವರ್‌ಗಳಲ್ಲಿ 39 ರನ್ ಸೇರಿಸಿದರು. ಚಂದ್(23) ಅವರು ಶ್ರೀಶಾಂತ್ ಎಸೆತದಲ್ಲಿ ಕ್ಲೀನ್ ಬೌಲ್ಡ್ ಆಗಿ ನಿರ್ಗಮಿಸಿದರು

ದ್ರಾವಿಡ್ ಪಡೆ ವಿಜಯೋತ್ಸವ

ಡೆಲ್ಲಿ ಕೊನೆ 2 ಓವರ್‌ಗಳಲ್ಲಿ ಗೆಲ್ಲಲು 17 ರನ್ ಗಳಿಸಬೇಕಾದ ಒತ್ತಡಕ್ಕೆ ಸಿಲುಕಿತು. ವಾರ್ನರ್ ಕ್ರೀಸ್‌ನಲ್ಲಿರುವ ತನಕ ಡೆಲ್ಲಿ ತಂಡದ ಗೆಲುವಿಗೆ ಸಮಸ್ಯೆ ಇರಲಿಲ್ಲ.

ಆದರೆ 18.3ನೆ ಓವರ್‌ನಲ್ಲಿ ವಾರ್ನರ್ ಒಂದು ರನ್ ಗಳಿಸುವ ಯತ್ನ ನಡೆಸಿದರು. ಆದರೆ ಬ್ರಾಡ್ ಹಾಡ್ಜ್ ಎಕ್ಸ್‌ಟ್ರಾ ಕವರ್ ಕಡೆಯಿಂದ ಚೆಂಡನ್ನು ಹಿಡಿದು ನೇರವಾಗಿ ಸ್ಟಂಪ್‌ಗೆ ಗುರಿಯಿಟ್ಟರು. ವಾರ್ನರ್ ರನೌಟ್. ಅಷ್ಟರ ತನಕ ಗೆಲುವಿನತ್ತ ದಾಪುಗಾಲು ಹಾಕಿದ್ದ ಡೆಲ್ಲಿ ಸಂಕಷ್ಟಕ್ಕೆ ಸಿಲುಕಿತು.

ದ್ರಾವಿಡ್ ಪಡೆ ವಿಜಯೋತ್ಸವ

ಕ್ರೀಸ್‌ಗೆ ಆಗಮಿಸಿದ ಜಾನ್ ಬೋಥಾ(2) ಮತ್ತು ಆಂಡ್ರೆ ರಸ್ಸೆಲ್(7) ವಿಕೆಟ್‌ನ್ನು ಉಡಾಯಿಸಿದ ಕೂಪರ್ ಡೆಲ್ಲಿ ತಂಡದ ಗೆಲುವಿನ ಆಸೆಯನ್ನು ಮಣ್ಣುಗೂಡಿಸಿದರು.

ದ್ರಾವಿಡ್ ಪಡೆ ವಿಜಯೋತ್ಸವ

ಡೆಲ್ಲಿ ಡೇರ್‌ಡೆವಿಲ್ಸ್: 20 ಓವರ್‌ಗಳಲ್ಲಿ 160/6
( ವಾರ್ನರ್ 77, ಚಂದ್ 23, ಜುನೇಜ 20, ಜಯವರ್ಧನೆ 19; ಕೂಪರ್ 3-30).

ದ್ರಾವಿಡ್ ಪಡೆ ವಿಜಯೋತ್ಸವ

ಇದಕ್ಕೂ ಮುನ್ನ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್‌ನ್ನು ಆಯ್ದುಕೊಂಡ ರಾಜಸ್ಥಾನ ರಾಯಲ್ಸ್ ತಂಡ ನಾಯಕ ರಾಹುಲ್ ದ್ರಾವಿಡ್ ದಾಖಲಿಸಿದ ಅರ್ಧಶತಕ(65) ನೆರವಿನಲ್ಲಿ ನಿಗದಿತ 20 ಓವರ್‌ಗಳಲ್ಲಿ 7 ವಿಕೆಟ್ ನಷ್ಟದಲ್ಲಿ 165 ರನ್‌ಗಳನ್ನು ಸಂಪಾದಿಸಿತ್ತು.

ದ್ರಾವಿಡ್ ಪಡೆ ವಿಜಯೋತ್ಸವ

ಗೆಲುವಿನ ಹೊಸ್ತಿಲಲ್ಲಿ ಮುಗ್ಗರಿಸಿದ ಡೆಲ್ಲಿ ಪಡೆ ಡಗ್ ಔಟ್ ನಲ್ಲಿ ಆತಂಕದ ಕ್ಷಣ

ದ್ರಾವಿಡ್ ಪಡೆ ವಿಜಯೋತ್ಸವ

ರಾಜಸ್ಥಾನ್ ರಾಯಲ್ಸ್ ಒಡತಿ ಶಿಲ್ಪಾ ಶೆಟ್ಟಿ ಸಂಭ್ರಮದ ಕ್ಷಣ

ದ್ರಾವಿಡ್ ಪಡೆ ವಿಜಯೋತ್ಸವ

ಏಕಾಂಗಿ ವೀರ ಡೇವಿಡ್ ವಾರ್ನರ್

ದ್ರಾವಿಡ್ ಪಡೆ ವಿಜಯೋತ್ಸವ

ವಾರ್ನರ್ ಕ್ಯಾಚ್ ಹಿಡಿಯಲು ಹೋಗಿ ಪೆಟ್ಟು ತಿಂದ ರಾಹುಲ್ ದ್ರಾವಿಡ್

ದ್ರಾವಿಡ್ ಪಡೆ ವಿಜಯೋತ್ಸವ

ರಾಜಸ್ಥಾನ 3ನೆ ಓವರ್‌ನ ಅಂತ್ಯದಲ್ಲಿ ಮೊದಲ ವಿಕೆಟ್ ಕಳೆದುಕೊಂಡಾಗ ತಂಡದ ಸ್ಕೋರ್ 22 ರನ್ ಆಗಿತ್ತು. ಆರಂಭಿಕ ಬ್ಯಾಟ್ಸ್‌ಮನ್ ಕುಶಲ್ ಜನಿತ್ ಪೆರೆರಾ (14) ವೇಗಿ ಉಮೇಶ್ ಯಾದವ್ ದಾಳಿಯನ್ನು ಎದುರಿಸಲಾರದೆ ಇರ್ಫಾನ್ ಪಠಾಣ್‌ಗೆ ಕ್ಯಾಚ್ ನೀಡಿ ನಿರ್ಗಮಿಸಿದರು.

ದ್ರಾವಿಡ್ ಪಡೆ ವಿಜಯೋತ್ಸವ

ನಾಯಕ ರಾಹುಲ್ ದ್ರಾವಿಡ್ 51 ಎಸೆತಗಳಲ್ಲಿ 6 ಬೌಂಡರಿ ಮತ್ತು 2 ಸಿಕ್ಸರ್ ನೆರವಿನಲ್ಲಿ 65 ರನ್‌ಗಳ ಕಾಣಿಕೆ ನೀಡಿದರು

ದ್ರಾವಿಡ್ ಪಡೆ ವಿಜಯೋತ್ಸವ

ರಾಹುಲ್ ದ್ರಾವಿಡ್ ಸಿಕ್ಸ್ ಎತ್ತಿದ್ದು ಹೀಗೆ

ದ್ರಾವಿಡ್ ಪಡೆ ವಿಜಯೋತ್ಸವ

ಸಂಭ್ರಮದಲ್ಲಿ ಶಿಲ್ಪಾ ಶೆಟ್ಟಿ ಶಮಿತಾ ಶೆಟ್ಟಿ

ದ್ರಾವಿಡ್ ಪಡೆ ವಿಜಯೋತ್ಸವ

ಶೆಟ್ಟಿ ಸೋದರಿಯರ ಜೊತೆ ರಾಜ್ ಕುಂದ್ರಾ

ದ್ರಾವಿಡ್ ಪಡೆ ವಿಜಯೋತ್ಸವ

ಸ್ಟುವರ್ಟ್ ಬಿನ್ನಿ ಬಿರುಸಿನ ಬ್ಯಾಟಿಂಗ್ ಮಾಡಿ ಕೇವಲ 20 ಎಸೆತಗಳಲ್ಲಿ 2ಬೌಂಡರಿ ಮತ್ತು 3 ಸಿಕ್ಸರ್ ನೆರವಿನಲ್ಲಿ 40 ರನ್ ಸಂಪಾದಿಸಿದರು. ಬಿನ್ನಿ-ದ್ರಾವಿಡ್ ಜೊತೆಯಾಟದಲ್ಲಿ ತಂಡದ ಖಾತೆಗೆ ಅಮೂಲ್ಯವಾದ 55 ರನ್ ಸೇರ್ಪಡೆಗೊಂಡಿತು.

ದ್ರಾವಿಡ್ ಪಡೆ ವಿಜಯೋತ್ಸವ

ಸ್ಟುವರ್ಟ್ ಬಿನ್ನಿ ಅಪ್ಪ ರೋಜರ್ ಬಿನ್ನಿ ಜೊತೆ 1991ರಲ್ಲಿ ಕರ್ನಾಟಕ ಪರ ರಣಜಿ ಆಡಿದ್ದ ರಾಹುಲ್ ದ್ರಾವಿಡ್ ಈಗ ಸ್ಟುವರ್ಟ್ ಜೊತೆ ಐಪಿಎಲ್ ಟಿ 20 ಆಡುತ್ತಿದ್ದಾರೆ.

ದ್ರಾವಿಡ್ ಪಡೆ ವಿಜಯೋತ್ಸವ

ಕ್ಯಾಚ್ ಮಿಸ್ , ಡೆಲ್ಲಿ ಪಂದ್ಯ ಢಮಾರ್

ದ್ರಾವಿಡ್ ಪಡೆ ವಿಜಯೋತ್ಸವ

ದ್ರಾವಿಡ್ ಮತ್ತೊಮ್ಮೆ ಭರವಸೆಯ ಆಟಗಾರ ಎಂಬುದನ್ನು ಸಾಬೀತುಮಾಡಿ, ಪ್ರೇಕ್ಷಕರತ್ತ ಬ್ಯಾಟ್ ತೋರಿಸುತ್ತಿದ್ದಾರೆ

English summary
Kevon Cooper held his nerve to bowl a superb last over to give Rajasthan Royals a narrow five-run victory over Delhi Daredevils on Saturday (April 6).
ಅಭಿಪ್ರಾಯ ಬರೆಯಿರಿ