Englishहिन्दीമലയാളംதமிழ்తెలుగు

ಗೇಲ್ ಬಿರುಗಾಳಿ vs ಸಚಿನ್ ಮ್ಯಾಜಿಕ್?

Posted by:
Published: Thursday, April 4, 2013, 11:54 [IST]
 

ಬೆಂಗಳೂರು, ಏ.4: ಈ ವರೆಗೂ ಐಪಿಎಲ್ ಚಾಂಪಿಯನ್ ಪಟ್ಟ ಏರುವಲ್ಲಿ ಮುಗ್ಗರಿಸಿರುವ ಮುಂಬೈ ಇಂಡಿಯನ್ಸ್ ಮತ್ತು ರಾಯಲ್ ಚಾಲೆಂಜರ್ಸ್‌ ಬೆಂಗಳೂರು ತಂಡ ಗುರುವಾರ(ಏ.4) ನಡೆಯಲಿರುವ ಆರನೆ ಆವೃತ್ತಿಯ ಐಪಿಎಲ್ ಟ್ವೆಂಟಿ-20 ಪಂದ್ಯಾವಳಿಯ ಎರಡನೆ ಪಂದ್ಯದಲ್ಲಿ ಮುಖಾಮುಖಿ ಯಾಗಲಿದೆ.

ಆಸ್ಟ್ರೇಲಿಯದ ಕ್ರಿಕೆಟ್ ತಂಡದ ಮಾಜಿ ನಾಯಕ ರಿಕಿ ಪಾಂಟಿಂಗ್ ಮೊದಲ ಬಾರಿ ಮುಂಬೈ ಇಂಡಿಯನ್ಸ್ ತಂಡವನ್ನು ಮುನ್ನಡೆಸುತ್ತಿದ್ದಾರೆ. ಆರ್‌ಸಿಬಿ ತಂಡಕ್ಕೆ ಟೀಮ್ ಇಂಡಿಯಾದ ಉಪನಾಯಕ ವಿರಾಟ್ ಕೊಹ್ಲಿ ನಾಯಕರಾಗಿ ಆಯ್ಕೆಯಾಗಿದ್ದಾರೆ. ವಿಂಡೀಸ್ ದೈತ್ಯ ಕ್ರಿಸ್ ಗೇಲ್ ಹಾಗೂ ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಆಕರ್ಷಣೆಯ ಕೇಂದ್ರ ಬಿಂದುವಾಗಿದ್ದಾರೆ.

ಗೇಲ್ ಬಿರುಗಾಳಿ vs ಸಚಿನ್ ಮ್ಯಾಜಿಕ್?

ಪ್ರಮುಖ ಆಟಗಾರರು : ಮುಂಬೈ ಇಂಡಿಯನ್ಸ್ ತಂಡ ಕಳೆದ ಐಪಿಎಲ್ ಆಟಗಾರರ ಹರಾಜಿನ ವೇಳೆ ವಿದೇಶಿ ಆಟಗಾರರ ಪೈಕಿ ರಿಕಿ ಪಾಂಟಿಂಗ್‌ರನ್ನು ಮಾತ್ರ ತನ್ನ ತೆಕ್ಕೆಗೆ ಸೇರಿಸಿಕೊಂಡಿತ್ತು. ಉಳಿದಂತೆ ಈ ಹಿಂದೆ ತಂಡದಲ್ಲಿ ಆಡಿರುವ ಆಟಗಾರರ ಮೇಲೆ ನಂಬಿಕೆಯಿಟ್ಟು ಅವರನ್ನು ಆರನೆ ಆವೃತ್ತಿಗೂ ಮುಂದುವರಿಸಿದೆ.

ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡುಲ್ಕರ್, ಹರ್ಭಜನ್ ಸಿಂಗ್ ಮತ್ತು ಅನಿಲ್ ಕುಂಬ್ಳೆ ಅವರಂತಹ ಖ್ಯಾತ ಆಟಗಾರರು ಮುಂಬೈ ತಂಡಕ್ಕೆ ಮಾರ್ಗದರ್ಶನ ನೀಡುತ್ತಿದ್ದಾರೆ. ಮುಂಬೈ ನಾಯಕ ಪಾಂಟಿಂಗ್ ಅವರ ಟ್ವೆಂಟಿ -20 ದಾಖಲೆ ಉತ್ತಮವಾಗಿದೆ. ಆಸ್ಟ್ರೇಲಿಯ ತಂಡಕ್ಕೆ ಹಲವು ವರ್ಷಗಳ ಕಾಲ ನಾಯಕತ್ವ ನೀಡಿರುವ ಪಾಂಟಿಂಗ್ ಮೇಲೆ ತಂಡ ಅತಿಯಾದ ವಿಶ್ವಾಸ ಇರಿಸಿದೆ.

ಪೊಲಾರ್ಡ್ ಕಳೆದ ಆವೃತ್ತಿಯಲ್ಲಿ ಗರಿಷ್ಠ ವಿಕೆಟ್ ಪಡೆದವರಲ್ಲಿ ಎರಡನೆ ಸ್ಥಾನ ಗಿಟ್ಟಿಸಿಕೊಂಡವರು. ಹರ್ಭಜನ್ ಸಿಂಗ್ 17 ಪಂದ್ಯಗಳಲ್ಲಿ 6 ವಿಕೆಟ್, ಆರ್‌ಪಿ ಸಿಂಗ್ 11ಪಂದ್ಯಗಳಲ್ಲಿ 10 ವಿಕೆಟ್ ಪಡೆದಿದ್ದರು.

ಆರ್‌ಸಿಬಿ ತಂಡ ವಿದೇಶಿ ಆಟಗಾರರ ಮೇಲೆ ಅತಿಯಾದ ನಂಬಿಕೆ ಇರಿಸಿದೆ. ವಿದೇಶಿ ಆಟಗಾರರಾದ ಕ್ರಿಸ್ ಗೇಲ್, ಎಬಿ ಡಿ ವಿಲಿಯರ್ಸ್‌ ಮತ್ತು ತಿಲಕರತ್ನೆ ದಿಲ್ಶನ್ ತಂಡದ ಬೆನ್ನಲುಬು ಆಗಿದ್ದಾರೆ.

ಸ್ಟಾರ್ ಆಟಗಾರರು: ಐಪಿಎಲ್‌ನ ಮಿಲಿಯನ್ ಡಾಲರ್ ಅಟಗಾರ ಗ್ಲೆನ್ ಮ್ಯಾಕ್ಸ್‌ವೆಲ್ , ಸ್ಫೋಟಕ ಬ್ಯಾಟ್ಸ್‌ಮನ್ ವಿಂಡೀಸ್‌ನ ಪೊಲಾರ್ಡ್ ಮತ್ತು ಲಂಕಾದ ಮಾಲಿಂಗ , ದೇಶಿಯ ಕ್ರಿಕೆಟ್‌ನ ಉದಯೋನ್ಮುಖ ಪ್ರತಿಭೆ ಹಿಮಾಚಲ ಪ್ರದೇಶದ ಯುವ ಆಲ್‌ರೌಂಡರ್ ರಿಶಿ ಧವನ್ ಮತ್ತು ಮಧ್ಯಪ್ರದೇಶದ ಆಲ್‌ರೌಂಡರ್ ಜಲಜ್ ಸಕ್ಸೇನಾ ಮುಂಬೈ ತಂಡದಲ್ಲಿದ್ದಾರೆ.

ಆರ್‌ಸಿಬಿಯಲ್ಲಿ ಎಡಗೈ ಸ್ಪಿನ್ನರ್ ಮುರಳಿ ಕಾರ್ತಿಕ್ ತಂಡಕ್ಕೆ ನೇರ ಪ್ರವೇಶ ಪಡೆದವರು. ಐಪಿಎಲ್‌ನಲ್ಲಿ ಗರಿಷ್ಠ ವಿಕೆಟ್ ಪಡೆದವರಲ್ಲಿ ಮೂರನೆ ಸ್ಥಾನದಲ್ಲಿರುವ ಆರ್‌ಪಿ ಸಿಂಗ್ (74 ವಿಕೆಟ್) ತಂಡದಲ್ಲಿದ್ದಾರೆ.

ಹೊರ ನಡೆದ ಆಟಗಾರರು: ಲಂಕಾದ ಆಲ್‌ರೌಂಡರ್ ತಿಸ್ಸರಾ ಪೆರೆರಾ ಮುಂಬೈ ತಂಡದಿಂದ ಹೊರಬಂದು ಸನ್‌ರೈಸರ್ಸ್‌ ಹೈದರಾಬಾದ್ ತಂಡ ಸೇರ್ಪಡೆಗೊಂಡಿದ್ದಾರೆ.ಡಿರ್ಕ್ ನಾನ್ಸ್ ಆರ್‌ಸಿಬಿ ಬಿಟ್ಟು ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಸೇರಿದ್ದಾರೆ.

ಗಾಯಾಳು ಲಸಿತ್ ಮಾಲಿಂಗ ಮೊದಲ ಪಂದ್ಯಕ್ಕೆ ಇಲ್ಲ.ಫ್ರಾಂಕ್ಲಿನ್ ನ್ಯೂಜಿಲೆಂಡ್ ಟೆಸ್ಟ್ ತಂಡಕ್ಕೆ ಆಯ್ಕೆಯಾಗಿರುವ ಹಿನ್ನೆಲೆಯಲ್ಲಿ ಎಪ್ರಿಲ್‌ನಲ್ಲಿ ಅವರು ತಂಡದ ಸೇವೆಗೆ ದೊರೆಯಲಿದ್ದಾರೆ.

ಡೆವಿಲಿಯರ್ಸ್‌ ವಿವಾಹದ ಕಾರಣದಿಂದಾಗಿ ಮತ್ತು ಸ್ಟಾರ್ ಆಟಗಾರ ಚೇತೇಶ್ವರ ಪೂಜಾರ ಗಾಯಾಳುವಾಗಿರುವ ಕಾರಣ ತಂಡದ ಆರಂಭಿಕ ಪಂದ್ಯಗಳಿಗೆ ಇಲ್ಲ. ಆರ್‌ಸಿಬಿ ತಂಡ ಚೆನ್ನೈನಲ್ಲಿ ಆಡುವ ಪಂದ್ಯಗಳಿಗೆ ಲಂಕಾದ ಮುರಳೀಧರನ್ ಮತ್ತು ದಿಲ್ಶನ್‌ಗೆ ಅವಕಾಶ ಇಲ್ಲ. ಡೇನಿಯಲ್ ವೆಟೋರಿ ಇಂಗ್ಲೆಂಡ್ ಪ್ರವಾಸಕ್ಕೆ ಆಯ್ಕೆಯಾಗಿದ್ದಾರೆ. ಹೀಗಾಗಿ ಅವರು ಎಪ್ರಿಲ್ ತಿಂಗಳಲ್ಲಿ ಮಾತ್ರ ತಂಡದ ಸೇವೆಗೆ ಲಭ್ಯರಿರುತ್ತಾರೆ.

English summary
Two teams that have shown the promise but failed to deliver on big occasions come face to face when Mumbai Indians and Royal Challengers Bangalore clash in their opening match of the Indian Premier League (IPL 6) on Thursday (April 4).
ಅಭಿಪ್ರಾಯ ಬರೆಯಿರಿ